Staatsleer - Unisa

DEPARTEMENT POLITIEKE WETENSKAPPE
INHOUDSOPGAWE
1. INLIGTING AANGAANDE DIE HONNEURSGRAAD IN
STAATSLEER
2. GELYKTYDIGE REGISTRASIE VIR MODULE(S) VIR
NIE-GRAADDOELEINDES
3. NEEM VAN 'N HONNEURSVRAESTEL UIT 'N ANDER
VAK
4. TOELATINGSVEREISTES
5. AANTAL VRAESTELLE WAARVOOR STUDENTE IN HUL
EERSTE JAAR MAG REGISTREER
6. ONDERRIGMETODE
7. AANVANG VAN DIE STUDIE
8. LEERGANG
9. KEUSE VAN VRAESTEL
10. DUUR VAN DIE KURSUS, EKSAMENAFLEGGINGS EN
DIE TOELATINGSVEREISTES TOT DIE EKSAMEN
11. MAGISTERGRAAD (MA) EN DOKTORALE (DLITT ET
PHIL) STUDIES AAN DIE DEPARTEMENT POLITIEKE
WETENSKAPPE.
12. PERMANENTE DOSERENDE PERSONEEL

UNIVERSITEIT VAN SUID-AFRIKA
DEPARTEMENT POLITIEKE WETENSKAPPE
1. INLIGTING AANGAANDE DIE HONNEURSGRAAD IN
STAATSLEER
Raadpleeg Deel 1 van die Jaarboek en die Inligtingsbrosjure
ten opsigte van die algemene reglemente vir toelating tot
nagraadse studie, dokumente wat 'n aansoek om toelating
moet vergesel, herregistrasie, duur van studie, aansoeke
om kansellasies, ens.
2. GELYKTYDIGE REGISTRASIE VIR MODULE(S) VIR
NIE-GRAADDOELEINDES
Studente kan slegs met die spesiale toestemming van die
Senaat vir hoogstens twee modules op dieselfde vlak vir
niegraaddoeleindes (NGD) gelyktydig met 'n
Honneurskursus registreer, en op voorwaarde dat die
NGD-module(s) verband hou met hulle Honneursstudie, of
indien hul 'n skriftelike motivering wat vir die Universiteit
aanvaarbaar is, voorlê. Let asseblief daarop dat studente
voor die sluitingsdatum vir registrasie vir die module(s)
aansoek moet doen om toestemming vir gelyktydige
registrasie. Sien asb. die inligtingsbrosjure aangaande
registrasiedatums
3. NEEM VAN 'N HONNEURSVRAESTEL UIT 'N ANDER
VAK
In die Kollege vir Menswetenskappe mag studente een van
die vraestelle van hulle honneursgraad vervang met 'n
honneursvraestel uit 'n ander vak, indien die Hoofde van die
betrokke twee Departemente oordeel dat die studente oor

3
voldoende agtergrondkennis beskik om daardie vraestel te
kan neem en dit tot die studente se voordeel is.
4. TOELATINGSVEREISTES
Tensy die Senaat anders besluit moet studente geslaag het
in:
(1) 'n Voltooide Baccalareus graad of die ekwivalent
daarvan
(2) Hoofvak in Staatsleer
(3) 'n kursus(se) aan 'n ander Universiteit wat
gelykwaardig is aan (2) hierbo.
5. AANTAL VRAESTELLE WAARVOOR STUDENTE IN HUL
EERSTE JAAR MAG REGISTREER
Benewens die formele toelatingsvereistes wat in Afdeling B
van Deel 1 van die Jaarboek en in hierdie brosjure gestel
word, is die volgende bepalings ook van toepassing:
(1) Studente wat ‘n gemiddeld van 60% of meer behaal
het in die toepaslike hoofvak waarin hulle met hul
studie wil voortgaan en die kursus nie meer as vyf jaar
gelede afgelê het, registreer in hul eerste jaar van
studie vir hoogstens drie vraestelle. Studente word ten
sterkste afgeraai om vir meer as drie vraestelle te
registreer. In hoogs uitsonderlike omstandighede sal
die Hoof van die Departement 'n aansoek om vir meer
vraestelle te registreer, oorweeg mits 'n gemotiveerde
aansoek die registrasievorm vergesel.

