Tydskrif Junie 2010.p65

2 UIT DIE WOORD 

God praat deur sy Woord ... en ons 

antwoord met dade 

4 REDAKSIONEEL 

Die Wêreldbeker-sokkertoernooi 

6 HOOFARTIKEL 

Foutvinderige vittery 

7 HOOFARTIKEL 

Geestelike onderskeidingsvermoë 

9 BRANDPUNT 

Die denkende mens 

FOKUSARTIKELS 

12 Beginsels ... paaie in die hart 

14 God se Woord is my antwoord ten 

opsigte van ... probleemoplossings 


opsigte van ... negatiewe emosies 


opsigte van ... geestelike groei 


opsigte van ... ’n sinvolle lewe 


opsigte van ... die soeke na God se wil 

vir my lewe 


opsigte van ... lewensleed en 

beproewing 

inhoud 

inhoud 


opsigte van ... depressie 

DISKUSSIE 

28 Erfsonde ... weer onder die soeklig 

GEMEENTEBEELD 

30 Geref. Kerk Burgersdorp 150 jaar 

SKRIFSTUDIE 

34 Die genade van Jesus gee inhoud aan 

ons lewe 

BESINNING 

36 ’n Gerehabiliteerde Fariseër! 

ANDER 

37 Persone met besondere bande met die 

PU word bekroon 

Nylstroom gee erkenning aan lidmaat 

38 Deur die oë van ’n besoeker (1) 

40 ... om die gelowiges toe te rus vir hulle 

dienswerk ... 

41 Argiefskatte ... Olivier-geslagsregister 

42 Rietvallei besoek Indië 

44 In dankbare herinnering - Ds. WL 

Kuperus 

46 Personalia 

Wel en wee 

48 Lief en Leed 

Op die Kerkwerf 

49 Kleinadvertensies 

• Die Kerkblad Junie 2010 • 3

- uit die Woord - Ds. Dirk Laufs (emeritus, Thabazimbi) 

God praat deur sy Woord ... 

en ons antwoord met dade 

Lees: Psalm 119:105-112 

Teks: Psalm 119:105, 111 

“U woord is die lamp wat my die weg wys, die lig op my pad ... U verordeninge maak ek 

altyd my eie, want hulle is vir my ’n vreugde.” 

Van wanneer af die Here reeds met 

ons praat 

Ons God praat reeds vanaf die 

vroegste tye met ons: “In die 

begin was die Woord daar, en 

die Woord was by God, en die Woord 

was self God. Hy was reeds in die begin 

by God. Alles het deur Hom tot 

stand gekom” (Joh 1:1). God se hele 

skepping ontstaan dus deur “praat”: 

“God het gesê: Laat daar lig wees. 

En daar was lig” (Gen 1:3). En God 

bly die pratende (Woord) God tot aan 

die einde van sy skepping: “Die Gees 

en die bruid sê: Kom” (Openb 22:17). 

Hoekom die Here met ons praat 

Die Here God is ’n lewende God wat 

lewende verlostes verwek en met sy 

lewende verlostes tot in ewigheid 

deur middel van die Woord in gesprek 

bly. Vir ons Vader is om met 

ons te praat, dus ’n aanhoudende 

proses. Wat ’n besondere voorreg is 

dit nie! Sê nou Hy het geswyg en ons 

in ons dodelike (sonde)stilte gelos? 

Genadiglik doen Hy dit nie – inteendeel, 

Hy bly oomblik na oomblik en 

dag na dag en jaar na jaar met ons 

deur sy Woord kommunikeer. Dit is 

binne ons bereik en vermoë om elke 

sekonde van ons lewens Hom met 

ons te hoor praat ... deur middel van 

sy Woord. 

Hoe die Here met ons praat 

Die Here praat met ons op sy tyd en 

sy manier. Gedeeltes uit die Bybel 

wat jare gelede reeds gememoriseer 

is, kom skielik na vore terwyl ons op siekbeddens lê of onder welke uitdaging 

of beproewing ons ook al bevind. Hoe dikwels is dit nie Psalmversies of 

Skrifberymings nie wat sagkens ons gemoedere kalmeer of versterk wanneer 

ons dit glad nie eers verwag nie. 

Waarvandaan kom dit? Dit is die Here wat deur sy Woord met ons praat. 

Elke keer wat ons die Woord lees of dit hoor, persoonlik of saam met ander, 

praat die Here weer en weer met ons. 

Wat die Here deur sy Woord vir ons wil sê 

Kernagtig saamgetrek, wil die Here in en deur sy Woord ons leer WIE Hy is 

en WAT Hy van ons as verlostes eis/verwag. Daarom leer ons Hom ken as 

die liefdevolle Vader wat ons, sy kinders, oneindig liefhet. Só lief “... dat Hy 

sy enigste Seun gegee het ...” (Joh 3:16). Hy het tewens nog altyd gegee en 

Hy bly steeds gee: sy Seun, sy Gees, sy vergiffenis, sy antwoorde op al ons 

lewensvrae (lees gerus maar die antwoorde op enkele van ons lewensvrae 

soos wat dit in die artikels verder in hierdie uitgawe bespreek word). 

Hy stel egter ook baie duidelik sy eise aan ons as sy verloste kinders, naamlik 

dat ons Hom bo alles moet liefhê en die mense rondom ons ook moet liefhê. 

Sy deurpriemende geregtigheid word duidelik as hy hieroor sê: “As ons die 

gebooie van God gehoorsaam, weet ons daaraan dat ons Hom ken. Iemand 

wat sê: ‘Ek ken Hom’, maar nie sy gebooie gehoorsaam nie, is ’n leuenaar 

en die waarheid is nie in hom nie” (1 Joh 2:3, 4). 

Hoekom die Woord van die Here geglo kan en moet word 

Kort en klaar: Omdat dit die Woord van God is – “Die woord van die Here is 

volmaak: dit gee lewe. Die onderwysing van die Here is betroubaar: dit gee 

wysheid ...” (Ps 19:8). Die Woord is die betroubare verklaring van die enigste 

God van hemel en aarde wat nie net sy skepping nuut maak nie, maar ook 

ons: sy skepsele. 

God se Gees leer hierdie heilige ontsag vir sy gesag aan elke verloste reeds 

vanaf moedersknie, totdat dit die persoonlike belydenis van elke volwasse 

gelowige word. So gaan die enigste lewensweg oop wat uitloop op die ewigheid 

... sinvol, heerlik en vol vreugde tot aan die einde van hierdie aardse 

lewe. Wanneer ons onder die leiding van die Gees só na God in sy Woord bly 

luister, sal ons – soos Timoteus – “.. in die waarheid onderrig (word), dwaling 

bestry, verkeerdhede regstel en ’n regte lewenswyse kweek” (2 Tim 3:16). 

4 • Die Kerkblad Junie 2010 •

God se Woord dra meer gesag as wat ons dink of voel 

● Hoeveel sinnelose argumente word nie gevoer om die eenvoudige rede 

dat ons nie net gewoon luister na wat God sê en dit kinderlik so aanvaar 

nie, maar telkens ons eie “interpretasie” aan uitsprake heg en dan in 

ons eie onvermoë en dwaasheid vasval? 

● God se Woord as die betroubare getuienis van die waarheid (Joh 17:17) 

dra meer gesag as ons gewoontes of as tydgiere. Al sou “almal deesdae 

saamwoon sonder om te trou”, maak hierdie dwaling nie God se Woord 

ongedaan nie, naamlik dat vir verloste gelowiges daar slegs in die huwelik 

as man en vrou saamgewoon mag word. Is dit te moeilik om te begryp, 

of is dit telkens die geval dat nie begryp wil word nie? 

● Die Bybel as God se Woord dra ook meer gesag as ons hardvogtige 

weierings somtyds ten opsigte van middelmatige sake, omdat ons uitdagend 

en “beskuldigend teenoor almal wat nie met my saamstem nie” 

voorgee dat ons die ewige en onveranderlike antwoorde op alles het, 

“omdat ons nog altyd so gedoen het”. Intussen veroorsaak dit dat ons in 

kleinlike “kerkbewaring-argumente” verstrik raak, terwyl die breë massa 

water van God se koninkryk by ons verbyvloei en ons dan as opdrifsels 

aan die kant van die hoofstroom agterlaat – vol onnodige, maar dodelike 

verbittering en opgekropte woede. Hierdie gesindheid raak só erg dat 

mens vir jouself ’n probleem word en vir almal rondom jou. Die vreugde 

van die verlossingslewe is weg, en jy sien net die duisternis en die slegte 

raak. Dit word ’n hopelose toestand. 

● God se Woord het ook meer gesag as “net dit wat ek met my verstand 

kan verklaar”: “Kan jy die sterre op hulle tyd laat opkom ...?” (Job 38:32). 

Ten spyte van die ontsaglike massa kennis wat ons besit, weet ons eintlik 

nog so min. 

● Ook ons argumente somtyds van “dit voel vir my reg”, kan nie bly staan 

voor die gesag van God se Woord nie. 

Nooit ophou om opnuut te luister nie ... gevaar! 

Ons mag nooit so “gemaklik” raak met God se Woord dat ons nie elke oggend 

opnuut luister en bid dat Hy sy lig en waarheid stuur om ons te lei nie (Ps 

43:3). Wie daagliks met biddende ontsag na God in sy Woord luister, sal 

- uit die Woord - 

kan deurbreek deur die dag se kwota 

“probleme”, soos konflik, negatiewe 

emosies, lewensleed en beproewing 

en ... noem maar op. 

Hoekom? Omdat God se Gees jou die 

krag verleen en die moed om daadwerklik 

elke dag weer en weer los te 

ruk uit die knellende kettings van 

hierdie gebroke wêreld. Jou dade sal 

bewys lewe van oorwinning op oorwinning 

teenoor die aanslae uit hierdie 

stukkende wêreld. Die opstandingskrag 

van Christus se oorwinning 

oor die dood van sonde sal jou lewe 

bly kenmerk. 

Wanneer jy egter strompelend en 

koponderstebo in “probleme” bly 

ploeter en weinig of geen vreugde en 

oorwinningskrag meer ervaar nie, 

moet jy dringend die gevaarligte 

raaksien wat die Here deur hierdie 

Woord voor jou oë laat flikker: die Bybel 

is dalk nog op die rak of in die 

sak, maar nie meer in die hart en die 

hande nie. 

God hou nooit op om deur sy Woord 

met ons te praat sodat ons as verloste 

oorwinnaars kan bly lewe nie. 

Wie luister, sal lewe, maar wie nie 

luister nie ... sal al verder agterraak 

en stadig maar seker op die ou end 

sterf. DK 


- redaksioneel - 

Die Wêreldbeker- 

Na jare se beplanning, bouwerk aan stadions, 

optrek van skedules met sperdatums, 

vergaderings te veel om op te noem, staan Suid- 

Afrika in die maand waarin die Wêreldbeker-Sokkertoernooi 

’n werklikheid gaan word. Ingepas tussen 11 Junie 

2010 en 11 Julie 2010 gaan die wêreld se beste sokkerspanne 

uit 32 lande kragte teen mekaar meet. 

Die miljarde rande vir die oprigting van stadions en ander 

benodighede laat mens na jou asem snak. Terselfdertyd 

moet Suid-Afrika hom gereed maak vir die miljoene besoekers 

wat verwag word, en volgens berekening gaan 

meer as 3 biljoen mense die eindstryd oor die TV kyk. 

Die belangrikste vraag 

Die belangrikste vraag om te vra, is: Wat het dit met die 

kerk te doen? Het dit enige betekenis om in Die Kerkblad 

spasie daarvoor af te staan? Sport is immers net 'n spel 

tussen individue en spanne wat volgens vaste reëls plaasvind. 

Dit is mededinging tussen mense. 

God is die Gewer van al die talente en gawes waaroor 

die mens beskik en waarvan hy in dankbaarheid gebruik 

moet maak. Sport is kompetisie met mekaar en die strewe 

na oorwinning. 

Oor die waarde van sport hoef ons in die moderne tyd 

nie eens te praat nie. Verantwoordelike sportbeoefening 

sokkertoernooi 

bevorder gesondheid, dissipline, uithouvermoë, 

selfbeheersing, ’n sin vir regverdigheid, kameraadskap 

en nog baie meer goeie eienskappe. 

Sport is ook ’n kultuurakker waar God se kultuuropdrag 

aan die mens (Gen 1:28) nagekom kan word. Sportbeoefening 

kan ook gebruik word in diens van die koninkryk 

van God. Die Christen kan God dien deur sy sportbeoefening. 

Sport is ’n faset van ons omvattende diens aan 

God. Net soos alle dinge sit daar in sport die positiewe 

en die negatiewe fasette. 

In hierdie sin is dit van toepassing om in Die Kerkblad 

oor die Wêreldbeker-Sokkertoernooi te skryf. Om aan 

die eenkant die negatiewe in die oë te sien, en aan die 

anderkant te let op die positiewe. 

Negatiewe resultate 

Saam met sokkerliefhebbers kom daar ook negatiewe 

dinge na ons land toe. ’n Verslaggewer het geskryf dat 

die Wêreldbeker-Sokkertoernooi vir die seksbedryf in 

Suid-Afrika beteken wat die skoolvakansie vir die toerismebedryf 

beteken. Daar word voorsien dat 40 000 prostitute 

van lande so ver as Oos-Europa, Rusland, die Kongo 

en Nigerië vir die tydperk van die toernooi in Suid-Afrika 

sal wees ten dienste van 400 000 manlike besoekers. 

Brittanje het 42 miljoen kondome verskaf vir die duur 

van die toernooi, en die verspreiding daarvan word deur 

Suid-Afrika se regering ondersteun. 

Is dit ’n wêreldwye uitnodiging vir wat besoekers in Suid- 

Afrika te wagte kan wees? Genoeg prostitute en meer 

as genoeg kondome. Watter klad is hierdie saak op die 

uitnodiging na die toernooi? 

’n Ander donker kant van die Wêreldbeker-Sokkertoernooi 

is die moontlikheid van handel in mense. Vroue en 

kinders uit veral agtergeblewe gemeenskappe word glo 

volgens besorgdes gewerf om “dienste” aan buitelandse 

besoekers teen betaling te verskaf. Van Suid-Afrika word 


daar reeds spottenderwys gepraat van die land met die 

groot vyf: moord, verkragting, roof, diefstal en kapings. 

Daarom was dit skokkend om te hoor dat die voormalige 

Nasionale Polisiekommissaris, Jackie Selebe, in ’n toespraak 

aan die Parlement gevra het dat prostitusie en 

publieke drinkery gewettig moet word vir die tydperk van 

die 2010 Wêreldbeker-Sokkertoernooi. 

Dokters vir Lewe Internasionaal het in ’n verklaring 

gemeld hoe ontsteld hulle is oor die feit dat Suid-Afrika 

dit kan oorweeg om die verwelkomingsmat uit te rol vir 

georganiseerde misdaadsindikate wat in menslike 

lewens onderhandel, en sodoende die armes en wanhopiges 

uitbuit en hulle in die sekshandel inforseer 

Vroue en kinders word as koopware gebruik om die sakke 

van die bordeelhouers, sindikate, smokkelaars en 

dwelmhandelaars vol te maak. 

Hieroor kan die kerke nie swyg nie, want morele verval 

in watter vorm ook al moet bestry word! Daar sal ’n getuienis 

móét kom as antwoord op hierdie kwaad. 

Positiewe beplanning 

Uit ’n internetsoektog blyk dit dat daar ook inderdaad 

positiewe aspekte van die Wêreldbeker-Sokkertoernooi 

is. Die Wêreldbeker-Sokkertoernooi bied die geleentheid 

aan kerke om ’n impak met die evangelie maak. 

Dit is ’n aangename en inspirerende ontdekking dat 

verskillende gemeentes van die Afrikaanse en Engelse 

kerke met die evangelie uitreike beplan om plaas te vind 

by die nege sentra waar die verskillende sokkerwedstryde 

gaan plaasvind. Daar word gepraat van “sokkerevangelisasie”. 

Daar gaan ook verskillende gebedsgeleenthede wees 

waar gelowiges “prayer walking” gaan doen. Daar gaan 

vooraf gereeld by die stadions gebid word, en tydens 

wedstryde gaan daar in Pretoria by Doxa Deo, die Central 

Baptist Church en Universiteitsoord gebedsgeleenthede 

wees, soos moontlik ook op vele ander plekke. 

RBC Ministries het ’n boekie in Engels uitgegee, The Final 

Goal, met kort oordenkings uit die Woord vir elke 

dag van die Wêreldbeker-Sokkertoernooi van 11 Junie 

tot 11 Julie 2010. 

“Transforming lives and communities” het ’n boekie 

gepubliseer, Sithandaza, met voorligting vir gebede 

tydens die Wêreldbeker-Sokkertoernooi vir 32 dae. 

Positiewe optrede 

- redaksioneel - 

Gereformeerde lidmate moet weet dat hulle ’n verantwoordelikheid 

het ten opsigte van die Wêreldbeker-Sokkertoernooi. 

Omdat die saak bo en behalwe die sportfaset 

ook ’n verwoestende effek sal hê op die moraliteit in 

Suid-Afrika, sal in opdrag van God opgetree moet word: 

“Moet jou nie deur die kwaad laat oorwin nie, maar oorwin 

die kwaad deur die goeie” (Rom 12:21; vgl. ook 1 

Pet 3:9). 

Stel eerstens vas watter aksies vanuit jou eie gemeente 

beplan en geloods word met die oog op die Wêreldbeker- 

Sokkertoernooi. Voorbidding is seker die vernaamste 

“middel” in die gelowige se hand om te gebruik tydens 

die Wêreldbeker-Sokkertoernooi. Dit kan jy doen vir die 

volle duur van die toernooi. 

Bid dat God al die inisiatiewe sal seën en dat Hy die krag 

en middele sal gee om die kwaad teen te staan. CNM 


- hoofartikel - 

Foutvinderige vittery 

Die mens kan in sy sonde só laag daal om selfs met God se optrede 

fout te vind. Dit is wat met Jesus gebeur het toe Hy ná die begin van 

sy openbare optrede vir die eerste keer terugkom in Nasaret, waar 

Hy as kind grootgeword het. Jesus het veel gely onder die skimpe, aanmerkings, 

kritiek en foutvindery van die inwoners van Nasaret. 

Jesus is gekritiseer 

Toe Jesus in Nasaret kom, het Hy “soos sy gewoonte was op die Sabbatdag 

na die sinagoge toe gegaan” (Luk 4:16). Jesus se “intreepreek” was uit Jesaja 

61. Toe kom daar twee reaksies: eers is die mense verwonderd oor die aangename 

woorde uit sy mond. Toe hulle daaraan dink dat Hy maar soos een 

van hulle is wat in Nasaret opgegroei en gewerk het, begin hulle foute soek. 

Hulle het soveel kritiek teen Hom dat hulle Hom uit Nasaret verdryf het en 

Hom wou doodmaak (Luk 4:29). Selfs Jesus se familie het op ’n stadium 

gesê: “Hy het van sy kop af geraak” (Mark 3:21), en die Jode het sommer 

reguit gesê: “Hy is mal!” (Joh 10:20). Op ’n ander keer het die mense van 

Jesus gesê: “Kyk daar, ’n vraat en ’n wynsuiper, ’n vriend van tollenaars en 

sondaars” (Matt 11:19). Van foutvinderige vittery sê Jesus: “Waarom sien jy 

die splinter raak wat in jou broer se oog is, maar die balk in jou eie oog merk 

jy nie op nie?” (Matt 7:3). 

’n Slegte gewoonte 

Die vitters, die foutsoekers sal altyd by ons wees om die lewe vir ander 

mense moeilik te maak. Ons vind hulle in elke lewenskring, hoe groot of 

hoe klein ook al. In elke afdeling van die samelewing is kleingeestige kritiek 

deel van die lewe. Dit versuur die verhouding tussen medemense, en dit 

word so maklik ’n slegte gewoonte. Dan is dit so maklik en gerieflik om die 

euwels en die gebreke by jou naaste te sien en uit te snuffel, maar terselfdertyd 

troetel jy die sonde in eie boesem (Rom 2:1). Voordat jy ander kritiseer, 

moet jy eers seker maak dat jou feite reg is. Wanneer jy net ’n gedeeltetjie 

van iemand weet of sien, of nie die motiewe ken vir iemand se optrede nie, 

is jy in geen posisie om ’n oordeel uit te spreek nie. 

Die seuntjie en die sleutelgat 

Ds. Den Boer vertel in ’n artikel van hom van ’n seuntjie wat deur die 

sleutelgat van ’n operasiekamer geloer het, en ’n dokter gesien het wat op 

’n pasiënt geopereer het. Toe sê die seuntjie vir die dokter se seun: “Jou pa 

is ’n slegte man. Ek het gesien hoe hy mense aan stukke sny.” 

• Sommige mense is deur ander beskuldig van vrekkigheid terwyl hulle in 

die geheim ’n ou moeder of ’n gebreklike broer tuis moes onderhou en versorg. 

• Iemand anders is weer van luiheid beskuldig terwyl hy in werklikheid 

gebuk gaan onder besondere liggaamlike tekortkominge. 

Dit sal goed wees as jy jou eie motiewe eers goed onder die vergrootglas 

plaas. Waarom probeer jy om die balk by die ander op te merk? 

Die oorsaak van foutvinderige vittery 

Daar is redes waarom mense foutvinderige vitters word: 

• Iemand wat op ’n bepaalde punt sy eie minderwaardigheid vir homself 

(bewus of onbewus) moet erken, sal fout vind wat die ander wél het. Hy voel 

hom bedreig en daarom moet hy ’n 

ander verneder om te “bewys” dat hy 

op hierdie punt jou meerdere is. Vittery 

word ’n soort verdedigingsmeganisme 

– heel dikwels onbewustelik. 

• Jy kan ’n ander ook kritiseer en 

by hom fout vind, omdat jy jaloers is. 

Dit is ’n vorm van vyandskap teenoor 

iemand van wie jy nie hou nie – of 

iemand wat op jou tone getrap het. 

’n Mens vorder nie op die lewensweg 

deur op ander te trap nie. ’n Mens 

sal in die lewe van iemand anders 

dit vind waarna jy op soek is, watter 

metode jy ook al toepas. As jy iets 

goeds wil soek, sal jy dit kry, en as jy 

iets slegs soek, sal jy dit ook kry, al 

is dit net by wyse van suggestie. 

• As ’n meisie verlief is op ’n jongman, 

is haar oë vir sy foute gesluit. 

Waar die liefde ontbreek, is dit baie 

maklik om by iemand anders fout te 

vind. 

Hoeveel foutvinderige vitters sit 

Sondae in die erediens en verklaar: 

die musiek was irriterend; die preek 

was te lank; die Skriflesing was nie 

van toepassing nie; die mense met 

klein kindertjies het jou erg gesteur; 

die gemeentesang was pateties? 

Die geheim 

Wat is die geheim? Die geheim 

is dat daar ’n balk in jou eie oog was, 

en jy nie goed kon sien nie. ’n Noukeurige 

ondersoek sal bewys dat die 

liefde in jou ontbreek. Jy het jou medemense 

nie lief genoeg om iets 

goeds van hulle te sê of in hulle te 

sien nie. Om agter iemand se rug te 

praat, verbeter nie jou saak nie. Wanneer 

die vlam van die liefde al laer 

brand, word die vuur van kritiek al 

groter (Lev 19:18; Matt 22:39; Gal 

5:14). 

Jy sal vind jy is ’n foutvinderige vitter 

namate jy van Jesus Christus af 

Na bl. 8 


Die probleem 

Een van die probleme van ons tyd binne die Chris 

tendom is dat die gelowiges nie almal en altyd in 

staat is om geestelik fyn en reg te kan onderskei 

tussen reg en verkeerd nie. Baie lidmate getuig dat hulle 

in ’n meerdere of mindere mate met die probleem worstel. 

Antwoord eerlik op die volgende vrae: 

• Is die oordeel van die kerk oor sekere sake in die 

lewe van elke dag vir jou belaglik en kortsigtig? 

• Vind jy soms dat jy jou vererg oor die standpunte van 

Christene ten opsigte van besondere sake waarmee jy 

te doen kry? 

• Kom jy soms in groot verleentheid omdat jy nie goed 

geoordeel het toe jy met sekere sake te doen gekry het 

nie? 

Ons kon hierdie voorbeelde verdrievoudig het ... dit 

onderstreep die werklikheid dat sommige gelowiges aan 

’n gebrek of afwesigheid van geestelike onderskeidingsvermoë 

ly, wat soms groot verleentheid bring. 

As lidmate van die kerk van ons Here Jesus Christus 

leef elkeen van ons, elke dag, op elke terrein van die 

lewe onder die verpligting om te antwoord en te reageer 

op idees, standpunte, opinies waarmee ons te doen kry. 

’n Groot klomp (dalk die meeste) van hierdie idees, standpunte 

en opinies waarmee ons te doen kry, is nie Christelik 

van aard of Bybels gegrond nie. En daaroor moet 

die gelowige kan oordeel, of dit oorspoel hom. 

Om elke dag in staat te kan wees om geestelik goed 

oor dinge te kan oordeel, kom nie vanself nie. God het 

aan sy kinders sy Woord gegee en ook die leiding van 

die Heilige Gees, sodat dit moontlik is om met persoonlike 

inspanning aan te leer hoe om geestelik gebalanseerd 

te kan oordeel oor dinge. 

Lastige uitgangspunt 

Om dinge voortdurend geestelik te moet onderskei, 

is lastig. Dit is so asof jy altyd op jou tone moet wees. Dit 

is lastig om voortdurend dinge op te weeg en te beoordeel 

of dit reg of verkeerd is. ’n Mens word moeg daarvoor. 

Dit is tog baie makliker om die dinge van die lewe 

te neem en te deurleef soos wat dit kom. Hoekom moet 

’n mens altyd eers besin of ’n saak reg en verdienstelik 

is of nie? 

Jesus het gewaarsku dat vals profete in skaapsklere 

(maar in werklikheid verskeurende wolwe) sal kom om 

Geestelike 


onderskeidingsvermoë 

die gelowiges tot ’n val te bring (1 Pet 5:8). Gelowiges 

met min of ’n swak geestelike onderskeidingsvermoë 

ignoreer hierdie vermaning van die Here Jesus! Waarom? 

Die rede is dalk omdat hulle nie geleer het om geestelik 

te onderskei tussen waar en vals, reg en verkeerd nie. 

Tydens sy tweede sendingreis kom Paulus in Berea 

in Masedonië aan waar hy die Woord van die Here verkondig. 

Van die mense van Berea word getuig: “Hulle het 

met groot belangstelling na die woord geluister en elke 

dag die Skrif ondersoek om te sien of dit is soos Paulus 

sê” (Hand 17:11). Dit is duidelik dat hulle nie alles wat 

hulle gehoor het en alles wat aan hulle verkondig is, vir 

soetkoek opgeëet het nie. Hulle het dinge eers getoets 

en aan die Skrif gemeet. 

Dit is wat van elke gelowige verwag word, elke dag 

van sy lewe! Die tydskrif wat jy lees of die musiek wat jy 

luister of die ontspanning wat jy geniet – wat sit daarin? 

Wat put jy daaruit? In watter mate gaan dit bydra tot 

bouwerk in jou lewe en persoonlikheid, jou verhouding 

met God? 

As dit by sake kom soos dobbelmasjiene, lotery met 

asembenemende prysgeld, aborsie, genadedood, vrye 

liefde, sondagsport, rolprente, video’s ensovoorts – hoe 

beoordeel jy dit? Vra jy jouself vooraf af na die reg of 

verkeerd daarvan, of volg jy die stroom van die wêreld 

na en neem deel aan alles wat aangebied word? Dit vra 

van jou ’n goeie geestelike onderskeidingsvermoë om 

’n verantwoordelike besluit te kan neem, sodat jou optrede 

in en deelname aan die wêreld tot eer van God mag 

wees (Pred 12:13; 1 Kor 10:31; Kol 3:17; 1 Pet 4:11). 

’n Christen met ’n aktiewe geestelike onderskeidingsvermoë 

sal waaksaam wees dat hy nie uitsprake maak 

en standpunte inneem oor ’n saak, en dat dit dan op ’n 

ander terrein van die lewe botsings en kortsluitings veroorsaak 

nie. 

Bybelse uitgangspunt 

Die vernaamste rede waarom die gelowige alle dinge 

geestelik moet onderskei en beoordeel, is omdat die 

Bybel die voorbeeld stel. Dink maar aan die “rein/onrein”bepalings 

van die Ou Testament. Die Here het dit aan 

die Israeliete opgedra om voortdurend op hulle hoede 

te wees ten opsigte van hulle daaglikse optrede, of dit 

rein is of onrein. Nie alleen net hulle optrede nie, maar 

hulle moes ook geestelik onderskei ten opsigte van hulle 



kos en kleredrag. Israel kon nie eet 

en aantrek wat hulle wou nie. Van 

hulle is verwag om nougeset op hierdie 

dinge te let, wat volgens God se 

wil is en wat nie. In hulle daaglikse 

lewe moes hulle voortdurend onderskei 

wat God se wil is en wat nie. 

Direkte kontras 

Vandag is die standpunt van baie 

gelowiges net die teenoorgestelde. 

Die Bybelse uitgangspunt van voortdurende 

geestelike onderskeiding is 

met ’n gees van verdraagsaamheid 

vervang. Daar word van die standpunt 

uitgegaan dat ’n saak nie altyd 

reg of verkeerd hoef te wees nie. Iets 

hoef nie swart of wit te wees nie, dit 

kan grys ook wees. Dit is nie nodig 

om voortdurend te vra na die reg of 

verkeerd, die sleg of goed van dinge 

nie. Standpunte hieroor is volop! 

• Om te dobbel en aan loterye deel 

te neem, hoef nie kwansuis reg of 

verkeerd te wees nie, jy kan maar 

sonder onderskeiding daaraan meedoen. 

• As dit kom by die naaktheid van 

’n mens se liggaam, en die vertoning 

of uitbeelding daarvan, of pornografie 

of vrye liefde of saamwoon en 

saamslaap voor die huwelik, dan 

Van bl. 8 - Foutvinderige vittery 

doen jy maar daaraan mee sonder om eers te gaan vra of dit mag of nie 

mag nie. Dit hoef moes nie óf reg óf verkeerd te wees nie, sê baie. 

