Nuwe Verbond.indd - Aramaic Peshitta Bible Repository

Mattityahu
26 1 Dit was toe Yeshua al hierdie dinge klaar gesê het, dat Hy vir vir Sy
studentevolgelinge sê:
2 “Julle weet oor twee dae is die Pesag en die Seun van die mens sal oorgelewer word
om gekruisig te word.”
3 In daardie tyd kom die hoofpriesters en die leraars van die wet en die oudstes van die
volk in die paleis van die hoofpriester, wat Kayafa genoem word, bymekaar
4 en hulle het ‘n vergadering gehou oor Yeshua, dat hulle Hom deur misleiding sou
vang en vermoor.
5 Hulle het gesê: “Nie tydens die fees nie sodat daar nie ‘n oproer onder die mense
ontstaan nie.”
6 Toe Yeshua in Beit-Anyah, in die huis van Shim’on, die pottebakker was,
7 kom ‘n vrou na Hom toe met ‘n fles geparfumeerde olie wat baie duur is en gooi dit
op sy kop uit terwyl Hy aan die tafel skuinsgelê het,
8 maar toe Sy studentevolgelinge dit sien, was hulle ontsteld en sê: “Hoekom dit
mors,
9 want dit kon vir baie verkoop en die geld dan aan die armes gegee word?”
10 Yeshua het dit geweet en sê vir hulle: “Waarom val julle die vrou lastig omdat sy
‘n pragtige daad vir My gedoen het?
11 Die bedelaars het julle altyd by julle, maar nie altyd vir My nie,
12 want toe sy hierdie aromatiese olie op My liggaam uitgegooi het, het sy dit gedoen
asof vir My begrafnis.
13 Dit is waar, Ek sê vir julle, oral in die hele wêreld, waar hierdie goeie boodskap
van My verkondig sal word, sal ook gepraat word van wat sy gedoen het, tot ‘n
herinnering aan haar.”
14 Toe gaan een van die twaalf, genoem Y’hudah van K’riot, na die hoofpriesters
15 en sê vir hulle: “Wat is julle gewillig om my te gee en ek sal Hom aan julle
46
oorlewer?” Hulle het hom dertig silwerstukke belowe
Z’kh 11:12
16 en van toe af het hy ‘n geleentheid gesoek om Hom oor te lewer.
17 Aan die begin van die Fees van Ongesuurde Brode kom die studentevolgelinge na
Yeshua en sê vir Hom: “Waar wil U hê moet ons vir U voorberei om die Pesagmaal
te eet?”
18 Hy antwoord: “Gaan na die stad, na ‘n sekere persoon en sê vir hom: ‘Die
Leermeester laat weet: My tyd is naby, Ek sal saam met My studentevolgelinge by
jou die Pesag hou’.”
19 Die studentevolgelinge het gedoen net soos Yeshua hulle beveel het en hulle het
die Pesagmaal voorberei.
20 Toe dit aand geword het, het Hy saam met die twaalf studentevolgelinge skuinsgelê
by die tafel
21 en terwyl hulle eet, sê Hy: “Dit is waar, Ek sê vir julle, een van julle sal My oorlewer.”
22 Toe word hulle baie bedroef en elkeen van hulle begin vir Hom vra: “Is dit miskien
ek, my Meester?”
23 Hy antwoord en sê: “Hy wat sy hand saam met My in die bak indoop, dit is hy wat
My sal verraai.