Nuwe Verbond.indd - Aramaic Peshitta Bible Repository

Yoganan
26 Ek het U Outoriteit en Karakter aan hulle openbaar en sal voortgaan om dit te
openbaar sodat die liefde waarmee U My liefgehad het, in hulle sal wees en Ek in
hulle.
18 1 Nadat Yeshua hierdie dinge gesê het, het Hy en Sy studentevolgelinge na ‘n
tuin oorkant die Kidronspruit gegaan en Hy en Sy studentevolgelinge het saam daar
ingegaan,
2 maar Y’hudah, die een wat Hom sou oorgee, het ook die plek geken, omdat Yeshua
en Sy studentevolgelinge gereeld daar bymekaargekom het.
3 Daarom het Y’hudah die afdeling soldate en die tempelwagte vanaf die hoofpriesters
en die Fariseërs gelei en daarheen gegaan met lanterns, fakkels en wapens.
4 Omdat Yeshua alles geweet het wat met Hom sou gebeur, het Hy uitgegaan en vir
hulle gevra: “Wie soek julle?”
5 Hulle antwoord Hom: “Yeshua, van Natzeret.” Yeshua sê vir hulle:
174
Eks 3:14 “Ek Is
.” Y’hudah, die een wat Hom sou oorgee, het by hulle gestaan.
6 Toe Yeshua vir hulle sê: “Ek Is ,” het hulle agteruit beweeg en op die grond
neergeval.
7 Yeshua vra hulle toe weer: “Wie soek julle?” Hulle sê: “Yeshua, van Natzeret.”
8 Yeshua sê vir hulle: “Ek het vir julle gesê Ek Is . As julle My dan soek, laat
hierdie ander weggaan”
9 sodat die woord vervul sou word wat Hy gesê het: “Uit die wat U My gegee het, het
Ek nie een verloor nie.”
10 Shim’on Kefa het ‘n swaard gehad, dit uitgetrek en die slaaf van die hoofpriester
geslaan en sy regteroor afgekap. Die naam van die slaaf was Melekh.
11 Hierop sê Yeshua vir Kefa: “Steek jou swaard in die skede. Sal Ek dan nie die
beker, wat die Vader My gegee het, drink nie?”
12 Toe het die afdeling soldate, hulle bevelvoerder en die tempelwagte van die Jode
Yeshua gegryp, Hom vasgebind
13 en Hom weggelei, eers na `Anan, want Hy was die skoonvader van Kayafa, wat
daardie jaar hoofpriester was.
14 Dit was Kayafa wat aan die Jode die raad gegee het dat dit voordelig is dat een man
in die plek van die volk doodgemaak word.
15 Shim’on Kefa en ‘n ander studentevolgeling het Yeshua gevolg en die ander
studentevolgeling was bekend by die hoofpriester en het saam met Yeshua ingegaan
in die binneplaas van die hoofpriester,
16 maar Shim’on het buitekant naby die deur bly staan. Die ander studentevolgeling,
wat bekend was met die hoofpriester, het uitgegaan en met die deurwagster gepraat
en Kefa ingebring.
17 Toe vra die slavin, die deurwagster, vir Kefa: “Is jy nie ook een van die
studentevolgelinge van hierdie man nie?” Hy sê: “Ek is nie.”
18 Die slavinne en die tempelwagte het by ‘n vuur gestaan wat hulle gemaak het, want
dit was koud en hulle het hulle warm gemaak. Kefa het by hulle gestaan en hom
warm gemaak.
19 Die hoofpriester ondervra Yeshua oor Sy studentevolgelinge en oor Sy leer.