• Sondagviering word vandag net so beskou. Die uitgangspunt is dat jy op 

Sondae maar doen wat jou hand vind om te doen, en waarvoor jy lus is, 

want sport, rolprente, video’s, piekniek, tuinwerk of wat ook al hoef nie juis 

reg of verkeerd te wees op ’n Sondag nie. 

• Ook die keuse van rolprente wat jy gaan sien, of video’s en DVD’s waarna 

jy kyk, of boeke wat jy lees, of tydskrifte wat jy aankoop ... die algemene 

standpunt is dat jy dit maar voor die voet volgens jou eie begeertes bekom, 

sonder om te oordeel of die inhoud daarvan tot eer van God is of nie. 

Jay E Adams, ’n Amerikaanse teoloog, skryf: Om vandag te luister hoe 

Christene praat, of hoe hulle aankope doen in boekwinkels, of om hulle 

kommentaar te hoor oor preke en radio-uitsendings is om ’n kleurblinde 

skilder dop te hou wat sy bes probeer om te onderskei tussen die verwe op 

sy palet. 

Skei die kaf van die koring 

Die Bybel gebruik ’n baie mooi voorbeeld vir ons in hierdie opsig: Jy moet 

so baie kaf weggooi voordat jy by die koring uitkom (Matt 3:12). Die 

Spreukeskrywer gee die volgende tydige raad: “Met baie praat bly die sonde 

nie uit nie; wie sy woorde tel, is verstandig” (10:19). In die gedagte “wie sy 

woorde tel” sit die uitgangspunt dat jy voortdurend moet vra na die reg of 

verkeerd van ’n saak. 

Om dit te kan doen, vra ’n skerp geestelike onderskeidingsvermoë. Indien 

jy jouself nie oefen om altyd fyn te onderskei wat vir ’n Christen kan en mag, 

en wat nie kan en mag nie, sal jy later só verdraagsaam, inskiklik en toegeeflik 

word dat alles onder die son toelaatbaar gaan wees, en jy glad nie 

meer in staat sal wees om te kan onderskei tussen wat reg en verkeerd is 

nie. Die Franse praat van ’n “laissez-faire”-benadering. Dit is ’n laat-maarloop-beleid, 

of ’n laat-maar-gaan-uitgangspunt. 

So kan ’n verloste kind van die Here nooit wees nie. Dit druis in teen alle 

fasette van die geloof. CNM 

wegdryf. Dan begin jy die foute in ander se lewe sien en beterweterig daaroor praat. 

Wanneer jy digby God leef en met sy liefde vervul is, dan dek die liefde ’n menigte tekortkominge en gebreke. 

Dan wil jy in die liefde jou naaste help om sy tekortkominge en gebreke te oorkom. CNM 


Prof. FW (Fritz) de Wet (Teologiese Skool) 

Dit is opvallend hoe gereeld daar in onlangse 

teologiese brandpuntartikels in die openbare 

pers na die sogenaamde “denkende mens” verwys 

word. Een onlangse voorbeeld hiervan kan in ’n artikel 

van Julian Müller met die titel “Dit wat ons nie dink” 

(Beeld, 6 Maart 2010) gevind word: “Met die ontwikkeling 

van die wetenskaplike wêreldbeeld waar daar nie meer 

’n bo en ’n onder in die heelal is nie, en waar daar bewyse 

is van ’n evolusionistiese ontwikkeling oor miljoene jare, 

word dit vir die denkende mens toenemend moeilik om 

aan ’n teïstiese God te glo.” 

In ’n teïstiese beskouing word God volgens Müller buite 

die wêreld gestel. Hy voer iewers eenkant sy eie bestaan. 

Vanuit sy hemelse domein maak Hy met ons kontak, en 

onderhandel Hy met ons oor ons saligheid of verdoemenis. 

Hierdie beskouing berus dan op die antieke siening, 

gebore uit die konstellasie-wêreldbeeld, dat die ganse 

heelal in drie verdiepings opgedeel is – met God op die 

boonste, hemelse verdieping; ons op die middelste, aardse 

verdieping; en die bose in die dieptes onder die aarde. 

Die denkende mens is dan een wat hom laat lei deur die 

wetenskaplike wêreldbeeld waarin die werklikheid uit 

evolusionistiese ontwikkeling verklaar word. Aansluiting 

by die hierdie wetenskaplike wêreldbeeld behels dat God 

gesien word vanuit sy ineengeweefdheid in die werklikheid. 

’n Beeld word gevorm van ’n God wat om elke hoek 

of draai kan verskyn, in enige gedaante of gebeure, maar 

wat nooit voorspel en vasgevang kan word in ons gedagtes 

of formuleringe nie. 

In die wegbeweeg van die teïstiese beskouing word daar 

oor God in terme van post-teïsme of selfs a-teïsme gedink. 

Hier kan verwys word na die uitsprake van ds. Klaas 

Hendrikse wat bekendstaan as die ateïstiese dominee 

van Nederland. Sy standpunt is dat God nie ’n wese is 

nie, maar ’n woord vir wat tussen mense kan gebeur. 

Die implikasie van die weg wat die denkende mens opgaan, 

is dat die Skrif geherinterpreteer moet word, aangesien 

die antieke wêreldbeeld wat daarin vervat is, nie 

meer versoenbaar is met die wetenskaplike wêreldbeeld 

wat besig is om uit te kristalliseer nie. 

’n Ander voorbeeld van die weg wat deur die sogenaamde 

denkende mens opgegaan word, en die implikasies 

daarvan vir Skrifgebruik, kan gevind word in die onlangse 

- brandpunt - 

Die denkende mens 

debatte oor die huweliksbeskouing en die problematiek 

rondom saamwoon voor die huwelik. Die denkende mens 

neem sy vertrekpunt vanuit die ingewikkeldheid van die 

wêreld waarin ons leef. Volgens hierdie benadering maak 

sosiale en ekonomiese realiteite dat mense in sekere 

gevalle nie anders kan as om eerder saam te woon nie, 

in plaas van om ’n wettige huwelikskontrak te sluit. Daarom 

is dit noodsaaklik dat die oorvereenvoudigde, naïewe 

antwoorde wat in die Skrif gegee word, geherinterpreteer 

word. 

Dit kom daarop neer dat die Skrif slegs ’n relatiewe betekenis 

het vir die antwoorde wat ons moet vind in die komplekse 

realiteit waarmee ons elke dag te doen het. 

Die denkende mens sal homself egter moet verantwoord 

of hy nie besig is om homself en sy denke op die troon te 

plaas, en besig is om homself te verhef bo die Skrif nie. 

Net soos daar in ’n fundamentalistiese gebruik van die 

Skrif die gevaar geleë is om die eiebelange op die troon 

te plaas en dit manipulerend en verengend af te dwing, 

is dit moontlik dat in reaksie teen fundamentalisme die 

Skrif gerelativeer word om by die reikwydte van die eie 

denke aan te pas. 

Wat nodig is vir die denkende mens, is om in die geloof 

tot Christus te nader, waar Hy aan die regterhand van 

die Vader oor alle dinge regeer. Waar Christus deur sy 

Woord en Gees regeer, word die mens wat homself gewillig 

onder die regering van Christus stel, se denke nuutgemaak 

en verruim – hy sien die lewe in ’n gans ander lig. 

Waar Christus deur sy Woord en Gees regeer, word 

ons denke met helderheid gevul 

Waar Christus deur sy Woord en Gees regeer, is daar 

helderheid. In die Skrif openbaar God Hom as die Een 

wat lig is. Daar is geen duisternis in Hom nie. Onder leiding 

van die Gees word die denke verruim om te sien 

waar die ontsaglik heilige God teenwoordig is, daar is lig 

en lewe. Dit word volkome duidelik dat hierdie wêreld 

waarin ons woon die skeppingswerk van God is, dat Hy 

dit onderhou, dat Hy dit deur die koms van sy Seun gered 

het van verlorenheid, en dat Hy dit tot ’n voleindiging 

van oorvloedige lewe sal bring. 

In die helder openbaringslig word ons lewe geanker in 


- brandpunt - 

troosryke sekerheid, en nie in die onsekerheid 

van onvoorspelbaarheid 

en misterie nie. Dit word vir ons volkome 

duidelik waar ons vandaan kom 

en waarheen ons op pad is. Alles wat 

ons moet weet om tot eer van God 

en tot ons saligheid te lewe, word in 

die Skrif volkome duidelik deur God 

geopenbaar. 

Deur die helderheid van die openbaringslig 

word die klein kringetjie van 

ons eie denkvermoë verruim om die 

sigbare werklikheid waarin ons verkeer, 

te sien in die ingebed-wees 

daarvan in die hande van God wat sy 

ganse skepping omvou. Ons word in 

staat gestel om verby die beperkte 

reikwydte van wetenskaplike teorieë 

oor die ontstaan, ontwikkeling en 

toekoms van die kosmos te kyk. Alle 

inperkende denkkategorieë word 

deur die helderheid van dié lig weggesmelt. 

Waar die Skrif hanteer word onder 

leiding van die Gees van Christus, 

verdwyn die grys gebiede en donker 

skaduwees van die komplekse 

vraagstukke waarmee die hedendaagse 

mens worstel, op die agtergrond. 

Dit wat die voorgrond van ons 

denke bepaal oor byvoorbeeld die 

huwelik en die kwessie van saamwoon, 

is die helder lig van God se 

openbaring oor die wese en doel van 

die huwelik. 

Onder leiding van die Gees van Christus 

word daar nie primêr beweeg vanuit 

die probleme wat ons in ons samelewing 

met die huwelik het, asof 

die ingewikkeldheid van ons probleme 

’n element van ontoereikendheid 

ten opsigte van die Skrif kan blootlê 

nie. 

Die primêre beweging vind nie van 

situasie na Skrif plaas nie, maar van 

Skrif na situasie. Die helderheid van 

die Skrifopenbaring oor hoe lieflik die 

huwelik as instelling van God is, en 

oor hoe dit ’n doel het wat ver bo ’n blote aardse kontraktuele verbintenis 

uitgaan, ontbloot tot ons eie skaamte die eiewillige, selfgesentreerde en 

duister motiewe waarmee ons dikwels ons problematiek formuleer. 

Waar Christus deur sy Woord en Gees regeer, word ons denke tot 

nederigheid gebring 

Waar Christus regeer, besef ons die beperktheid van ons eie denke. Ons 

weet nie alles nie. Ons kan nie alles verklaar nie. Ons word tot die besef 

gebring dat ons nog in ’n dowwe spieël kyk en ’n raaiselagtige beeld sien, 

en eers eendag alles sal sien soos dit werklik is. 

Die huidige toestand waarin ons menswees verkeer, is vergelykbaar met ’n 

smeltdraad wat nie die volle stroom van Goddelike kennis kan verwerk 

sonder om uit te brand nie. Geen mens kan die lewende God sien en bly leef 

nie. Al weet ons dat ons nou reeds kinders van God is, is dit nog nie geopenbaar 

wat ons sal wees nie. Ons verkeer in die spanningsveld tussen die 

“reeds” en die “nog nie”. Maar ons weet wel dat wanneer Jesus weer kom, 

ons soos Hy sal wees. Ons sal Hom sien soos Hy werklik is. 

Ons verkeer in ’n posisie waarin ons met nederigheid kan kennis neem van 

wetenskaplike pogings om dieper in die geheimenisse van die heelal te delf. 

Ons weet dat ons nie finale antwoorde kan gee en alle dinge tot in die fynste 

detail kan verklaar nie, maar hoef ook nie bedreig te voel deur wetenskaplike 

teorieë asof dit die gesagvolheid en die waarheid van die Skrif in gedrang 

kan bring nie. Die wetenskaplike meetinstrumente waarmee gewerk word, 

is immers begrens tot waarnemings ten opsigte van die sigbare en tasbare 

dimensie van die werklikheid waarin ons leef. 

Niemand van ons – hetsy in die geloof, hetsy bloot in die lig van natuurwetenskaplike 

ondersoek na die lewe gekyk word – het finale, volmaakte 

antwoorde nie. Dit is eers eendag dat ons almal alles sal sien soos dit is. 

Waar Christus deur sy Woord en Gees regeer, breek ons denke in 

verwondering oop 

In die hart waarin kinderlike geloof opgewek word, kan daar nie by eendimensionele 

denke oor God en sy betrokkenheid by ons lewe gebly word 

nie. Ons word met verwondering vervul wanneer ons besef dat die liefde 

van God baie wyer en verder en hoër en dieper strek as wat ons ooit sou kon 

dink of dit vir onsself sou kon voorstel. Ons sien dit, maar deurgrond dit nie. 

Verwondering kan nie anders as om die gerigtheid van ons denke op die 

uiting van lof te laat uitloop nie. Wie deur kinderlike geloof in onderdanigheid 

aan Christus na die Skrif gaan, sal nooit teleurgesteld staan omdat hy minder 

gevind het as wat hy verwag het nie. 

Saam met ons Here sal ons altyd met ’n loflied in ons hart kan sê: Ek loof U, 

Vader, Here van die hemel en die aarde, dat U hierdie dinge verberg het vir 

wyse en verstandige mense en dit aan kindertjies geopenbaar het! DK 



- fokusartikel - 

Beeldtaal 

Dr. PP (Paul) Kruger (emeritus, Meyerspark) 

Beginsels ... 

paaie in die hart 

Paaie in die hart, of gebaande weë in die hart, 

soos ons Ouer Afrikaanse Vertaling die 

uitdrukking in Psalm 84:6 vertaal – sou dít nie 

’n gepaste metafoor of beeld wees waarin die 

nadenke oor “ons beginsels” in die lig van die Skrif kan 

saamtrek nie? Natuurlik: dit is nie ’n “definisie” in 

terme van die menslike rede soos deur voorstanders 

van ’n humanistiese Verligtingsdenke vereis sou word 

nie. Daarteenoor: Het die groot Christendenker en – 

wetenskaplike Blaise Pascal dan verniet, in die 17de 

eeu al, gesê: “Die hart het sy redes waarvan die rede 

nie weet nie”? 

Kom ons kyk met redes van die hart – wat vanselfsprekend 

nie gelowige denke uitsluit nie! – na ons lewensbeginsels, 

in soverre hulle gebaande weë in die hart 

vorm. Watter soort hart is dit hierdie? Watter soort 

paaie word hier bedoel? In watter lig word hulle 

gebaan? 

Hartpaaie 

Mooier as wat ’n bekende reformatoriese teoloog, 

meer as ’n eeu gelede, die diep betekenis van ons 

harte in ons lewens as gelowiges beskryf het, kan dit 

nouliks gedoen word: 

“Ons hart is die brandpunt waarbinne al die strale van 

die geskape dinge saamgetrek word; die spieël waarin 

alles weerkaats word. Indrukke, gewaarwordinge, 

aandoeninge, stroom van alle kante op ons aan. Ons is 

toeganklik vir sowel die melodieë van die engele as vir 

die gehuil van die duiwels; sowel vir die lied van die 

skepping as vir die sugte van die skepsels. Daar is 

geen taal wat nie deur die menslike hart begryp word 

nie; geen stem wat nie weerklank vind in ons siel nie” 

(H Bavinck). 

In híérdie harte is daar paaie uitgekerf wat van die 

eerste Christene “Mense van die Pad” gemaak het, 

soos die boek Handelinge hulle op meer as een plek 

noem. Ménse was hulle wat van harte deur die Heilige 

Gees volgelinge, navolgers, geword het van Hóm wat 

gesê het: “Ek is die Weg en die Waarheid en die Lewe.” 

Iets soos ingeboude horlosies en radarstelsels in die 

hart gee God vandag nog vir sy kinders in die vorm van 

hartpaaie of lewensbeginsels. Maar hierdie beginsels 

moet daadwerklik funksioneer – soos die ingeboude 

“tydtafels” van die voëlsoorte waarvan Jeremia praat 

(7:7) – “Die trekooievaar ken sy tye van kom en gaan, 

die tortelduif, die swaeltjie en die kraanvoël kom op ’n 

vaste tyd terug, maar my volk wil nie weet wat die 

Here vir hulle vasgestel het nie.” 

Pelgrimspaaie 

Iets soos ingeboude horlosies en 

radarstelsels in die hart gee God vandag nog 

vir sy kinders in die vorm van hartpaaie of 

lewensbeginsels. 

Waar sulke swaeltjies, soos die profeet besing, 

instinktief die pad na God se altare ken, ken die digter 

van Psalm 84 die roete daarheen as gebaande weë in 

sy hart. 

Op goeie gronde kan hierdie woorde ook vertaal word 

pelgrimspaaie in die hart. Dwarsdeur alle roepstemme 

vanuit die “tente van goddeloosheid” rondom hom, 

dwarsdeur al die moeites van sy eie lewe heen, trek 

die gebaande weë in die hart van 

hierdie pelgrim hom “na Sion heen”. 

Pelgrims is mense wat beweeg, 

reisigers. Hulle kan nie te lank op een 

plek bly nie. Hulle weet hulle is 

bywoners en vreemdelinge in hierdie 

wêreld. Hulle harte word telkens weer 

onhoog gehef na Jesus Christus toe, 

aan die regterhand van sy Hemelse 


Vader – soos dit by die sursum 

corda weerklink, daardie 

ondeurgrondelike hartsverheffing, 

een van die sentrale handelinge van 

die Heilige Nagmaal! 

Ons lewensbeginsels – ook soos 

hulle in besonderhede binne die 

talryke etiese en ander vrae van ons 

tyd toegepas moet word – bly beginsels of hartpaaie 

van pelgrims. Die gearriveerde manier waarop ons, en 

ander kinders van die 16de-eeuse Reformasie, soms 

ons beginsels gehanteer het – en miskien nog sou 

wou hanteer! – stry met ons posisie as 

geloofspelgrims. Ons het beslis nie al die antwoorde 

nie! Ons ken immers nog ten dele. Ons loop nog die 

pad sáám met ál die worstelende, soekende mense 

van ons tyd – al het ons die pelgrimspaaie in ons harte 

ontvang. Ons weet dat daar in hierdie eerste dekade 

van die 21ste eeu talle paaie is wat ons “gister en 

eergister” nie geloop het nie (Jos 3:4). Nuwe 

struikelblokke in die Droë Laagtes bring nuwe 

uitdagings vir ons pelgrimspaaie na ’n nuwe hemel en 

’n nuwe aarde toe. 

Al kan ons dan, mét al ons beginsels, vandag dikwels 

nie redelik deursigtige antwoorde vir mense gee nie, 

mag ons maar soms, soos die apostel Paulus, “oor 

raad verleë” wees – solank ons net nie “radeloos” (dit 

wil sê: sonder uitweë in ons hart) word nie (2 Kor 4:8)! 

Was dit nie die kerkvader Augustinus wat eenkeer 

erken het dat ons nie altyd antwoorde op soekende 

mense se moeilike geloofsvrae het nie – en toe die 

volgende wonderlike woorde bygevoeg het: “Dit is tog 

vir hulle beter om U te vind, terwyl die vraag 

onbeantwoord is, as dat hulle die antwoord vind en nie 

by U uitkom nie”? 

Dit geld natuurlik vir onsself vandag ook. Belangriker 

as om ons beginselantwoorde tot in die fynste 

besonderhede met ons verstand – en dan nog 

verkieslik sistematies, op papier! – te probeer 

formuleer, is om “te wandel in die lig wat van U 

afstraal, voort”. 

Ligpaaie 

Pelgrimspaaie van die hart, ons lewensbeginsels, word 

“in U lig” gebaan. Hierdie belydenis kán egter, dalk 

onbewustelik, ’n maklik hanteerbare en bloot uiterlike 

leuse word. Dán kan dit die pelgrimspaaie van ons 

hart nie meer daadwerklik báán nie. Dán kan dít 

In hoeverre word ons beginsels gebore in 

die lig van die lewende God se aangesig 

en nie maar net as produk van ons 

“denksisteem” vervaardig nie? 


gebeur waarteen Calvyn al so indringend gewaarsku 

het: “Die leer bevries wanneer dit nie deur God 

werksaam gemaak word nie.” Die Amerikaanse 

teoloog Leonard Sweet beweer in 2009 nog dat die 

kerk vanaf die Hervormingstyd geleidelik, maar 

gedurende die afgelope 30 jaar rasend-snel, ’n 

“beginselfabriek” geword het. Hy het ongetwyfeld in 

die eerste plek die Amerikaanse politiek-gerigte 

“Evangelicals”, met hulle dikwels slagkreet-agtige 

teologie, in gedagte. 

Tog daag hy ons ook hiermee uit om onsself af te vra: 

In hoeverre word ons beginsels gebore in die lig van 

die lewende God se aangesig en nie maar net as 

produk van ons “denksisteem” vervaardig nie? 

“Ontvriesing” van ons beginsels is alleen moontlik 

wanneer daardie beginsels voortdurend in die lig van 

die lewende God se stralende aangesig opgehou en 

deurlig word! Dáárop dui die aangrypende woorde van 

Psalm 36:10 tog: “Want by U is die fontein van die 

lewe; in u lig sien ons die lig.” Dorstige mense hunker 

daarna om van die lewenswater uit God self, die 

Fontein van die lewe, te drink. 

Vanuit die Nuwe Testament is dit duidelik dat die 

Heilige Gees die Lewenswater is wat uit ons, dorstiges 

na Christus, se binneste vloei (Joh 7). Christus kom na 

ons toe “as ’t ware bekleed” met die Heilige Skrif 

(Calvyn). So laat God deur sy Woord in ons harte ’n lig 

skyn om ons deur die verligting van die Heilige Gees 

die heerlikheid te laat ken wat van die aangesig van 

Jesus Christus uitstraal (2 Kor 4:6). Alleen binne 

hierdie konteks van lewende woorde (Hand 7:38), soos 

dit uit die Skrif en deur die Gees kom, mag ons werklik 

lewensbeginsels “in u lig” handhaaf en telkens opnuut 

vorm. 

Wanneer die aangesig van Jesus Christus só deur sy 

Woord en Gees in ons harte inskyn, word ons 

lewensbeginsels meer en meer pelgrimspaaie in ons 

harte. Dán sal ons ook meer en meer midde-in die 

warboel vrae vandag dié lig sien! DK 


- fokusartikel - Dr. GJ (Gerrie) van Wyk (Rustenburg) 

God se Woord is my antwoord ten opsigte van ... 

probleemoplossings 

Elke mens, elke gelowige het probleme. 

Sommige probleme is groter en ernstiger as 

ander. Die vraag is: Hoe hanteer jy jou 

probleme? Waar soek jy antwoorde en waar 

vind jy oplossings vir jou probleme? Vir ons as 

gelowiges is dit belangrik om ’n Bybelse 

antwoord op elke probleem te vind. 

Jesus stel sy dissipels voor ’n gevaarlike probleemsituasie. In hierdie 

probleemsituasie wil Jesus nie net ’n antwoord op hulle krisis gee nie, 

maar ook vir hulle wys wie Hy werklik is (Mark 4:41). Hy bring sy 

dissipels tot die besef dat Hy die Seun van God en hulle Verlosser in die 

nood is. In Markus 4:35-41 word ’n sewevoudige antwoord op die dissipels 

se situasie en hulle probleme gegee. 

Kom ons vaar oorkant toe 

Laat daardie middag, na ’n vermoeiende dag tussen soveel mense, sê 

Jesus vir sy dissipels: Kom ons vaar oorkant toe (vs 35). Jesus se woorde 

is weldeurdag. Jesus werk met ’n plan. Hy lei hulle in en deur ’n probleemen 

krisissituasie. Hy leer hulle om hulleself, hulle probleme, maar ook vir 

God en vir Jesus en sy antwoord op hulle probleme raak te sien. 

’n Groot storm het losgebars 

Om laatmiddag in ’n skuit te klim en 

oor die see te vaar na die ander kant, 

was dikwels ’n riskante onderneming. 

Baie gou kon die wind opkom 

en reuse golwe veroorsaak wat elke 

visserman van angs laat bewe het. 

So was dit dan ook daardie middag. 

Skielik het ’n groot storm losgebars. 

Die golwe het in die skuit geslaan, 

sodat die skuit begin vol word het. 

Jesus bring die wind en golwe in 

beweging. Hy is saam met hulle, 

maar ook bokant die situasie 

verhewe. Deur hierdie storm, 

hierdie probleemsituasie, lei Hy 

hulle na Hom as Verlosser. 

Jesus lê en slaap 

Jesus het op die bank in die 

agterstewe van die skuit gelê en 

slaap. Dit het die dissipels baie 

ontstel. Vir die dissipels het dit 

gevoel of Jesus salig onbewus was 

van die gevaar. Hy het hulle 

aangesê om oor te vaar na die 

ander kant, maar nou moet hulle 

die probleem self oplos. Hulle weet 

nie wat om te doen nie. Iets moet 

gedoen word, anders verdrink hulle 

en Jesus. Hulle vrees vir hulle lewe, 

maar Jesus slaap. 

Wat hulle nie geweet het nie, was 

dat die moeë, slapende mens 

Jesus allesbehalwe afwesig was. Hy 

is nie net die slapende Jesus nie, 

maar ook die Seun van God wat nie 

slaap nie. Hy weet alles: van die 

Ons is geneig om in tye van krisis vrye 

teuels aan ons vrese, ons bekommernis te 

gee, om selfs aan die Here te twyfel, om sy 

wyse beskikking te bevraagteken, om soos 

die dissipels te dink dat die Here nie sien, 

nie omgee wat van ons word nie, nie help 

wanneer dinge handuitruk en ons ons 

vasloop teen ons probleme nie. 


verskriklike wind en die gevaarlike 

golwe, ook van hulle angs, hulle 

groot probleem. Hy weet ook van 

jou probleme, Hy ken jou angs en 

bekommernis. 

Die dissipels soek dringend Jesus 

se hulp 

Die dissipels staan voor ’n skynbaar 

onoplosbare probleem van 

lewe en dood. Inderhaas maak 

hulle Jesus wakker. Hulle soek 

uitkoms by Jesus in die storm. 

Geen probleem kan sonder God en 

Jesus se reddende genade opgelos 

word nie. Jesus en God moet 

biddend gesmeek word vir redding 

in ’n noodsituasie. Hy het immers 

die mense uitgenooi met die 

woorde: “Kom na My toe, almal wat 

uitgeput en oorlaai is, en Ek sal 

julle rus gee” (Matt 11:28). 

Jesus maak die storm stil 

Jesus ignoreer nie die noodgeroep 

van sy dissipels nie. Hy luister en 

tree dadelik op. Hy red hulle in 

gevaar. Jesus staan op, bestraf die 

wind en sê vir die see: “Hou op! 

Bedaar!” Jesus openbaar sy almag. 

Deur Hom het die Vader alles 

gemaak. Die hele skepping, ook 

die wind, die see en die golwe 

luister soos in die begin na sy 

bevel. “Die wind het gaan lê en 

daar het ’n groot stilte gekom.” Die 

een oomblik was die dissipels nog 

beangs, het hulle hul blindgestaar 

teen die storm, en die volgende 

oomblik beleef hulle deur Jesus se 

toedoen ’n doodse stilte en 

uitkoms. 

Die dissipels se vrees word 

aangespreek 

Jesus praat met hulle. Jesus 


openbaar Homself in sy almag en majesteit, maar Hy spreek ook hulle 

vrees aan. Hy vra twee vrae wat hulle tot die besef van hulle eie swakheid 

en diepe afhanklikheid van Hom bring: “Waarom is julle bang? Het julle 

dan nie geloof nie?” 

Jesus leer sy dissipels, maar ook elke gelowige, om in ’n krisissituasie 

soos dié van die dissipels na Hom toe te gaan en sy hulp te soek. Dis nie 

nodig om te vrees nie. Hy wil hê dat ons hulp, leiding en uitkoms vir ons 

probleme by Hom moet soek. Ons is geneig om in tye van krisis vrye 

teuels aan ons vrese, ons bekommernis te gee, om selfs aan die Here te 

twyfel, om sy wyse beskikking te bevraagteken, om soos die dissipels te 

dink dat die Here nie sien, nie omgee wat van ons word nie, nie help 

wanneer dinge handuitruk en ons ons vasloop teen ons probleme nie. Dis 

egter nie waar nie. Hy is ons Helper en Verlosser in die nood. 

Die dissipels word met ontsag vervul en vra wie Hy tog kan wees 

Direk na die stilmaak van die storm op see is die dissipels met groot 

ontsag vervul. Onbegryplik groot is die weë van Jesus en God. Waar hulle 

aanvanklik ná hierdie groot wonderwerk gevra het: “Wie kan Hy tog wees 

dat selfs die wind en die see Hom gehoorsaam?”, het hulle ná sy kruisiging 

en opstanding verstaan dat Jesus die mens ook die almagtige en 

alwyse Verlosser en die Seun van God is. Nie alleen het Hy die mag om 

hulle lewe en selfs hulle probleme in sy raadsplan in te sluit, of om die 

natuur te beheers nie, maar hulle te red van die sonde en die dood. Hulle 

grootste probleem, naamlik hulle sonde, het Hy weggeneem aan die kruis 

en daarna teen alle menslike verwagting in opgestaan uit die dood. Nou 

tree Hy vir ons in aan die regterhand van sy Vader. 

Waar vind ons ’n antwoord op ons probleme? 

Uit Markus 4:35-41 word dit duidelik dat Jesus en God in sy Woord die 

pad aandui wat ons ten opsigte van ons probleme behoort te loop. Ons 

probleme is in sy raadsplan ingesluit. Al voel dit vir ons of die Here nie 

sien of hoor nie, asof Hy slaap, leer Hy ons dat Hy alles weet. In ons angs 

en onmag leer ons sy almag ken. Hy luister en help elkeen van ons wat 

biddend na Hom toe kom met groot en klein probleme. Hy antwoord ons 

en gee oplossings vir ons probleme. Hy gee ons sy wonderlike vrede. 

