Nuwe Verbond.indd - Aramaic Peshitta Bible Repository

Romeine
22 Toe hulle in hulleself gedink het hulle is wys, het hulle kranksinning geword
23 en die Gemanifesteerde Teenwoordigheid van die onverderflike God verander om
te lyk soos die beeld van ‘n verderfbare mens en die beelde van voëls, viervoetige
Eks 20:4
diere en reptiele.
24 As gevolg daarvan het God hulle oorgegee aan die vuil begeertes van hulle verstand,
wil en emosie om hulle liggame onder mekaar te onteer
25 en hulle het die waarheid van God verruil vir die valsheid en hulle het dinge wat
geskep is vereer en gedien, meer as hulle Skepper, wat al die lofprysing en seën
toekom tot in alle ewigheid. Dit is waar!
26 Daarom het God hulle oorgegee aan siektes van skande, want hulle vroue het die
natuurlike seksuele omgang verander na die onnatuurlike
27 en net so het ook die mans die natuurlike seksuele begeertes na die vrou opgegee en
brand in hulle begeertes na mekaar. Manne het met manne skandelike dade gepleeg
en in hulle persoon die toepaslike straf van hulle misleiding gekry
28 en omdat hulle in hulleself besluit het om God nie te ken nie, het God hulle oorgegee
aan ‘n waardelose denke sodat hulle doen wat nie reg is nie:
29 hulle is vol van allerhande onregverdigheid, seksuele immoraliteit, boosheid, bitterheid,
begeertes na meer, vol jaloesie, moord, stryery, misleiding, bose redenering,
30 klagtes, skinder, haters van God, beledigings, trots, grootpraat, uitvindings van
boosheid, redeloosheid en ongehoorsaamheid aan hulle ouers
31 en omdat daar geen stabiliteit in hulle is nie, is daar geen liefde, vrede of omgee
in hulle nie.
32 Hulle wat, terwyl hulle die oordele van God ken, dat die wat sulke dinge doen,
veroordeel is tot die dood, nie alleen self dié dinge doen nie, maar ook verbind is
aan hulle wat dit doen.
2 1 As gevolg hiervan is daar nie ‘n verskoning vir jou, o mens wat jou naaste
veroordeel nie, want waaroor jy jou naaste oordeel, is jyself skuldig aan, want jy
wat oordeel, doen dieselfde dinge,
2 maar ons weet dat die oordeel van God in waarheid bestaan oor die wat sulke dinge
voortdurend doen.
3 Hoekom dink jy, o mens wat húlle veroordeel wat sulke dinge voortdurend doen, en
dit sélf doen, dat jy die oordeel van God sal ontvlug?
4 Of waag jy dit teen die rykdom van Sy sagte goeddoen en teen die geduld van
Sy Gees en teen die plek wat Hy vir jou gegee het; en besef jy nie dat die sagte
goedheid van God jou wil lei om weg te draai van die sonde na God toe nie?
5 As gevolg van die onsensitiwiteit van jou verstand, wil en emosie wat nie wil
wegdraai van sonde nie, versamel jy vir jou ‘n skat van toorn vir die dag van die
toorn en die openbaring van die regverdige oordeel van God;
Ps 62:13; Spr 24:12; Iyov 34:11
6 Hy wat elkeen beloon volgens sy dade:
7 Aan die wat deur die geduldige volharding in goeie werke die Gemanifesteerde
Teenwoordigheid, waarde en onverganklikheid soek, gee Hy die ewige lewe,
8 maar aan die wat die waarheid weerstaan en nie gehoorsaam nie, maar aan die bose
gehoorsaam is, gee Hy woede, toorn,
234