Nuwe Verbond.indd - Aramaic Peshitta Bible Repository

Opmerkings
Geen alternatiewe betekenisse word in die vertaling gegee nie, want hierdie is wat ek
glo (Yahuah), die Enigste God, Skepper van die heelal, wou sê.
Hierdie is miskien nie ‘n maklik leesbare vertaling nie aangesien dit gerig is op die
ware betekenisse en leringe waardeur ons die Ware en Enigste God kan leer ken. Ek
vertrou met my hele wese dat díe volgelinge van Yeshua, Die Gesalfde Een, wat ‘n
volledig gehoorsame lewe begeer, die volheid van die waarheid deur díe vertaling sal
kan vind. Dit is die naaste aan die oorspronklike betekenisse wat ons in Afrikaans kon
weergee en vertrou dat die Gees dit in U sal laat lewe soos in ons in die paar jaar wat
ons daarmee besig is.
Wanneer ons die begrip ‘Hebreeus(e)’ gebruik, verwys dit na en sluit dit Aramees
in wat die eintlike taal is wat Yeshua gepraat het (‘Chaldeen’) en waarin die Nuwe
Verbond geskryf is. Sommige boeke is in ander Aramese dialekte geskryf.
Dit was ‘n groot versoeking om die oorspronklike Hebreeuse / Aramese woorde te
gebruik wat meeste mense ken - soos Shalom, Amen en Halleluyah - maar dan sou dit
wees ten koste van die volle Afrikaanse betekenis wat ryker is as wat meeste mense,
wat die Hebreeuse woord ken, weet. Dit is ‘n Afrikaanse vertaling met die duidelikste
betekenis van die woorde wat ons kon gee in Afrikaans. Dit het ook beteken dat
bekende (maar onverstaanbare) geestelike terme verander moes word na verstaanbare
en meer volledige betekenisse. Dit sal aanvanklik vreemd klink vir sommige, maar
soos met alles sal U gou daaraan gewoond raak en sal die ryker betekenis u lewe
verryk. Dit is ook nodig om sekere Hebreeuse idiomatiese uitdrukkings met die
betekenis te vertaal, anders word dit nie verstaan nie. Elke keer as U die Woord lees
sal dit ‘n studie wees.
Ons het ook nie verduidelikings bygegee nie, aangesien dit nie in ‘n vertaling die plek
is daarvoor nie, alhoewel die versoeking soms groot was. Ons is oortuig daarvan dat
dit wat gedoen is, volgens ons, die beste moontlike vertaling is van die boodskap wat
(Yahuah) aan ons wou oordra en as ons oortuig word van ‘n beter vertaling van
‘n woord sal dit so verander word.
Die volgende verduidelikings, glo ek egter, is noodsaaklik aangesien dit ‘n verskil
maak aan die ware betekenis. Objektief (volgens die betekenis van die woord) en
sonder dogmatiese en teologiese betekenisse en afleidings daaraan geheg, is dit nodig
om te kyk na die volgende begrippe en hulle betekenisse.
Wanneer na die vertaling gekyk word moet eerstens onthou word dat die meeste van
die skrywers Hebreërs, (Jode wat hoofsaaklik Aramees gepraat het) was, wat vanuit
‘n Aramese idioom en Godsbegrip geskryf het – al mag dit wees dat ‘n sekere boek of
gedeelte in Grieks, die taal van dele van die wêreld, vertaal is, is dit slegs ‘n vertaling
en nie die oorspronklike, wat tog in die mense se taal sou wees nie, nl. Aramees.
Yeshua het Aramees gepraat! (Aramees was die algemene taal (lingua franca) in die
hele streek vanaf 800 voor Yeshua tot 300 na Yeshua.)
Besoek en kyk asb na: www.aramaicpeshitta.com
www.aramaicnt.com and others.
iii