Al voel jou probleme onoplosbaar groot, vertrou op Hom en soek leiding 

by Hom in gebed en in sy Woord. Telkens wanneer Hy uitkoms gee in die 

nood en ons deur sy Woord en Gees ’n oplossing vir ons probleme en ons 

sonde bied, bring dit verwondering en aanbidding. So bring Hy ons tot die 

besef van ons eie nietigheid en onmag, maar ook van sy almag en liefde 

as die Seun van God. 

In ons probleme is daar net een pad om te loop, naamlik die pad van 

biddende soeke na sy leiding en sy wil volgens sy Woord. In antwoord op 

ons soeke vind ons oplossings en antwoorde in sy Woord, vind ons Hom 

dié antwoord en Verlosser van ons lewe. DK 


- fokusartikel - Ds. SFF (Steve) van der Walt (Kathu/Olifantshoek) 


negatiewe emosies 

Gaan kyk na jouself. Gaan 

kyk na jou uitkyk op die 

lewe. Deur watter bril kyk jy 

na die werklikheid rondom jou? 

Negatiewe emosies 

Emosies hou verband met jou 

gevoelens: vreugde, vrees of 

hartseer ... Dit beïnvloed jou 

manier van optrede, veral wanneer 

jy toelaat dat dit jou beheer – veral 

wanneer jy altyd die donker en 

moeilike kant van die lewe 

raaksien, en toelaat dat jou lewe 

vanuit jou negatiewe emosies 

beheer word. 

Negatiewe dinge soos stakings, 

korrupsie, geweldspraatjies en 

onsekerhede kan jou beïnvloed om 

alles rondom jou negatief te beleef. 

So kan jy heeltemal eensydig raak 

en met ’n tonnelvisie na alles 

rondom jou kyk en dit so beleef. 

Hoe werk negatiewe emosies op 

mense in? 

’n Goeie voorbeeld van ’n Bybelfiguur 

wat homself deur sy negatiewe 

emosies laat beheer het, was 

Jona. Hy sit buite die stad onder ’n 

skermpie wat hy vir homself 

gemaak het. Hy hou die stad dop 

om te kyk wat daarvan sal word. 

Terwyl hy daar sit, is hy baie 

negatief. Hy is eintlik baie kwaad 

vir die Here. Hy het klaar teen wil 

en dank die Nineviete gewaarsku 

om hulle te bekeer. “Nog net 

veertig dae en Ninevé word 

verwoes.” 

Ons sê teen wil en dank, omdat hy 

– net soos baie van die Jode – 

negatief oor die mense van Ninevé 

gevoel het. Hy sou eerder wou dat 

die Here hierdie stad sonder 

waarskuwing en kennisgewing 

moes verwoes. Israel was – so het 

hy gevoel – tog die uitverkore volk 

van God. Die profeet Nahum het 

dan die oordeel van die Here teen 

Ninevé (Assirië) aangekondig. Maar 

nou moet hy, Jona, hulle oproep om 

hulle te bekeer en hulle lewens te 

verander! Daarby het hy geweet (en 

was bevrees) dat die Here die 

Nineviete sou vergewe indien hulle 

met berou en bekering op die 

prediking sou reageer. 

Negatiewe gevoelens dryf jou om 

jou verantwoordelikhede te 

ontduik! 

Jy is moontlik al betrap dat jy met 

negatiewe emosies ’n sekere 

prentjie in jou kop het hoe die Here 

moet optree. As dit nie realiseer 

nie, laat ons toe dat ons negatiewe 

emosies met ons weghardloop. 

Dan sit ons voet neer en weier om 

die pad te loop waarop die Here 

ons wil laat loop. 

So besluit Jona om liewer na Tarsis 

te vlug! So ver moontlik van Ninevé 

af – asof hy op hierdie manier van 

sy opdrag kan loskom! Selfs 

wanneer sy ongehoorsaamheid op 

die lappe kom, gryp hy nie die 

geleentheid aan om God te verkondig 

as die goeie, geduldige God wat 

bereid is om op bekering sy oordeel 

op te hef nie. Inteendeel, sy gedrag 

en gevoelens beeld God negatief 

uit. God is volgens hom in die storm 

nie die God wat in liefde sy drostende 

dienaar opsoek nie, maar 

veroordeel. 

Hy sien die storm nie as ’n geleentheid 

om hom te bekeer en terug te 

gaan om sy opdrag uit te voer nie – 

om iets te gaan doen wat ’n verskil 

in God se Koninkryk sal maak nie. 

Hy sal homself liewer met sy 

negatiewe emosies sonder hoop 

verdrink as om homself nuut vanuit 

God se Woord te spieël en na nuwe 

geleenthede van diens te gryp. 

God se Woord ons antwoord op 

ons negatiewe emosies – God 

laat Hom nie in sy werk keer nie! 

God gee vir Jona soveel geleenthede 

om tot inkeer te kom! Hy beskik 

’n storm op die see. God bring die 

kajuitpersoneel tot die insig dat 

Jona die oorsaak van die storm is. 

Hy laat Jona met hulle toestemming 

in die see spring. Hy beskik ’n 

groot vis wat vir Jona insluk. Binnein 

die ingewande van die vis gee Hy 

vir Jona ’n uitstekende geleentheid 

om hom van sy negatiewe uitkyk 

op ander te bekeer. 

Daarvoor moes Jona geestelik 

afsterf van homself sodat hy deur 

hierdie oefenskool kan opstaan tot 

’n nuwe lewe, gevul met positiewe, 

koninkryksgerigte insigte. 

Ook nou, wanneer Jona onder sy 

skerm sit en negatief afwag of God 

nie miskien tog Ninevé wil verwoes 

nie, skep God ’n geleentheid om 

eers deur ’n negatiewe ervaring te 


kom tot ’n positiewe belydenis. Hy laat ’n komkommerplant in een nag 

opkom en groei tot so ’n hoogte dat die skaduwee van die plant se blare 

Jona nie net van die hitte afkoel nie, maar ook van sy eie negatiewe 

gevoelens – en dit terwyl hy negatief wag op die vernietiging van Ninevé. 

Met die skielike opskiet van die komkommerplant laat Hy vir Jona sien 

wat Hy positief kan doen. Hy kan in ’n oogwink, sonder dat ’n mens ’n 

vinger verroer, ’n komkommerplant laat opkom om vir Jona koelte te gee. 

Maar Hy kan ook binne ’n oogwink ’n wurm stuur om die wortel van die 

wonderboom af te vreet sodat die boom doodgaan. 

Hiermee onderrig Hy die steeds negatiewe Jona dat net so kosbaar as wat 

die wonderboom vir Jona is, net so kosbaar is die Nineviete vir God. Hy wil 

Ninevé ten alle koste red – net soos Jona die komkommerplant wou red. 

En tog laat Jona hom nie tot positiewe denke beweeg nie! 

Dan hang daar ’n stilte in die lug. Die boek Jona gee geen antwoord op 

wat verder sou gebeur nie! Dit is ook ’n antwoord van God vir hulle wat 

hardnekkig weier om God se pogings om mense tot positiwiteit te 

beweeg, te aanvaar. 

God bring ’n positiewe antwoord vir gelowige aanvaarding van sy positiewe 

boodskap! 

Jona se verblyf in die maag van die vis word ’n profesie van Jesus Christus 

wat werklik vir drie dae en drie nagte in die graf lê om daarna op te staan 

(Opstanding). Met Jesus Christus se oorwinning oor die negatiewe magte 

van die duiwel en die sonde breek sy nuwe, positiewe regering deur. 

So kom God se positiewe antwoord op negatiewe emosies 

• Toe Elia negatief gevoel het dat daar nie ’n enkele knie is wat nie voor 

Baäl gebuig het nie, versterk die Here hom eers vir sy roeping vorentoe. 

Daarna gee Hy vir hom hulp! 

• Ook met die gelykenis van die verlore seun antwoord Hy die 

gevestigde kerke op hulle klagte teen die afvalliges dat Hy die liefdevolle, 

opsoekende Vader van almal is – nie net van die afvalliges nie, maar ook 

van die gearriveerde kinders van God. 

• Vir kleingelowige, feit-georiënteerde 

mense soos Tomas, wat net die swart 

kant sien, roep Hy om Hom aan te raak 

en die positiewe beloftes met hulle eie 

oë te sien, te ervaar en hulle eie te 

maak. 

God se antwoord op ons negatiewe 

gevoelens is die positiewe beloftes van 

Christus se oorwinning aan die kruis. Hy 

gee ons deur sy Woord en Gees nuwe 

geloofsoë om anders na ons 


omstandighede te kyk (Ef 4:17 vv). 

Die sonde en die sondige lewenstyl 

kort ons insig op die lewe en op 

God se bestuur van die wêreld in. 

Ons het nodig om nuutgemaak te 

word. Ons moet die sonde en ons 

sondige ou mens soos ’n vuil 

kledingstuk uittrek en die nuwe 

mens ons eie maak. 

Dan begin ons as mense mekaar 

ook anders sien en besef dat ons 

lede van dieselfde liggaam is. Ons 

behoort bymekaar en het elkeen sy 

eie unieke plek binne die liggaam 

van Christus, sy kerk, ongeag die 

rol wat ons in sy Koninkryk vervul. 

Vernuwe jou gedagtes deur God se 

Woord en Gees en begin nuut oor 

mekaar, jou omstandighede en 

ander mense dink. 

Kyk deur Jesus Christus se oë en 

sien geleenthede binne elke 

situasie raak. Besef dat God deur 

Jesus Christus ook die negatiewe 

oorwin het en nou oor alles regeer. 

Fokus op Hom! Jy sal verseker met 

’n gees van optimisme selfs in die 

mees uitdagende omstandighede 

leef, en roepingsgetrou ’n verskil 

maak waar die Here jou ook al 

plaas. DK 


- fokusartikel - Ds. MP Fourie (Aliwal-Noord) 


geestelike groei 

In Romeine 12:1-2 lees ons die volgende: En nou 

doen ek ’n beroep op julle, broers, op grond van die 

groot ontferming van God: Gee julleself aan God as 

lewende en heilige offers wat vir Hom aanneemlik is. 

Dit is die wesenlike van die godsdiens wat julle moet 

beoefen. Julle moenie aan hierdie sondige wêreld gelyk 

word nie, maar laat God julle verander deur julle denke 

te vernuwe. Dan sal julle ook kan onderskei wat die wil 

van God is, wat vir Hom goed en aanneemlik en 

volmaak is. 

Omdat God ons uitverkies het in Jesus 

Christus, word ons – as sy kinders – 

opgeroep (beveel) om onsself aan 

Hom te gee. Hierdie “gee” is nie maar 

iets waaroor ons rustig sit en besluit 

oor wat en hoe ons sal gee nie. 

Dit wat gegee moet word, moet 

onsself wees, maar ook baie meer as 

dit, naamlik ons moet lewende, heilige 

en vir God aanneemlike offers wees. 

Hoe lyk “lewend, heilig en vir God aanneemlik”? 

In Romeine 8:29 staan: Dié wat Hy lank tevore verkies 

het, het Hy ook bestem om gelykvormig te wees aan die 

beeld van sy Seun, sodat sy Seun baie broers kan hê 

van wie Hy die eerste is. God het besluit dat dié wat Hy 

uitverkies het, ook bestem is om gelykvormig te wees 

aan die beeld van sy Seun. 

Geestelike groei is daardie proses waardeur dié wat 

deur God uitverkies is, voortdurend meer soos Jesus 

Christus word. Die diepste grond vir die proses van 

groei lê dus baie ver terug in God se ewige uitverkiesing 

in Christus. Die leer van die uitverkiesing maak dit 

vir ons duidelik dat ons deur God verkies is sodat en 

nie omdat nie. 

God het ons verkies sodat ons tot geloof kan kom en 

sodat ons geestelik kan groei om gelykvormig te wees 

aan die beeld van sy Seun. Geestelik groei sodat ons 

net so lewend, heilig en vir God aanneemlik sal wees 

soos wat Christus is. 

Wie bewerk die groei? 

God het ons uitverkies sodat ons kan groei. As dit ’n 

geval was dat God ons uitverkies het omdat ons groei, 

dan sou ons dalk kon redeneer dat ons die krag en 

vermoëns het om self te groei. As groei uit onsself 

was, sou die argumente wat opgaan dat ons 

As nuwe mense in Christus is ons anders as 

die wêreld, en in die proses om gelykvormig te 

wees aan die beeld van Christus, moet ons nie 

aan hierdie sondige wêreld gelyk word nie. 

Word soos Christus – moenie word soos die 

wêreld nie! 

verantwoordelik is om te groei na God en ons naaste 

toe, dalk waar kon wees. Dit is egter glad nie so nie, 

want niks en niemand kan self groei nie. 

Ons moet onsself as lewende offers gee. Kan jy jouself 

lewend maak? Nee, dit is God wat die lewe gee en 

deur sy Heilige Gees laat Hy ons weer gebore word om 

in Christus nuwe mense te wees. Nuwe mense wat 

lewe in Christus, omdat God ons tot hierdie nuwe lewe 

verkies het. 

God maak ons lewend om onsself aan Hom as offer te 

gee. ’n Lewende offer wat elke dag geestelik moet 

groei om gelykvormig te wees aan die beeld van sy 

Seun. 

Ons moet onsself as heilige offers gee. Kan jy jouself 

heilig maak? Nee, dit is God wat ons heilig maak, en in 

ons uitverkiesing sonder Hy ons af vir Hom sodat ons 

nie deel van die wêreld is nie, maar anders as die 

wêreld sal wees. Nuwe mense wat heilig is in Christus, 


omdat God ons verkies het tot hierdie 

heiligheid 

God maak ons heilig om onsself aan 

Hom as offer te gee. ’n Heilige offer 

wat elke dag geestelik moet groei om 

gelykvormig te wees aan die beeld van 

sy Seun. 

Ons moet onsself gee as offers wat vir 

God aanneemlik is. Die voorstanders van die teorie dat 

geestelike groei ’n proses is waaraan die mens self 

moet meewerk, wil graag hierdie gedeelte aangryp om 

aan te toon dat hoewel dit God is wat lewend en heilig 

maak, dit tog die mens se eie verantwoordelikheid is 

om te besluit wat vir God aanneemlik is. 

God het ons uitverkies om ons te verander om 

gelykvormig te wees aan die beeld van sy Seun, sodat 

ons onsself as offer kan gee wat vir Hom aanneemlik 

is. ’n Aanneemlike offer wat elke dag geestelik moet 


Seun. 

In Romeine 12:2 word dit uitgespel hoe ons kan weet 

wat vir God aanneemlik is, wanneer die Here vir ons 

sê: Julle moenie aan hierdie sondige wêreld gelyk word 

nie, maar laat God julle verander deur julle denke te 

vernuwe. Dan sal julle ook kan onderskei wat die wil 

van God is, wat vir Hom goed en aanneemlik en 

volmaak is. 

As nuwe mense in Christus is ons anders as die 

wêreld, en in die proses om gelykvormig te wees aan 

die beeld van Christus, moet ons nie aan hierdie 

sondige wêreld gelyk word nie. Word soos Christus – 

moenie word soos die wêreld nie! 

Dan word dit vir ons verduidelik hoe hierdie groei moet 

geskied, naamlik: laat God julle verander. God bewerk 

die groei. Hy verander ons. Hy maak ons nuut. Hy stel 

ons in staat om te kan onderskei wat sy wil is en wat 

vir Hom goed en aanneemlik en volmaak is. 

Effek van die groei? 

Die effek van die geestelike groei in ons lewens word 

onder andere in Romeine 12:3-8 beskryf. Vers 3(a) stel 

dit baie duidelik dat wanneer ons na die effek van 

geestelike groei in ons lewens kyk, ons baie versigtig 

moet wees dat ons nie ons eie meetinstrument moet 

gebruik nie. Moenie van jouself meer dink as wat jy 

behoort te dink nie. 


Geestelike groei is daardie proses waardeur 

dié wat deur God uitverkies is, voortdurend 

meer soos Jesus Christus word. ... Die leer van 

die uitverkiesing maak dit vir ons duidelik dat 

ons deur God verkies is sodat en nie omdat nie. 

Dit was deel van die probleem wat Paulus, onder 

leiding van die Heilige Gees, in die gemeente in 

Korinte waargeneem het. Die gemeente dáár het 

gedink dat hulle geestelik al baie volwasse was. 1 

Korintiërs 3:1-3: Broers, ek kon met julle nie praat soos 

met mense wat hulle deur die Gees van God laat lei nie; 

ek moes praat soos met wêreldse mense, soos met 

kindertjies in die geloof in Christus. Ek het julle met 

melk gevoed, nie met vaste kos nie, want julle kon dit 

nog nie verteer nie. En julle kan dit ook nou nog nie 

verteer nie, want julle is nog wêreldse mense. Daar kom 

jaloesie en twis onder julle voor. Is dit nie omdat julle 

nog wêrelds is en julle wêrelds gedra nie? 

Die geestelike groei wat nog nie in die gemeente van 

Korinte sigbaar nie. Terwyl die gelykvormigheid aan die 

wêreld nog hulle lewens beheers het, het hulle daarop 

aanspraak gemaak dat hulle reeds geestelik baie 

volwasse is. Hulle was onder die indruk dat hulle 

lewens deur die Gees van God beheers was. Hulle het 

gedink dat as hulle kan tale praat en al dergelike 

doen, was hulle geestelik volwasse. 

Hierdie mistasting het daartoe gelei dat hulle meer 

van hulleself gedink het as wat hulle behoort te dink, 

en hulle optrede teenoor mekaar was vol van haat, 

nyd, afguns en twis. Wêreldgelykvormigheid was al 

wat sigbaar was, en die ware effek van geestelike 

groei het ontbreek. 

Romeine 12:3(b) stel dan verder die positiewe effek 

van geestelike groei in die volgende woorde: ... lê jou 

liewer daarop toe om beskeie te wees in ooreenstemming 

met die maat van geloof wat God aan elkeen 

toebedeel het. 

Wat is God se antwoord ten opsigte van geestelike 

groei? God het ons uitverkies sodat ons geestelik kan 


Seun. Hy maak ons lewend. Hy maak ons heilig. 

Hy verander ons en vernuwe ons denke. Hy laat ons 

groei sodat ons vir Hom lewende en heilige offers kan 

wees wat vir Hom aanneemlik is. DK 


- fokusartikel - Ds. AJ Myburgh (Springs) 


As ek na die lewe kyk, 

die sondige en gebroke 

werklikheid van my 

bestaan, het dit 

oënskynlik geen sin en 

betekenis nie. 

Alles kom – soos die 

Prediker sê – tot niks, 

dis ’n gejaag na wind. 

God se Woord bied my 

egter ’n ander 

perspektief; 

dit leer my dat om met 

Hom te lewe, Hom te 

dien en sy gebooie te 

gehoorsaam, my lewe 

sinvol maak ... 

’n sinvolle lewe 

Wat is die sin en doel van my lewe? 

Dis ’n vraag wat dikwels gevra word, en waarmee baie van ons ook 

worstel. My lewe hier op aarde voel en lyk immers soms maar 

baie saai en leeg, sinneloos en sonder enige betekenis. Soos die 

Prediker van ouds, vra ons ook: Waarvoor leef ek? Waarvoor sloof ek my 

af? Wat baat al my geswoeg en gesweet my? Wat bring dit my op die ou 

end in die sak? 

As ek na die lewe kyk, na die sondige en gebroke werklikheid van my 

bestaan, kan dit eintlik nie anders nie as om soos hy te sê dat alles 

tevergeefs is, dat dit ’n dolle gejaag na wind is – sinloos en leeg. 

Soos in die boek Prediker lees, het hy hom daarop toegelê om alles wat in 

hierdie wêreld gebeur, te ondersoek en behoorlik te deurdink. Hy het alles 

bekyk, sy eie lewe wat veel ryker en voller was as waarvan die meeste van 

ons ooit kon droom, en dié van een en almal om hom. Hy het alles wat as 

waardevol beskou kon word en dalk sin aan die lewe kon gee, op die 

proef gestel. Hy het wysheid en kennis op die proef gestel, rykdom, mag 

en roem. Hy het hom alles veroorloof en alles gedoen wat ’n mens kan 

doen om plesier en genot uit die lewe te put. 

Hy het alles op die proef gestel en gevind: Alles kom tot niks, dis ’n gejaag 

na wind. Die lewe – sê hy – is en bly nou maar eenmaal ’n raaisel – dis 

doodeenvoudig onmoontlik om alles wat gebeur, te verstaan of te probeer 

verklaar. Daarby is die lewe nie altyd regverdig nie en gebeur dinge nie 

noodwendig soos jy verwag nie. 

Sommige dinge, soos wysheid, selfbeheersing, gehoorsaamheid en 

liefdevolle gemeenskap, het wel waarde en kan moontlik vir jou voordeel 

inhou. Maar niks in hierdie lewe het werklik blywende waarde nie. Op die 

ou end vergaan alles en is dit vergete. Die lewe loop immers onvermydelik 

As jy ’n lewende en persoonlike verhouding met 

God het en in gemeenskap met Hom lewe, as jy 

Hom in opregte geloof dien en sy gebooie 

gehoorsaam in die wete dat Hy eendag van jou 

rekenskap sal vra oor alles, dan ís jou lewe nie 

meer leeg en sinloos nie, maar sinvol. Hý, jou 

Skepper en Here, gee sin aan jou lewe! 


As jy soek of vra na die sin van die lewe, dan 

moet jy begin by sy Woord. Jy moet dit 

aandagtig lees, bepeins en oordink, en bid dat 

die Here jou deur sy Gees die insig en wysheid 

sal skenk om die raaisels van die lewe te 

verstaan. 

uit op die dood! Keer op keer hoor ons hom daarom sê: Alles kom tot niks, 

dis ’n gejaag na wind. 

As jy uit frustrasie of moedelose verslaenheid of om watter rede ook al 

van harte hierop “Amen” wil sê, wil ek jou verseker: Jy is beslis nie die 

enigste een nie! Maar wil ek ook dringend by jou pleit: Moet asseblief nie 

hier ophou lees nie, want daar wag ’n heerlike verrassing op jou ... 

Teen alle verwagting in roep die Prediker ons herhaaldelik op om die lewe 

as ’n gawe uit God se hand te sien en om daarom voluit te lewe, en die 

lewe – met alles wat dit ons bied – uit dankbaarheid te geniet. Hy raai 

ons aan en beveel ons om met oorgawe en vreugde te lewe. Jy moet jou 

brood met vreugde eet, jou wyn met ’n bly gemoed drink, altyd wit klere 

(feesklere) dra, jou hare met olie versorg, en die lewe geniet met jou 

huweliksmaat wat jy liefhet. 

Jy moet alles wat jou hand vind om te doen, met toewyding doen. Jy moet 

doen wat jy goedvind en waarvan jy hou, sonder om te vergeet dat God 

van jou rekenskap oor alles sal eis. Jy moet voluit lewe en jou lewe geniet, 

nie op ’n roekelose en onverskillige wyse nie, maar in verantwoordelikheid 

aan God en in gehoorsaamheid aan sy gebooie. 

Die Prediker kom, ten spyte van alles wat hy oor die sinloosheid van die 

lewe gesê het, tot die heerlike en troosryke slotsom dat jou lewe tog 

sinvol kan wees. As jy ’n lewende en persoonlike verhouding met God het 

en in gemeenskap met Hom lewe, as jy Hom in opregte geloof dien en sy 

gebooie gehoorsaam in die wete dat Hy eendag van jou rekenskap sal vra 

oor alles, dan ís jou lewe nie meer leeg en sinloos nie, maar sinvol. Hý, jou 

Skepper en Here, gee sin aan jou lewe! 

Dit leer jy nie deur na die lewe, die harde en wrede werklikheid van jou 

sondige en gebroke bestaan, te kyk nie. Jy kan dit nie ontdek deur net te 

kyk na alles wat in hierdie wêreld gebeur nie. As jy bloot net daarna bly 

kyk, sal jy soos iemand wat in ’n doolhof verdwaal het, altyd op soek bly 

en nooit tot rus kom nie. God maak dit deur sy Gees aan jou bekend. Hy 

openbaar dit vir jou in sy Woord. 

Al was die Prediker ’n man met wysheid wat die volk onderrig het, al het 

hy diep nagedink en deeglik nagevors om hom raak uit te druk en die 

waarheid getrou op te teken, is ook sy wyse woorde deur een Herder 

gegee. Hy het nie self tot die ontdekking gekom wat die lewe sinvol maak 

nie. God het hierdie wyse woorde, dié heerlike waarheid, aan hom 


bekendgemaak, sodat hy dit tot 

ons troos en bemoediging getrou 

kon opteken en dit gedurig by ons 

ingeskerp kan word. 

As jy soek of vra na die sin van die 

lewe, dan moet jy hier begin, by sy 

Woord. Jy moet dit aandagtig lees, 

bepeins en oordink, en bid dat die 

Here jou deur sy Gees die insig en 

wysheid sal skenk om die raaisels 

van die lewe te verstaan. 

As jy dit doen, sal jy soos die 

Prediker besef dat die lewe ’n 

kosbare gawe is wat God aan jou 

geskenk het, en dat Hy wil hê dat jy 

voluit sal lewe en die lewe in 

verantwoordelikheid teenoor Hom 

sal geniet. 

• Hy het jou geskep, as sy verteenwoordiger 

en beeld, en as 

kroon van sy skepping, as man of 

vrou, met ’n eie, unieke persoonlikheid, 

gawes en talente ... 

• Hy het jou geseën en jou geroep 

om met jou hele lewe in sy diens te 

staan. Hy het vir jou ’n roeping en 

’n taak gegee ... 

• Al het jy jou lewe en sy gawes 

deur die sonde verbeur, het Hy jou 

in sy oneindige groot liefde en 

genade in Christus gered, en aan 

jou ’n nuwe lewe gegee – die ewige 

lewe. Jy is sy kind, sy erfgenaam ... 

Koester jou lewe daarom soos ’n 

kosbare skat, en loof en dank Hom 

elke dag van jou lewe vir die 

voorreg om te mag lewe, Hom te 

ken en te dien. 

Kyk in biddende afhanklikheid op 

na Hom wat in sy liefde en trou vir 

jou wil sorg, en verwag alles wat jy 

nodig het uit sy Vaderhand. 

Dien en gehoorsaam Hom, jou 

Skepper en Here, met oorgawe en 

blydskap. Dan sál – soos die 

Prediker ons leer – jou lewe sinvol 

wees! DK 


- fokusartikel - Ds. JH (Hans) Grobler (Louis Trichardt) 


die soeke na 

God se wil vir my lewe 

In hierdie artikel gaan jy nie ’n antwoord kry oor wat jy volgende jaar moet gaan studeer, of 

’n antwoord op die vraag of jy ’n nuwe werk moet aanvaar nie. Dit alles het natuurlik te 

doen met God se wil vir jou lewe (HK So 49). Nee, hierdie artikel wil eerder help om 

rigtingwysers te gee vir die verstaan en uitvoering van wat ons Here Jesus in sy Bergrede 

geleer het: “Nee, beywer julle allereers vir die koninkryk van God en vir die wil van God, dan 

sal Hy julle ook al hierdie dinge gee” (Matt 6:33). Ons let eerstens op wat God se wil behels, 

en dan verder hoe sy wil in ons lewens grondvat. 

God het ’n reddende wil 

Wat mens aangryp van 

God se wil teenoor ons 

lewe, is dat Hy ons wil 

red. Daar word in die Skrif baie 

aspekte geopenbaar oor God se 

wil, maar die oorheersende is dat 

God ’n reddende wil het. Ek kan 

seker wees dit is wat God wil vir my 

lewe: Hy wil ons red. Daaroor hoef 

ons nooit te twyfel nie. God het ’n 

welbehae in jou (Ps 37:23; Luk 

2:14). Hy wil my en jou na Hom toe 

bring (Eks 19:4; 1 Pet 3:18) om 

deel van sy nuwe volk te wees. 

’n Mens dink hier veral aan die 

woorde van Jeremia 9:23 – “Laat 

hom wat wil roem, daarin roem dat 

hy insig het en my ken. Ek is die 

Here. Ek bewys liefde, reg en 

geregtigheid op die aarde, want dit 

is wat Ek wil hê, sê die Here.” 

God openbaar sy reddende wil 

deur sy Dienaar 

Die volgende wat mens aangryp 

van God se wil, is dat Hy sy reddende 

wil deur sy enigste Seun Jesus 

Christus aan die lig laat kom het. 

Daar is ’n Hebreeuse woord wat die 

diepe gevoel van God se hart 

beskryf. In Afrikaans sê ons God 

het behae in iemand, of God het ’n 

welgevalle aan iemand. 

Nou is daar ’n reël in Psalm 37 dat 

God hulle red in wie Hy ’n welgevalle 

het. Jesaja 53 beskryf egter 

iets abnormaals, en dit is dat God 

die Een in Wie Hy ’n welgevalle het, 

nie gered het nie, maar verbrysel 

het (53:10). Dit is natuurlik ons 

Here Jesus Christus. Deur hierdie 

oënskynlike onreg voer God sy 

reddende wil uit. Christus het God 

se reddende wil tot uitvoering 

gebring. 

Deur Jesus, wat ter wille van ons 

misdade verbrysel is, wys God dat 

Hy vir ons ’n diep en ’n warm 

gevoel het. Hy het ook ’n welgevalle 

in jou. 

Moenie dink ons word nou verlos 

deur die lewe van iemand wat ’n 

slagoffer van onreg was nie. Nee, 

Jesus was nie ’n blote slagoffer van 

’n onregverdige kruisdood nie. Hy 

het Homself vir ons oorgegee aan 

Geloofsgehoorsaamheid aan die evangelie van 

God se Seun beteken dat jy deel word van God 

se kerk, en wie deel is van Christus se kerk, 

deel ook in God se Gees wat in ons woon (Rom 

8; 1 Kor 12:13). Dit is absoluut onmoontlik vir 

iemand om die wil van God te kan ken sonder 

dat die Gees van Christus in jou woon. 


Dit is God se wil vir jou lewe dat jy sal glo in God 

se Seun, Jesus Christus. Wie in Jesus Christus glo, 

kan deur die geloof God se glimlag oor sy lewe 

sien straal. 

die kruis in die mees volmaakte 

liefde, omdat die reddende wil van 

God op my en jou gefokus was en 

steeds is (Gal 1:4). 