4
Ten einde hulle studie nie te vertraag nie, moet
sodanige studente aandui vir watter drie vraestelle
hulle wil registreer indien hul aansoek om meer
vraestelle te mag neem, nie suksesvol is nie.
(2) Studente wat in die toepaslike hoofvak ‘n gemiddeld
tussen 55 - 59% behaal het, kan vir hoogstens twee
vraestelle registreer indien nie meer as vyf jaar
verloop het sedert die geslaag is nie.
(3) Studente wat in die toepaslike hoofvak ‘n gemiddeld
tussen 50 - 54% behaal het, kan vir hoogstens een
vraestel registreer indien nie meer as vyf jaar verloop
het sedert die kursus geslaag is nie. Studente wat die
kursus langer as vyf jaar gelede geslaag het, se
aansoek sal na die Hoof van die Departement
Politieke Wetenskappe verwys word, wat 'n
aanbeveling kan maak oor bykomende vereistes
waaraan studente moet voldoen, al dan nie.
6. ONDERRIGMETODE
Die vernaamste kenmerke van ons onderrigmetode vir
honneurs-studente kan soos volg saamgevat word:
(a) Volledig uitgewerkte studiegidse word nie verskaf nie,
maar studente word voorsien van 'n algemene
handleiding waarin die studieprogram en -vereistes
van die kursus uiteengesit word. Daarbenewens is
daar 'n kort handleiding vir elke vraestel waarin
oriënterende aantekeninge, werkopdragonderwerpe
en literatuurlyste verskyn.
(b) Daar word van studente verwag om 'n aantal
werkopdragte (in tweevoud) oor voorgeskrewe
onderwerpe in elke vraestel uit te werk.

5
(c) Van tyd tot tyd mag uittreksels uit boeke en tydskrifte
gemaak word en as 'addisionele studiestukke' aan
studente versend word. Hierdie stukke word in twee
groepe verdeel, te wete een groep wat bedoel is as 'n
integrerende deel van die studiemateriaal vir die
eksamen, en 'n ander groep wat as
agtergrondmateriaal gelees en by die uitwerk van
werkopdragte gebruik kan word.
(d) Studente word versoek om hul dosente so dikwels as
moontlik te spreek vir persoonlike leiding by die
uitwerk van werkopdragte en in verband met ander
studieprobleme.
(e) Die studiemateriaal vir die eksamen bestaan uit
studente se eie werkopdragte, handleidings, 'n
bepaalde getal voorgeskrewe boeke per vraestel en
addisionele studie-stukke in die vorm van
studiebriewe en uittreksels.
7. AANVANG VAN DIE STUDIE
Studente wat vroeg registreer, hoef nie te wag tot die
sluitingsdatums vir registrasie voor hulle begin werk nie.
Sien Inligtingbrosjure vir toepaslike registrasiedatums.
Sodanige studente kan dadelik met hulle studies begin
volgens die aanwysings in die algemene handleiding. Alle
studente word in elk geval aangeraai om die Departement
minstens een keer persoonlik te kom besoek voordat hulle
registreer of voordat hulle met hul studies begin.
8. LEERGANG (Graadkode:0435-9)
Die honneurskursus bestaan uit enige kombinasie van vyf
van die onderstaande vraestelle. Enige van die vraestelle
kan vervang word met 'n honneursvraestel uit 'n
aanverwante vak waarin kandidate oor voldoende

6
agtergrondkennis beskik, met die goedkeuring van die
betrokke Departementshoofde.
Vraestelle 1 tot 5 is skriftelike vraestelle van drie uur elk.
Dit is verkieslik dat Vraestel 1 voor of tesame met
Vraestel 6, indien Vraestel 6 gekies word, geneem word.
Registrasie vir Vraestel 6 is onderworpe aan die
goedkeuring van die Departementshoof.
Vraestel 1: Epistemologie, metodologie, beredeneerde
handeling en navorsingsmetodes
(HNPCS1-5)
Gevorderde studie van wetenskapsfilosofie, metodologie,
beredeneerde handeling en navorsingsmetodes.
Vraestel 2: Teorie, filosofie en ideologie (HNPCS2-6)
Gevorderde studie van geselekteerde kontemporêre
politieke filosofieë, politieke teorieë en politieke ideologieë.
Vraestel 3: Politieke dinamika (HNPCS3-8)
Gevorderde studie van die kernaspekte van en
determinante in politieke dinamika en politieke gedrag.
Vraestel 4: Vergelykende politiek (HNPCS4-9)
Gevorderde studie van benaderings, teorieë en metodes in
Vergelykende Politiek met 'n toepassing op Suidelike Afrika.
Vraestel 5: Suid-Afrikaanse politiek (HNPCS5-A)
Gevorderde studie van Suid-Afrikaanse politieke
vraagstukke soos politieke ontwikkeling, verandering en

