Nuwe Verbond.indd - Aramaic Peshitta Bible Repository

Efesiërs
1 1 Sha’ul, ‘n afgevaardigde van Yeshua, Die Gesalfde Een, deur die wil van God, aan die
afgesonderdes wat in Efesos is; afgesonder en getrou in Yeshua, Die Gesalfde Een:
2 Vrede, vergenoegdheid, gesondheid en voorspoed vir julle en onverdiende guns
vanaf God, ons Vader en ons Meester Yeshua, Die Gesalfde Een!
3 Geseënd is God, die Vader van ons Meester, Yeshua, Die Gesalfde Een, wat ons
geseën het met al die seëninge van die Gees in die hemel, in eenheid met Die
Gesalfde Een
4 net soos Hy ons vroeër, in eenheid met Hom gekies het, van voor die ontstaan van
die wêreld af, om afgesonderd en sonder vlek in Sy Teenwoordigheid te wees en ons
vroeër in liefde vir Homself aangestel het
5 en ons as kinders vasgestel het deur Yeshua, Die Gesalfde Een, want dit stel Sy wil
tevrede
6 sodat die eer en lof van Sy onverdiende guns geprys kan word, wat oorvloei op ons
deur die Een wat Hy liefhet,
7 want in Hom is daar vir ons vryspraak en deur Sy bloed die vergifnis van sondes
volgens die rykdom van Sy onverdiende guns,
8 wat oorvloedig in ons is in alle wysheid en verstandelike insig.
9 Hy het ook aan ons die geheime van Sy wil geleer, dit wat Hy vroeër besluit het om
in Homself te doen
10 vir die administrasie van die einde van tye; dat alle dinge, die hemel en in die aarde,
deur Die Gesalfde Een van voor af nuut gemaak word.
11 In eenheid met Hom is ons gekies soos Hy ons vroeër aangestel het en het Hy gewil
dat Hy alles sal doen volgens die raad van Sy wil,
12 sodat ons, wat eerste ‘n versekerde verwagting in Die Gesalfde Een gehad het, kan
wees tot eer en lof van Sy Gemanifesteerde Teenwoordigheid,
13 dat julle ook, die boodskap van die waarheid, die goeie boodskap van julle redding
deur Hom, gehoor het, in wie julle vertrou het en julle geseël is in die Gees van
Afsondering wat belowe is,
14 wat die waarborg is van ons erfenis, tot die losprys van hulle wat gered is en vir die
eer en lof van Sy Gemanifesteerde Teenwoordigheid.
15 Om hierdie rede, let op, vandat ek gehoor het van julle vertroue wat in ons Meester
Yeshua is en julle liefde tot die afgesonderdes,
16 hou ek nie op om dankie te sê vir julle en om julle te onthou in my gebede nie
17 sodat die God van ons Meester, Yeshua, Die Gesalfde Een, die Vader van eer, lof
en aanbidding, aan julle die Gees van wysheid en openbaring gee saam met kennis
van Hom
18 en dat die oë van julle verstand wil en emosie verhelder sal word sodat julle kan
weet wat die versekerde verwagting van Sy roeping en wat die rykdom van Sy
erfdeel van eer en lof is onder die afgesonderdes;
19 en wat die oorvloedige grootheid van Sy wonderwerkende krag is, in ons wat
vertrou, volgens die effektiewe aksie van Sy krag
20 wat Hy gewerk het in Die Gesalfde Een toe Hy Hom uit die dood uit opgewek het
Ps 110:1
en Hom laat sit het aan Sy regterhand in die hemel,
299