Ons moet glo in God se Dienaar en 

sy evangelie 

Die volgende wat opval van God se 

wil, is nie in die eerste plek hierdie 

gebod en daardie gebod wat ons 

moet gehoorsaam nie. God se wil is 

dat ek en jy sal glo in Hom wat Hy 

gestuur het (Joh 6:28, 29). Selfs al 

leer Jesus ons bid: Laat u wil 

geskied, dan beteken dit eerste: 

Vader, gee dat ons in U en u Seun 

sal glo. 

Dit is God se wil vir jou lewe dat jy 

sal glo in God se Seun, Jesus 

Christus. Wie in Jesus Christus glo, 

kan deur die geloof God se glimlag 

oor sy lewe sien straal. 

Die apostel Paulus is ’n apostel 

deur die wil van God. Dit is God se 

reddende wil. Sy taak as apostel is 

om “tot eer van sy Naam mense tot 

geloof en so tot gehoorsaamheid te 

bring” (Rom 1:5). Die 1933-vertaling 

het vertaal met “geloofsgehoorsaamheid”. 

Dit is God se wil 

vir ons dat ek en jy gehoorsaam sal 

word aan sy opdrag om die evangelie 

van sy Seun te glo. 

Die evangelie van sy Seun behels 

vryheid vir jou (Rom 8:1) en vrede 

(Rom 5:1) met God deur Jesus 

Christus. Dit is die krag van God tot 

redding vir jou wat glo. Dit is God se 

wil vir jou lewe. 


God maak jou nou ook ’n dienaar 

Geloofsgehoorsaamheid aan die 

evangelie van God se Seun beteken 

dat jy deel word van God se kerk, en 

wie deel is van Christus se kerk, deel 

ook in God se Gees wat in ons woon 

(Rom 8; 1 Kor 12:13). Dit is absoluut 

onmoontlik vir iemand om die wil van God te kan ken sonder dat die Gees 

van Christus in jou woon. 

Die probleem is egter baie keer dat ons soms die Gees van die Here Jesus 

nie in die kerk soek nie, maar op ander plekke. Ons kan die Gees van die 

Here Jesus teenstaan deur nie te besef dat God sy Gees aan ons meedeel 

in die prediking van die Bybel in die erediens en deur die gebruik van die 

Here se sakramente nie (1 Tess 5:12, 19; HK So 25). 

Deur God wat ons gewillig en bekwaam maak om sy wil uit te voer (Fil 

2:13, 14), gee ons nou uitvoering aan sy opdrag: “Ek is God die Almagtige. 

Lewe naby My en wees opreg” (Gen 17:1). God wil hê jy moet naby Hom 

leef. 

Christus leer ons nie om die koninkryk van God te soek omdat dit weggesteek 

is nie. Nee, in Jesus wat mens geword het, het God nou naby aan 

ons gekom. Selfs ná sy hemelvaart sal ek Jesus steeds vind, want deur sy 

Heilige Gees en sy Bybel is Hy naby my, en ek is naby Hom deurdat ek in 

Hom glo. Laat Jesus jou dan nou nader bring na God toe, die oorsprong 

van jou lewe. 

Verder: God wil hê jy moet opreg wees. Dit beteken: God wil hê dat jy Hom 

en sy Seun sal liefhê bo alles, en jou naaste soos jouself. Die woorde van 

God aan Abraham beteken dieselfde, net in ander woorde: om op God se 

pad te bly deur te doen wat goed en reg is (Gen 18:19). “En nou Israel, die 

Here jou God vra net dat jy Hom moet eer, sy wil moet gehoorsaam, Hom 

moet liefhê en dien met hart en siel” (Deut 10:12). 

Noag het deur God se genade so geleef, en hy het die oordeel van die 

sondvloed vrygespring. En is die sondvloed nie ’n voorbeeld van die 

oordeel van God wat besig is om te kom nie? 

Slot 

Ek glo nie soos baie Amerikaanse TV- en DVD-kursuspredikers dat God 

sommer so direk met ’n mens praat en sy wil aan jou bekendmaak nie. 

Ek bely dat God met ons praat deur sy Seun, deur sy Bybel (Heb 1:1). 

Daarin het Hy reeds sy volle raad van ons verlossing bekendgemaak, en 

ons mag weet en glo ons is ook daarby ingesluit van ewigheid af (HK So 

12). 

Wie in Jesus Christus glo en sy wil soek, vir hom word alles bygevoeg, ook 

wat jy volgende jaar sal studeer en of jy die nuwe werk moet aanvaar. DK 


- fokusartikel - Ds. JH (Johan) Jordaan (Vereeniging ’95) 


lewensleed en 

Ons beleef teëspoed en swaarkry. Ons en die 

mense wat ons liefhet, word siek. Ons staan 

geliefdes aan die dood af (soms weens ’n geweldsmisdaad). 

Leed is deel van ons lewe. 

Hierdie artikel handel oor leed en beproewing. Volgens 

die Verklarende Woordeboek het hierdie twee woorde 

naastenby dieselfde betekenis, naamlik verdriet, smart, 

of teëspoed. In die geval van beproewing kan daar ’n 

element van loutering bykom. ’n Mens kan ook in jou 

swaarkry een of ander toets ondergaan. So lees ons dat 

die Here Abraham op die proef gestel het met die bevel 

om Isak te gaan offer (Gen 22:1 ev). Satan beweer dat 

beproewing 

Job ’n mooiweersgelowige is. God laat hom toe om Job 

se vroomheid en opregtheid te toets (Job 1:9; 2:4). Hy 

maak ook deeglik van die geleentheid gebruik! 

Ons het ’n probleem om sin te maak van ons eie en ander 

se leed. Die vraag kan ontstaan: 

Wie is verantwoordelik vir leed en beproewing? 

Sommige antwoord: Satan veroorsaak alle leed. In Job 

se geval het Satan wel ’n rol gespeel. Dit blyk egter dat 

hy allermins kon doen wat hy wou. God het paal en perk 

aan hom gestel. Hy moes ook by God se perke hou. Satan 

is dus allermins ’n tweede mag wat homself teen 

God kan handhaaf en na willekeur leed en verdriet saai. 

As gelowiges weet ons: God lewer ons nooit as te nimmer 

aan Satan se willekeur uit nie. 

Daar is nog ’n perspektief in God se Woord. Die man na 

God se hart, Dawid, beskryf sy intense leed in Psalm 

39:5. Hy sê dat hy dit as ’n brandpyn in sy binneste ervaar. 

Hy sê vir die Here: U het dit oor my gebring (vs 10). By 

monde van sy profeet sê die Here vir die heidenkoning 

Kores, wat hy sy gesalfde noem: Ek gee voorspoed en 

skep rampspoed (Jes 45:7). In die Nuwe Testament hoor 

ons ook dat God die skepping ná die sondeval aan 

verganklikheid en verydeling onderwerp het (Rom 8:20). 

Die vraag: Waar kom leed en beproewing vandaan? het 

dus nie ’n eenvoudige antwoord nie. Ná die sondeval leef 

ons in ’n gebroke werklikheid. Ja, Satan kan ’n rol speel 

in die leed en beproewing wat ons ervaar. God wat die 

skepping aan verganklikheid en verydeling onderwerp 

het, bly egter selfs dan in volle beheer. Alles wat ons 

beleef, kom by wyse van spreke deur die sif van die troue 

Vaderhande waarmee die Here ons van alle kante insluit 

(Ps 139:5) by ons uit. Vandaar dan ook ons belydenis op 

grond van die Woord dat beide voorspoed en teenspoed 

ons uit God se Vaderhand toekom (HK, antw 27). 

Anders as vir ons wat sy verhaal lees, het God Job nooit 

ingelig dat Hy Satan toegelaat het om sy vroomheid en 



Die vraag: Waar kom leed en beproewing vandaan? het nie ’n eenvoudige 

antwoord nie. Ná die sondeval leef ons in ’n gebroke werklikheid. Ja, Satan kan 

’n rol speel in die leed en beproewing wat ons ervaar. God wat die skepping 

aan verganklikheid en verydeling onderwerp het, bly egter selfs dan in volle 

beheer. 

opregtheid te toets nie. Uiteindelik moes Job rus vind in 

die feit dat God vrymagtig handel. As ek en jy ook moet 

aanvaar dat God in die uitdeel van voorspoed en teenspoed 

vrymagtig handel, beteken dit allermins dat ons 

daarin moet berus dat God wispelturig is. Ons kan daarop 

reken: Hy bly altyd getrou – selfs al is ons ook ontrou (2 

Tim 2:13). 

Die Here gee in sy trou spesifieke versekerings 

waarop ons kan reken 

Die Here is aan ons kant (Rom 8:31). Hy is by sy volk en 

sekerlik ook by sy kind wanneer ons deur diep water gaan 

(Jes 43:2a). Ons het nie nodig om in ons nood na Hom te 

soek of te soebat dat Hy ons bystaan nie. Hy is in ons 

leed en beproewing by ons. Hy gee sy woord daarvoor. 

Ons vergeet so maklik hierdie belofte. Selfs Elia het vergeet 

toe koningin Isebel dreig om hom dood te maak, 

en dit nogal pas na sy triomf op Karmel (1 Kon 18). Hy 

slaan op die vlug Berseba toe, daarna’n dagreis die 

woestyn in en uiteindelik tot by Horeb, die berg waar die 

Here aan Moses en sy volk verskyn het. Daar by Horeb 

roep die Here hom uit die grot. Na drie indrukwekkende 

natuurverskynsels praat Hy in ’n fluistering in die aandwindjie 

met hom (1 Kon 19). Al het Elia anders gedink, 

was die Here altyd en heelpad by hom. 

As ons hoor dat God by ons is, dink ons onwillekeurig 

aan die Immanuelteken (Jes 7:14). Immanuel beteken 

immers: God by ons. Uit liefde vir die wêreld het God sy 

Seun gegee sodat dié wat glo, die ewige lewe kan hê 

(Joh 3:16). Hy kon geen groter gawe aan ons gee nie. Hy 

verseker ons: saam met sy Seun gee Hy ons uit genade 

alles wat ons nodig het (Rom 8:32). 

As ons leed en beproewing so intens beleef dat ons bang 

word dat dit ons kan verswelg, kan ons die belofte onthou 

dat die riviere ons nie sal wegspoel, die vuur ons skroei, 

of die vlam ons brand nie (Jes 43:2b). Nooit is die omvang 

en intensiteit van ons leed groter as die genade wat Hy 

gee om dit te kan hanteer nie. Selfs al sit Hy aan die 

regterhand van die Vader, laat die Seun ons nie los nie. 

Hy pleit vir ons (Rom 8:34). Die Here verseker ons: niks 

en niemand kan ons skei van sy liefde in Christus Jesus 

ons Here nie (Rom 8:39). 

Ons leed kan só intens raak dat ons wil bid, maar dat 

ons nie aan woorde kan dink nie. Dan pleit die Heilige 

Gees met onuitspreeklike versugtinge ooreenkomstig die 

wil van God vir ons (Rom 8:26). 

As ons beleef dat ons leed tot ’n brandpunt saamtrek, 

gebeur ’n wonder. Soos wat die lens die ligstraal by die 

brandpunt omkeer, keer die Here in sy almag ons leed 

om; Hy laat dit vir ons ten goede afloop (Rom 8:28). As 

almagtige God kan Hy, en as ons getroue Vader wil Hy 

dit ook doen (HK, antw 26). 

Wat kan ek in leed en beproewing doen? 

Ons hoef gelukkig nie uit te maak of dit wat ons deurmaak 

eenvoudig leed is, en of die Here ons beproef 

(soos met Abraham) en of Satan dit doen (soos met 

Job) nie. Ons kan eenvoudig erken: Ons kan nie leed 

en beproewing verstaan nie. 

Die profeet sê vir die stad van God nadat die tempel 

vernietig is: ... stort voor die Here jou hart uit soos 

water ... (Klaagl 2:19). Gaan lees maar hoedat die 

Psalmdigters dit doen. Neem eenvoudig in jou leed 

en beproewing jou toevlug na die Here. Sê vir Hom in 

gebed wat jy beleef en hoe jy voel. Doen dit in die 

wete: Hy beloof dat Hy by jou is en vir jou bly sorg. 

Doen dit terwyl jy tog Dawid se gebed jou eie maak: 

U is my enigste hoop (Ps 39:8). 

Moenie die Here se versekerings vergeet nie. Vertrou 

dat Hy woord hou. Steun op sy bystand en genade. Jy 

sal ontdek dat dit vir jou genoeg is. DK 


- fokusartikel - Dr. De Wet Saaiman (Durban-Noord) 


depressie 

(Die artikelskrywer het nie opdrag gehad om op ’n gespesialiseerde, wetenskaplike wyse oor 

depressie te skryf nie. Dit gaan slegs om die begrip van depressie vanuit God se Woord. Sielkundige 

en mediese aspekte van depressie word nie in diepte bespreek nie. Lesers moet dit in gedagte 

hou – Waarnemende redakteur) 

’n Definisie van depressie 

Dit is goed om te weet dat die term “depressie” nie in die Bybel 

voorkom nie. Dit is ’n kliniese term wat eers later geskep is om dié 

toestand ’n naam te gee. 

Maar wat is depressie? Depressie word soms beskryf as die gewone 

verkoue van emosionele siektes (vgl. William Ezell). Dit is ’n gevoel van 

totale hulpeloosheid. ’n Gevoel wat hom uitdruk in: Ek sien nie meer kans 

nie. Depressie laat jou moedeloos voel – sonder hoop en sonder geloof. 

Soos wat die Prediker sê: “Alles, alles is tevergeefs. As jy so voel, beteken 

dit nie noodwendig dat jy aan depressie ly nie. 

God se Woord en depressie 

Die Bybel skets vir ons ’n baie realistiese prentjie oor ons menswees, 

kompleet met sy vreugde en pyn, sy hoop en wanhoop. Telkens word die 

wanhoop wat ons almal ken, vergelyk met die hoop wat in elke mens se 

lewe kán wees. 

Ons sien daarom hoe gelowiges anderkant uitkom nadat hulle vir ’n tyd in 

die donker vallei van wanhoop was – en elkeen as ryper mense met meer 

lewenservaring en ’n nuwe en blywende vreugde in God. 

Die Bybel plaas méér klem op geloof in God en op die lewe van oorvloed 

in Hom as op menslike lyding en wanhoop. Wat sê God dan in sy Woord 

oor depressie? 

Daar is baie soorte depressie en vorms van depressie. As daar in God se 

Woord verwys word na persone wat in ’n toestand van wanhoop verkeer, 

dan is dit eerder ’n geestelike depressie wat onderskei moet word van 

kliniese depressie, waarvan die oorsaak geneties-biologies of sielkundigkognitief 

kan wees. 

Die fokus van hierdie artikel is om vas te stel wat God se antwoord is ten 

opsigte van depressie. Enkele voorbeelde van geestelike depressie is: 

Jona wat ’n wonderbaarlike redding uit ’n vis se maag beleef het. 

Maar met sy eerste teleurstelling 

daarna bid hy: “Dit is vir my 

beter om te sterf as om te 

lewe.” 

Daar is ook die Psalms – 

Psalms 42-43, 69, 88 en 102 

is byvoorbeeld liedere van 

wanhoop, maar wat telkens in 

die konteks van hoop geplaas 

is. 

Dawid verval in ’n geestelike 

depressie na sy owerspel met 

Batseba. Hy het geestelik 

depressief geword omdat hy 

sonde gedoen het. Dit beteken 

egter nie dat sondeskuld of ’n 

gebrek aan geloof in God 

noodwendig die oorsaak van 

depressie is nie. 

In die Nuwe Testament lees 

ons in Lukas 18:1 dat Jesus ’n 

gelykenis vertel het om mense 

te help om nie moedeloos te 

word nie, maar aan te hou bid. 

In Efesiërs 3:3 sê Paulus dat 

die gemeente nie moedeloos 

moet word omdat hy in die 

tronk is en ly om hulle ontwil 

nie. In Hebreërs 12:5 hoor ons 

dat God ons aanmoediging gee 

en sê: “My kind ... moenie 

mismoedig word as Hy jou 

teregwys nie.” Dan word daar 

verduidelik hoe die HERE 

moeilike dinge in ons lewe 

toelaat om ons te tugtig, en dat 

Hy ’n goeie doel daarmee het. 

En in vers 12 kry ons die 

gevolgtrekking: “Versterk 


daarom die slap hande en die 

lam knieë en loop die reguit 

pad.” 

Hoe moet ons geestelike 

depressie hanteer in die lig van 

God se Woord? 

Elia onder die besembos is vir ons 

’n goeie voorbeeld van hóé God Elia 

uit sy geestelike depressie help – 

en vir ons ook kan help. Ons lees in 

1 Konings 18 hoe Elia ’n absolute 

wonderwerk van God beleef het 

nadat hy die Baälprofete uitgedaag 

het. Ondanks al hierdie valse 

profete se smeekroepe is daar 

geen god wat hulle antwoord nie. 

Maar toe Elia bid, kom daar vuur 

van die HERE af en verbrand die 

offer. Die hele volk kon net aanmekaar 

roep: “Die HERE is God! Die 

HERE is God!” 

In die volgende hoofstuk lees ons 

egter hoe Elia die woestyn in vlug. 

Hy verval in ’n geestelike depressie, 

gaan sit onder ’n besembos en 

wens dat hy kan doodgaan. Hier 

bid Elia: “Nou is dit genoeg, HERE! 

Neem my lewe, want ek is niks 

beter as my voorvaders nie.” En 

wat gee die HERE in sy Woord as 

oplossing? 

Herstel jou liggaamskragte – 

God herstel heel eerste Elia se 

liggaamskragte deur vir hom 

kos voor te sit. ’n Goeie tonikum 

vir iemand wat geestelik 

depressief is, is ’n vol bord kos 

en ’n sluk yskoue water. Dit 

versterk jou liggaamskragte. ’n 

Gesonde liggaam huisves ’n 

gesonde gees! 

Versterk jou gees – Die HERE 

laat Elia sy gevoelens lug en 

vra hom uit na waarom hy daar 

is. Hy laat hom al sy frustrasies 

uitpraat. Want uitpraat op 

sigself is dikwels net die doepa 


wat mens nodig het, veral as jy die saak met God uitklaar. 

Bly in God se teenwoordigheid – Nadat die HERE Elia se liggaam en 

gees versterk het, steek Hy hom aan die werk en maak hom akuut 

bewus van sy teenwoordigheid (1 Kon 19:11). Depressie kan weer 

gesonde rigting kry deur in God se teenwoordigheid te bly, die Bybel te 

bestudeer, insig en uitkoms daarin te soek en te bid, terwyl jy wag op 

die leiding van die Heilige Gees. 

Herorganiseer jou lewe – Herorganiseer jou lewe en slaan ’n ander 

rigting in. Die HERE laat Elia onmiddellik iets doen (1 Kon 19:15). Hy 

moet Gasael gaan salf tot koning van Aram, Jehu tot koning van Israel 

en vir Elisa tot profeet in sy plek. So maak die HERE met ons. Hy gee 

aan ons werk. Een van die vinnigste maniere om van geestelike 

depressie ontslae te raak, is om op te hou om jouself in selfbejammering 

te bly dompel, en te laat verdrink. Bestee minder tyd aan introspeksie, 

wees minder behep met jouself. Gaan help ander mense. 

Wat van ’n nuwe projek, ’n betrokkenheid by ander mense se nood? 

Kry ondersteuning – Hernuwe ou vriendskappe en kweek nuwe 

vriendskappe. In 1 Konings 19:19 ontmoet Elia vir Elisa, en skielik is 

sy las ligter. Gedeelde smart is halwe smart, sê die spreekwoord. Dit 

trek ook weer die aandag van jou eie probleme af en lig die sluier 

voor jou oë om weer die son, die reënboog, die lewe in al sy volheid te 

ervaar. Steek jou hand na mense uit wat dalk nog dieper in die put sit 

as jy, om vir hulle in die Naam van die HERE iets te beteken. 

Vertrou op God 

Die heel beste raad is: Vertrou op God! Paulus skryf uit die tronk dat hy 

geleer het om in alle omstandighede tevrede te wees. Hy het geweet dat 

ons krag van God af kom en dat Hy in al ons behoeftes kan voorsien; 

daarom het hy in tye van voorspoed en teenspoed blymoedig en vol 

lewensvreugde gebly. Sy kennis van die Bybel, asook sy ervaring, het hom 

geleer om te alle tye op God te vertrou, en dit het hom teen moontlike 

geestelike depressie beskerm. 

Dra al jou probleme en spanning in die gebed aan jou hemelse Vader op. 

Glo soos Paulus dat God groter is as jou omstandighede en probleme, en 

aanvaar die oorwinning in sy Naam (Rom 12). Net so kan die wete dat 

God lewe en in beheer is, ons vandag nog bemoedig en vir ons hoop gee. 

Jesus is ons Hoop, ook in geestelike depressie 

Ons identiteit as gelowiges word nie deur depressie bepaal nie, maar deur 

Jesus Christus. In Hom is ek ’n nuwe mens (2 Kor 5:17), en niks – nie eens 

depressie – kan ons skei van God se liefde nie (Rom 8:38-39). Ter wille 

van Jesus Christus is Hy by ons, al voel ons nie altyd dat dit so is nie. Hy 

wil hê dat ons in ’n intieme verhouding met Hom sal lewe (2 Kor 6:18). 

Miskien, my liewe leser, ly jy aan geestelike depressie en jy beleef op 

hierdie stadium ’n gevoel van totale hopeloosheid. Jy mag weet: Jesus is 

ons Hoop, ook in ons geestelike depressie! DK 


- diskussie - Ds. PA (Peet) Coetzee (Potchefstroom) 

Erfsonde ... 

Pelagius 

Omstreeks die begin van die 

vyfde eeu het die Ierse 

monnik Pelagius te velde 

getrek teen die erfsonde. Hy 

verwerp die gedagte dat daar ’n 

erfsonde bestaan wat alle mense 

van Adam af by wyse van voortplanting 

geërf het. Volgens Pelagius 

het die val van Adam geen 

konsekwensie vir sy nageslag 

gehad nie. Elke mens word weer in 

Adam se geskape toestand gebore. 

Dat die mens, wat sondeloos 

gebore word, wel sondig, is nie aan 

erfsonde te wyte nie, maar aan 

navolging van verkeerde voorbeelde, 

aldus Pelagius. Hierdie verwerping 

van die erfsonde het dan ook 

konsekwensies gehad vir die leer 

oor die vrye wil van die mens. 

Volgens Pelagius was Adam nie 

heilig nie, maar neutraal met die 

wil om te kan kies vir die goeie of 

die kwaad, en hy het die kwaad 

gekies. Elke mens word dan gebore 

om net soos die eerste mens te 

wees, naamlik neutraal met ’n vrye 

wil, daarom kan daar sondelose 

mense wees. 

Augustinus 

Augustinus, wat in 386 nC tot 

bekering gekom het, het baie skerp 

verskil van Pelagius. Hy het op 

grond van die Skrif geleer dat die 

mens aan Adam verbind is, dus 

erfsonde. Wat met die mens 

gebeur, is die volgende: 

Hy is geskape met die vermoë 

om nie te sondig en nie te sterf 

nie. 

weer onder die soeklig 

Dit raak al hoe duideliker dat die leer oor die erfsonde weer 

onder die soeklig kom. Vanuit die humanisme word die klem 

gelê op die vryheid van die wil, wat dan sou beteken dat die 

sonde nie in die natuur van die mens is nie, maar alleen uit 

dade bestaan. Die mens kan deur ’n aantal goeie dade die 

lelike (sondige) dade neutraliseer en weer in onskuld lewe. 

Daar is diegene wat die gedagte verwerp dat ons almal deur 

afstamming betrokke is en geraak word deur die sonde van 

Adam. Hierdie kritiek word wel vandag gehoor, maar is al meer 

as 16 eeue oud. 

Met hierdie artikel wil ek geensins aanspraak maak dat ek die 

saak volledig behandel en op alle aspekte van die saak ingaan 

nie. 

Hy sou toe gekom het in die staat van die 

onvermoë om te sondig te sterf. 

Maar nou het die mens gesondig, en toe 

kom hy in die staat van die onvermoë om 

nie te sondig en nie te sterf nie. 

Augustinus 

Sinode van Karthago 

Op die Sinode van Karthago in 418 word 

Pelagius se leer veroordeel. Sy leer leef egter 

nog steeds voort in die gedagte van die semi- 

Pelagiane, dat die mens nie dood is in die 

sonde nie, maar siek. Nou moet die mens uit hierdie siektetoestand gered 

word, en dit gebeur deur samewerking tussen God en die mens met sy 

vrye wil. 

Hierdie leer word dikwels gehoor in uitsprake soos dat die mens sy hart 

vir die Here moet oopmaak, as voorwaarde vir die Here om in jou lewe te 

kom. Die implikasie is dat die saligheid tog op die ou end in die hande van 

die mens is. 

Wat leer die Woord van God en ons belydenisskrifte oor die saak? 

WAT LEER DIE WOORD? 

Ten eerste is die mens dood in die sonde: 


Efesiërs 2:1 – “Julle was dood as gevolg van julle oortredings en 

sondes.” Hiermee word bedoel dat die mens geestelik dood is. ’n 

Geestelik dooie mens het nie ’n vrye wil nie, hy kan nie sy hart vir die 

Here gee nie. 

Eksodus 20:5, 6 – “... want Ek, die HERE jou God, is ’n jaloerse God 

wat die misdaad van die vaders besoek aan die kinders, aan die 

derde en aan die vierde geslag van die wat My haat; en Ek bewys 

barmhartigheid aan duisende van die wat My liefhet en my gebooie 

onderhou.” 

Job 14:3 – “Wie kan rein uit onrein laat voorkom? Niemand nie!” 

Psalm 51:7 – “Ek was al skuldig toe ek gebore is, met sonde belaai 

toe my moeder swanger geword het.” 

Jesaja 32:18 – “U bewys u troue liefde aan duisende geslagte, maar U 

straf kinders vir die sondes van hulle ouers.” 

Psalm 14:3 – “Almal het afgedwaal, die laaste een het ontaard; daar 

is niemand wat goed doen nie, selfs nie een nie.” 

Romeine 3:23 – “Almal het gesondig en is ver van God af.” 

Romeine 5:12 ev – “Daarom, soos deur een mens die sonde in die 

wêreld ingekom het en deur die sonde die dood, en so die dood tot 

alle mense deurgedring het, omdat almal gesondig het ...” 

WAT LEER DIE BELYDENISSKRIFTE? 

Die Heidelbergse Kategismus leer in Sondag 3, vraag 7: “Waar kom 

hierdie verdorwe natuur van die mens dan vandaan? Antwoord: Van 

die val en ongehoorsaamheid van ons eerste ouers, Adam en Eva, in 

die paradys. Daar het ons natuur so verdorwe geraak dat ons almal in 

sonde ontvang en gebore word.” 

Die Nederlandse Geloofsbelydenis, artikel 15, leer: “Ons glo dat die 

erfsonde deur die ongehoorsaamheid van Adam oor die hele menslike 

geslag uitgebrei het. Dit is ’n verdorwenheid van die hele natuur 

en ’n oorgeërfde gebrek waarmee selfs die klein kindertjies in die 

moederskoot besmet is.” Erfsonde is dus ’n oorgeërfde gebrek. Die 

konklusie uit Artikel 15 NGB is dus dat die verdorwenheid van die 

hele menslike natuur van geslag tot geslag oorgedra word. 

Die Dordtse Leerreëls, hoofstuk 3 en 4:2 leer: “Net soos die mense na 

die val was, so was ook die kinders wat hy voortgebring het. As 

verdorwene het hy verdorwe kinders voortgebring. Dit hou in dat die 

verdorwenheid, volgens die regverdige oordeel van God, van Adam af 

op al sy nakomelinge oorgegaan het. Net Christus is hierin ’n uitsondering. 

Die verdorwenheid van die mens ontstaan dus nie deur 

navolging, soos die Pelagiane vroeër beweer het nie, maar deur die 

voortplanting van die bedorwe natuur.” 

Die mens bring dus as verdorwene verdorwe kinders voort (voortplanting), 

onbekwaam tot enige goed en geneig tot alle kwaad. 

Hoe moet ons leer oor die erfsonde verstaan? 

Om hierdie leer beter te verstaan, is daar in die Dogmatiek ’n onderskeiding 

gemaak tussen erfskuld en erfsmet. 

ERFSKULD dui op die feit dat Adam se skuld vir sy oortreding ook ons 

skuld geword het, deurdat God ons dit toereken. “Adam se oortreding 

- diskussie - 

word deur God self aan die ganse 

menslike geslag toegereken en wel 

op grond van die organiese samehang 

van die menslike geslag met 

Adam” (Heyns, 1978). 

ERFSMET is die aangebore verdorwenheid 

van die ganse menslike 

natuur. Hierdie verdorwenheid toon 

twee aspekte: 

Dit wat die mens verloor het: 

die mens het al die goeie 

gawes wat die geskape mens 

oorspronklik gehad het, verloor. 

Hy besit nie meer die goeie 

gawes nie. Hy het nou ’n 

bedorwe natuur. 

Dit wat bygekom het: die mens 

het egter iets bygekry wat hy 

nie gehad het nie, en wat God 

nie gegee het nie, naamlik dat 

hy as mens deur die verkeerde 

en slegte begeerlikheid as 

heersende en rigtinggewende 

mag in sy lewe oorheers word. 

Hy het nou geword onbekwaam 

tot enige goed en geneig tot 

alle kwaad. 

Erfskuld en erfsmet sê dus dat alle 

mense by Adam gereken word. Ons 

het almal deel aan ’n menslike 

natuur waarop daar nie net skuld 

rus nie, maar wat ook bedorwe is 

tot in sy diepste wese (Heyns, 

1978). 

Ons dank God dat Hy wat die skuld 

van die eerste Adam ons toegereken 

het, ons ook die genoegdoening, geregtigheid 

en heiligheid van Christus 

wil toereken. Daarom doen ons belydenis, 

nie alleen van ons daadsondes 

nie, maar ook van ons sondige bestaan 

(erfsmet en erfskuld). 

