Nuwe Verbond.indd - Aramaic Peshitta Bible Repository

Luka
45 Toe Hy in die tempel ingegaan het, het Hy begin om die verkopers en kopers uit
te jaag.
46 Hy sê vir hulle: “Daar is geskrywe: ‘My huis is ‘n huis van gebed
128
Yes 56:7 maar julle
Yir 7:11
het dit ‘n grot vir rowers gemaak’.”
47 Hy was elke dag besig om in die tempel te leer en die hoofpriesters en die leraars
van die wet het saam met die oudstes van die volk geleentheid gesoek om Hom
dood te maak
48 en hulle het geen manier gevind om dit te doen nie, want al die mense het Hom
aangehang en na Hom geluister.
20 1 Dit was in een van die dae, terwyl Hy besig was om die mense in die tempel te
leer en om hoop te verkondig, dat die hoofpriesters en die leraars van die wet saam
met die oudstes om Hom staan,
2 en hulle vir Hom sê: “Sê vir ons met watter outoriteit U hierdie dinge doen en wie
dit is wat U hierdie outoriteit gegee het?”
3 Yeshua antwoord en sê vir hulle: “Ek sal julle ook een ding vra: Sê vir My:
4 Die doop van Yoganan; was dit vanuit die hemel of vanuit mense?”
5 Toe het hulle onder mekaar geredeneer en gesê: “As ons sê: ‘Vanuit die hemel,’ sal
Hy sê: ‘Waarom het julle hom dan nie vertrou nie?’
6 As ons sê: ‘Vanuit mense,’ sal al die mense ons stenig, want hulle is daarvan oortuig
dat Yoganan ‘n profeet is.”
7 Hulle antwoord Hom: “Ons weet nie van waar dit is nie.”
8 Yeshua sê vir hulle: “Dan sê Ek ook nie vir julle deur watter outoriteit Ek hierdie
dinge doen nie.”
9 Hy begin om vir die mense hierdie gelykenis te vertel: “’n Sekere man het ‘n wingerd
geplant en dit aan werkers oorhandig en vir ‘n lang tyd na ‘n ander land gegaan.
10 In die seisoen het hy ‘n slaaf na die werkers toe gestuur, dat hulle hom van die
vrug van die wingerd sou gee, maar die werkers het hom geslaan en kaalgestroop
weggestuur.
11 Hy het weer ‘n ander slaaf gestuur en hulle het hom net so geslaan en onteer en
hom weggestuur as kaal.
12 Hy het weer ‘n derde gestuur en hulle het ook hierdie een gewond en uitgegooi.
13 Die eienaar van die wingerd sê: ‘Wat sal ek doen? Ek sal my seun stuur waarvoor
ek lief is; sonder twyfel sal hulle hom sien en skaam wees.’
14 Toe die werkers hom sien, het hulle ondermekaar bespreek en gesê: ‘Dit is die
erfgenaam; kom laat ons hom doodmaak sodat die erfporsie ons s’n kan wees.’
15 Hulle het hom buitekant, uit die wingerd gegooi en hom vermoor. Wat sal die
eienaar van die wingerd daarom aan hulle doen?
16 Hy sal kom en daardie werkers vernietig en die wingerd aan ander gee.” Toe hulle
dit hoor, sê hulle: “’n Verwerplike gedagte!”
17 Hy het na hulle gekyk en gesê: “Wat beteken dan hierdie woord wat geskryf is: die
Ps 118:22
steen wat die bouers verwerp het, dit het die hoof hoeksteen geword?
18 Elkeen wat oor hierdie steen val, sal gebreek word, maar elkeen op wie dit val, dié
sal hy uitmekaar laat spat.”