Nuwe Verbond.indd - Aramaic Peshitta Bible Repository

Galatiërs
15 Broers, ek praat menslikerwys: Dat ‘n menslike verbond, as dit bekragtig is, nie
deur ‘n mens verwerp word of enige iets daarin verander nie.
16 Die beloftes is aan Avraham belowe en aan sy Saad. Hy sê nie vir hom: ‘Aan jou
sade,’ asof dit na baie wys nie, maar “Aan jou Saad,” Gen 12:7, 13:15, 17:7, 24:7 soos na Een:
Hom wat Die Gesalfde Een is,
17 maar ek sê dít: Dat die verbond wat deur God, in Die Gesalfde Een, van die begin
af bekragtig is, nie deur die geskrewe wet, wat vier honderd en dertig jaar later
gekom het, gekanselleer is om so die belofte tot niet te maak nie,
18 maar as die erfenis vanuit die geskrewe wet is, dan is dit nie meer vanuit die belofte
nie, maar God het dit aan Avraham deur ‘n belofte gegee.
19 Hoekom dan die geskrewe wet? Dit is bygevoeg omrede die afdwaling, totdat die
Saad sou kom, Hom vir wie die belofte gemaak is en daardie geskrewe wet is deur
engele gegee in die hand van ‘n tussenganger,
20 maar daar is nie ‘n ander Tussenganger nie, maar God is Een.
21 Is die wet daarom teenoorgesteld aan die beloftes van God? ‘n Verwerplike
gedagte! Want as daar ‘n wet gegee was wat in staat is om lewe te gee, dan sou die
onpartydigheid en opregtheid waarlik vanaf die wet wees.
22 Die Skrif het alles ingesluit onder die sonde sodat die belofte, deur die vertroue van
Yeshua, Die Gesalfde Een, aan die wat vertrou, gegee kon word,
23 maar voordat die vertroue gekom het, is daar deur die wet oor ons waggestaan,
terwyl ons ingesluit was in die vertroue wat op die punt was om geopenbaar te
word.
24 Die geskrewe wet was dus vir ons ‘n gids na Die Gesalfde Een toe sodat ons
onskuldig verklaar kan word deur vertroue,
25 maar toe die vertroue gekom het, was ons nie onder ‘n gids nie,
26 want julle is almal kinders van God deur die vertroue van Yeshua, Die Gesalfde
Een,
27 want julle almal wat in Die Gesalfde Een gedoop is, het Die Gesalfde Een
aangetrek.
28 Daar is nie Jood of Arameër nie, daar is nie slaaf of vryman nie, daar is nie man en
vrou nie, want julle is almal een in eenheid met Die Gesalfde Een, Yeshua.
29 As julle aan Die Gesalfde Een behoort, dan is julle die saad van Avraham en volgens
die belofte, erfgename.
4 1 Ek sê: So lank as die erfgenaam ‘n kind is, verskil hy nie van die slawe nie, terwyl
hy hulle almal se meester is,
2 maar hy staan onder voogde en toesighouers tot op die tyd, soos deur sy vader
bepaal is.
3 So was ons ook, toe ons kinders was, in slawerny onder die beginsels van die
wêreld,
4 maar toe die volheid van die tyd gekom het, het God sy Seun gestuur. Hy was vanuit
‘n vrou, onder die geskrewe wet,
5 om die wat onder die geskrewe wet was, los te koop en ons die posisie as kinders
kon ontvang,
294