So bely ons dan ook in die Heidelbergse 

Kategismus, So. 14, v/a 36: 

“Watter nut verkry jy uit die heilige 

ontvangenis en geboorte van Christus? 

Antwoord: Dat Hy ons Middelaar 

is en met sy onskuld en volkome heiligheid 

my sonde waarin ek ontvang 

en gebore is, voor God bedek.” DK 


- gemeentebeeld - Ds. Jan Malan (Burgersdorp) 

Geref. Kerk Burgersdorp 

Die naam Burgersdorp roep herinneringe op van 

ou Doppers met groot ywer, kerkstryd wat 

uitgeloop het op die stigting van die Gereformeerde 

Kerk, die begin van die Teologiese Skool en 

die PUK, asook name van persone wat veral hier hulle 

stempel afgedruk het, soos ou Vader Postma, Jan Lion- 

Cachet en ander. 

Bring jy besoek, praat die bergagtige wêreld van Burgersdorp 

saam met die stemme uit die verlede – hier op die 

plato agter die eskarp van die Stormberg, aan die randjie 

van die Karoo. ’n Wêreld wat goed was vir sy mense onder 

die genade van die Here. Met mense wat, dankbaar vir 

genade, standpunt ingeneem het vir die beginsels van 

die Woord, vir wat reg is in kultuur en politiek. Die taalmonument 

op die dorpsplein getuig van die oortuiging en 

oorwinning dat Hollands – die taal van die inwoners – 

haar regmatige plek in die parlement moet inneem 

(1893); die burgermonument vir die gesneuweldes by 

die Slag van Stormberg, en vir burger Klopper wat as 

rebel tereggestel is, prof. Cachet se seun Salmon wat 

gesneuwel het en hyself wat in die tronk aangehou en 

verhoor is op ’n klag van hoogverraad; teologiese studente 

wat in die Anglo-Boereoorlog gesneuwel het. Op alle 

terreine is voortdurend verantwoording gevra – roepingsvervulling 

kon nie uitbly nie. 

• 150 jaar • 

Die bakermat 

Die Albert-distrik was die bakermat van die Doppers. 

Dit was mense wat opvallend van die Engelse 

kultuur en die 19de-eeuse modernisme verskil het. 

Aanvanklik was Graaff-Reinet hulle kerklike bedieningsentrum. 

Dit maak die afsondering waarin hulle 

gewoon het, duidelik. Hulle was streng godsdienstig 

en, ondanks weinig kerklike kontak, het hulle geleef 

met die Statebybel met sy kanttekeninge, belydenisskrifte 

en werke van die oude skrywers soos Comrie, 

Smytegeld en A’Brakel. 

Hierdie gemeente se geskiedenis is nou verbonde 

aan die kerklike stryd wat reeds in die 1830’s in die 

ring van Graaff-Reinet ontstaan het oor die Skriftuurlikheid 

van die gesangebundel. Die populêre opvatting 

is dat die Dopperkwessie net oor die gesange gegaan 

het, maar die klagtes het aangegroei oor preke wat nie 

Skrifgebonde was nie, predikante wat hulle nie aan die 

gereformeerde belydenisskrifte wou onderwerp nie, en 

dat die gesangekwessie met kerklike gesag en nie op 

grond van die Skrif opgelos is nie. 

Op ’n stadium in hierdie tydvak was meer as die 

helfte van die Hollandssprekende kerk in die Kaapkolonie 

se predikante Engelssprekend. Onder hulle 

leiding het die kerke piëtisties en met metodistiese 


trekke gereageer op die tydsgees 

van die Franse Revolusie, en die 

rasionalisme en liberalisme wat 

vanuit Nederland ook hier posgevat 

het. Dit word in bogenoemde 

klagtes weerspieël. 

Kerkstigting 

Van hulle het met die Groot Trek 

noord getrek, en vind in die Hervormde 

Kerk in Transvaal dieselfde 

liberalisme en dwang in die kerklike 

lewe. In 1859 is die Gereformeerde 

Kerk Rustenburg gestig. 

Waar die wortels in die Oos-Kaap 

se agter-Sneeubergstreke gelê het, 

is die eerste gemeente van die 

kerkverband in die noorde. 

Maar wat vir ons van belang is, 

is dat vandaar reeds in 1859 na die 

suide uitbeweeg is om in die 

Vrystaat te Reddersburg ’n Gereformeerde 

kerk te stig, en van daar af 

kontak met die Doppers in die 

Albert-distrik gesoek is. Ds. Postma 

preek reeds in 1859 in Burgersdorp. 

Met die stigting van die 

Gereformeerde Kerk in die Kaapkolonie 

op die plaas Roosterhoek 

in die Albert-distrik word die sirkel 

voltooi. 

Vandag kan ’n mens in terugskouing 

waardeer dat onder hierdie 

afgesonderde mense sedert die 

1830’s dieselfde proses, op 

dieselfde beginselgronde, voltrek 

as in Nederland, Skotland en 

Staande: Ds. Frikkie Greeff van 

die NG Kerk Burgersdorp en sy 

vrou Marlene, dr. Jan en Dicky 

Venter, ds. Jannie en Marthie 

van der Schyff, Marja en ds. 

Dirk Pansegrouw, Anél en ds. 

Dreyer Potgieter, ds. Jan en 

Helena (Krummel) Malan, Elna 

Potgieter, André Aucamp en 

ds. Theuns Potgieter. 

Sittend: Dr. en mev. Petrus en 

Etta Kruger, prof. Amie van 

Wyk en Ina, ds. Roelie 

Aucamp. 

Prof. Letsosa en sy vrou moes 

vroeg vertrek en is afwesig op 

die foto. 

- gemeentebeeld - 

Amerika – sonder dat hulle aanvanklik geweet het van die ander. Dit 

behoort ’n aanduiding te wees dat die dryfveer ter plaatse nie sektaries 

was nie, maar gedra deur die strewe na ’n vrye gereformeerde kerk. 

Teen die gees van hulle tyd in het die Gereformeerdgesindes ’n fyn 

aanvoeling gehad vir die verbondsprediking en die voortdurende verankering 

in God se uitverkiesing, soos in die belydenisskrifte uiteengesit. Die 

ywer vir ’n vrye kerk het mense ondanks smaad en groot opofferings laat 

volhard in die vestiging en uitbou van ’n kerk en Gereformeerde gemeenskap. 

Verdere nalatenskap hiervan is onder meer die Teologiese Skool en 

die latere PU vir CHO. 

Ook opofferings vir sake wat nie die tyd oorleef het nie, soos die oprig 

van ’n vrye Christelike skool deur die gemeente van Burgersdorp, getuig 

van die besieling wat hierdie mense gedryf het. 

Feite uit sinodehandelinge 1869 

Teen 1869 kom ’n paar interessante feite uit die sinodehandelinge na 

vore. Toe was, volgens die statistiek in die Handelinge, die lidmatetal van 

die Gereformeerde Kerk: 

Die 5 gemeentes van die Zuid-Afrikaansche Republiek 1 397 

Die 4 gemeentes van die Oranje Vrijstaat 985 

Die 6 gemeentes van die Kaap Kolonie * 1 980 

TOTAAL: 4 362 

Lidmatetal van Burgersdorp: 922 

(* spelling soos in die Handelinge van die sinode.) 

Burgersdorp maak toe 21% van die totaal uit, en 46,5% van die 

Kaapkolonie se totale lidmatetal, byna dieselfde as die vier gemeentes 

van die Vrystaat saam. Dit is ook die grootste gemeente in die drie state, 

met die naasgrootste Reddersburg met 651, en Rustenburg met 603. Dit 

wys dat byna die helfte van al die Gereformeerdes toe nog in die Noordoos-Kaap 

was – 1 980 van die 4 362. 

Hierdie Sinode besluit om die teologiese skool op te rig op Burgersdorp, 

deur die bestaande inrigting wat die kerkraad self onder leiding van 

hulle leraar daargestel het, uit te brei – Burgersdorp het dus reeds begin 

met predikante-opleiding! 

Net die volgende dag besluit die Sinode ook om die skool só in te rig 

dat ook onderwysers daar opgelei kan word, asook om jongelinge wat nie 

met ’n bepaalde doel studeer nie, geleentheid te gee om “na hulle 


Bo: Dr. Jan Venter lewer sy feesrede in 

die kerkgebou. 

Onder regs: Br. Willie Henning kon nie 

die versoeking weerstaan om sy oupa 

se manel en klei aan te pas nie ... 

vatbaarheid” gebruik van die skool 

te maak. 

Herdenking 

In die lig van al bogenoemde 

gebeure was dit ’n groot voorreg 

dat die Teologiese Skool sy viserektor, 

prof. Rantoa Letšosa, gestuur 

het om die herdenking met die 

gemeente mee te maak en die 

geluk- en seënwense van die Skool 

oor te dra. Op sigself was die feit 

dat die viserektor uit die voormalige 

Sinode Middellande kom, 

tekenend van hoe die geskiedenis 

van ons kerk gaan oor Skrifbeginsels 

wat voortgedra word, en nie 

bloot oor die oorspronklike stigters 

nie. 

Die herdenking van al hierdie 

gebeure het op die naweek van 13- 

14 Maart 2010 saamgetrek. Vooraf 

is tydens aandbyeenkomste besin 

oor die grondlegging van die kerke 

se fondament en oor die belewing 

van ons jongmense van die Gereformeerde 

Kerke en hulle waardering 

van dit waarvoor die kerk 

staan in die lig van haar geskiedenis. 

Die statistiek toon ’n anomalie: 

Lê dit by jongmense se gebrek aan 

waardering, of het die kerk sy 

grondbeginsels verduister dat die 

statistiek oor jongmense in ons 

kerk so treurig lyk? Baie interessante 

waarnemings en bruikbare 

perspektiewe vir die pad vorentoe is geopper. Ons onderlinge meelewing, 

liefdesbetoon en uitleef van waarvoor ons staan, is sake waaraan ernstig 

gewerk sal moet word. 

Hoogtepunt 

Die herdenkingsnaweek self was ’n reuse hoogtepunt. Dit het 

afgeskop met die sustersaamtrek vir die Oos-Kaap, met ’n rekordbywoning. 

Prof. Amie van Wyk was die spreker, met die tema: Die vrou – 

diensbaar vir God. Daarmee is die naweek sommer ingelui met die 

boodskap dat dit in ons waardasie nie gaan oor hoe trots ons kan wees op 

wat ons bereik het nie, maar oor die vraag of ons diensbaar aan God is in 

die lig van Matteus 5:13-16: Sout vir die aarde en ons lig laat skyn. 

Die middag is die museum besoek waar prof. Postma se studeerkamer 

besigtig kan word, en die buitegeboue waar die klaskamers vir die 

eerste teologiese skool ingerig was. Wanneer ons, gewoond aan vandag 

se geriewe, die losiesgeriewe – duiwehokke, soos die studente dit 

genoem het – beskou, besef ’n mens hoeveel opofferings ook die jongmanne 

van daardie tyd bereid was om te maak vir die beginsel. 

As ’n mens dink aan die manne vir wie hierdie karige geriewe die 

afspringplek was vir ’n lewe wat baie tot stand gebring en baie ander se 

lewens verryk het, stem dit tot diepe nadenke. Predikante soos Totius, 

Petrus en Dirk Postma, en Ferdinand Postma wat die “vader” van die PUK 

was. Nie hulle nie, maar die nalatenskap van hulle gawes, is iets om 

oneindig dankbaar oor te wees. 

Daarna was dit tyd vir besinning: Onder die vertoon van historiese 

foto’s en die geklank van gewyde orrelspel het ’n bo-verwagte groot 

aantal belangstellendes in die kerkgebou byeengekom. Groetes, geluk- en 

seënwense is oorgedra, daar is lustig saamgesing aan Psalms en Skrifberymings. 

Toe het die hoofitem aangebreek: dr. JL Venter se feesrede. Hy is 

’n gewaardeerde oudleraar van die gemeente, tans emeritus van Pretoria- 

Annlin. 

Dr. Venter het die gemeente se geskiedenis 

vanuit drie tydperke beskou: ’n Nederige begin 

(1860-1910), geseënde groei (1910-1960) en 

kerklike verskuiwinge (1960-2010). 

Die nederige begin was prinsipieel veranker, 

en veral die teologiese skool het getoon hoedat 

dit nie soos ’n tolbos teen die grensdrade 

vasgewaai het nie, maar soos pluimsaad wyd 

gesaai is. Onderwys was van primêre belang en 

dan geanker in ’n bepaalde lewens- en wêreldbeskouing. 

Hierdie dinge het identiteit aan die 

gemeente verleen. 

Gedurende die tweede tydperk het ds. Dirk 

Postma (M sn.) ’n bepalende rol gespeel. Hy het 

’n vingerafdruk van konserwatisme op die 

gemeente gelaat in sy 35-jaarlange bediening. 

In hierdie tydperk het onderverdeling van grond, 

droogtes en verstedeliking die gemeente se 

lidmaatgetalle aansienlik laat krimp. 

Die derde tydperk is dié van kerklike verskuiwinge 

wat die gemeente nie onaangeraak 

gelaat het nie. Ons verkeer in ’n totaal ander 

kerklike milieu as 150 jaar gelede. Gereformeerdes 

het geen bepalende inspraak meer in 


landsake nie, ons mense word spesifiek met 

betrekking tot taal, kultuur en godsdiens gemarginaliseer. 

Wat dit opmerklik maak dat die 

taalvegters nie meer soos 150 jaar gelede uit 

kerklike geledere kom nie, maar uit oorde soos 

die ATKV, Solidariteit en Afri-Forum. En al hierdie 

dinge plaas ons eintlik terug in dieselfde stryd as 

wat ons voorvaders 100 jaar gelede hier in 

Burgersdorp beleef het. 

Die toekoms 

Vir die toekoms van Burgersdorp se gemeente 

sluit dr. Venter aan by ds. Marthinus Postma 

se gedenkrede 100 jaar gelede, toe hy teruggedink 

het aan die woorde van Sagaria 4:10 wat 

dikwels deur hulle “geliefde en onvergeetlike” vader Postma gebruik is: 

“Moenie die dag van klein dingetjies gering ag nie.” Sy toekomsperspektief 

aan Burgersdorp is dat ons identiteit geleë is in ons kleinheid voor 

God, ons vertroue in God, ons dankbaarheid, ons handhawing van die 

waarheid, ons aanpassingsvermoë en ons roepingsvervulling na buite. 

In beide dr. Venter se rede as die preek Sondagoggend het die 

duidelike verwysing na die ooreenkomste tussen die tyd van die ou 

Doppers se stryd en ons tyd, na vore gekom. Die boodskap van ’n Enige 

God, absolute waarhede en belydenis op die Skrif gegrond, is weer in 

gedrang. Die uitdagings is nie kleiner nie, maar die omstandighede 

verskil hemelsbreed. Vandaar die eis om aanpasbaarheid om ons 

identiteit te handhaaf en uit te dra. 

Die toets gaan wees of ons in tye wat kom al minder in ons eie oë 

sal word, al kleiner voor God sodat Hy sy grootheid in ons gemeente kan 

openbaar, en of ons bereid is om ons werkskoene aan te trek as ons ’n 

duidelike spoor vir ons nageslag wil nalaat. 

Pitkos, soos u kan sien, was daar genoeg. Dit moet oor tyd verteer 

en in werking gestel word! Die Saterdagaand het almal heerlik saamgekuier 

met die vyf lammers wat gespitbraai is. Sondag ná die erediens is 

tee gedrink, vir oulaas gekuier, en het almal gegroet. 

Waar staan ons oor nog 50 jaar? DK 

Bo: 

Die spitbraaiers is Tjokkie Marx en sy 

seun Abraham. 

Onder links: 

Burgersdorp se WOELIGE TOEKOMS! 

(Hulle was glad nie gediend met die 

fotograaf nie.) 

Onder regs: 

Die katkisasiekinders is ’n paar van 

ons 2010-groep. 


- Skrifstudie - Ds. DHP (Dirk) Wijnbeek (Steynsburg) 

Geloof en finansies 

Die genade van Jesus gee inhoud 

Lees: Romeine 15:25 – 31; 1 Korintiërs 16:1-4; 2 

Korintiërs 8:1-15 

Fokus:2 Korintiërs 8:8-9 

As daar iemand was op wie die genade van die 

Here Jesus ’n groot impak gemaak het, was dit 

Saggeus, die hooftollenaar van Jerigo. Hy wou 

baie graag vir Jesus sien, maar weens die skare kon hy 

nie, omdat hy te kort was. Hy het toe vooruit gehardloop 

en in ’n wildevyeboom geklim sodat hy Jesus kon sien, 

want Hy sou daarlangs verbygaan. Toe Jesus vir hom sê 

om af te klim omdat Hy in sy huis wou tuisgaan, het hy 

gou afgeklim en Jesus met blydskap ontvang. Hoor dan 

wat sê Saggeus: “Here, ek gaan die helfte van my goed 

vir die armes gee, en waar ek iets van iemand afgepers 

het, gee ek dit vierdubbel terug.” 

In die Bergpredikasie het Jesus gesê: “Moenie vir julle 

skatte op die aarde bymekaar maak waar mot en roes dit 

verniel en waar diewe inbreek en dit steel nie. Maak vir 

julle skatte in die hemel bymekaar, waar mot en roes dit 

nie verniel nie, en waar diewe nie inbreek en dit steel nie. 

Waar jou skat is, daar sal jou hart ook wees.” Hy het ook 

gesê dat ’n mens nie vir twee base tegelyk kan werk nie, 

omdat ’n mens noodwendig aan die een meer aandag 

sal gee as die ander, met die praktiese toepassing: “Julle 

kan nie God én Mammon dien nie.” 

Johannes het weer geskryf: “Moenie die sondige wêreld 

en die dinge van die wêreld liefhê nie. As iemand die 

wêreld liefhet, is die Vader se liefde nie in hom nie. Die 

wêreldse dinge – alles wat die sondige mens begeer, alles 

wat sy oë sien en begeer, al sy gesteldheid op besit – kom 

nie van die Vader nie, maar uit die wêreld. En die wêreld 

met sy verleidelike dinge gaan verby, maar wie die wil 

van God doen, bly ewig lewe.” Daarom moet ons kies, en 

dié keuse sny deur ons hele lewe en die manier waarop 

ons met ons geld en aardse goed werk! Só het dit ook 

skielik vir die skatryk tollenaar Saggeus duidelik geword. 

Paulus se projek om geld in te samel vir die verarmde 

Christene in Jerusalem is ’n praktiese voorbeeld van die 

geweldige impak wat die genade van die Here Jesus 

maak op die manier waarop ons as gelowiges met ons 

geld en aardse goed werk. Die Jerusalem van Paulus se 

tyd was nie ’n ryk en welvarende stad nie. Vanweë die 

Romeinse oorheersing was die land ook lankal nie meer 

aan ons lewe 

die land wat oorloop van melk en heuning nie, en die 

goue tyd van Salomo nog net ’n vae herinnering. Finansieel 

het dit met die eerste Christelike gemeente wel 

aanvanklik goed gegaan, omdat dié wat grond of huise 

besit het, dit verkoop en die geld vir die apostels gegee 

het om uit te deel waar daar behoefte was. Toe dié bron 

egter op is, was daar nie meer om in die armes se behoeftes 

te voorsien nie. Verder het baie lidmate vanweë die 

vervolging van die Christene uit Jerusalem gevlug en elders 

gaan bly. Dít het die gemeente nog meer verarm 

en in die nood gedompel. 

Die enigste plek waar Paulus vir hulp kon aanklop, 

was in die buiteland, by die gemeentes wat hy op sy sendingreise 

gestig het en waarvan baie lidmate oorspronklik 

heidene was. As Paulus vir die Korintiërs skryf dat 

hulle ’n jaar gelede nie alleen die eerste was wat iets in 

hierdie verband gedoen het nie, maar ook die eerste was 

wat gewillig was om iets te doen, lyk dit of die plan van 

’n fondsinsameling vir die medegelowiges in Jerusalem 

baie goed in Korinte ontvang is. As hulle bydrae egter na 

dié jaar nog steeds nie gereed is nie, en dit nadat hy in 

’n vorige brief al die voorstel gemaak het dat elkeen 

weekliks na sy vermoë tuis iets opsy moet sit en dit so 

moet opspaar, is daar êrens met die Korintiërs ’n fout. 

Dieselfde probleem het hy ook al beleef toe hy nog hulle 

predikant was. Toe het hy uit sy pad gegaan om selfversorgend 

te wees en af te sien van sy reg op versorging. 

Hy sê hiervan in 1 Korintiërs 9:12 – “Ons dra al die koste 

self sodat ons geen hindernis in die weg van die evangelie 

van Christus sou lê nie.” Om dié diepgewortelde probleem 

van die Korintiërs uit te wys en aan te spreek, wys hy 

hulle op die voorbeeld van die gemeentes van Masedonië. 

So skryf hy in 2 Korintiërs 8:8 – “Ek gee nie ’n opdrag 

nie, maar ek wys julle op die ywer van ander om daardeur 

die opregtheid van julle liefde te toets.” 

Die gemeentes van Masedonië was die gemeentes 

van Filippi, Tessalonika en Berea. Waar die Korintiërs self 

baie genade van die Here ontvang het, en ook baie goed 

daarvan bewus was hoe geseënd hulle was, sal dit hulle 

goed doen as hulle ook kennis neem van die genade 

wat die gemeentes van Masedonië ontvang het, en hoe 

dié genade by hulle grondgevat het! Húlle het spontaan 

en ruim bygedra, en as jy kyk na die omstandighede waarin 

hulle hul bevind het, is dit duidelik dat die Here werklik 

deur sy Gees in hulle gewerk en hulle lewens regeer het. 


Hulle het iets daarvan verstaan om skatte in die hemel 

bymekaar te maak, en hoe dit rigting gee aan hoe ’n 

mens voel oor geld en wat jy met jou geld maak! 

Kyk net wat sê Paulus dan nog verder van dié gemeentes 

se geestelike lewe. Dis eerstens hulle vreugde ten 

spyte van die verdrukking wat hulle so swaar beproef 

het. Dié vreugde is die allesoorheersende vreugde dat 

God hulle verlos het. Tweedens hulle besondere vrygewigheid 

ten spyte van hulle armoede – 2 Korintiërs 8:2 

sê dat hulle ryk was in hulle oorvloedige vrygewigheid. 

Só het hulle na vermoë, en selfs bó hulle vermoë bygedra! 

Nog belangriker as die werklike geldwaarde van hulle 

bydrae was die gesindheid waarmee hulle gegee het. 2 

Korintiërs 8:4 sê dat hulle uit eie beweging bygedra het, 

sonder dat daar enigsins druk op hulle toegepas is. Dit 

was ook nie maar net ’n blote gee om te gee, en daarmee 

is die saak afgehandel nie. Nee, hulle het daarop aangedring 

om te mag deel in die liefdeswerk van hulpverlening 

aan die gelowiges in Judea. Dit wys dat hulle harte in 

hierdie saak was. Verder het hulle hul hierin tot beskikking 

van Paulus gestel as mense wat hulle aan die Here 

oorgegee het. 

So het die bydrae van die Masedoniese gemeentes 

baie dinge aan die lig gebring en daadwerklik gewys dat 

die genade van die Here nie net hulle siele geraak het 

nie, maar inderdaad ’n geweldige impak gehad het op 

hulle hele lewe. Dán sien jy wat Jesus bedoel het toe Hy 

tydens die Loofhuttefees in Jerusalem gesê het: “As iemand 

dors het, laat hy na My toe kom en drink! Met die 

een wat in My glo, is dit soos die Skrif sê: Str tr trome trome 

ome le lewende le ende ende 

wat at ater at er sal uit sy binneste vloei.” 

Vir die Korintiërs, wat self so baie geestelike gawes 

van die Here ontvang het – 2 Korintiërs 8:7 sê: “Aangesien 

julle alles in oorvloed het: geloof, die gawe om julle 

woord te doen, kennis van God, onbeperkte ywer en ons 

liefde vir julle ...” – moes hierdie voorbeeld van die Masedoniese 

gemeentes hulle diep laat nadink het! En dan 

gee Paulus ook vir hulle die sleutel om te kan nadink 

wanneer hy sê: “Julle ken die genade van ons Here Jesus 

Christus: hoewel Hy ryk was, het Hy ter wille van julle arm 

geword, sodat julle deur sy armoede ryk kon word.” Dis 

dié genade dat Hy Homself verneder en die gestalte van 

’n slaaf aangeneem en aan die mense gelyk geword het 

en gehoorsaam was tot in die dood aan die kruis. 

Só het Hy ter wille van ons arm geword, sodat ons 

deur sy uiterste armoede ryk kan word. Wat ’n genade! 

Dáárdie genade laat ’n mens nie onaangeraak wanneer 

jy bewus word van andere se nood en armoede nie, maar 

bring jou juis in beweging, soos wat dit die gemeentes 

van Masedonië in beweging gebring het. Dan is dit ook 

nie meer nodig om nog bepaalde voorskrifte te gee en 

presies te sê hoeveel elkeen moet bydra nie. 2 Korintiërs 

8:12 sê: “As die goeie wil daar is en iemand gee volgens 

wat hy het, neem God die gawe aan. Hy verwag nie van 

- Skrifstudie - 

hom wat hy nie het nie.” 

So kan ons sien hoe radikaal anders ’n mens oor geld 

en die hantering van geld en aardse goed dink en daarmee 

werk as jy begin by die genade wat jy in Christus 

ontvang het. Hieruit kon die Korintiërs ook sien waar hulle 

fout was en wat die rede was waarom die fondsinsameling 

nie by hulle van die grond af kon kom nie. 

Dit het ook nie net betrekking op fondsinsamelings 

vir verdienstelike sake nie. Luister maar net na die vermaning 

wat Timoteus in 1 Timoteus 6 aan die rykes moet 

gee: “Dié wat in hierdie wêreld ryk is, moet jy waarsku om 

nie hooghartig te wees nie. Hulle moet nie hulle hoop op 

die onsekerheid van rykdom vestig nie, maar op God wat 

alles ryklik aan ons gee om te geniet. Spoor hulle aan om 

goed te doen, om ryk te wees in goeie dade, vrygewig en 

mededeelsaam. So vergader hulle vir hulle ’n skat as ’n 

goeie belegging vir die toekoms, sodat hulle die ware lewe 

sal verkry.” 

Dit bring ons terug by Jesus se woorde dat ons nie vir 

God én Mammon kan dien nie, en dat ons vir ons skatte 

bymekaar moet maak in die hemel. Want die impak wat 

die genade van ons Here Jesus Christus op ons het, verander 

ons hele lewe – kyk maar net weer na die gemeentes 

van Masedonië! As jy egter dink dat die genade van die 

Here Jesus net met die saligheid van jou siel en die toekoms 

van jou siel te doen het, maar jy ’n groot fout! Dit 

het ons by die Korintiërs gesien! 

Daarom het ons vandag ’n groot roeping in ’n wêreld 

wat vasgevang is en al meer vasgetrek word in die greep 

van materialisme en die verregaande beheptheid met 

aardse goed. Eerstens moet ons wys dat ’n mens nie vir 

God en Mammon tegelyk kan dien nie, en dat ’n mens 

duidelik moet kies. Tweedens moet ons die kommer en 

sorge van die lewe hanteer soos wat Jesus dit vir ons in 

die Bergpredikasie geleer het: “Julle moet julle dus nie 

bekommer en vra: ‘Wat moet ons eet of wat moet ons 

aantrek?’ nie. Dis alles dinge waaroor die ongelo ongelowiges 

ongelo ongelo wiges 

begaan is. Julle Julle hemelse hemelse V VVader 

V ader w wwee 

w wee 

ee eet ee t t ttog 

t og dat julle dit alles 

nodig het.” Hy weet, want dis sy Seun wat ter wille van 

ons arm geword het, sodat ons deur sy armoede ryk kan 

word. Deel van hierdie rykdom is dat ons juis ten volle 

kan reken op die Vader in die hemel wat vir die trekvoëls 

jaar na jaar sorg, en wat die lelies van die veld met groter 

prag klee as al die spoggerige klere wat Salomo met sy 

baie geld vir homself kon aanskaf. 

Daarom is dit ten slotte óf God óf Mammon. Ons moet 

kies, omdat ons die genade van die Here Jesus Christus 

ken. Kies, soos wat Saggeus gekies het, en die gemeentes 

van Masedonië. Natuurlik leef ons nog in die wêreld, 

en natuurlik moet ons ook gebruik maak van die banke 

van die wêreld, maar as dit die enigste banke is wat ons 

ken, is daar fout! Die impak van die genade van ons Here 

Jesus Christus laat ons besef dat daar ook nog ’n bank 

in die hemel is! DK 


- besinning - 

’n Gerehabiliteerde 

Fariseër! 

As Paulus homself aan die gelowiges in Rome voorstel, dan wys hy 

hulle daarop dat God hom “afgesonder het vir die evangelie” (Rom 

1:1). Die woordjie in die Griekse taal vir “afgesonder” (aforismenos) 

het dieselfde stam as die woord vir “fariseër” (farisaios). 

Nou kan ons onthou dat Paulus reeds voor sy bekering homself afgesonder 

het vir die wet en dus aan die party van die Fariseërs in Jerusalem 

behoort het (Hand 23:6; Fil 3:5). Die Fariseërs was destyds die godsdienstige 

party wat hulle beywer het dat Israel die wet van Moses nakom. Hulle 

was vroom en godvresend en vir ander ’n goeie voorbeeld in hulle lewenswandel. 

Hulle was egter slawe van die wet! 

Paulus noem homself in Romeine 1:1 nie meer ’n slaaf van die wet nie, 

maar wel ’n slaaf (Grieks: doulos) van Christus. Die woord “slaaf/dienskneg” 

dui dan op ’n galeislaaf wat in die onderdek die roeiwerk moes 

doen terwyl hulle aan die romp van die skip vasgeketting was. So sien ons 

nou, na sy bekering vir Paulus, onder-roeier op die skip waarvan Jesus die 

Stuurman is, en die gemeente die soldate wat op die skip reis om in die 

volgende geveg betrokke te raak. ’n Nederige werk, maar tog so belangrik. 

