Nuwe Verbond.indd - Aramaic Peshitta Bible Repository

7 daar is dié van bediening, vir die een in Sy bediening; daar is dié van lering, wie in
Sy lering is;
8 daar is dié van ‘n vertrooster, wat in Sy vertroosting is; ‘n gewer in vrygewigheid;
‘n leier met ywerigheid; daar is dié vir een wat omgeedade bewys met
blymoedigheid.
9 Laat jou liefde sonder misleiding wees, haat wat boos is en klou aan die goeie;
10 wees jy aangetrokke teenoor jou broers en wees lief vir mekaar; gaan jy voor in die
verering van mekaar;
11 wees jy fluks en nie lui nie; wees jy entoesiasties van gees in jou werk vir die
Meester;
12 wees jy vreugdevol in die versekerde verwagting; hou uit in jou moeilikheid;
volhard jy voortdurend in gebed;
13 wees jy ‘n deelgenoot aan die behoeftes van die afgesonderdes; wees jy gasvry
teenoor vreemdelinge;
14 seën dié wat jou vervolg, seën en moenie vervloek nie;
15 wees bly saam met die wat bly is en huil saam met die wat huil;
16 wat jy ookal van jouself dink, dink net so van jou broers; moenie jouself hoog ag
nie, maar assosieer met die nederiges; moenie wys wees in jou eie opinie nie;
17 moenie iemand se boosheid met boosheid terugbetaal nie, maar dit moet vir jou
belangrik wees om goed te doen voor alle mense.
18 As dit moontlik is, sover dit van jou afhang, maak vrede met alle mense.
19 Moenie self wraak neem nie, julle wat ons liefhet, maar gee plek vir die wraak,
want daar is geskrywe: “As jy nie self oordeel sal uitspreek nie, sal Ek namens jou
Deut 32:41
oordeel, sê God.”
20 As jou vyand honger het, gee hom iets om te eet; as hy dors het, gee hom iets om te
drink, want deur dit te doen sal jy vurige kole ophoop op sy kop.
Spr 25:21-22
Romeine
21 Laat jou nie deur die bose oorweldig nie, maar oorkom die bose deur die goeie.
13 1 Elke gees moet aan die hoër outoriteite gehoorsaam wees, want daar is geen
outoriteit, as dit nie vanaf God is nie en daardie selfde outoriteit, wat van God is,
is onder bevel.
2 Daarom, wie ookal teen die outoriteite opstaan, staan teen die opdragte van God en
die wat dit teëstaan, sal hulle oordeel ontvang,
3 want die regters hou geen vrees in vir die wat goed doen nie, maar vir die bose. As
jy nie bang wil wees vir die outoriteit nie, doen wat goed is en jy sal lof van hom
af ontvang,
4 want hy is die uitvoerder van God vir jou ten goede, maar as jy doen wat boos is,
wees dan bang, want hy dra nie verniet die swaard nie, want hy is ‘n uitvoerder van
God, ‘n vergelder van die woede, om die een wat boosheid doen, te straf.
5 As gevolg hiervan is dit noodsaaklik vir ons om gehoorsaam te wees, nie alleen ter
wille van die wraak nie, maar ter wille van die gewete,
6 want daarom betaal julle ook belasting, want hulle is uitvoerders van God wat vir
hierdie dinge aangestel is.
249