7
konflik, regstellende aksie, die volkstaat, behuising,
misdaad, die wenslikste staatsvorm en privatisering teenoor
nasionalisering.
Vraestel 6: Navorsingsprojek (HNPCS6-B)
'n Selfstandige navorsingsprojek. Die onderwerp word
gekies in oorleg met die Departement en is onderworpe aan
die goedkeuring van die Departementshoof. Studente wat
vir hierdie vraestel wil registeer word aangeraai om vooraf,
of tesame met hierdie vraestel, Vraestel 1 hierbo te volg.
9. KEUSE VAN VRAESTELLLE
Ten einde u keuse van vraestelle te vergemaklik en ook om
u 'n bietjie meer inligting te gee oor die veld wat die
honneurskursus dek, word 'n kort samevatting van die
inhoud van die leerplan van elke vraestel hieronder verstrek.
Let asseblief daarop dat die vraestelle deur verskillende
dosente gedoseer word en dat die vraestelle wye
onderwerpe dek. Gevolglik is dit onmoontlik om die 'grense'
van elke vraestel presies af te baken. Dit is natuurlik ook
duidelik dat sommige vraestelle in 'n mate oorvleuel en dat
almal mekaar aanvul. Onderstaande inligting is dus slegs as
breë riglyne bedoel en ons kan u nie die versekering gee
dat die betrokke dosente hulle presies daaraan sal hou nie.
Vraestel 1: HNPCS1-5
Hierdie vraestel is 'n voortsetting van voorgraadse werk in
metodologie en epistomologie. Die vraestel bestaan uit drie
afdelings, waaruit studente twee opsies moet kies.
Afdeling A is 'n gevorderde studie van geselekteerde
onderwerpe uit die filosofie en metodologie van die politieke

8
wetenskap. 'n Studie word gemaak van geselekteerde
kwantitatiewe en kwalitatiewe paradigmas wat
wetenskaplike navorsing lei, insluitend Marxistiese
realisme, positivistiese empirisisme en konstruktivisme.
Epistemologiese en metodologiese vraagstukke wat
betrekking het op die tipe navorsing wat onderneem word,
word onder die loep geneem. Laastens word spesifieke
metodes wat van toepassing is op empiriese navorsing in
die politieke wetenskap bestudeer. Die klem val op nieeksperimentele
metodes soos die statistiese, vergelykende
en gevallestudie metodes.
Afdeling B van die vraestel fokus op die probleem van
menslike handeling in politieke verband en in die besonder,
die beredeneerde aanwending of gebruik van kennis,
afgesien daarvan of die kennis self wetenskaplik van aard
is. Omdat dataversamelings-, filosofiese en
aanwendingsprobleme van kennis in noue verband tot
elkaar staan, word die menslike handelingsprobleem in die
kursus vanuit 'n breë wetenskaplike perspektief benader.
Die kursus het twee oogmerke. Eerstens wil dit 'n
inleidende agtergrond bied waarteen die probleem van
menslike politieke handeling binne die tradisie van politieke
teorie benader en begryp kan word. Tweedens wil dit in die
besonder, die benadering van Eugene J Meehan met
betrekking tot die kennisprobleem onderliggend aan
menslike handeling bekendstel en in selektiewe gevalle
aanwend. Die besondere benadering kan beskou word as
'n poging om 'n beredeneerde en verdedigbare grondslag vir
die sistematiese kritiek van intellektuele aansprake te
ontwikkel, afgesien daarvan of sodanige aansprake
empiries of normatief van aard is. Hoewel die raamwerk
hoofsaaklik ontwikkel en geïllustreer word aan die hand van
die sosiale wetenskappe, is die raamwerk geskik vir
algemene aanwending en nie beperk tot terreine van
akademiese ondersoek nie.