God het Paulus reeds voor sy geboorte (Gal 1:15) vir hierdie dienswerk 

afgesonder, maar wanneer hy dan bekeer raak, word hy ook spesiaal 

“afgesonder as apostel vir die heidene”. Hy was verslaaf (bv. soos ’n 

alkoholis of dwelmslaaf) aan die wet waarvoor hy homself as Fariseër 

afgesonder het, kom tot bekering as Christus hom soos ’n brandhout uit 

die vuur ruk, en so word hy van sy slawerny aan die wet gerehabiliteer! 

Nou word Paulus ’n slaaf van Christus, verbonde aan Christus nie uit 

dwang nie, maar deur die roeping van die Gees, en dus gewilig om selfs 

die swaarste lyding vir Christus deur te gaan (lees gerus weer Fil 3). Ons 

lees in byna al sy briewe van sy passie vir die kerke onder die heidense 

nasies. Daar is ’n vuur in Paulus. Die vuur van die Gees van Christus! Die 

Heilige Gees dryf hom. Die passie vir die wet (as Fariseër) word nou herlei 

na die vurigheid om die evangelie (nie die wet nie) aan die heidennasies 

te verkondig. Afgesonder vir die evangelie is hy dus nou ’n gerehabiliteerde 

Fariseër! 

Die hele Romeine-boek handel juis oor hierdie feit: Ons wat gedink het 

dat ons onsself kan red, ons wat probeer om met ’n voorbeeldige lewe in 

die hemel te kom, ons wat niks anders as wettiese Fariseërs was nie, ons 

het nou deur die geloof ’n verhouding met Christus. Ons is nou slawe, 

Ds. Maarten van Helden (Centurion) 

maar nie van goeie werke nie, wel 

van die Here Jesus. Deur ons geloof 

kry ons deel aan (verhouding met) 

Jesus Christus, en ontvang ons dus 

ook alles wat Hy vir ons gedoen 

het: Hy het in ons plek die skuld 

van ons sonde voor die hemelse 

Regter gedra! Ons word vrygespreek 

en ons mag lewe – nou die 

nuwe lewe in Christus, en daarby 

die ewige lewe tot in ewigheid 

saam met Christus. 

Ons moet egter nooit verwaand 

word nie, want enige gerehabiliteerde 

mens (bv. ’n gewese alkoholis) 

moet onthou waarvandaan hy/ 

sy gekom het. Hy en sy moet weet 

dat hulle die res van hulle lewe 

nooit weer hulle mond aan drank 

kan of mag sit nie. En elke versoeking 

in dié verband sal ’n heftige 

stryd tussen vlees en gees wees. 

So ook met die sogenaamde 

gerehabiliteerde Fariseërs, soos ek 

en jy. Ons mag bekeerd wees en in 

Christus glo, en ons mag dus 

heerlik op pad wees na die ewige 

lewe, MAAR ... die stryd is nie verby 

totdat ons voete in Sion staan nie. 

Eers dan, as ons deur die krag van 

Christus en sy Gees volhard het, sal 

ons ook soos Paulus kan sê: Ek het 

die goeie stryd gestry, ek het die 

wedloop voltooi, ek het die geloof 

behou (2 Tim 4:7). 

Aangename kennis ... ek is ook ’n 

gerehabiliteerde Fariseër! En jy? DK 


Die Stalsprys vir Geesteswetenskappe word jaarliks toegeken vir ’n hoogstaande 

publikasie of ’n reeks van hoogstaande publikasies, by voorkeur – maar nie 

uitsluitlik nie – in Afrikaans. Verder word dit toegeken vir individuele of gesamentlike 

wetenskapsbeoefening en/of die lewering van individuele of gesamentlike produkte 

van hoogstaande gehalte waardeur buitengewone bydraes tot die wetenskapsbeoefening 

gemaak word. Spanprestasie of bydrae tot spanprestasie, multi- en interdissiplinêre navorsing, 

goeie implementerings- of evalueringsnavorsing kan ook in berekening gebring word. 

- van oraloor - 

Persone met besondere bande 

met die PU word bekroon 

Stalsprys vir Filosofie 

Die Stalsprys vir Filosofie is aan PROF. BJ (BENNIE) VAN DER WALT, verbonde aan 

die Skool vir Filosofie aan die Noordwes-Universiteit, Potchefstroomkampus. Prof. Van 

der Walt werk vanuit die kringe van die Reformatoriese filosofie wat sy swaartepunt in 

Nederland en Noord-Amerika het. In hierdie kringe het prof. Van der Walt bekend geword 

as Afrikakenner en iemand wat worstel met die problematiek van Afrika en die wêreldbeskouings en ideologieë 

aan die wortel van hierdie probleme. 

Ds. Pieter van Drimmelenmedalje 

In die geval van die Ds. Pieter van Drimmelenmedalje kom aktiwiteite in aanmerking 

soos Bybelvertaling, teologiese handboeke in Afrikaans vir gebruik deur universiteitstudente, 

gepubliseerde preekbundels, godsdiensonderwys en die skryf, vertaling, toonsetting en 

verbetering van Afrikaanse Psalms en Gesange. 

Hierdie prys is vanjaar toegeken aan PROF. JL (JAAP) HELBERG, emeritusprofessor in 

Teologie aan die Noordwes-Universiteit, Potchefstroomkampus. Prof. Helberg het onder andere 

’n leemte gevul deur ’n sistematiese Ou-Testamentiese Teologie (Openbaringsgeskiedenis 

van die Ou Testament) te ontwikkel. Hy het ’n besondere rol as Ou-Testamentikus gespeel 

met die Afrikaanse Bybelvertaling van 1983. 

Nylstroom gee erkenning aan 

lidmaat 

Meegedeel deur Jan Boot 

Op Sondag 7 Maart 2010 is daar in die Geref. Kerk Nylstroom 

erkenning verleen aan die groot bydrae wat br. Kobus Viljoen oor 

meer as 35 jaar gemaak het in die hantering van die finansies van 

verskillende gemeentes, naamlik Pretoria-Annlin, Pretoria-Magalieskruin, 

Waterberg en Nylstroom. Hy was ook kassier van die sendingwerk 

van Innesdal-gemeente en vir hospitaalbearbeiding in Pretoria. 

Hy en sy eggenote Annatjie woon in Kokanje Aftreeoord in Nylstroom. 

Hy is op gepaste wyse bedank en die Here se seën toegebid vir mooi, 

rustige jare in die pragtige Bosveldomgewing. Op die foto verskyn br. 

en sr. Viljoen saam met oudl. Jan Boot (links) wat die dankwoord gerig 

het, en ds. Innes Nagel, predikant van Nylstroom. 


- van oraloor - Jacomien Zwemstra en Chris van der Walt 

Deur die oë van ’n besoeker 

Wanneer ’n mens ’n vreemde plek besoek, sien jy soveel interessante dinge, 

en as die plek jou regtig aanraak, kan jy ook nie ophou om vir ander 

daarvan te vertel nie. Die “besoekplek” van een is egter die “blyplek” van ’n 

ander. As jy die inwoner is, is dit wat vir die besoeker vreemd is, vir jouself 

alledaagse dinge. 

Daarom het ek as “blyer” by Covenant College in Zambië hierdie stuk 

geskryf, omdat ons soms na ons lewe en werk deur die oë van ’n besoeker 

moet kyk. Hierdie stuk is ’n verwerking van die briewe wat dr. dr. Chris Chris van 

van 

der der Walt Walt van Pietersburg van hier af vir sy gesin geskryf het toe hy vir 

twee weke hier kom klas gee het. En dit is wat hy van ons en ons blyplek 

beleef het: 

Ek word wakker en hoor geen skreeuende bande, loeiende sirenes of 

geweerskote nie. Dit is egter glad nie stil nie! In die groot 

verskeidenheid van bome hoor ek ’n simfonie van voëlsang. Elke 

voëltjie is besig met sy eie liedjie, en tog maak dit alles saam ’n pragtige 

geluid. Buite kan jy die son sien opkom en regte vars lug inasem. 

Van Dinsdag tot Vrydag is die studente hier, en dan word daar hard 

gewerk aan studies. Om vir hulle klas te gee, is ’n voorreg: die studente is 

baie gedissiplineerd en dankbaar. Dit is sigbaar in die feit dat hulle voor 

en na elke klas bid – selfs al was daar net ’n 5 minute-breuk tussenin. 

Hierdie totale afhanklikheid van God “smeer af” op ’n mens, want 

wanneer jy so baie moet bid, begin jy meer en meer dinge raaksien 

waarvoor jy kan bid. 

Klasgee is ook ’n uitdaging: die studente leer maklik die antwoorde op 

vrae, maar verstaan nie altyd die antwoorde nie. Daarom is dit nodig om 

beter te verduidelik. Hiervoor is beelde uit hulle alledaagse lewe nodig, en 

daarom moet ons hulle en hulle omstandighede goed leer ken. Hulle is 

egter baie gretig om te leer, en vertel gereeld vir ons hoeveel hulle die 

klasse geniet en hoe dankbaar hulle is oor alles wat hulle kan leer. 

Tussen die klasse gebeur daar ook ander dinge: Woensdag eet ons 

saam met die studente. Hier moes ek leer om nshima (mieliepap), eiers/ 

vleis en groente met my hand uit ’n blikbordjie te eet. Tot baie mense se 

verbasing is dit baie lekker! Die kos word deur die kok, Nelson Banda, 

voorberei en dit kom meestal vars van Covenant College se eie plaas af. 

Indien die hande-etery jou afskrik: Cobus (ons gasheer se 5-jarige seun) is 

altyd bereid om lesse te gee ... 

Hierdie week moes Heinrich ’n student (John) met ’n vreeslike pyn in 

die sy na die kliniek neem. Ons vermoed dit is sy blindederm. By die 

kliniek staan daar egter ’n vreeslike ry mense, en hulle besluit om direk 

hospitaal toe te gaan. Hiervoor moes hulle toe betaal, want “this is no 

emergency, he is still on his feet ...” Hulle trek egter bloed en die dokter sê 

hy dink ook dit is sy blindederm, maar John moet die volgende dag 

terugkom om ’n ander dokter te sien. Die volgende oggend vroeg neem 

Heinrich hom weer na die hospitaal. Ons verwag dat hy geopereer sal 

word, maar eenuur kry Heinrich ’n 

sms dat hy hom moet kom haal, hy 

is klaar! Heinrich ry vir die derde 

keer die 16 km dorp toe en terug. 

John het ’n sak vol pille gekry en hy 

moet volgende week teruggaan. 

Daar is gelukkig ook tyd vir 

stokperdjies, en ons begin ’n 

byekorf bou. Dit vra natuurlik baie 

kreatiwiteit en improvisasie. In 

Suid-Afrika sou jy byvoorbeeld die 

korf met reguit planke van ’n 

goedkoop houtsoort gebou het. 

Hier bou jy dit met die krom planke 

van die hout wat beskikbaar is, 

soos kiaat. 

Vrydagmiddag vertrek meeste 

studente op hulle fietse terug huis 

toe. Hulle gaan in hulle gemeentes 

werk en aan hulle gesinne en 

landerye aandag gee. Hulle ry met 

sterk, swaar fietse sonder verstelbare 

ratte of enige ander spesiale 

aanpassings op paaie wat jy 

versigtig met ’n 4x4 sal aandurf. 

John (met sy blindederm) moet 40 

km fietsry. Hierdie keer hoef hy 

darem nie sy eie tas te dra nie, 

want James sal dit op sy fiets laai. 

In James se andersins rustiger 

liggaamstaal is daar ’n dringendheid 

wanneer hy sy fiets bestyg. Hy 

moet 80 km ver ry om voor donker 

tuis te wees, want in sy omgewing 

is daar olifante en ander gediertes 

wat jy liewer nie in die donker wil 

raakloop nie. Hy vertel dat baie van 

hulle mense al deur olifante getrap 

is ...! 

Op ’n Vrydag lê daar ook ’n 

ander takie vir ons voor: INKOPIES! 

Dit moet op ’n Vrydag gebeur, want 

dit is die enigste dag waarop ons 

vars melk en bruin brood in een 

van die winkels (Zambeef) kan kry. 

Zambeef is stampvol, en dit vat jou 

’n rukkie om te besef dat die klomp 

mense daarbinne eintlik in twee 


ye staan. Een ry is vir melk en een vir brood, ek kon egter nog nie presies 

vasstel of jy die vleis in die melk- of in die broodry moet koop nie. Moet 

ook nie dink jy kan sommer voor in die chaotiese rye indruk nie! Elkeen 

ken sy plekkie en jy sal hard en duidelik aangespreek word as jy die 

“orde” wil verbreek, soos wat die enkele dronk man wat daar aangekom 

het, gou agtergekom het. 

Daarna wou ons na ’n paar ander winkels gaan, maar hulle is nog nie 

oop nie, want op ’n Vrydag is hulle tussen 1 en 2 gesluit. Daarom is ons 

eers mark toe ... 

Eers dog ek dat Heinrich dit maar net vir my kom wys, maar hy ry deur 

’n nou straatjie met winkelname soos God bless, New Happy, Come and 

See, ensovoorts. Toe is ons op ’n plein, so groot soos ’n rugbyveld. Heinrich 

klim uit en stuur vir Nelson in een rigting, en hy begin aanstap. Ek dog: 

Wat maak hy nou? Hy koop droë bone by ’n tafel. Dit word in “small”, 

“medium” en “large” blikkies afgemeet. 

Langsaan is ’n tafel met ’n HOOP kapente (vissies so groot soos die 

blink deel van ’n kar se sleutel). Daar is aartappels en uie en kool en ’n 

Russiese Veghoender. Daar is hope mooi tamaties en slaai en kool en 

vruggies wat ek nie ken nie. Ek vra ook nie wat dit is nie, want dan gee 

hulle vir jou om te proe. Heinrich koop aartappels, en raai wat lê op die 

punt van die tafel?? ’n Halfdosyn muise! Hulle borskassies is netjies 

oopgesny soos wanneer jy ’n skaap slag. Al hulle binnegoed is uitgehaal, 

gereed vir die pot. Ek vra vir Nelson, en hy sê jaaa hulle eet dit, maar net 

bosmuise (en hy is nogal ’n goeie kok?!). Ek vra weer en Nelson trek ’n 

gesig, neee sê hy, hulle eet nie die soort goed wat jy in huise kry nie! 

Tussen die DVD’s, fietse, fietsonderdele, houtskool (van kiaat, eina!), 

osploë, plastiekskottels, boute en moere in stapels, sokkerballe en rye 

klere gaan soek Nelson ’n fietspomp vir die College en kry sommer vinnig 

’n goeie een. 

Nou is dit terug na die Indiërwinkels: hier sien ons mense wat sinkplate 

gekoop het, en dit nou op hulle fietse laai om huis toe te vat. Hulle rol 

dit op soos ’n koerant waarmee jy ’n vlieg wil slaan, en maak dit dan 

(regop!) agterop die fiets se raam vas, een aan elke kant, ter wille van 

balans. 

Voor die bankgebou sien ons ’n vrou wat besig is om op ’n klein 

grasperkie ’n groot hoop note te tel, ten aanskoue van almal! Toe sy 

daarmee klaar is, word dit voor in haar rok se “beursie” gedruk, en sy stap 

straaf-af sonder om om te kyk, sonder om bekommerd te lyk, en sonder 

’n sekuriteitswag in sig. Hoe bevrydend is dit nie! 

Terug by die huis vind ons uit dat die krag steeds af is. Hulle is besig 

om van die kragpale te vervang wat deur ’n brand vernietig is, en dit sal 

dus nog ’n rukkie duur. Ons moet die kragopwekker aansit, want daar 

moet water gepomp word, en die yskaste moet aan. Ek en Heinrich 

sukkel daarmee, want elke keer as ons die masjien aanskakel, vrek dit. 

En ons is seker: daar IS diesel in. Dit is te laat om verder te sukkel, en 

daarom gaan ons na plan B – die ou petrolmasjien word aangeskakel. 

Saterdag takel ons weer die kragopwekker-probleem. Alles word 

losgemaak sodat ons die verstopping kan uitblaas, maar al wat ons 

uitblaas, is lug! Hoekom? Daar is toe NIE diesel in nie. Die probleem is die 

siffie in die bek van die tenk wat só fyn is dat dit lyk of die tenk vol is. 

Gelukkig kan ons nou die res van die dag gebruik om die korf klaar te 

bou. 

(Lees in die volgende uitgawe verder aan dié reisverhaal!) 


Die plaaslike mall waar tamaties tot bosmuise 

beskikbaar is. 

In Zambië maak ander dinge mense gelukkig ... 

Middagete van eiers, pap en boontjies, netjies 

voorgesit. 

Sinkplate op ’n fiets. 


- van oraloor - Ds. Carel Jansen (Secunda) 

... om die gelowiges toe te rus vir 

hulle dienswerk ... 

Hierdie doelstelling uit Efesiërs 4 het ’n besondere 

begin: Christus gee gawes in sy kerk aan sy kerk 

(Ef 4:11). Die kerke het saam besluit dat die gawes 

in die Administratiewe Buro tot diens van die kerke 

moet wees (Acta 2009:273-274, punte 1.2.14, 1.2.17, 

1.2.18), en het in samewerking met die Buro skakeldeputate 

aangewys (Acta 2009:285-289). Hierdie besluite 

het min, selfs geen, waarde indien die kerke nie hiermee 

bedien word nie. 

Op Maandag en Dinsdag 3 en 4 Mei 2010 het ’n aantal 

predikante en kerkraadslede uit die swart kerke, 103 in 

getal, ’n werkswinkel bygewoon met die oog op toerusting 

om plaaslik beter diensbaar te kan wees. Hiervoor 

het die volgende sake aandag gekry: kerklike kommunikasie, 

administrasie, finansiële bestuur, ramings, sustentasie, 

fondse, geboue en eiendomme, versorging van 

emeriti, kerklike publikasies, Teologiese Skool en Fakulteit 

Teologie, sending en evangelisasie. 

Die aanslag van die werkswinkel was om die teenwoordiges 

soveel moontlik te betrek. Daarom het elke saak 

ook ruim geleentheid gebied vir vrae en bespreking. Vir 

die dagbestuur van die Skakeldeputate was dit nogal ’n 

oefening om vanuit ons moedertaal (Afrikaans) funksio- 

neel te kommunikeer met medegelowiges wat in ’n ander 

moedertaal opgevoed is. Woordeboeke moes hulle kant 

bring. Tydens die gesprekke was die Engelse taalgebruik 

by tye hakkelend en stotterend, met verkeerde mengsels 

van enkelvoud en meervoud, en het die “tenses” by tye 

die verlede na die toekoms verskuif. Die Here het gesorg 

dat ons mekaar kon hoor. 

Tydens die werkswinkel het ’n paar interessante, en daarom 

belangrike, punte na vore gekom: 

KERKLIKE KOMMUNIKASIE – kommunikasie tussen 

die Administratiewe Buro en plaaslike kerke ly skade 

omdat kerke se kontakbesonderhede nie op datum 

is nie. Een maklike werkswyse om hierdie inligting 

op te dateer is deur middel van die GKSA-webwerf 

(www.gksa.org.za). Hierdie opgedateerde inligting 

kan ook per e-pos aan Wymie du Plessis gestuur 

word (wymiedup@gksa.co.za) of deurgefaks word na 

018 293 1042. 

PUBLIKASIES – daar is ’n aantal lidmate uit die swart 

kerke wat die Almanak (met Bybelse dagstukkies) 

lees. Maar dit is vir ’n groot getal lidmate ontoeganklik, 

en daarom is een van die planne om die Almanak 

ook in Engels uit te gee (dit skep ook die potensiaal 


vir ’n lesersmark buite die GKSA). Hiermee saam is 

die Deputate Kerklike Tydskrifte besig met navorsing 

oor die formaat van die tydskrifte met die doel om 

dit lesersvriendelik en bekostigbaar te maak, en dat 

dit steeds die geloofsopbou van lidmate dien. 

Alhoewel die evangelie die hoofinhoud en hooftaak 

van die kerk is, leef ons met een werklikheid saam: 

FINANSIES. Finansies is soos ’n turksvry: ’n lekker 

smaak, maar steekseltjies waarvan sommige betyds 

raakgesien word en ander, in die miskyk daarvan, 

net pynlik raakgevoel word. Dan is die turksvy nie 

meer lekker nie. Heelwat inligting is hieroor deurgegee 

en voorbeelde gewys om ook aan te toon dat 

eenvoudige werkswyses en stelsels baie doeltreffend 

is. Die turksvy, te midde van die steeksels, is eintlik 

baie lekker. 

Die kennis oor die werking van en moontlikhede deur 

die TEOLOGIESE SKOOL EN DIE FAKULTEIT TEOLOGIE 

is binne die GKSA gebrekkig. Daarom dat die inligting 

hieroor heelwat harte verheug het, omdat beide uit 

die GKSA kom en daarom vir die GKSA tot diens is. 

Heelwat besonderhede sou gegee kon word met betrekking 

tot fondse, sustentasie, ramings en sending en evangelisasie. 

Wat egter uit al die sake duidelik na vore kom, 

is ’n tekort van inligting. Inligting bemagtig. Inligting en 

toerusting bring aksie. Daarom was die versoek uit die 

Olivier- 

geslagsregister 

Meegedeel deur prof. Rikus Fick 

’n Interessante geslagsregister (“slag-register”) van ’n 

Gereformeerde gesin wat toentertyd lidmate van die Geref. 

Kerk Reddersburg was, het onlangs sy weg na die kerkargief 

gevind. 

Daar kon reeds vasgestel word dat die ma van die gesin, Anna 

Aletta Rensche Petronella du Plooy (hier “Deplooy” gespel) die 

suster van prof. Dries du Plooy se oupagrootjie was. 

As daar Oliviers is wat name op hierdie register herken en 

meer besonderhede of ’n foto daarvan wil bekom, kan hulle 

gerus met prof. Rikus Fick skakel by Rikus.Fick@nwu.ac.za, of 

Posbus 19117, Noordbrug 2522. 


vergadering dat hierdie toerusting in alle klassisse aangebied 

word. Nee, nie in die formele vergaderings van klassisse 

nie, maar dat oorweeg word dat kerke in klassis ’n 

geleentheid skep waarby soveel moontlik kerke (en dit 

sluit die kerkrade en lidmate in) by toerusting betrek 

word. 

Net kerke onder die swart Doppers? Nee, die herhaalde 

navrae na die Administratiewe Buro bewys oor en oor 

dat al die kerke hierdie toerusting benodig. Daarom word 

’n verslag voorberei vir die Bestuur van die Administratiewe 

Buro, sodat ’n sinvolle beplanning gedoen kan word 

om uiteindelik alle kerke (in Suidelike Afrika) tot diens 

te wees. 

Wat nou as ’n nagedagte mag voorkom, is bedoel om 

iets van die ligamente uit te lig (dikwels geïgnoreer, tog 

wesenlik belangrik): 

Die sang van ons broers en susters uit die swart kerke 

gee jou rillings van opgewondenheid, verwondering 

en dankbaarheid oor die magtige werke van die 

Here. 

Die bontstaan van Cachet se susters in die ete en 

drinke het op die oog af die leë mae gevoed, maar 

ook – dieper as wat die oog sien – mense bymekaar 

gebring om as geloofsgenote mekaar op te bou. DK 

Argiefskatte 


- van oraloor - Titus van Aswegen (GK Rietvallei, Pretoria) 

Rietvallei besoek Indië 

Die Geref. Kerk Rietvallei is in die bevoorregte posisie om ’n 

sendingpredikant, ds. Rajesh Kumar, in Indië te hê. (Ds. Rajesh is 

uit die Hindoegeloof bekeer, en ná voltooiing van sy teologiese studies 

aan Potchefstroom en beroepbaarstelling, in 2008 deur Rietvallei beroep 

met opdrag sending in Indië.) 

Gevolglik het die kerkraad besluit om ’n afvaardiging na Indië te stuur om 

eerstehands te sien wat daar gebeur, en om ds. Rajesh waar moontlik te 

ondersteun. Ds. Werner van den Heever, oudl. Titus van Aswegen en sr. Magda 

van Aswegen is vir hierdie doel afgevaardig. Gedagtig aan die naderende 

somer in Indië is toe besluit om die besoek vanaf 19 Februarie tot 2 Maart 

vanjaar te onderneem. Ons het gedurende hierdie tydperk Varanasi (waar 

ds. Rajesh werksaam is) en Vyera (in die provinsie Gujurat) besoek. 

Dit is onmoontlik om in die bestek van ’n artikel soos hierdie ’n volledige 

beskrywing van al ons wedervaringe te gee, en derhalwe wil ek net graag ’n 

paar hoogte- en laagtepunte uitlig. 

Bywoning van erediens 

Die gebeurtenis wat bo alles uitstaan, is ongetwyfeld die bywoning van die 

erediens saam met mede-Gereformeerdes op Sondagoggend 21 Februarie! 

Daar is vooraf ooreengekom dat ds. Werner sou preek en ds. Rajesh sou 

tolk. Ongelukkig het ds. Werner juis daardie oggend deurgeloop onder ’n 

erge maagaandoening. (Indië doen sulke dinge aan ’n mens!) Hy het nogtans 

Ds. Rajesh Kumar, sy vrou Mamta, en Philo. 

deurgedruk en die erediens kon 

voortgaan soos beplan. 

Die “gemeente” bestaan tans uit ongeveer 

150 gelowiges, en dit was 

werklik ’n belewenis om te sien hoe 

honger die Christene is vir die Woord 

van die Here. Te danke aan ’n skenking 

deur ’n gemeente in Suid-Afrika 

was dit moontlik vir ds. Rajesh om 

Bybels in Hindi aan te skaf en aan 

die gelowiges te voorsien. Daar is gedurende 

die erediens geleentheid gegee 

aan van die gelowiges om voorafgekose 

gedeeltes uit die Bybel voor 

te lees. Die sang was spontaan en 

duidelik tot eer van die Here, hoewel 

dit nou nie die Totiusberymings was 

nie! 

Na afloop van die erediens het sr. 

Magda met die vroue gepraat oor die 

posisie van die vrou in die oë van God. 

Dit was ook ’n voorreg om die drie 

ouderlinge (helpers) – Brigesh, Rakesh 

en Raj – te ontmoet. (Voor ons 

vertrek uit Varanasi was daar ’n kort 

geleentheid vir ds. Werner om saam 

met hulle Bybelstudie te doen, en vir 

my om enkele gedagtes met hulle te 

deel oor die taak van die ouderling.) 

Om ds. Rajesh se familie te ontmoet, 

was ook vir ons ’n verrykende ervaring. 

Ons is met Christelike gasvryheid 

ontvang, en selfs getrakteer op 

joghurt wat van buffelmelk gemaak 

is! Die mense, in die gehuggie waar 

hulle woon, het ons aangegaap, en 

ons het die indruk gekry dat baie van 

hulle nog nooit ’n blanke gesien het 

nie. Dit was met hartseer dat ons later 

van al die Kumars afskeid geneem 

het. 

Die volgende Sondag bevind ons ons 

in die dorpie Vyera, ongeveer 1 200 

km vanaf Varanasi. Ds. Rajesh het 


daar in ’n “charismatiese” kerk gepreek. 

Die harde en ritmiese sang sowel 

as die emosionele opwelling wat 

ons daar gesien het, is moeilik “verteerbaar” 

vir Gereformeerdes, maar 

ds. Rajesh se standpunt is dat hy die 

gereformeerde boodskap sal uitdra 

waar hy ook al die geleentheid kry. 

Hierdie keer het ds. Rajesh in Engels 

gepreek en het een van die vroue getolk. 

Ná afloop van die diens het ons 

gesellig verkeer saam met die pastoor 

van die kerk en sy gesin. 

Laagtepunte 

Tussen hierdie twee Sondae het ons 

egter baie geestelike laagtepunte beleef, 

hoewel dit ons oë weer eens 

oopgemaak het vir die mag wat die 

duiwel oor baie mense het. Een daarvan 

was ’n bootvaart op die rivier 

Ganges – ’n heilige rivier vir die Hindoes. 

Hulle glo dat die Ganges self 

’n god is, en daarom is dit elke Hindoe 

se begeerte om minstens een 

keer in sy/haar lewe hom/haar in die 

Ganges te was. 

In die water het karkasse van dooie 

diere gedryf, sowel as ’n menslike 

lyk. Langs die rivier was brandstapels 

waar lyke verbrand word en die oorskot 

dan in die rivier gegooi word. 

(Die geloof is dat in so ’n geval die 

persoon nie na ’n volgende lewe terugkeer 

nie, maar direk hemel toe 

gaan. Indien die persoon egter aan 

slangbyt of tuberkulose sou sterf, 

word die lyk in die water gegooi sonder 

om dit vooraf te verbrand.) Die 

walglike reuk van brandende mensvleis 

kan nie beskryf word nie. Daarbenewens 

vloei riool vryelik in die rivier. 

Tussen dit alles deur het ons gesien 

hoe mense hulleself onderdompel, 

in die geloof dat die rivier hulle 

reinig. 

Nog ’n geestelike laagtepunt was ’n 

besoek aan ’n Boeddhistiese tempel. 

Daar het ons gesien hoe mense voor 

beelde buig en eer betoon. Toe ons 


foto’s wou neem, is ons vinnig aangesê om ons skoene te verwyder. Dit wou 

ons nie doen nie, want die gedagte om sonder skoene in daardie gemors te 

loop, was te erg. As Christen slaan jy jou hande saam as jy sien dat opgevoede 

en geleerde mense Satan toelaat om hulle só te verblind dat hulle werklik 

glo dooie beelde kan hulle heil bewerkstellig. 

