Nuwe Verbond.indd - Aramaic Peshitta Bible Repository

1 Thessalonisense
10 julle is saam met God getuies, hoe ons die goeie boodskap van God aan julle
verkondig het; suiwer en regverdig, sonder fout teenoor almal wat vertrou.
11 Net soos julle weet, hoe ons by elkeen van julle gepleit het, net soos ‘n vader by sy
kinders, julle verstand, wil en emosie vol gemaak het en julle versoek het
12 om te leef soos dit gepas is, vir God; Hy wat julle na Sy Koninkryk en Sy
Gemanifesteerde Teenwoordigheid geroep het.
13 Ook as gevolg hiervan dank ons God sonder ophou, dat julle die boodskap van
God wat julle van ons af ontvang het, nie ontvang het as die boodskap van mense
nie, maar, soos dit waarlik is, as die boodskap van God wat ook deur dade werk in
julle wat vertrou,
14 maar julle, my broers, het navolgers geword van die gemeentes van God wat in
eenheid met Yeshua, Die Gesalfde Een, in Y’hudah is, omdat julle ook dieselfde
dinge gely het onder julle eie volksgenote, net soos hulle gely het onder die inwoners
van Y’hudah,
15 die wat ons Meester, Yeshua en hulle eíe profete vermoor het, ons vervolg het, God
nie tevrede stel nie en alle mense teëstaan,
16 want hulle verbied ons om met die ander nasies te praat sodat hulle kan lewe. Hulle
sondes word só volledig gemaak, maar die toorn sal oor hulle kom tot die einde
toe.
17 Ons, my broers, was ‘n kort tydjie van julle af weg in persoon, nie in denke, wil en
emosie nie en het ons al hoe meer moeite gedoen om julle in baie liefde te sien
18 en ons het begeer om na julle toe te kom. Ek Sha’ul, meer as een maal, maar Satan
het my verhinder.
19 Wie anders as julle is ons hoop, blydskap of kroon van ons lof en eer in die
Teenwoordigheid van ons Meester, Yeshua, by Sy koms?
20 Want julle is ons eer, lof en blydskap.
3 1 Omdat ons dit nie weerstaan het nie, het ons gekies om alleen in Athenai agter
te bly
2 en ons het Timotheos, ons broer en bedienaar van God en ons medewerker in die
goeie boodskap van Die Gesalfde Een, gestuur om julle te versterk en navraag te
doen by julle aangaande julle vertroue
3 sodat niemand van julle hoop mag verloor deur sulke lyding nie, want julle is bewus
daarvan dat dit hiervoor is dat ons aangestel is,
4 want ook toe ons by julle was, het ons julle vooruit gesê dat ons vervolg sal word,
soos julle weet dit ook gebeur het.
5 As gevolg hiervan het ek nie teruggehou om na julle te stuur en te hoor van julle
vertroue nie sodat die Versoeker julle nie toets en ons harde werk waardeloos sou
wees nie,
6 maar nou, sedert Timotheos van julle af by ons aangekom het en ons goeie nuus
aangaande julle vertroue en liefde gegee het en dat julle altyd ‘n goeie herinnering
aan ons het en begeer om ons te sien, net soos ons ook vir julle,
7 is ons deur julle, broers, versterk en vertroos oor al ons teëspoed en smart as gevolg
van julle vertroue,
321