Nuwe Verbond.indd - Aramaic Peshitta Bible Repository

Romeine
12 en net so ook ‘n vader van dié besnedenes is wat nie alleen fisies besny is nie,
maar ook loop in die voetspore van vertroue van ons vader Avraham, toe hy nog
onbesnede was,
13 want die belofte dat hy erfgenaam van die wêreld sou wees, het nie Avraham of sy
nageslag Gen 15:3-5 deur die geskrewe wet verkry nie, maar deur die onpartydigheid en
opregtheid wat uit vertroue kom,
14 want as hulle erfgename is vanuit die geskrewe wet, dan het vertroue geen doel nie
en is die belofte gekanseleer,
15 want die geskrewe wet bring straf, maar waar geen geskrewe wet is nie, is daar ook
geen oortreding van die geskrewe wet nie.
16 As gevolg hiervan sal iemand deur vertroue, wat uit onverdiende guns is, onskuldig
verklaar word en sal die belofte seker wees vir al sy saad; nie alleen vir die wat uit
die geskrewe wet is nie, maar ook vir die wat uit die vertroue van Avraham is, die
vader van ons almal.
17 Net soos geskrywe is: “Ek het jou as ‘n vader van baie nasies aangestel.” Gen 17:5 Dit
ís hy voor God, omdat hy vertrou het dat Hy die Een is wat lewe gee aan dit wat
dood is en hulle wat nie is nie, roep asof hulle is.”
18 Hy het verby enige hoop vertrou dat hy vader sou word van baie nasies volgens wat
gesê is: “Soveel sal jou nageslag wees”
238
Gen 15:5
19 en sy vertroue het nie verswak nie, al was hy omtrent honderd jaar oud, toe hy na
sy eie liggaam, wat alreeds dood was en na die dooie toestand van die baarmoeder
van Sarah, gekyk het.
20 Hy het nie asof vanuit ‘n gebrek aan vertroue aan die belofte van God getwyfel nie,
maar hy is versterk in vertroue en het aan God die lofprysing gegee
21 en het bevestig dat God die vermoë het om te doen wat Hy hom beloof het.
22 As gevolg hiervan is dit vir hom bereken tot onpartydigheid en opregtheid,
Gen 15:6
23 maar dit is nie alleen om sy ontwil geskrywe dat sy vertroue vir hom bereken is tot
onpartydigheid en opregtheid nie,
24 maar ook om ons ontwil vir wie dit bereken sal word; vir wie vertrou in Hom wat
ons Meester, Yeshua, Die Gesalfde Een, uit die dood uit opgewek het.
25 Hy wat oorgelewer is ter wille van ons sondes en opgestaan het om ons onskuldig
te verklaar.
5 1 Omdat ons onskuldig verklaar is, sal daar daarom deur vertroue, vir ons vrede,
gesondheid, voorspoed en vergenoegdheid by God wees deur ons Meester, Yeshua,
Die Gesalfde Een,
2 want in Hom is ons, deur vertroue, nader gebring aan hierdie onverdiende guns,
waarin ons staan en ons verheug ons in die versekerde verwagting van die
Gemanifesteerde Teenwoordigheid van God.
3 Nie alleen so nie, maar ons verheug ons ook in die pyniginge, omdat ons weet dat
die pyniginge, uithouvermoë in ons vervolmaak,
4 en die uithouvermoë vervolmaak ondervinding en die ondervinding vervolmaak
versekerde verwagting