Die strate is vuil en kosstalletjies lok jou nie juis nader nie. Die meeste mense 

is arm en voer ’n sukkelbestaan. Verkeersreëls bestaan blykbaar nie en die 

polisie is korrup en omkoopbaar. (Een van die taxibestuurders het lakonies 

opgemerk: “To drive in Varanasi you need good brakes, good horn en good 

luck.”) Diere, soos beeste, bokke, honde en varke loop oral in die strate 

rond en niemand jaag hulle uit die pad nie. Niemand sorg ook vir die diere 

nie en elkeen moet maar self kos soek. Die huise lyk asof hulle laas in die 

koloniale tydperk verf gehad het. Die mense is stug en groet jou nie eintlik 

terug nie. (Met die Christene was dit anders. Hulle is vriendelik en spontaan, 

en die liefde van Christus op hulle gesigte is opvallend!) 

Uitverkore kinders van die Here 

Wat hou ’n mens oor vir jouself na ’n besoek aan Indië? Jy kan maklik vasgevang 

word in jou afsku vir die vuil, onordelike, lawaaierige en bygelowige 

beelde wat in jou gedagtes opkom. Maar dan besef jy dat daar selfs in daardie 

uitsiglose en morbiede heidense land uitverkore kinders van die Here is, en 

dat ons getrou aan ons opdrag in Matteus 28 en Handelinge 1 ook die Blye 

Boodskap aan hulle moet bring. 

Ds. Rajesh verrig skitterende werk onder uiters moeilike omstandighede, 

en ons vra dat u hom, Mamta en Philo gedurig in u gebede sal opdra. Indien 

u finansieel wil bydra, sal dit waardeer word, en u kan met Rietvallei se 

kerkkantoor in verbinding tree vir nadere besonderhede. 

Ons wil ook graag baie dankie sê aan al die gemeentes en individue wat 

met hulle bydraes dit vir ons moontlik gemaak het om hierdie besoek te 

bring. Ons kom terug met nuwe perspektiewe, en sal onder die leiding van 

die Gees saam met almal wat betrokke is, wil kyk na die pad vorentoe – 

sodat die evangelie in Indië doeltreffend verkondig kan word. Aan God al 

die eer! DK 

Ds. Kumar saam met die ouderlinge Raj, Rakesh en Brigesh. 


- in dankbare herinnering - 

Ds. WL (Willie) Kuperus 

• 10 Oktober 1932 - 3 September 

2009 • 

Willem Leendert (Willie) Kuperus is op 10 Oktober 1932 in Pretoria 

gebore – die jongste van ses kinders. Sy pa, Willem Kuperus, het sy 

eerste vrou verloor met die geboorte van hulle derde kind, en hy is 

’n jaar of wat daarna met sy tweede vrou, Cornelia Adriana van der Berg, 

Willie se ma, getroud. 

Willie het in ’n Christelike huis grootgeword, met ’n streng pa en ’n saggeaarde 

ma. Omdat hy heelwat jonger as sy broers en susters was, was hy 

meestal op homself vir vermaak aangewese. Sy beste maat was ’n swart 

basterhondjie, Snippie. Hy het ’n houtkarretjie gehad en Snippie is dikwels 

voor die kar ingespan soos ’n wafferse karperd. 

In sy hoërskooljare was sy neef Louis (wyle ds. Louis Aucamp sr) ook sy beste 

vriend. Met tuisgemaakte kaskarre het hulle teen ’n gevaarlik hoë spoed langs 

die steil strate by die Uniegebou afgejaag, net om weer met moeite bo te kom 

en weer af te jaag. 

Willie is na die Pretoria Tegniese Kollege omdat hy graag ’n metallurgiese 

ingenieur wou word. In sy matriekjaar het die Here hom egter geroep om 

predikant te word. Hy slaag matriek met twee onderskeidings en skryf in by 

die Universiteit van Pretoria. Hy voltooi sy BA- en honneursgraad sowel as 

MA in Grieks. 

In 1957 skryf hy in by die Gereformeerde Teologiese Skool – die “Skooltjie” 

– in Potchefstroom. Hy onderskei homself en word in sy finale jaar as voorsitter 

van die Skooltjie se studenteraad verkies. Hy was ook ’n tyd lank redakteur 

van Die Besembos, die Puk se studentejaarblad. 

Gedurende sy tyd op Potchefstroom ontmoet hy sy toekomstige lewensmaat, 

Rina, amptelik. Hoewel hulle as kinders saam in Pretoria-Oosgemeente was, 

het hulle mekaar nie toe geken nie, omdat hy sewe jaar ouer as sy was. Na ’n 

warrelwindromanse van ses maande is die twee gekys, verloof en op 14 

Januarie 1961 in die Geref. Kerk Pretoria-Oos getroud. Hulle liefde vir 

mekaar was ooglopend dwarsdeur hulle huwelik. Na Rina se heengaan in 

2007 het Willie net een “aardse” wens gehad – om saam met haar begrawe 

te word sodat hulle saam kan wees met die opstanding. 

In 1961 begin Willie en Rina se vuurdoop as predikantspaar in Ventersdorp. 

Die plattelandse gemeente met sy warmte en gasvryheid, hardkoppigheid en 

beginselvastheid het gou ’n besondere plek in hulle harte verower. Tydens 

(Saamgestel deur die Kuperus-kinders) 

huisbesoek by die boere in die 

omgewing is hulle ryklik oorlaai met 

wat ook al beskikbaar was – vleis, 

pampoene, mielies, vrugte ... Daar 

het Willie en Rina hard met die aarde 

kennis gemaak, maar ook geweldig 

baie geleer en gegroei. In dié tyd 

koop hulle ’n stukkie grond op Paul 

Kruger se plaas naby Rustenburg – 

Boekenhoutfontein, en hulle plasie – 

Kom-’n-bietjie – word ’n toevlugsoord 

waar hulle elke nou en dan God 

se skepping gaan geniet het en weer 

bietjie rus vir liggaam en siel gaan 

soek en vind het. Meer as een kamp 

vir belydeniskatkisante is ook hier 

gehou. 

Aan die einde van 1964 word Willie 

beroep na die sendingstasie Siloam 

in Venda. Daar het hy die Woord 

verkondig in die bergagtige wêreld 

op ’n spoggerige veldmotorfiets, en 

later ook te perd. Sondae het hy in ’n 

klein wit kerkie deur middel van ’n 

tolk gepreek. Rina het onder andere 

naaldwerkklasse onder die vroue 

aangebied. Hulle was geliefd onder 

die plaaslike Vendagemeenskap. 

In 1970 ontvang hy ’n beroep na 

Springs en verlaat hulle die sendingveld. 

Dit was ’n reuse aanpassing om 

in ’n gemeente te staan waar ’n 

ander kultuur gegeld het. Hulle het 

in dié gemeente, waar hulle bykans 

sewe jaar werksaam was, ook hegte 

bande gesmee. 

Uit hulle huwelik is geen kinders 


gebore nie. Uit die hand van die 

Here is vier kinders aan hulle toevertrou: 

Riki en Nelia (1966), Willem 

(1969) en Wynand (1971). 

Gedurende die Springsjare was Willie 

kapelaan van Regiment Springs. In 

1976 is hy vir die eerste keer vir drie 

maande grens toe. Hy was die eerste 

kapelaan van die Suid-Afrikaanse 

Weermag wat oor die grens Angola 

in is. In Oktober 1976 aanvaar Willie 

die beroep Edenvale toe. Hy het 

egter aangebly as kapelaan by 

Regiment Springs en is in 1978 weer 

vir drie maande grens toe. Die 

gemeente in Edenvale was die laaste 

gemeente waar hy voltyds in die 

bediening gestaan het. Die nuwe 

gemeente was meer van ’n stadsgemeente 

as Springs en redelik klein as 

gevolg van die verengelsing van 

Edenvale. Dit is ook hier waar nuwe 

idees en invloede die kerk binnegesypel 

het. Willie het egter altyd 

daarna gestrewe om die Woord van 

God suiwer te verkondig. 

In 1985 is hy deur die regering 

gevra om, in sy hoedanigheid as 

kapelaan, die Suid-Afrikaanse 

ambassades en konsulate in Suid- 

Amerika – Peru, Chili en Argentinië 

– te gaan besoek. ’n Jaar later is hy 

op ’n soortgelyke sending na die 

VSA gestuur. 

In 1997 emeriteer Willie en hulle 

gaan woon aan die kus – aanvanklik 

in Margate en later in Ramsgate. 

Selfs as emerituspredikant het Willie 

nooit opgehou om gehoor te gee aan 

sy roeping as God se herder nie. In 

Suidkusgemeente is hy nog dikwels 

gevra om eredienste waar te neem 

voor sy gesondheid in so ’n mate 

agteruitgegaan het dat hy nie meer 

kon preek nie. Hulle het by Laer- 

Suidkus se Bybelstudiegroep aangesluit 

en hy het dadelik leiding 

geneem. Die Bybelstudiegroep was 

besonder aktief en almal het daarna 

uitgesien om elke tweede Dinsdag by 

- in dankbare herinnering - 

Dominee Willie te kom leer, onder andere oor die betekenis van die Dordtse 

Leerreëls, die kinderdoop en ander vraagstukke. Hy was deel van die Bybelstudiegroep 

totdat hy vertrek het Pretoria toe. 

Rina is op 28 April 2007 oorlede, na 46 gelukkige huweliksjare. Willie se 

gesondheid het drasties agteruitgegaan na haar afsterwe. In 2008 het hy by 

sy dogter Nelia en haar gesin ingetrek. Alhoewel hy bedlêend was, was hy 

steeds besig met sy roeping. Selfs heel aan die einde, toe sy lyding al baie 

swaar was, was hy ’n voorbeeld vir almal. Hy het dikwels gesê dat hy geduldig 

wag op die Here en, terwyl hy so rustig in die bed kan lê en rus, hy oorgenoeg 

tyd het om te luister na wat die Here hom nog wil leer en om vir almal 

voorbidding te doen. 

Willie Kuperus was ’n diep gelowige – ’n Godsman. Hy was ’n gesinsman en 

toegewyde, liefdevolle lewensmaat, betroubare vriend en ware sielsgenoot vir 

Rina. Hy was ’n trotse oupa, begaafde storieverteller, lief vir die natuur, het 

oor ’n besondere kennis beskik van die geskiedenis van die wêreld en sy eie 

land. Ons sal hom veral onthou as die nederige, opregte, bedagsame man 

wat altyd tyd gehad het vir ander en probleme op ’n kalm en rustige manier 

kon uitpluis en oplos. Hier volg ’n uittreksel uit ’n joernaal wat hy geskryf het 

kort nadat hy in Pretoria aangekom het: 

Maar jy verstaan dat die reis nie hier eindig nie. Die reis gaan voort na die 

hoofstad – die Nuwe Jerusalem wat van God af neerdaal, die stad nie met hande 

gemaak nie, die hoofstad van God se Koninkryk. Tussen dié kant en die ander 

kant is daar ook nie ’n drif waardeur ’n mens kan loop nie, maar ’n rivier waardeur 

niemand kan swem nie – hy sal verdrink. Nog ’n eienaardigheid is dat ’n mens 

oorgedra moet word. Daar is geen ander moontlikheid om by die Nuwe Jerusalem 

uit te kom nie … Die enigste betaalmiddel is die bloed van ons Here Jesus 

wat Hy aan die kruis gestort het vir sondaars. En dit is is nie te koop nie. Dit kan 

alleen verniet gekry word uit genade. 

Daarom, as my voorbidding vir ander mense klaar is, het ek vir myself net 

een gebed: “Here, wees my, arme sondaar, genadig.” Nou moet jy nie dink dat 

ek bang is vir die dood of onseker oor my eindbestemming nie. Ek het ook die 

belofte en waarborg ontvang: My genade is vir jou genoeg. 

Ek weet nie hoe ver jy al gevorder het op jou reis nie, maar ek hoop dat jy net 

soveel genade op jou pad ontvang het as ek op myne. Want dit is genade en 

genade en weer genade alleen. Ek wag dus rustig vir die tyd waarop die Here my 

sal kom haal. As my werk hier afgehandel sal wees, sal dit waarskynlik Sy tyd 

wees. 

... Die laaste inskrywing sal in die Nuwe Jerusalem wees, in die Boek van die 

Lewe. Hoe dit presies sal wees weet ek natuurlik nie, maar ek stel my voor dat 

daar ’n lang kolom sal wees van almal wat deur die bloed van die Here Jesus 

verlos en veilig oorgebring is na die ewige lewe by Hom. Daarin sal in vet letters 

die name van Abraham en Isak en Jakob verskyn, asook baie onbekendes en 

Petrus en Johannes en Paulus. Daar sal ’n ontelbare ry name wees van mense 

uit alle nasies en volke en tale. En aan die einde van ’n bladsy, in heel klein 

lettertjiies, so klein dat ’n mens dit byna nie sal kan lees nie: Willie Kuperus en 

daaragter ’n regmerkie. Dan is die reis voltooi en die lewensdoel bereik. 

Op 3 September 2009 het die Here vir Willie kom haal. Na sy lewe in diens 

van God is hy nou tuis. Sy liggaam is op 18 September 2009 begrawe in 

Izotsha, Place of Remembrance, by sy geliefde vrou, Rina. DK 


Personalia 

Soos dit Die Kerkblad se voorneme is, wil ons weer broeders en 

susters emeriti gelukwens met hulle verjaardae. God sê: “Die 

getal van ons jare kan 70 wees, of as ons sterk is, 80.” Totius het dit 

in Psalm 90 berym: “Die sterkste klim ten hoogste tot die top van sewentig of tagtig jare op.” Ons wil in Junie die 

volgende broeders en susters gelukwens 

❏ DS. GHJ (GERRIT) KRUGER (Winklespruit) is op 

17 Junie 87 jaar oud en het die volgende gemeentes 

bedien: Barkly-Oos (1949-1951), Laeveld (1951- 

1958), Benoni (1958-1069), Benoni-Noord (1969- 

1977), Durban (1977-1989). 

❏ MEV. SH MALAN (Silverton) vier op 5 Junie haar 

83ste verjaarsdag. Sy was getroud met wyle ds. NJ 

Malan en hulle het in die volgende gemeentes gewerk: 

Lydenburg (1955-1963), Standerton (1963- 

1967), Eikenhof (1967-1976), Beestekraal (1976- 

1985). 

❏ DR. M (MECHIÉL) VENTER (Faerie Glen) is op 5 

Junie 83 jaar oud en het die volgende gemeentes 

bedien: Port Elizabeth (1954-1958), Johannesburg- 

Suid (1958-1961), Randburg (1961-1978), Pretoria- 

Brooklyn (1978-1994). 

❏ MEV. EC (ENGELA) JANSE VAN VUUREN (Kiblerpark) 

vier op 8 Junie haar 81ste verjaarsdag. Sy is 

getroud met ds. CMJ (Fires) van Vuuren en hulle het 

Wel en wee 

in die volgende gemeentes gewerk: Randfontein 

(1952-1954), Carletonville (1954-1964), Bethal 

(1964-1991). 

❏ PROF. DR. MA KRUGER (Lyttelton) is op 9 Junie 

80 jaar oud en het die volgende gemeentes bedien: 

Aranos-Ghanzi (1963-1968), Gobabis – sending onder 

die Boesmans (1963-1966), Swartruggens 

(1968-1971), Johannesburg-Wes (1971-1974), van 

die Christelijke Gereformeerde Kerk Leeuwarden as 

sendeling te Sibasa (1974-1977), Kuruman as sendeling 

(1977-1978), professor Hammanskraal Teologiese 

Skool (1978-1994). 

❏ MEV. SP (PETRA) LIGTHELM (Aerorand) is op 17 

Junie 80 jaar oud. Sy is die weduwee van ds. Johan 

Ligthelm en hulle het in die volgende gemeentes 

gedien: Postmasburg (1954-1958), Ermelo (1958- 

1966), Pretoria-Noord (1966-1970), Witbank-Suid 

(1970-1981), Hendrina (1981-1993). 

Die Kerkbladlesers wens u hartlik geluk met u besondere verjaardae. Saam met u loof en prys ons die Here in 

dankbaarheid vir u gespaarde lewens. Mag God, ons Vader, u in hierdie nuwe lewensjaar besonderlik seën en aan 

u gesondheid en voorspoed skenk en lydsaamheid waar dit nodig mag wees 

Die Kerkblad wil graag as instrument dien om enige wel en wee van predikante en hulle gesinne en families by 

wyse van 'n beriggie bekend te maak. So kan die groot “Gereformeerde familie” in Suid-Afrika van mekaar te 

wete kom. Baie lidmate sal wil hoor van vorige predikante en gesinne vir wie voorbidding gedoen kan word in tyd 

van teenspoed maar ook in tye van voorspoed 

❏ MEV. CF (CATHRINA) DE BRUIN (Sinoville), weduwee 

van ds. JL de Bruin, is op 3 Mei 2010 oorlede in die 

ouderdom van 81 jaar. Saam met haar man het hulle in 

die volgende gemeentes gewerk: Vryburg-kombinasie 

(1935-1943), Bethlehem (1943-1949), Innesdal (1949- 

1971), Koffiefontein (1971-1977). Hiermee betuig Die 

Kerkblad simpatie met die treurende familie. 

❏ Met leedwese het ons verneem van die afsterwe van 

MEV. ALL (ANNATJIE) LOUW (Bronkhorstspruit), eggenote 

van ds. Manie Louw, op 18 Mei 2010 in die ouder- 

dom van 82 jaar. Die lesers van Die Kerkblad betuig innige 

meegevoel met ds. Manie en hulle familie. 

❏ Daar word in vele gebede aan DS. CASSIE AUCAMP 

gedink wat in die Unitas-hospitaal in Centurion opgeneem 

en geopereer is. Die are om sy hart het vernou en 

vier veertjies is ingeplant om die are oop te hou, en hy 

het ook ’n pasaangeër ontvang. Daar is ook drie aneurismes 

in sy brein ontdek waarvan een al begin lek het. Dit 

is deur ’n mediese prosedure herstel, en hy sterk tans 

tuis aan. Beterskap en herstel word jou toegebid. 

Die redaksie van Die Kerkblad sal dit waardeer indien persoonlike nuus wat van belang is in die GKSA aan ons 

bekendgemaak word deur vriende en kennisse en lidmate. Stuur berigte aan dr. Nico van der Merwe, 018 

468 1782 of e-pos: nico.vandermerwe@telkomsa.net; of Posbus 6433, Flamwood 2572. 


BR BROEDERS BR OEDERS PREDIKANTE PREDIKANTE PREDIKANTE 1 110 

1 0 JJ 

JAAR J AAR IN IN DIE 

DIE 

BEDIENING 

BEDIENING 

’n Aantal broeders predikante kan vanjaar dankbaar 

terugkyk op 20 jaar in die bediening. Dit is die predikante 

wat in 2000 bevestig is. Hulle is: 

• DS. JG (HANNES) NOËTH, tans van Kimberley. Hy 

het ook die volgende gemeentes bedien: Wolmaransstad 

(2000-2006), Naboomspruit (2006-2009). 

• DS. ASA (STEFAANS) DE BRUYN, tans van Wilropark. 

Hy het Barkly-Oos/Maclear (2000-2005) ook 

bedien. 

• PROF. DR. RS (RANTOA) LETŠOSA bedien tans die 

Geref. Kerk Boskop/Kokosi vanaf 2000, en hy is ook 

professor aan die Teologiese Skool Potchefstroom. 

• DR. N (NICO) VORSTER van Pretoria-Annlin. Hy het 

ook Bultfontein (2000-2009) bedien. 

• DS. D (DONGOH) SHIN van Makolokwe. Hy was ook 

verbonde aan Potchefstroom-Noord/Potchefstroom- 

Suid/Potchefstroom-Mooirivier/Ikageng/Bophirima 

(2000-2008). 

• DS. MJJ (BOETA) ERASMUS, nou te Standerton, was 

ook herder en leraar te Lyttelton (2000-2003) en Koedoesrand 

(2003-2008). 

• DS. MH (HEZEKIEL) NXUMALO is sedert 2000 predikant 

van Makolokwe-gemeente. 

• DS. JP DU P. AUCAMP dien as sendeling van die 

Geref. Kerk Rietvallei waar hy in 2000 bevestig is. 

• DS. PIET BOY MQOKELO is sedert 2000 verbonde 

aan Tshing-gemeente. 

• DR. JA (JANNIE) ERASMUS van Odendaalsrus was 

ook predikant van Windhoek-Suid (2000-2003) en 

Germiston (2003-2008). 

• DS. W (WERNER) VAN DEN HEEVER van Rietvallei 

het ook Mariental (2000-2002) en Randfontein-Noord 

(2002-2005) bedien. 

Broeders, saam met julle kan die Kerkbladlesers dankbaar 

terugdink aan die 10 bedieningsjare waartoe God 

julle geroep het. Elkeen van u het met sy eie besondere 

gawes in die verskillende Gereformeerde Kerke as instrumente 

van God opgetree om sy wil te verkondig. Die 

gemeentes waar julle tans werksaam is en die gemeentes 

wat julle voorheen gedien het, sal kan getuig van 

julle bekwaamhede en die wyse waarop julle gawes in 

die gemeentes gebruik is. Nogmaals van harte geluk en 

die seën van die Here toegebid vir julle bedieningsjare 

wat kom. 

BR BR BROEDERS BR BR OEDERS EMERITI EMERITI 52 52 J JJAAR 

J AAR IN IN DIE DIE BEDIENING BEDIENING 

BEDIENING 

Daar is van die geëmeriteerde predikante wat vanjaar 

kan terugdink aan hulle bevestiging in hulle eerste gemeente 

in die jare 1958. Hulle is: 

• DS. A (ARIE) VAN DER WALT is vanjaar 52 jaar in 

die bediening. Hy is as proponent in 1958 in die gemeente 

Belfast-kombinasie bevestig. Daarna het hy 

ook die gemeentes Schweizer-Reneke (1962-1965), 

Heilbron/Koppies (1965-1967), Bergsig (1967- 

1984), Stoffberg (1984-1993) en Stoffberg/Belfast 

(1993-1996) bedien voordat hy in 1996 geëmeriteer 

het. 

• DS. G (GIDEON) VAN DER WALT is ook vanjaar 52 

jaar predikant. Hy is in 1958 in die gemeente Roodepoort 

as herder en leraar bevestig. Vervolgens het 

hy die gemeentes Germiston (1966-1973), Witpoortjie 

(1973-1981), Wilropark (1981-1997) bedien. Hy 

het in 1997 emeritaat aanvaar. 

• DS. AZ (ABIE) PELSER is vanjaar 52 jaar herder en 

leraar. As proponent is hy in 1958 in Bethulie bevestig. 

Daarna was hy predikant te Phalaborwa (1964-1970) 

en Oos-Moot (1970-1999) waar hy in 1999 emeriteer. 

• DS. JM (JAPIE) GERBER kan vanjaar terugkyk na ’n 

diensperiode van 52 jaar. Hy is in 1958 in Tarkastad 

as herder en leraar bevestig. Daarna bedien hy ook 

Stilfontein-Sentraal (1961-1967), Welkom (1967- 

1972), Bethlehem-Oos (1972-1975), Direkteur Vereniging 

vir Christelike Hoër Onderwys, Bloemfontein 

(1976-1985), Coligny-Oos (1984-1994) en emeriteer 

in 1994. 

• DS. AJ (ALWYN) DU PLESSIS is 52 jaar gelede, 

1958, as predikant in die Geref. Kerk Steynsburg bevestig. 

Hy bedien ook die gemeentes Virginia (1961- 

1964), Bellville (1964-1974), Potchefstroom-Noord 

(1974-1987) en Stellenbosch (1987-1997). In 1997 

aanvaar hy sy emeritaat. 

• DR. J VAN V (JANSIE) DU PLESSIS is vanjaar 52 

jaar predikant. Hy is in 1958 in die Vaalharts-kombinasie 

as proponent bevestig. Daarna bedien hy die 

volgende gemeentes: Beestekraal (1962-1965), 

Edenvale (1965-1970), Welkom-Noord (1970-1999). 

Hy emeriteer in 1999. 

U word deur al die Kerkbladlesers van harte gelukgewens. 

God het besluit waar en hoe lank u as bedienaars 

van die Woord aktief in God se kerke dien. Met groot 

dankbaarheid kan lidmate saam met u terugkyk op u 

bedieningsjare en God saam met u loof en prys. 


LIEF en LEED 

HUWELIKSHERDENKING 

Van Heyningen, Piet en Rina (Strand): Op 9 April 2010 kon ons saam, rustig en dankbaar, dink en praat oor 50 jaar se 

getroude lewe. 

- ’n Lewe op gelyke lewenspaaie, maar ook op paaie met baie slaggate. 

- ’n Lewe vol dankbaarheid vir ’n dogter en twee seuns (Marina, Cornelis en Johan); later twee skoondogters (Jealine en Urna); 

en nog later vier kleinkinders (Cornelis en Jealine se Jaden en Hymne; Johan en Urna se Hanru en Anrien). 

- ’n Lewe waartydens ons en ons kinders dikwels op Oupa en Ouma Schutte se plaas in die Ottosdal-distrik kon kuier. 

- ’n Lewe nie altyd blakend gesond nie, maar ook nie so dat ons versorg moes word nie. 

- ’n Lewe wat ons nie skatryk gemaak het nie, maar ook nie brandarm nie – altyd genoeg om van te leef. 

- ’n Lewe waar ons ons meeste jare in Potchefstroom gewoon en gewerk het, maar ook in Randburg en Heilbron. 

Ons kan alleen maar getuig van God se liefde en genade. 

op die KERKWERF 

BEROEPE 

Beroepe ontvang 

• Ds. JC Aucamp van Kuruman na Noord-Oosrand. 

• Dr. J Pretorius van Linden na Krugersdorp-Oos. 

• Ds. P Cilliers van Daniëlskuil/Delportshoop na Brakpan- 

Suid. 

• Ds. LJ Erasmus van Schweizer-Reneke na Naboomspruit. 

• Ds. LP van Jaarsveld van Uitschot/Sannieshof/Delareyvillekombinasie 

na Brakpan-Suid. 

• Dr. HM Zwemstra van Vereeniging ’95 na Amanzimtoti. 

• Ds. TJ van Vuuren van Heilbron na Klerksdorp-Noord. 

Beroepe aanvaar 

• Ds. DP Prinsloo van Outjo/Otjiwarongo/Biermanskoolkombinasie 

na Innesdal. 

• Ds. LJ Erasmus van Schweizer-Reneke na Naboomspruit. 

Beroepe bedank 

• Ds. HV Venter van Bellville-Oos na Amanzimtoti. 

• Dr. JH Howell van Heidelberg na Pretoria-Meintjeskop. 

• Ds. P Cilliers van Daniëlskuil/Delportshoop na Brakpan- 

Suid. 

• Dr. HM Zwemstra van Vereeniging ’95 na Amanzimtoti. 

BEVESTIGING 

Die kerkraad van die Geref. Kerk Barkly-Oos het op 1 Mei 

2010 saam met deputate van Klassis Burgersdorp vergader, 

en verklaar hiermee dat ds. Wilhan Jobse behoorlik volgens 

die formulier wat daarvoor vasgestel is, as bedienaar van die 

Woord in hierdie kerk bevestig is, en dat die daarby behorende 

stukke onderteken is. Ons bede is dat die Drie-enige Verbondsgod 

hierdie broeder tot ’n groot seën sal maak in die diens waarin 

Hy hom gestel het. 

ADRES- EN TELEFOONNOMMERVERANDERINGS 

• Die Argief van die GKSA (Potchefstroom): 

Argivaris – Carmie Huisman; tel. 018 294 8952 / 082 335 

5397; e-pos 155864@nwu.ac.za 

KOMMENTAAR: HERSIENING VAN DIE AFRIKAANSE 

TEKS VAN DIE TOTIUSBERYMING 

Aan die begin van 2009 het ’n hersiene uitgawe van die 

Totiusteks in druk verskyn. Die publikasie is by die Administratiewe 

Buro beskikbaar. 

Die Deputate wag steeds kommentaar van enige belanghebbende 

op die hersiende teks af. Die Deputate het reeds kommentaar 

bekom wat deeglik verwerk kon word. 

Hiermee versoek ons andermaal aan enigiemand wat kommentaar 

wil lewer, om dit asseblief aan die Deputate deur te 

stuur vir oorweging. – Ds. SD de Kock 

PROPONENTE WAT BEROEPBAAR IS 

• HM (Herens) Nkoana. Sel. 083 765 1354. 

E-pos: nkoana@gmail.com 

Gee asseblief alle inligting in verband met beroepe deur aan: 

Wymie du Plessis, Administratiewe Buro, tel. 018 297 3986, 

faks 018 293 1042 of e-pos wymiedup@gksa.co.za. 


Die Bemarkingsafdeling, DIE KERKBLAD, 

Posbus 20004, Noordbrug 2522. 

Tel: 018 297-3989. Faks: 018 293-1042. 

E-pos: wymiedup@gksa.co.za 

TARIEWE: 

Advertensies en kleinadvertensies: 

Op aanvraag beskikbaar. 

Berigte: R0,20 per woord (min. R5,00) 

plus R2,20 per sentimeterkolom vir ’n foto. 

BTW is ingesluit. Volledige besonderhede is by 

bostaande adres beskikbaar. 

VAKANSIE EN VERBLYF 

NATALSE SUIDKUS 

UVONGO: 12-bed vakansiehuis. Mooi see-uitsig, loopafstand van strand. Alle geriewe. 

3 Badkamers, ruim balkon, 9 X 5 meter. TV, mikrogolfoond, ruim ys- en 

vriesgeriewe. Tel. 013 932 2433 of sel 083 944 5935; faks: 013 932 0581. 

UVONGO: LA CRETE SANDS NO. 1. 6-Bed luukse en moderne vakansiewoonstel 

met ’n 180º see-uitsig en brandersig. Slaap 6 persone; ’n braai-area op jou eie 

balkon; Toesluitmotorhuise; swembad; TV, DSTV en beddegoed ingesluit by prys. 

Skakel Luzelle by 011 678 5440 of sel 083 326 6329; www.uvongoholidays.co.za 

MARGATE: MARLICHT VAKANSIEWOONSTELLE. Aangename, see-uitsig verblyf 

in goed toegeruste 2-, 3- en 4-slaapkamer selfsorgwoonstelle. TV met M-Net en 

linne ingesluit. Gesellige braai-area. Onderdakparkering. Perseel omhein met veiligheidshekke. 