9
Afdeling C van hierdie vraestel gee aandag aan
kwalitatiewe en kwantitatiewe navorsingsmetodes. Die
hoofdoel van hierdie deel van die vraestel is om studente
vertroud te maak met die algemene beginsels en
prosedures wat van toepassing is by die ontwerp en
evaluering van navorsing oor politieke probleme.
Afdeling A = Opsie een ) Studente kan enige
Afdeling B = Opsie twee) twee van hierdie opsies
Afdeling C = Opsie drie) neem vir vraestel 1.
Vraestel 2: HNPCS2-6 - Kies EEN opsie.
Opsie (a)
In hierdie opsie word op die Empiriese Teorie
gekonsentreer. Die volgende gevorderde onderwerpe word
bestudeer; die toekoms van die post-behavioralistiese fase,
post modernisme, stelsel analise, die rasionele keuse teorie
en die feministiese teorie.
Opsie (b)
In hierdie opsie word 'n belangrike probleem in die politieke
filosofie bestudeer: die probleem van die oop samelewing.
Denkers wat hierdie probleem behandel soos Karl Popper,
Henri Bergson en Erik Voegelin word gebruik om lig te werp
op die vraagstuk.
Opsie (c)
In hierdie opsie word na die funksies, struktuur en teorieë
van ideologieë gekyk. Inleidend word gekyk na wat
ideologieë is en hoe hulle in die samelewing en die politiek

10
funksioneer. Nasionalisme word as 'n gevallestudie gebruik
om sommige punte te illustreer.

11
Die rol van ideologieë in die geskiedenis en veral die "einde
van ideologie" debat ontvang aandag. In hierdie geval word
gefokus op Francis Fukuyama se "the end of history".
In die werkopdragte word aandag geskenk aan
nasionalisme, "The Third Way", neo-liberalisme en
kontemporêre Marxistiese teorieë in die algemeen. Aandag
word ook aan post-modernisme se relevansie vir die
politieke wetenskap geskenk word. Studente word in
hierdie opsie die geleentheid gegee om self van die
onderwerpe te ontwikkel.
Vraestel 3: HNPCS3-8 - Kies EEN opsie.
Opsie (a)
In hierdie opsie word politieke dinamika en in die besonder
politieke partye, partystelsels, belangeorganisasies, en
stelsels van belange verteenwoordiging bestudeer.
Opsie (b)
Hierdie afdeling handel oor politieke besluitneming. In die
verlede is die rol van politieke partye in die konstitusionele
onderhandelingsproses behandel. In die lig daarvan dat dit
nou geskiedenis is, is ons in die proses om 'n nuwe
fokuspunt te ontwikkel. Gevolglik is hierdie opsie vir die
akademiese jaar 2007 OPGESKORT.
Opsie (c)
Hierdie opsie is gespesialiseerd in politieke dinamika en
fokus op geselekteerde probleme in die studie van politieke
gedrag. Die twee probleemareas wat ter sprake kom, is
politieke elites en gewelddadige politiek.

12
Die oogmerk van die opsie is om teorie en praktyk by
mekaar uit te bring. In die geval van politieke elites word
gekyk na verskillende elite-teorieë, onder andere dié van
Vilfredo Pareto, Gaetano Mosca en Robert Michels.
Daarteenoor word die idees van Nelson W Polsby en
Robert A Dahl gestel wat meer op gemeenskapsmag
("community power") konsentreer. Die bestudering en 'n
kennis van politieke elites is buitengewoon belangrik vir
enige student van die politiek omdat, soos Mosca dit stel "in
all societies - from societies that are very meagerly
developed ... to the most advanced and powerful societies -
two classes of people appear - a class that rules and a class
that is ruled". Veral die "class that rules" is bepalend in die
politiek.
Die tweede deel van die opsie handel oor gewelddadige
politiek. Weereens bestaan dit uit teoretiese en toegepaste
dele. In die teoretiese gedeelte word gekyk na teorieë oor
geweld beginnende by J C Davies se J-kurwehipotese, die
relatiewe ontberingskool van Ted Gurr, die Marxistiese
teorie en die vergelykend-historiese benadering waarby
veral Theda Skocpol belangrik is. Gewelddadige politiek
neem verskillende vorme aan, onder andere as 'n rebellie,
staatsgreep, massa-opstand of rewolusie. Hierdie
onderwerp is vir die studente in Suid-Afrika van groot
belang. Insidente soos Sharpville (1960), Soweto (1976),
Sebokeng (1984 en 1990) asook aspekte soos strukturele
geweld en die gewapende stryd is dikwels in die nuus.
Word die onderliggende redes daarvoor altyd verstaan? In
dié deel van die opsie word gepoog om groter duidelikheid
oor dié onderwerp te kry.

