Nuwe Verbond.indd - Aramaic Peshitta Bible Repository

Romeine
23 want almal van hulle het gesondig en kom die Gemanifesteerde Teenwoordig-heid
van God kort
24 en hulle word onskuldig verklaar deur Sy onverdiende guns sonder koste en deur
die verlossing wat in Die Gesalfde Een, Yeshua, is.
25 Hom, wat God vroeër gegee het as die toedekking van sonde deur die vertroue van
Sy bloed ter wille van ons sondes wat ons vroeër gepleeg het
26 in die ruimte wat God ons gegee het deur die geduld van Sy Gees vir die
demonstrasie van Sy oordeel wat in die teenwoordige tyd is, waardeur Hy wys dat
Hy die Regverdige Een is en deur regverdigheid die een wat in die vertroue van ons
Meester, Yeshua, Die Gesalfde Een is, onskuldig verklaar.
27 Waar is dan die roem? Dit is uitgeskakel. Deur watter wet? Dié van doen van die
wet? Nee, maar deur die wet van vertroue.
28 Ons kom dus tot die gevolgtrekking dat die mens onskuldig verklaar word deur
vertroue en nie deur die doen van die geskrewe wet nie.
29 Of is God net God van die Jode en nie ook van die ander nasies nie? Ja, ook van
die ander nasies,
30 want daar is net een God, Deut 6:4 wat die besnedenes deur vertroue en die onbesnedenes
deur vertroue onskuldig verklaar.
31 Verwyder ons daardeur die geskrewe wet deur vertroue? ‘n Verwerplike gedagte!
Inteendeel, ons bevestig die wet.
4 1 Wat sê ons daarom van wat Avraham, hoof van die vaders, deur die vlees verkry
het?
2 As Avraham vanuit die dade onskuldig verklaar is, het hy iets om op te roem, maar
nie in die Teenwoordigheid van God nie,
3 want wat sê die Skrifte? ‘Avraham het God vertrou; en dít is hom tot onpartydigheid
Gen 15:6
en opregtheid gereken,
4 maar aan hom wat werk, word die beloning nie na onverdiende guns bereken nie,
maar na verdienste;
5 aan hom egter wat nie werk nie, maar slegs vertrou in die Een wat die sondaar
onskuldig verklaar, word sy vertroue vir hom tot onpartydigheid en opregtheid
gereken.
6 Soos Dawid ook die mens, vir wie God as onpartydig en opreg bereken sonder eie
dade, gelukkig ag as hy sê:
7 “Geseënd is hulle wie se booshede verwyder is en wie se sondes toegedek is.
Ps 32:1-2
8 Geseënd is die man vir wie God die sonde nie bereken nie.”
9 Hierdie seën dan, is dit op die besnedenes of ook op die onbesnedenes. Want ons sê:
‘Deur Avraham se vertroue is hy onpartydig en opreg gereken.’
10 Hoe is dit dan bereken? Toe hy besnede of onbesnede was? Nie as besnedene nie,
maar as onbesnedene.
11 Hy het die teken van die besnydenis ontvang as ‘n seël van sy onpartydigheid
en opregtheid deur vertroue, toe hy nog nie besny is nie sodat hy die vader sal
wees van almal wat vertrou, terwyl hulle onbesnede is sodat dit ook vir hulle as
onpartydigheid en opregtheid gereken sal word
237