Nuwe Verbond.indd - Aramaic Peshitta Bible Repository

Mattityahu
13 Toe Yeshua in die gebied van Kaisareia-Filippoi kom, vra Hy Sy studentevolgelinge
en sê: “Wie sê die mense dat Ek, die Seun van die mens, is?”
14 Hulle antwoord: “Sommige sê Yoganan, die Doper, maar ander Eliyahu en ander
Yirmeyahu of een van die profete.”
15 Hy sê vir hulle: “Maar julle, wie sê julle is Ek?”
16 Shim’on Kefa antwoord en sê: “U is die Gesalfde Een, die Seun van die Lewende
God.”
17 Yeshua antwoord en sê vir hom: “Jy is geseënd, Shim’on, seun van Yoganan, want
vlees en bloed het dit nie aan jou geopenbaar nie, maar My Vader wat in die hemel is
18 en Ek sê ook vir jou: ‘Jy is Kefa, en op hierdie rots sal Ek my vergadering van
uitgeroeptes (Kerk) bou en die hekke van She’ol sal nie daarteen kan staan nie.
19 Ek sal aan jou die sleutels van die Koninkryk van die hemel gee; en wat jy ook op
die aarde mag vasbind, sal vasgebind wees, soos dit in die hemel reeds vasgebind is
en wat jy ook op die aarde mag losmaak, sal losgemaak wees soos dit in die hemel
reeds losgemaak is’.”
20 Toe het Hy Sy studentevolgelinge bevel gegee dat hulle vir niemand mag sê dat Hy
die Gesalfde Een is nie.
21 Van toe af aan het Yeshua begin om Sy studentevolgelinge in te lig dat Hy voorbereid
is om na Yerushalayim te gaan en baie moes ly deur die oudstes, die hoofpriesters en
die leraars van die wet en vermoor sal word en op die derde dag sal opstaan.
22 Kefa vat Hom eenkant en begin Hom bestraf en sê: “Mag dit ver van U wees, my
Meester, dat hierdie met U sal gebeur,”
23 maar Hy het weggedraai en vir Kefa gesê: “Gaan weg van agter My, Satan! Jy is
vir My ‘n struikelblok, omdat jy nie die dinge van God bedink nie, maar die dinge
van mense.”
24 Toe sê Yeshua vir Sy studentevolgelinge: “As enige iemand agter My aan wil kom,
moet hy homself ontken en sy kruis opneem en saam met My gaan,
25 want elkeen wat sy lewe wil red, sal dit verloor, maar elkeen wat sy lewe om My
ontwil verloor, sal dit vind,
26 want watter voordeel is daarin dat ‘n mens die hele wêreld wen, maar aan sy gees
kortkom? Of wat sal ‘n mens gee in ruil vir sy gees?
27 Want die Seun van die mens is op die punt om saam met Sy engele in die
Gemanifesteerde Teenwoordigheid van Sy Vader te kom en dan sal Hy man vir man
beloon volgens sy dade.
28 Dit is waar, Ek sê vir julle, daar is sommige van die wat hier staan, wat die dood nie
sal smaak voordat hulle die Seun van die mens sien kom met Sy Koninkryk nie.”
17 1 Ná ses dae het Yeshua vir Kefa, Ya’akov en Yoganan, sy broer, teen ‘n hoë berg
opgevat in afsondering
2 en Yeshua het voor hulle van voorkoms verander en Sy gesig het geskyn soos die
son, maar Sy klere het stralend wit geword
3 en Moshe en Eliyahu het aan hulle verskyn, in gesprek met Hom.
4 Kefa antwoord en sê vir Yeshua: “My Meester, dit is goed dat ons hier is; as U wil, sal
ons hier drie afskortings opslaan: een vir U en een vir Moshe en een vir Eliyahu.”
29