13
Vraestel 4: HNPCS4-9 - Albei afdelings is verpligtend.
Afdeling (a)
In hierdie opsie word 'n oorsig gegee van vergelykende
politiek wat sedert die Tweede Wêreldoorlog as 'n nuwe
onderafdeling van die Staatsleer beskou word. Die
totstandkoming van vele nuut-onafhanklike state in Afrika,
Asië, die Midde- en Verre Ooste, het die aandag gevestig
op die verskeidenheid vorme wat kulturele en politieke
strukture en ontwikkelingsprosesse aanneem. Daar is
bevind dat konsepte en teorieë, wat hoofsaaklik op die
staatkundige kennis van die Wes-Europese, die Britse en
die Amerikaanse politieke instellings berus het,
ontoereikend was om die nuwe instellings te verklaar en
sinvol met ander bekende verskynsels te vergelyk. 'n Nuwe
wyse van ontleding van politieke stelsels moes derhalwe
ontwikkel en toegepas word. Hierdie wyse van ontleding
staan as vergelykende politiek studie bekend.
Die doel van vergelykende studie is om die eenvormige
asook die uiteenlopende faktore, die veranderlike asook die
konstante faktore, die buitengewone asook die algemene
faktore van verskillende politieke stelsels te identifiseer en
te verklaar. Hieruit kan afgelei word dat die vergelykende
politiek 'n geweldige wye omvang het en dat nie slegs die
formele aspekte van politieke stelsels, naamlik die
organisatoriese struktuur, die prosedurereëls en die wetlike
verhoudinge tussen owerheidsinstellings bestudeer word
nie, maar ook daardie aspekte wat die dinamiese werking
binne die formele raamwerk van die stelsels beheer.
Benewens die ontwikkeling van hierdie onderafdeling binne
die Staatsleer, word die benaderingswyses en bydraes tot
vergelykende studie van verskeie vooraanstaande

14
staatkundiges in hierdie opsie ontleed en geëvalueer, terwyl
besondere aandag ook aan die aard van die vergelykende
metode verleen word.
Afdeling (b)
Die doel van hierdie afdeling is om die teoretiese kennis van
afdeling (a) op 'n praktiese situasie toe te pas - in hierdie
geval vergelykende studie van state in Suider-Afrika en van
Ronald Inglehart se studie van waardestelsels wêreldwyd.
Dit fokus op die boek State-building and democracy in
Southern Africa deur Pierre du Toit, waarin Botswana,
Suid-Afrika en Zimbabwe vergelyk word. Aspekte van
vergelyking sluit hulle konstitusies, staat-samelewing
verhoudings, staatbou en demokratiese lewensvatbaarheid
in. Publikasies deur Inglehart word ook gebruik.
Vraestel 5: HNPCS5-A - Kies EEN opsie.
Opsie (a)
Hierdie opsie behels 'n studie van "politieke ontwikkeling".
Die onderwerp word aangepak deur teoretiese oriëntasies
te bestudeer soos die teorieë oor politieke ontwikkelinge
naamlik die moderniserings en die afhanklikheidsteorieë,
asook die belangrike verwantskap tussen politieke en
ekonomiese ontwikkeling.
Opsie (b)
In hierdie opsie word Suid-Afrikaanse vraagstukke
bestudeer soos: privatisering teenoor nasionalisering;
regstellende aksie; behuising; die volkstaat; die wenslikste
staatsvorm: unie of federasie; misdaad en korrupsie;
makro-ekonomiese strategie; enkel-dominante party stelsel.