Slegs 50 m vanaf seefront. 

Skakel Boet en Marie Grobler gedurende kantoorure vir verdere besonderhede of 

kleurbrosjure. Tel. 039 312 1052 of faks 039 317 1870. 

E-pos: marlicht@uasa-ops.org.za Webbladsy: wheretostay.co.za/marlicht 

MANABA-MARGATE: Gerieflike 4-slaapkamer, selfsorgwoning. Slaap tot 10 persone. 

Mooi see-uitsig. Braaigeriewe, ens. Skakel Nita by 039 317 4146. 

SCOTTBURGH: Woonstel, heeltemal privaat, slaapplek vir 3, badkamer, yskas, mikrogolfoond 

ens. TV, onderdak braaigeriewe. Billike binne- en buiteseisoentariewe. 

Naby strand. Tel. 039 976 0288 of 076 578 6346. 

AMANZIMTOTI DROMEDARIS 503: 2-Slaapkamerwoonstel op strand. Toegerus 

vir 6 persone. Skakel 031 903 8227. 

AMANZIMTOTI – STELLA MARIS: Pragtig, strandfront, luuks, veilig. 2 Slaapkamer, 

2/6 persone, TV, swembad, braaigeriewe. Spesiale aanbiedinge, buiteseisoen. Tel. 

031 903 5477. Faks 031 903 5479. 

AMANZIMTOTI – AFSAAL 602: Ruim 2-slaapkamerwoonstel met see-uitsig. Toegerus 

vir 6/7 persone. Spesiale aanbiedinge buiteseisoen. 

Tel. 011 954 5288 of 082 335 7101. 

AMANZIMTOTI – ALBATROS 303: 2-Slaapkamerwoonstel op strand met seeuitsig. 

Toegerus vir 6 persone. Persoonlike aandag. Skakel Marie 072 347 7534 of 

031 904 2100. 

DOONSIDE (SHANGRI LA): (Twee km suid vanaf Amanzimtoti.) Twee- en drieslaapkamer 

vakansiewoonstelle vir tot 9 persone teen die strand. Rustige omgewing, 

vriendelike kompleks, see-uitsig, beveiligde onderdakparkering, kleur-TV, ens. 

Braaiplek en swembad op perseel. Privaatbesit, billike tariewe. Skakel asseblief 

012 567 3933. 

GLENMORE – MUNSTER (naby Margate): 3-Slaapkamer meenthuis in veilige, 

omheinde gebied. Naby strand. Groot balkon, 2 badkamers. Pragtige see-uitsig. 

Buiteseisoen: R350 per dag (minimum 5 dae). Skakel 018 290 5670 of 084 504 

6640. 

ELYSIUM: Het die Wêreldbeker julle vakansieplek gevat, kom bespreek by ons. 

Akkommodasie beskikbaar. Billike prys. Ten volle toegeruste 8-slaapplek huis en 

ten volle toegeruste 6-slaapplek huis. Kan apart of saam vir groepe gehuur word. 

Skakel Dinie by 082 336 9326. 

NATALSE NOORDKUS 

kleinADVERTENSIES 

LICORNA BEACH, UMHLANGA ROCKS, NOORDKUS: Volledig gemeubileerde 

luukse vakansiewoonstelle te huur. Skakel Durban 031 561 2344 of 031 561 2986. 

Onmiddellik beskikbaar. 

WESKAAP / TUINROETE 

KAAPSTAD/BELLVILLE: Naby Tygervalleisentrum en N1 hoofroetes, 6 minute 

vanaf Kaapstad. Akkommodeer tot 8 persone. Luuks en billik. Skakel Lou 083 234 

5250 of 021 919 4358. 

BELLVILLE/WELGEDACHT: Volledig toegeruste selfsorgeenheid in sekuriteitswoonbuurt. 

Onderdakparkering, pragtige uitsig. Luuks en billik. Skakel Elza Beekman 

082 372 2647. 

BELLVILLE/OAK GLEN: DISA Selfsorg. Luukse, ruim, volledig toegeruste 1-slaapkamer 

selfsorgeenheid in rustige woonbuurt. Slaap 2-3, linne ingesluit. Sentraal 

geleë vir die Kaapse toeriste-attraksies, besigheidsentrums, hospitale en winkelsentrums. 

Sien www.wheretostay.co.za/disa of skakel Fenny van der Hout by 021 

910 0561 of 084 771 0312 of e-pos: dvanderhout@gmail.com 

BLOUBERGSTRAND: Luukse tweeslaapkamerwoonstel, selfsorg, seefront. Verhitte 

swembad. Tel/faks: 051 654 0504. E-pos: blouwberg@mweb.co.za 

Webadres: http://mysite.mweb.co.za/residents/blouwberg 

SOMERSET-WES: Groot 4-slaapkamerhuis, 2-sl- en 1-sl-woonstel. Volledig en luuks 

toegerus. DSTV, ens. Ideaal geleë naby N2 en op wynroete. Billike tariewe. Chrisna 

Aucamp 072 139 0000. 

STRAND/BLOUBERG/GORDONSBAAI/STELLENBOSCH/BETTIESBAAI/WA- 

TERFRONT/BELLVILLE/KAAPSTAD: Vakansieverhuring van woonstelle, huise 

heeljaar en Desember! Kontak 083 313 4215 of cosybeach@absamail.co.za 

STELLENBOSCH: KIERIE KWAAK selfhelpeenhede en gastehuis (2, 3 en 10 persone) 

geleë op ’n plaas buite Stellenbosch. Skakel Sonja of Koos van Zyl: faks/tel 021 

883 3163 / 082 551 4784 of www.kieriekwaak.co.za vir verdere inligting. 

STELLENBOSCH / DIE BOORD: Netjiese, goedversorgde selfsorgeenheid (115 

m²) in sekuriteitskompleks, 2 slaapkamers vir 4 tot 5 persone. Beskikbaar vakansies, 

Mrt/April, Junie/Julie en Nov tot begin Feb. 

Skakel Margaret 084 466 7121 of e-pos rkhoving@mweb.co.za 

GORDONSBAAI: Gesellige, luukse vakansiehuis teen die hange van die Hottentots- 

Hollandberge met asemrowende uitsigte oor die berge en baai, in rustige omgewing, 

naby alle Kaapse toeriste-attraksies. 6 Persone, 2 badkamers, sondek, patio 

met braaigeriewe, dubbelgarage. Tel. 012 329 2395 (w) of 012 332 2828 (h). 

Website: www.capetownadventure.com 

GORDONSBAAI: BERG EN SEE. Ten volle toegeruste vakansiehuis (6 persone) 

enig in sy soort. Geleë teen berghange met 180º see-uitsig oor Valsbaai en Hottentots-Hollandberge. 

In veilige, rustige woongebied, loopafstand vanaf Bikini-swemstrand 

en dorpsentrum. 3 Slaapkamers, 2 badkamers, aparte stort, groot sondek, 

braai-patio, toesluitmotorhuis en DSTV. Vir meer besonderhede skakel Jonker 083 

325 4369. 

GORDONSBAAI: HOOGGENOEG. Selfsorg, 

3-slaapkamer vakansiehuis. Slaap 

5. Uitsig op see en berge. Veilige parkering. 

Foto’s op aanvraag. 

Tel. 021 856 0736 of 082 320 6577. 

GORDONSBAAI: Kom geniet die lieflike 

Kaap vanaf ’n nuwe, luukse, volledig toegeruste 

2-slaapkamer, 2-badkamerwoonstel. 

Goeie sekuriteit, parkering in 

kelder. See- en berguitsig, 50 m vanaf 

hoofstrand en restaurante. Slaap 4, geen 

kinders onder 12 jaar. Tariewe: R300 – 

R500 per dag. 

Skakel Marianne by 082 325 2699. 

DANABAAI: Net 7 km buite Mosselbaai 

en naby alles. Stil, rustig met natuurskoon, 

strand en see-uitsig (180º) uit alle 

vertrekke en braai-area. Ruim, netjies, 

skoon woonstel met 2 slaapkamers en 



dubbelslaapbank in leefarea. Volledig toegerus met badkamer, stort, kleur-TV, privaat 

buitebraai en toesluitmotorhuis. Slaap vir maksimum 6 persone wat kinders 

insluit. Binneseisoen @ R750 per dag vir woonstel. Buiteseisoen @ R280 per dag. 

Naweektariewe beskikbaar @ R750 per naweek (net buiteseisoen). Skakel nou 

Gerrit Badenhorst 083 274 6493 (sel); e-pos: gerrit@gerritbadenhorst.co.za 

HARTENBOS: Vakansiehuis te Hartenbos. R570 per dag. Goedkoper en onderhandelbaar 

buiteseisoen. Skakel 053 631 1623 of 083 288 6973. 

HARTENBOS: VILLA RIVIERA. Voor op lagoon. Stapafstand na see. Skakel 082 

780 3407. 

JONGENSFONTEIN: Ten volle toegeruste 3-slaapkamereenhede (6 slaap). Handdoeke 

en beddegoed ingesluit. Onbelemmerde see-uitsig. Kontak Jan of Marlene tel. en 

faks 028 755 8119 of sel 072 460 4508. 

GOURITSMOND: 3-Slaapkamerhuis met 2 badkamers (slaap 6). Slegs vir volwassenes. 

Laaste twee weke van Desember nie beskikbaar nie. Tarief R200 per dag. 

Mooi see-uitsig. 400 meter vanaf strand. Skakel 018 294 6197 of 082 556 8308. 

GOURITSMOND: Dubbelverdieping, 3-slaapkamerhuis met 2 badkamers en groot 

woonkamer met 2 ekstra beddens vir kinders. Huis geleë op rivier met pragtige 

see-uitsig. Loopafstand van swemstrand en riviermond. Minimum 5 dae. Tariewe 

April en Desemberskoolvakansies: R900 per dag. Buiteseisoen: R600 per dag. 

Skakel 082 322 5352. 

GLENTANA: Een selfsorgeenheid, slaap 2. Heeljaar spesiale tarief. Uitloop op strand. 

Kontak 082 346 5886. 

GLENTANA: Ruim selfsorgwoonstel, baie netjies en volledig toegerus, TV, ens. Slaap 

4/6; 80 m vanaf see. Skakel 044 879 1381 of 082 871 5859. 

GLENTANA: Strandhuis met 4 slaapkamers, 4 badkamers. Lieflike omgewing. Toegerus 

vir 9 persone. Loopafstand vanaf swemstrand. Fantastiese uitsig oor die see 

en swemplek. Buiteseisoen: R350 per dag (minimum 5 dae). Skakel 018 290 5670 

of 084 504 6640. 

STILBAAI: Gerieflike huis op rivier, alle geriewe, slaap 8. Billike tariewe. Sel 082 

800 2039 of e-pos: nanno@etime.co.za 

SWELLENDAM: Gerieflike bed- en ontbytverblyf by GRACE WALK in ’n prentjiemooi 

omgewing. Beskikbaar 4 dubbelkamers en-suite met privaat ingang en ’n 

mooi uitsig op die berg. Kom geniet ware gasvryheid en ’n heerlike ontbyt. Skakel 

my by 028 514 3432 of 082 458 8224. 

OUDTSHOORN: LAVENDER HOUSE. AA en 3-ster gradering. Statige Karoojuweel 

in stil omgewing, stapafstand vanaf restaurante en winkels. 4 Luukse lugversorgde 

en-suite kamers beskikbaar, B&B of selfsorg, asook ’n selfsorg tuinkothuis wat tot 

6 persone kan akkommodeer. Kom verlustig u in die skoonheid van die Klein Karoo 

en sy mense en geniet die lieflike tuin, swembad,braaigeriewe en veilige onderdakparkering. 

Besoek ons webblad gerus by www.lavenderhouse.co.za Billike tariewe en vriendelike 

diens, skakel Rita by 044 272 0579 of 083 543 9493. 

PLETTENBERGBAAI: Strandhuis, 5 min. se stap na hoofstrand. Slaap 9. Minimum 

2 nagte. Skakel 021 913 5552 of 084 503 5552. 

HERMANUS/VERMONT: Gesellige, ten volle toegeruste 2-slaapkamer vakansiehuis. 

Slaap 4-6. 

Tel. 028 316 3904 of 072 386 3904 of epos: 

knersis@itec.co.za 

HERMANUS/ONRUSRIVIER: Netjiese 

vakansiehuis, loopafstand na swemstrand. 

Slaap 6 persone. Beskikbaar regdeur die 

jaar. Toesluitmotorhuis. 

Tel. 021 979 0563 (h) of 084 751 5018. 

HERMANUS [SANDBAAI]: Volledig toegeruste 

2-slaapkamerhuis (slaap 5), 10 

min vanaf see. R600 per nag. Beskikbaar 

Nov, Des en Jan. Skakel 028 316 1035 of 

083 488 3010. 

HERMANUS [SANDBAAI]: Volledig toegeruste 

2-slaapkamerhuis (slaap 5), 10 

min vanaf see. R600 per nag. Beskikbaar 

Septemberskoolvakansie en walvisfees. 

Skakel 028 316 1035 of 083 488 3010. 

OOSKAAP 

GRAAFF-REINET: KADASH GASTEHUIS op die plaas Damesfontein. Moeg van die 

gejaag? Ons bied u: rus en vrede, ’n gerieflike gastehuis, kaggelvuur-aande, plaasmuseum, 

fossiele, bossiepad, wandelpaaie ... Karoostilte. U is baie welkom! 

Kontak Marguerite by tel/faks 049 845 0253, sel 082 4130 579. 

Webbladsy: www:kadash.co.za 

GRAAFF-REINET: BUITEN VERWAGTEN GASTEHUIS: Twee selfsorgeenhede asook 

luukse kamers in pragtige omgewing. Swembad & braaigeriewe. Drie restaurante 

binne loopafstand. E-pos: info@buitenverwagten.co.za of skakel Peet/Cheré 

by 082 819 4488 of 049 892 4504. 

JEFFREYSBAAI: Woonstel en huis by die see. Sel 082 828 4344. 

JEFFREYSBAAI: Dubbelverdieping-, drieslaapkamerhuis met pragtige see-uitsig, 

ten volle toegerus, loopafstand van see. Huis bestaan uit 3 slk, 2 badk, 2 ruim 

leefvertrekke, ten volle toegeruste kombuis, 2 TV’s, videomasjien, DVD-speler. 

Slaapplek vir 8 persone. Foto’s van huis en uitsig per e-pos beskikbaar. Dwarsdeur 

die jaar beskikbaar, skakel vir tariewe. 

Tel/faks: 016 428 1495 of sel 082 374 2700. E-pos: j.dutoit3@absamail.co.za 

JEFFREYSBAAI: Twee (2)slaapkamer s/s vakansiewoonstel te huur. Skakel 042 

296 0290 of 083 408 7811. 

ASTONBAAI (NABY JEFFREYSBAAI): Strandhuis te huur. Pragtige see-uitsig. 300 

meter vanaf strand. Woonkamer, sitkamer, 4 slaapkamers, 3 badkamers, kombuis, 

waskamer, balkon, TV, skottel en videomasjien, mikrogolfoond, ys- en vrieskas, 

buite braaiplek, 1 motorhuis. Minimum tydperk: 7 dae. Skakel Ansie du Plessis by 

073 166 8166. Faks 086 219 2193. E-pos: jakduplessis@absamail.co.za 

BOKNESSTRAND: DOPPERSNES op Boknesstrand. 2-slaapkamerhuis met 2 badkamers 

asook ’n 2-slpk woonstel met 1 badk. 8 minute se loop vanaf swemstrand. 

Verhuring regdeur die jaar. 50% afslag vir senior burgers (buiteseisoen). 

Kontak Callie van der Merwe by 082 784 4519. 

52 • Die Kerkblad Junie 2010 • 

KAROO 

BEAUFORT-WES: RUSTHUIZ GASTEVERBLYF. Veilige, stil woonbuurt met binneparkering. 

Weg van hoofstraat. Besondere gehalte en atmosfeer. Vullende ontbyt. 

Skakel 023 414 3516 of 082 829 4591. 

COLESBERG: KAROO HUISE. Oornag in gerestoureerde dorpshuise, nasionale gedenkwaardighede 

met antieke meubels. Die gerieflike huisies is selfsorgeenhede, 

geleë in ’n stil straat. TV, braaigeriewe en veilige parkering. Restaurante binne 

loopafstand. 

Kontak T Vorster 051 753 0582; e-pos: hvzvorster@absamail.co.za 

Web: www.karoohuise.co.za 

COLESBERG: Rustige oornagakkommodasie, veilige parkering. HERBERG 051 753 

0147. 

COLESBERG: ONZE RUST GASTEHUIS EN KARAVAANPARK (ook vir tente). Rustige 

oornagakkommodasie met eie badkamer (koffie, tee, handdoeke, seep, beddegoed) 

sekuriteitsparkering, nagwag, weg van hoofstraat, buitedeure, selfsorg. Chalets 

en gastekamers vanaf R100 tot R150 p/p (kinders by Chalets R55; gastekamers 

R65) en tentakkommodasie R60 p/p. Karavaanpark rolstoelvriendelik – tente en 

karavane. Beskikbaar: toesluitparkering, braaigeriewe. Alle etes. TV, DSTV asook 

kitskombuisie. Earl Haigstraat 18. 

Skakel Rina van Jaarsveld by 051 753 0249 of 082 768 0616. 

E-pos: prvj1@xsinet.co.za 

COLESBERG: OUDE HOSTEL. Luukse kamers met privaat badkamer en TV. Billike 

prys, veilige parkering, swembad. Tel. 051 753 0131. 

COLESBERG: GUINEA-FOWL GASTEHUIS. Geleë in stil omgewing, weg van hoofstraat, 

veilige parkering op die erf. Alle kamers het eie buitedeur en eie badkamer. 

TV in gesamentlike sitkamer vir gaste. Billike tariewe. Stapafstand van eetplekke. 

Koffie- en teegeriewe in elke kamer. 

Skakel Jan en Louise Augustyn by tel/faks 051 753 0197 of 082 899 3964. 

DRIE SUSTERS: RONDAWEL GASTEPLAAS 300 meter vanaf N1-roete tussen Richmond 

en Drie Susters. Kom geniet ons veilige Karooplaas vanuit die gerief van u 

eie kliprondawel. Braaipakke, ligte aandetes en vol ontbyt beskikbaar. 

Skakel Tereza van der Merwe, sel 082 442 1567. 

DRIE SUSTERS: Selfsorg oornagakkommodasie op rustige, privaat en baie veilige 

Karooplaas beskikbaar. Ten volle toegerus, baie naby N1 roete, tussen Richmond 

en Drie Susters. 

Skakel Retief 049 851 9222, sel 083 406 6236.

MPUMALANGA 

SABAAN VAKANSIE-OORD: Volledig toegeruste woonstelle. Geleë tussen Sabie 

en Hazyview. Goed geleë vir dagritte na Wildtuin en ander besienswaardighede. 

Vir bespreking, skakel 013 737 8114. 

DULLSTROOM: Volledig toegeruste 5-slaapkamerhuis op ’n plaas, 10 km vanaf 

Dullstroom. Ontbyt op aanvraag. Visvang, stap, ens. Skakel Sarie 082 550 1126. 

GRASKOP: Sentraal geleë buite malariagebied. Binne ’n uur vanaf talle toeristeaantreklikhede, 

insl. Kruger Wildtuin. Naby Fanie Botha-staproete. Volledig toegeruste 

selfsorgvakansiehuis met drie slaapkamers vir tot 7 of 8 persone. 

Skakel Seakle of Elsa 012 335 4810, 082 395 7582 of e-pos godschal@mweb.co.za 

MARLOTH PARK: Langs Kruger Wildtuin. Slaap 8. Tariewe vanaf R1 000 naweke 

of mid-week. Skakel Rika 082 434 7313; www.toevallig.co.za 

NELSPRUIT: Selfsorg verblyf, slaap 4, toegerus. R400 per nag, eie beddegoed, en 

handdoeke. R460 per nag beddegoed en handdoeke voorsien. Tel 013 741 2386, 

faks 013 741 2801. E-pos: creature@absamail.co.za 

NOORDWES 

POTCHEFSTROOM: BEUKES GASTEHUIS: Luukse kamers in stil woonbuurt. Eie 

badkamer, TV met DSTV-kanale. Elke kamer het eie yskas asook koffie/teegeriewe. 

Sel. 082 852 2426. Faks 018 297 1348. 

VRYSTAAT 

BLOEMFONTEIN OORNAG: Luukse oornagwoonstel met veilige parkering, TV. 

Skoon en netjies. Gasvrye en rustige atmosfeer. Skakel 051 522 6035 of 082 726 

9959. 

BLOEMFONTEIN: KOMWEER B+B vir billike, huislike en gasvrye oornagverblyf. 

Naby N1 en hospitale. Veilige onderdakparkering. 

Navrae: tel. 051 522 3778, faks 086 670 8251 of 083 709 0684. 

E-pos: ventersg@mweb.co.za Webbladsy: www.komweer.za.net 

BLOEMFONTEIN: Selfsorg oornagkamers. Slaap 1-4 persone. Eie badkamer, TV. 

Veilige onderdakparkering. Maklik bereikbaar vanaf N1. Skakel Piet of Belie by 

051 433 2635 of 072 342 7530. 

MIDDENDEEL GASTEPLAAS: Middendeel Gasteplaas, 100 km vanaf Bloemfontein 

en 75 km vanaf Kimberley. Geskik vir kerkkampe en familiebyeenkomste. Slaap 

30 persone. Kontak Callie van der Merwe by 082 784 4519. 

LIMPOPO 

POLOKWANE/PIETERSBURG: COME-A-LONG AKKOMMODASIE. Oornag- en 

langtermyn akkommodasie. Netjiese, toegeruste selfsorgeenhede. 

Met bespreking meld verwysing “Kerkblad” vir u 10%-afslag. 

Sel 082 776 7760. E-pos: comealongaccom@gmail.com 

GAUTENG 

PRETORIA: Selfsorgwoonstelle in ooste van Pretoria. Naby Wilgers Hospitaal en 

Menlyn. Slaap tot 6 persone. Navrae: Sarie 082 550 1126 of Grizelda 082 923 

2554. 

JEUGHUISE: Gereformeerde Kerk Meyerspark. Aangename verblyf vir jongmense 

in rustige woonbuurt. Twintig ruim slaapkamers, woonkamer, kombuis en waskamer 

met alle geriewe, swembad, braai-area, veilige parkeerafdakke en pragtige 

tuin. Skakel Elsje 082 940 5804 of Liza 083 309 1340. 

SKEERPOORT: Billike, huislike oornagverblyf op hoewe, naby Hartbeespoortdam, 

in radius van 60 km vanaf Pretoria en Johannesburg. Privaat badkamer, gesamentlike 

TV. Beskuit en koffie (ontbyt indien verlang). 

Skakel Pienaar by 012 207 1117 of 012 207 1941 of 082 859 4655. 

ALLERLEI 

BOEKE VAN MARNIX 

Deur prof. V.E. d’Assonville. Pryse sluit posgeld en verpakking in. 

Bestel by: MARNIX, Posbus 38174, Faerie Glen, 0043. Tel en faks: 012 991 2009. 

E-pos: marnix@absamail.co.za 

SJ du Toit van die Paarl (biografie, hardeband, 450pp, 50 foto’s) R175; (genommerde 

eksemplaar: R225). 

Dit is Totius (biografie, hardeband, 284pp, 50 foto’s) R83; (genommerde eksemplaar 

R108). 

Die boek Openbaring (Lig van God se Woord op die wêreldgebeure. Sagteband, 

tweede nuutverwerkte uitgawe, 250pp), R98. 

Kerk op die Wit Hooglande (’n Gedenkboek oor die Gereformeerde Kerke in 

Kenia met volledige doopregisters. Hardeband, 128pp, foto’s) R58. 

Gereformeerde Doopsformulier (God se beloftes en eise aan ons. Hardeband, 

114pp) R18. 


Gids vir Kerkgeskiedenis (’n Omvattende oorsig oor die kerkgeskiedenis vanaf 

die eerste eeu nC. Sagteband, 245pp) R38. 

Kerkgeskiedenis in 30 lesse (’n Katkisasie-handboek. Ook baie geskik vir nuwe 

lidmate wat in die gemeente verwelkom word. Hardeband, 117pp) R20. 

Dogmageskiedenis (Gids vir die Gereformeerde leer. Sagteband, 83pp) R15. 

Calvyn verdedig sy stad (Die dramatiese geskiedenis rondom een van Calvyn se 

belangrikste geskrifte tydens sy ballingskap. Sagteband, 16pp) R7. 

Majuba (Ongelooflike Boere-oorwinning oor Groot-Brittanje op 27 Feb. 1881. 

Sagteband, 75pp met foto’s) R45. 

Majuba (Engelse uitgawe. Sagteband, 82pp) R45. 

Kruger en Rhodes (Die berugte Jameson-inval in 1896 en die aanslag van Milner 

teen Transvaal in 1899. Sagteband , 82pp) R45. 

Bloedrivier (Een van die grootste dramas in Afrika – keerpunt van ’n beskawing. 

Sagteband, 70pp met foto’s) R65. 

Blood River (’n Engelse weergawe van bogenoemde boek. Sagteband, 71pp met 

foto’s) R65. 

Totius se oorlogsdagboek (Die digter Totius se ervarings as Kaapse rebel 1899 

– 1900. Sagteband, 72pp met foto’s) R45. 

Op die bodem van die Vaaldam (Dramatiese geskiedenis van ’n Boereplaas wat 

in 1936 deur die Vaaldam se waters toegestoot is. Die aangrypende episodes van 

hierdie mense in die Anglo-Boereoorlog, die krygsgevangene- en konsentrasiekampe 

en die Rebellie van 1914 saam met genl. De Wet. Sagteband, 211pp, 55 

foto’s) R108. 

Die Psalms sing van Christus (’n Dagboek oor die Psalms wat ons van God se 

beloftes verseker. Sagteband, 194pp) R98. 

Die koms van Christus en die Antichris (Die kerk wag elke dag op die koms van 

Jesus Christus. Die Antichris is egter alreeds daar, maar word tans nog teëgehou 

totdat die Evangelie eers klaar verkondig is. Kardinale vrae word beantwoord. 

Sagteband, 104pp) R65. 

Die Van der Merwes van Middendeel VE d’Assonville en Nico van der Merwe. 

R158 posgeld ingesluit. 

Eugène Marais en die Waterberge (ook in Engels) R108. 

Generaal De Wet in die Vredefortkoepel R158. 

OPMETINGSINSTRUMENTE: Bukswaterpasse (dumpy levels), teodoliete, meetwiele, 

laser vir konstruksie. Protea Opmetings Instrumente. 

Tel. 011 976 2070. Sel 083 259 8931 of 083 265 7272. E-pos: sales@protsurv.co.za 

BINDWERK: Flinke bindwerk van hoogstaande gehalte. Dienste sluit in die: 

• Inbind van proefskrifte en verhandelinge 

• Herstel van ou of beskadigde boeke 

• Inbind van tydskrifte, sowel as 

• Gespesialiseerde binddienste 

Kontak Lukas van Vuuren, tel. 011 477 4183. 

ONTHAALBENODIGDHEDE 

KRANENBURG VERHURINGS. Vir al u onthaalbenodigdhede (linne, breekware, 

eetgerei, kerse, servette, draperings) skakel Hilje by 012 332 3878 of 082 817 

7387. 

OUTYDSE TRAPORRELS: Vir herstel en/of restourasie van outydse traporrels, 

skakel mnr. Jan Zielman. 

Tel. 012 330 3087 / 083 338 3240 of e-pos: janzielman@mweb.co.za 

DIE UITTOG: Bybelstudie-werkboek deur Edmund de Beer en Anneke Botha. Die 

betekenis van hierdie groot gebeurtenis vir ons vandag. Vir enkelinge of groepe. 

Foto’s en kaarte. R40 (posgeld ingesluit). Bestel by Hester 082 857 7347. 

Riaan the Magic man: Riaan kan u funksie, klein of groot, ophelder met sy kulkunsies. 

Ry ook ’n eenwielfiets, is ’n ballon-vou spesialis, en doen ongelooflike 

(close-up) kulkunsies. Baie goedkoop met sy tariewe. 

Skakel 012 329 0444 of sel 084 582 9063. 

King Louis Musikale Instrumente waar u al u musiekinstrumente en toebehore 

kan aankoop teen groot afslagpryse. Skakel vir Riaan of Louis van der Walt 012 

329 0444 of sel 084 582 9063. E-pos: kinglouis@telkomsa.net 

MEUBELS TE KOOP: 

Een 10-sitplek (gestoffeerde stoele) eetkamerstel met buffet van swarthou. Puik 

toestand. R39 000. 

Een 3-stuk Victoriaanse sitkamerstel van Engelse eikehout. Mooi erfstuk. Geregistreer 

ouer as 100 jaar. R19 000. 

Vir navraag, skakel 082 649 4385. 

EIENDOMME 

BLOEMFONTEIN: Vir al u eiendomsbehoeftes. Woonhuise, meenthuise, studenteverblyf, 

hoewes en plase beskikbaar. 

Besoek gerus ons webtuiste: www.cheetahprop.co.za vir foto’s & inligting. 

Skakel Dirk Coetzee, 082 784 1993. Cheetah Eiendomme. 

AKKOMMODASIE POTCHEFSTROOM: Ruim slaapkamers te huur, met ingeboude 

kaste. Gebruik van alle huishoudelike fasiliteite ingesluit. Vir navraag, skakel 082 

649 4385. 


Die Almanak van die 

Gereformeerde Kerke in Suid- 

Afrika 

Met Bybeldagstukkies 

Beskikbaar by die Admin Buro 

teen R45 per eksemplaar 

(posgeld uitgesluit) 

Tel. 018 297 3986 

Faks 018 293 1042 

E-pos: bestellings@gksa.co.za

Tydskrif Junie 2010.p65 - CJBF

Transform your PDFs into Flipbooks and boost your revenue!

Tydskrif Junie 2010.p65 - CJBF

Transform your PDFs into Flipbooks and boost your revenue!

Delete template?

Save as template ?