Nuwe Verbond.indd - Aramaic Peshitta Bible Repository

14 As julle iets in My Outoriteit en Karakter vra, sal Ek dit doen.
15 As julle My liefhet, voer voortdurend My opdragte uit.
16 Ek sal die Vader vra en Hy sal vir julle ‘n ander Bevryder en Lewegewer gee, om
by julle te bly tot in ewigheid.
17 Hy is die Gees van die Waarheid, wat die wêreld nie kan ontvang nie, omdat dit
Hom nie gesien het of Hom geken het nie, maar julle ken Hom, omdat Hy by julle
bly en in julle is.
Num 11:17-29; Rig 6:34; Gen 41:38
Yoganan
18 Ek sal julle nie as weeskinders los nie, want Ek sal na julle toe kom na ‘n kort
rukkie.
19 Die wêreld sal My nie sien nie, maar julle sal My sien, omdat Ek lewe sal julle
ook lewe.
20 In dié dag sal julle weet dat Ek in My Vader is; en julle in My; en Ek in julle.
21 Wie ookal My opdragte het en dié uitvoer, dit is hy wat My liefhet; en wie My
liefhet, hóm sal My Vader liefhê; en Ek sal hom liefhê en My aan hom openbaar.”
22 Y’hudah, nie die een van K’riot nie, vra vir Hom: “My Meester, hoe is dit dat U
Uself aan ons sal openbaar en nie aan die wêreld nie?”
23 Yeshua antwoord en sê vir hom: “As iemand My liefhet, sal hy My boodskap
gehoorsaam en My Vader sal hom liefhê en Ons sal na hom toe kom en by hom
blyplek maak.
24 Hy wat My nie liefhet nie, gehoorsaam nie My boodskappe nie en hierdie boodskap
wat julle hoor, is nie Myne nie, maar is van die Vader af wat My gestuur het.
25 Hierdie dinge het Ek vir julle gesê, terwyl Ek by julle is,
26 maar die Bevryder en Lewegewer, die Gees van Afsondering, wat My Vader in My
Outoriteit en Karakter sal stuur, sal julle alles leer en julle herinner aan alles wat Ek
vir julle gesê het.
27 Vrede, gesondheid, voorspoed en vergenoegdheid los Ek vir julle My Vrede,
gesondheid, voorspoed en vergenoegdheid gee Ek aan julle. Ek gee nie aan julle
soos die wêreld gee nie. Laat julle verstand, wil en emosie nie ontsteld word en
bang wees nie.
28 Julle het gehoor dat Ek vir julle gesê het: ‘Ek gaan weg en Ek kom weer na julle
toe.’ As julle My liefgehad het, sou julle bly wees dat Ek gesê het: ‘Ek gaan na My
Vader toe, omdat My Vader groter is as Ek.’
29 Nou, let op, Ek het dit vir julle gesê voordat dit gebeur sodat julle kan vertrou
wanneer dit gebeur het.
30 Ek sal nie meer baie met julle praat nie, want die prins van hierdie wêreld kom en
hy het niks wat hy teen My kan bewys nie,
31 maar dat die wêreld kan weet dat Ek My Vader liefhet en doen net soos die Vader
My geleer het: Staan op, dat ons hiervandaan weggaan.”
15 1 “Ek Is , die ware Wingerdstok en My Vader is die Wingerdboer.
2 Elke tak wat in My nie vrugte dra nie, sny Hy weg en elke tak wat vrugte dra, dié
snoei Hy sodat dit meer vrugte kan dra.
3 Julle is nou reeds rein deur die boodskap wat Ek vir julle gebring het.
169