Nuwe Verbond.indd - Aramaic Peshitta Bible Repository

Handelinge
4 maar om u nie moeg te maak met baie dinge nie, versoek ek u om ons eenvoudigheid
kortliks aan te hoor,
5 want ons het gevind dat hierdie man ‘n verleier en ‘n opstoker is van moeilikheid
onder al die Jode in die wêreld en ‘n leier is van die sekte van die Natzeréners
6 en probeer het om ons tempel te ontheilig. Ons het hom gevang en wou hom volgens
ons wet oordeel,
7 maar Lusias, die bevelvoerder oor ‘n duisend, het gekom en hom met groot geweld
uit ons hande gevat en na u gestuur
8 en beveel dat sy aanklaers voor u moet kom. U sal self, ná ondervraging, kan leer
van al hierdie dinge waarvan ons hom beskuldig.”
9 Toe het die Jode ook saam uitgeroep en gesê: “Hierdie dinge is so.”
10 Nadat die goewerneur vir hom gewys het om te praat, het Sha’ul geantwoord:
“Omdat ek weet dat u al baie jare lank oor hierdie nasie regter is, verdedig ek my
saak met blydskap.
11 Soos u mag weet is dit nie meer as twaalf dae sedert ek opgekom het na Yerushalayim
om te aanbid nie
12 en hulle het my ook nie in die tempel gekry, besig om met iemand te praat of ‘n
skare bymekaar te maak in hulle sinagoges of in die stad nie.
13 Hulle het ook nie die dinge waarvan hulle my nou beskuldig, voor u bewys nie,
14 tog erken ek voor u, dat ek volgens die leer waarvan hulle praat, die God van my
vaders dien, terwyl ek voortgaan om alles te vertrou wat in die wet en in die profete
geskrywe is,
15 terwyl ek ‘n versekerde verwagting van God het, wat hulle self ook verwag, dat
daar ‘n opstanding sal wees van die wat dood is, beide van onskuldiges sowel as
die bose.
16 Daarom oefen ek my ook voortdurend om altyd voor God en die mense ‘n rein
gewete te hê,
17 maar ná baie jare het ek gekom om ‘n omgeegeskenk aan my nasie te bring en
offers.
18 Hiermee was ek besig, nie met mense of met ‘n oproer nie, toe sekere Jode uit Asië
my in die tempel gekry het, nadat ek gereinig is.
19 As hulle, die Jode van Asië, mense opgestook het, behoort hulle hier voor u te wees
om aanklagte in te bring as hulle iets teen my het.
20 Of laat hierdie manne self sê of hulle enige verkeerde dade in my gekry het toe ek
voor hulle Raad gestaan het,
21 behalwe oor hierdie een stelling wat ek uitgeroep het terwyl ek tussen hulle
gestaan het, naamlik: ‘Oor die opstanding van die dode word ek vandag voor u
geoordeel’!”
22 Omdat Felix die dinge aangaande ‘die Weg’ ten volle geken het, het hy uitgestel en
gesê: “Wanneer die bevelvoerder oor ‘n duisend afkom, sal ek julle saak aanhoor.”
23 Hy het ook die kaptein oor honderd beveel om Sha’ul te bewaak, met vryheid, en
dat hy niemand van sy eie mense moes verhinder om hom te bedien nie.
24 ‘n Paar dae later het Felix, saam met Drousilla, sy vrou, wat ‘n Jodin was, gekom en
Sha’ul laat haal en na hom aangaande die vertroue in Die Gesalfde Een geluister,
224