Nuwe Verbond.indd - Aramaic Peshitta Bible Repository

Luka
9 maar hy wat My ontken voor mense, sal ontken word voor die engele van God.
10 Elkeen wat ‘n woord teen die Seun van die mens sal sê, dit sal hom vergewe
word, maar vir hom wat sleg gepraat het teen die Gees van Afsondering, sal dit nie
vergewe word nie.
11 Wanneer hulle julle sal bring voor die vergaderings van die owerhede en die
outoriteite, moet julle nie angstig wees oor hoe julle jul sal verdedig, of wat julle
sal sê nie,
12 want die Gees van Afsondering sal julle in daardie oomblik leer wat julle moet
sê.”
13 ‘n Man uit die skare sê vir Hom: “Leermeester, sê vir my broer dat hy die erfenis
met my moet deel,”
14 maar Yeshua sê vir hom: “Man, wie het My as regter of verdeler oor julle
aangestel?”
15 Hy sê vir Sy studentevolgelinge: “Wees versigtig vir begeerlikhede, want lewe
bestaan nie uit die oorvloed van besittings nie.”
16 Hy vertel vir hulle hierdie vergelykende storie: “ ‘n Sekere ryk man se grond het
baie voortgebring
17 en hy het by homself gedink en gesê: ‘Wat sal ek doen, want ek het geen plek
waarin ek my oes kan bymekaarmaak nie?’
18 Hy sê: ‘Dit sal ek doen: ek sal my skure afbreek en groter skure bou en ek sal al my
opbrengste en my goed daarin bymekaarmaak
19 en ek sal vir myself sê: Gees, jy het baie goed wat gestoor is en wat baie jare sal
hou; rus, eet, drink en wees vrolik,’
20 maar God het vir hom gesê: ‘Jou dwaas, in hierdie nag sal jou gees van jou
teruggeneem word en wat jy voorberei het, wie s’n sal dit wees?’
21 So gaan dit met hom wat vir homself skatte bymekaarmaak en nie ryk is in God
nie.”
22 Hy het vir Sy studentevolgelinge gesê: “Daarom sê Ek vir julle: Moenie angstig
wees oor julle lewe nie, oor wat julle sal eet, of oor julle liggaam, wat julle sal
aantrek nie.
23 Die gees is belangriker as kos en die liggaam as klere.
24 Let op die kraaie, want hulle saai nie en hulle oes nie; hulle het geen opgaar plek of
skuur nie en tog voed God hulle. Hoeveel meer is julle nie werd as die voëls nie!
25 Wie onder julle kan, deur strewe om vir homself te sorg, een el by sy lengte bysit?
26 As julle dan nie eens die kleinste kan doen nie, waarom probeer julle vir julleself
sorg in die ander dinge?
27 Let op hoe die lelies groei: hulle werk nie en hulle spin nie; en Ek sê vir julle, selfs
Shlomo in al sy eer en lof was nie aangetrek soos een van hulle nie.
28 As God dan die gras van die veld, wat vandag daar is en môre in ‘n oond gegooi
word, so aantrek, hoeveel beter is Hy nie vir julle nie, julle met min vertroue!
29 Julle moet ook nie soek na wat julle sal eet of drink nie en julle moenie onrustig
wees daaroor nie,
30 want al hierdie dinge soek die volke van die wêreld en julle Vader weet dat julle
hierdie dinge nodig het.
114