Nuwe Verbond.indd - Aramaic Peshitta Bible Repository

1 Korinthiërs
10 Let op, daar is baie soorte tale in die wêreld en geeneen daarvan is sonder klank
nie.
11 As ek nie die betekenis van die taal ken nie, is ek vir die een wat praat ‘n vreemdeling
en die een wat praat sal vir my ‘n vreemdeling wees.
12 So moet julle ook, terwyl julle ‘n ywer het na die gawes van die Gees, oorvloediglik
soek na dit wat die gemeente sal opbou.
13 Laat hom wat in tale praat, bid dat hy dit kan vertaal,
14 want as ek in tale bid, dan bid my gees, maar my verstand is vrugteloos.
15 Wat sal ek daarom doen? Ek sal bid met my gees en ek sal ook bid met my verstand.
Ek sal sing met my gees en ek sal ook sing met my verstand.
16 Anders, as jy met die gees ‘n seën uitspreek, hoe sal hy wat nog onkundig is, ‘Dit
is waar’ sê op jou seën, aangesien hy nie verstaan wat jy sê nie,
17 want jou seën is wel goed, maar die ander een word nie opgebou nie.
18 Ek dank my God dat ek meer in tale praat as julle almal,
19 maar in die gemeente wil ek liewer vyf woorde met my verstand praat om ook
ander te leer, as tien duisend woorde in tale.
20 My broers, moenie kinders in julle verstaansvermoë wees nie, maar wees babas tot
boosheid en wees ten volle volwasse in julle verstaansvermoë.
21 In die wet is geskryf: “Ek sal deur vreemde spraak en deur ‘n ander taal met hierdie
Yes 28:11-12
mense praat en dan sal hulle ook nie na My luister nie, sê .”
22 Dus is tale vasgestel, nie as ‘n teken vir die wat vertrou nie, maar vir die ongelowiges,
maar profesie is nie vir die ongelowiges nie, maar vir die wat vertrou.
23 Daarom, as die hele gemeente bymekaarkom en hulle sou almal in tale praat en die
oningeligtes of ongelowiges kom in, sal hulle nie sê dat julle kranksinnig geword
het nie?
24 As almal van julle sal profeteer en daar ‘n ongelowige of ‘n oningeligte inkom, dan
word hy deur almal ondersoek en deur almal aangespreek
25 en die geheime van sy denke, wil en emosie word openbaar en dan sal hy op sy
gesig neerval, God aanbid en sê dat God werklik in julle is.
26 Daarom sê ek, my broers, dat wanneer julle bymekaarkom, wie van julle ookal ‘n
Psalm het, laat hom praat, of wie ookal ‘n lering of ‘n taal of ‘n openbaring of ‘n
vertaling het, laat alles wees tot opbouing.
27 As mense in ‘n taal praat, laat dit dan wees twee of hoogstens drie; laat elkeen praat
en laat een vertaal,
28 maar as daar geen vertaler is nie, laat hy wat in ‘n taal praat in die gemeente stilbly
en laat hy net met homself en met God praat.
29 Laat twee of drie profete praat en laat die ander dit onderskei
30 en as daar iets geopenbaar word aan ‘n ander een wat sit, laat die eerste een
stilbly,
31 want julle kan almal een vir een profeteer sodat almal kan leer en almal versterk
word,
32 want die gees van die profeet is aan die profeet gehoorsaam,
33 want God is nie ‘n God van onbeheersdheid nie, maar van vrede, gesondheid,
voorspoed en vergenoegdheid. Soos in al die gemeentes van die afgesonderdes,
271