Nuwe Verbond.indd - Aramaic Peshitta Bible Repository

Filémon
1 1 Sha’ul, ‘n gevangene van Yeshua, Die Gesalfde Een en die broer Timotheos; aan
Filemon, ons medewerker, waarvoor ons lief is,
2 aan Apfia, waarvoor ons lief is, aan Argippos, ons medewerker en aan die gemeente
wat in jou huis is:
3 Onverdiende guns vir julle en vrede, gesondheid, voorspoed en vergenoegdheid van
God-ons-Vader en van ons Meester, Yeshua, Die Gesalfde Een!
4 Ek dank my God elke keer wanneer ek jou in my gebede onthou,
5 let op, vandat ek van jou liefde en vertroue gehoor het, wat jy teenoor ons Meester,
Yeshua en teenoor al die afgesonderdes het,
6 op só manier, dat die gemeenskap van jou vertroue vrug mag dra in dade en in
kennis van alles wat goed is in jou, in eenheid met Yeshua, Die Gesalfde Een.
7 Ons vreugde en versterking is groot, want deur jou liefde is die emosies van die
afgesonderdes verkwik.
8 As gevolg hiervan is my vrymoedigheid groot in Die Gesalfde Een om jou te beveel
wat reg is,
9 maar as gevolg van die liefde, smeek ek, Sha’ul, nou ‘n ou man, asook ‘n gevangene
van Yeshua, Die Gesalfde Een,
10 smeek ek jou, aangaande my kind, wat vir my gebore is in my kettings,
Onesimos,
11 hy wat vroeër vir jou waardeloos was, maar nou baie bruikbaar is vir jou en vir my.
12 Ek stuur hom vir jou, maar ontvang hom soos my seun.
13 Ek wou hom by my hou sodat hy my, in die kettings ter wille van die goeie
boodskap, in jou plek kan dien,
14 maar sonder jou goedkeuring wou ek niks doen nie sodat jou goedheid nie uit
verpligting sou wees nie, maar uit gewilligheid,
15 want miskien was hy om hierdie rede ‘n tydjie van jou af weg sodat jy hom vir
altyd kan hou,
16 van nou af nie as ‘n slaaf nie, maar méér as ‘n slaaf, as ‘n broer in die vlees
waarvoor ons lief is, hoeveel te meer joune, beide in die vlees en in ons Meester.
17 Daarom, as jy in eenheid met ons is, ontvang hom as myne.
18 As hy jou tekort gedoen het of iets skuld, sit dit op my rekening.
19 Ek, Sha’ul, het dit met my eie hand geskryf: Ek sal ten volle betaal, sonder om te
noem dat jy jou eie persoon aan my verskuldig is!
20 Ja, my broer, ek is verfris deur jou in ons Meester! Bevredig my liefde in Die
Gesalfde Een.
21 Omdat ek vertrou dat jy na my sal luister, het ek vir jou geskryf en ek weet dat jy
nog meer sal doen as wat ek gevra het,
22 maar saam met dit, berei ook verblyf voor vir my, want ek verwag dat ek deur julle
gebede aan julle gegee sal word.
23 Epafras, my medegevangene in Yeshua, Die Gesalfde Een, groet jou;
24 ook Markos, Aristargos, Demas en Luka, wat my help.
25 Die onverdiende guns van ons Meester, Yeshua, Die Gesalfde Een, bly met julle
gees! Dit is waar.
346