Nuwe Verbond.indd - Aramaic Peshitta Bible Repository

26 Shim’on sê vir Hom: “Van die ander.” Yeshua sê vir hom: “Dan is die seuns vry,
27 maar sodat ons hulle geen aanstoot mag gee nie, gaan na die see toe, gooi ‘n hoek
uit en neem die eerste vis wat opkom en as jy sy bek oopmaak, sal jy ‘n shekel kry;
neem dit en gee dit aan hulle vir My en vir jou.”
18 1 In daardie tyd het die studentevolgelinge na Yeshua gekom en gesê: “Wie is
regtig die grootste in die Koninkryk van die hemel?”
2 Yeshua roep ‘n seun en laat hom tussen hulle staan
3 en Hy sê: “Waarlik, Ek sê vir julle, as julle nie verander en soos kinders word nie,
sal julle nie in die Koninkryk van die hemel ingaan nie!
4 Elkeen dan wat hom verneder om te wees soos hierdie seun, hy is die grootste in die
Koninkryk van die hemel
5 en wie ookal kinders soos dié in My Outoriteit en Karakter ontvang, ontvang My,
6 en elkeen wat ‘n oortreding begaan teenoor een van hierdie kleintjies, wat in My
vertrou, vir hom is dit beter dat ‘n donkie se meulsteen aan sy nek gehang word en
hy wegsink in die diepte van die see.
7 Wee die wêreld weens oortredinge! Dit is wel noodsaaklik dat daar struikelblokke
kom, maar wee die mens deur wie die struikelblokke kom.
8 As jou hand of jou voet vir jou ‘n struikelblok is, kap dit af en gooi dit weg van jou
af, want dit is vir jou beter om die lewe in te gaan, kreupel of vermink, as om twee
hande of voete te hê en in die ewige vuur te val;
9 en as jou oog vir jou ‘n struikelblok is, ruk dit uit en gooi dit weg van jou af. Dit is
vir jou beter om met een oog die lewe in te gaan, as om twee oë te hê en in die Hel
van vuur te val.
10 Pas op dat julle nie een van hierdie kleintjies verag nie, want Ek sê vir julle dat
hulle engele in die hemel altyd die Teenwoordigheid van My Vader, wat in die
hemel is, sien,
11 want die Seun van die mens het gekom om te red, wie ookal verlore was.
12 Wat dink julle? As iemand ‘n honderd skape het en een van hulle dwaal weg, sal hy
nie die nege en negentig laat staan en op die heuwels die weggedwaalde een gaan
soek nie?
13 As hy hom kry, waarlik Ek sê vir julle, dat hy blyer is oor hom as oor die nege en
negentig wat nie weggedwaal het nie.
14 Net so is dit nie die begeerte van julle Vader wat in die hemel is, dat een van hierdie
kleintjies verlore sal gaan nie,
15 maar as jou broer teenoor jou oortree, gaan wys hom tereg; slegs tussen jou en
hom. As hy vir jou luister, dan het jy jou broer gewen,
16 maar as hy nie luister nie, vat nog een of twee saam met jou sodat in die mond van
twee of drie getuies elke woord bevestig kan word,
Deut 19:15
Mattityahu
17 maar as hy nie na hulle luister nie, sê dit aan die gemeente en as hy ook nie na
die gemeente luister nie, laat hom vir jou wees soos die belastinggaarder en die
ongelowige.
31