Nuwe Verbond.indd - Aramaic Peshitta Bible Repository

Yoganan
4 Yeshua sê egter: “Hierdie siekte is nie van die dood nie, maar tot die eer, lof en
aanbidding van God sodat die Seun van God daardeur vereer en geloof kan word.”
5 Yeshua het Martha, Miryam en El’azar liefgehad.
6 Toe Hy hoor dat hy siek is, het Hy nog twee dae in die plek waar Hy was, gebly.
7 Daarna sê Hy vir die studentevolgelinge: “Kom, ons moet weer na Y’hudah toe
gaan.”
8 Die studentevolgelinge sê vir Hom: “Leermeester, die Jode wil U nou stenig en U
gaan weer terug daarheen?”
9 Yeshua sê vir hulle: “Is daar nie twaalf ure in die dag nie? As iemand in die dag loop,
struikel hy nie, omdat hy die lig van hierdie wêreld sien,
10 maar as iemand in die nag loop, struikel hy, omdat die lig nie in hom is nie.”
11 Nadat Hy dit gesê het, sê Hy vir hulle: “El’azar, ons vriend, slaap, maar Ek gaan
om hom wakker te maak.”
12 Hierop sê Sy studentevolgelinge: “Meester, as hy slaap, sal hy gesond word.”
13 Yeshua het egter gepraat van sy dood, terwyl hulle gedink het dat Hy van lê en
slaap praat.
14 Toe sê Yeshua vir hulle reguit: “El’azar is dood.
15 Ek is bly, om julle ontwil, dat Ek nie daar was nie sodat julle kan vertrou, maar
gaan daarheen.”
16 Toe sê T’oma, wat ‘Tweeling’ genoem word, vir sy mede-studentevolgelinge:
“Laat ons ook gaan om saam met Hom te sterf.”
17 Met Yeshua se aankoms in Beit-Anyah, het Hy gevind dat hy al vier dae in die graf
was.
18 Beit-Anyah was langs Yerushalayim, ongeveer drie kilometer weg
19 en baie van die Jode het na Martha en Miryam toe gekom om hulle oor hul broer
te vertroos.
20 Toe Martha hoor dat Yeshua gekom het, het sy uitgegaan om Hom te ontmoet, maar
Miryam het in die huis gesit.
21 Martha sê vir Yeshua: “My Meester, as U hier was, sou my broer nie gesterf het nie,
22 maar selfs nou weet ek dat alles wat U van God vra, God vir U sal gee.”
23 Yeshua sê vir haar: “Jou broer sal opstaan.”
24 Martha sê vir Hom: “Ek weet dat hy sal opstaan in die opstanding op die laaste
dag.”
25 Yeshua antwoord haar: “Ek Is , die Opstanding en die Lewe; wie in My vertrou,
sal lewe al het hy ook gesterf;
26 en elkeen wat lewe en in My vertrou, sal nooit sterwe tot in ewigheid nie. Glo jy
dit?”
27 Sy antwoord Hom: “Ja, my Meester, ek vertrou dat U Die Gesalfde Een is, die Seun
van God, wat in die wêreld gekom het.”
28 Nadat sy dit gesê het, gaan sy en roep Miryam, haar suster, eenkant en sê: “Ons
Leermeester het gekom en Hy roep jou.”
29 Toe Miryam dit hoor, het sy vinnig opgestaan en na Hom toe gegaan.
30 Yeshua het nog nie by die dorp gekom nie, maar was op die plek waar Martha Hom
ontmoet het.
162