Nuwe Verbond.indd - Aramaic Peshitta Bible Repository

Openbaring
4 en sy stert het ‘n derde van die sterre van die hemel saamgesleep en hulle op die
aarde gegooi. Die draak het voor die vrou, wat op die punt was om geboorte te gee,
gestaan sodat hy haar Seun kon opeet, sodra sy geboorte gegee het.
5 Sy het geboorte gegee aan die Seun,
408
Yes 66:7 wat al die nasies, as Herder, met ‘n
ystersepter sou regeer Ps 2:9 en haar Seun is weggeruk na God en Sy troon
6 en die vrou het na die wildernis gevlug, waar die plek was wat God vir haar voorberei
het sodat sy vir eenduisend twee honderd en sestig dae lank versorg sou word.
7 Daar was oorlog in die hemel: Mikha’el en sy engele het oorlog gevoer teen die
draak en die draak en sy engele het baklei
8 en hulle kon nie uithou nie en daar kon ook nie ‘n plek vir hulle in die hemel gevind
word nie.
9 Die groot draak is neergegooi, die hoof slang wat die Duiwel en Satan genoem word,
wat die hele wêreld verlei, is neergegooi op die aarde en sy engele saam met hom.
10 Ek het ‘n harde stem vanuit die hemel hoor sê: “Nou is die bevryding, die krag en
die koningskap vanaf ons God, want die Aanklaer van ons broers is neergegooi, hy
wat hulle dag en nag beskuldig het voor ons God
11 en hulle het hom oorwin deur die bloed van die Lam en deur die boodskap van Sy
getuienis en hulle het hulle lewe, tot die dood toe, nie liefgehad nie.
12 Daarom, wees verheug, hemel en die wat daarin bly. Wee die aarde en die see,
want die duiwel het na julle toe afgekom met groot woede, omdat hy weet dat hy
min tyd het.”
13 Toe die draak sien dat hy neergegooi is op die aarde, het hy die vrou vervolg, wat
geboorte gegee het aan die Seun
14 en ‘n groot arend se twee vlerke is vir die vrou gegee sodat sy na die wildernis, na
haar plek daar, kon vlieg, waar sy uit die gesig van die slang versorg word, ‘n tyd,
Dan 7:25; 12:7
tye en ‘n halwe tyd
15 en die slang het water, soos ‘n rivier, uit sy bek agter die vrou aan uitgespoeg, om
haar te laat meesleur deur die water
16 en die aarde het die vrou gehelp deur sy mond oop te maak en die rivier, wat die
draak uit sy bek uitgespoeg het, in te sluk.
17 Die draak was woedend vir die vrou en hy het gegaan om oorlog te voer teen haar
en dié wat oorgebly het van haar Seun, dié wat die opdragte van God nakom en die
getuienis van Yeshua het.
13 1 Ek het op die sand by die see gestaan en ek het ‘n dier uit die see sien opkom
met tien horings en sewe koppe en op sy horings tien krone en op sy koppe die naam
Dan 7:3,7,8, 20, 25
wat kwaadpraat teen God.
2 Die dier wat ek gesien het, was soos ‘n luiperd en sy pote soos dié van ‘n wolf en sy
monde soos dié van leeus Dan 7:4-6 en die draak het sy krag, sy troon en groot outoriteit
vir hom gegee.
3 Een van sy koppe was, asof tot die dood, vergruis en sy dodelike wond is genees en
die hele wêreld het bewonderend agter die dier aangeloop
4 en die draak aanbid, wat vir die dier outoriteit gee en hulle het die dier aanbid en
gesê: “Wie is soos hierdie dier? Wie kan teen hom oorlog maak?”