Vraestel 6: HNPCS6-B
15
Selfstandige navorsingsprojek
Kyk onder 8 Leergang vir besonderhede.
10. DUUR VAN DIE KURSUS, EKSAMENAFLEGGINGS EN
DIE TOELATINGSVEREISTES TOT DIE EKSAMEN
Kragtens die huidige regulasies mag studente na een jaar
van studie tot die honneurseksamen toegelaat word. Mits
studente voldoen het aan al die vereistes wat die Departement
gestel het, sal hulle toegelaat word.
Ons beveel egter aan dat studente 'n tydperk van minstens
twee jaar aan die kursus moet wy. U studeer deeltyds en die
hoeveelheid skriftelike werk wat u vir beoordeling moet
indien, is aansienlik.
Studente word slegs tot die eksamen toegelaat op aanbeveling
van die Departementsvoorsitter wat vir dié doel 'n
evaluering van studente se ingestuurde werk doen.
Normaalweg beteken dit dat u minstens die minimum
hoeveelheid werkopdragte wat elke dosent vir sy vraestel vir
insending voorgeskryf het, moes ingestuur het en 'n
slaagsyfer vir sodanige werkopdragte moes behaal het.

16
11. MAGISTERGRAAD (MA) EN DOKTORALE (DLITT ET
PHIL) STUDIES AAN DIE DEPARTEMENT POLITIEKE
WETENSKAPPE
Bykomend tot die Honneursgraad bied die Departement
Politieke Wetenskappe ook Magister- en Doktorsgrade in
Staatsleer, Afrika Politiek en Internasionale Politiek aan. Die
minimum toelatingsvereiste vir die Magistergraad is ‘n
Honneurs graad in die toepaslike vakrigting. Vir die
Doktorale studie is die vereiste ‘n voltooide Magistergraad in
die toepaslike vakrigting.
Die Magister- en Doktorsgrade bestaan onderskeidelik uit ‘n
verhandeling en ‘n proefskrif. Geen gedoseerde of
gestruktureerde MA of DLitt et Phil grade word deur die
Departement aangebied nie. Beide die verhandeling en die
proefskrif bestaan uit oorspronklike navorsingswerk. Die
Departement kan ook moontlik van ‘n voornemende
kandidaat verwag om ‘n leesprogram te volg, voordat
navorsing en die skryf van die verhandeling of proefskrif
toegelaat word.
Voornemende kandidate moet die Registrateur van die
Universiteit nader om tot die Magister- (MA) en Doktors-
(DLitt et Phil) graad toegelaat te word. Oorspronklike
akademiese rekords van vorige akademiese kwalifikasies
moet die aansoek vir toelating vergesel. Indien ‘n kandidaat
tot die studie toegelaat word, sal die Departement riglyne
verskaf waarvolgens die navorsingsvoorstel voorberei en
aan die Departement voorgelê moet word. (Riglyne kan ook
op die Departement se webtuiste gevind word
http://www.unisa.ac.za/dept/pol)
Daar word van die kandidate verwag om self hul
navorsingstemas te kies. Die lewensvatbaarheid van die
navorsingstemas kan ook voor of na die toelatingsproses

17
met die Departement uitgeklaar word. Wanneer die
navorsingstema aanvaar is sal die Departement ‘n
studieleier(s) of promotor(s) aanwys wat die student tydens
die studie sal bystaan. Voorgenome kandidate moet hul
vergewis van die Universiteit se regulasie oor o.a. die
tydsduur van die Magister-- en Doktorsgrade. Die inligting is
vervat in die amptelike jaarboek van die Universiteit.
Kontakbesonderhede vir voornemende studente:
Die Registrateur (Akademies)
Die Universiteit van Suid-Afrika
Posbus 392
UNISA 0003
Republiek van Suid-Afrika
Telefoon: 0861 670 411
Faks: 012 429 4150
E-pos (Honeursnavrae): artes@unisa.ac.za
E-pos (Magister- en
Doktorsnavrae): post-artes@unisa.ac.za
Moet asb. nie huiwer om die Departementshoof, Prof Murray
Faure, of individuele departementslede te kontak indien u verdere
inligting verlang nie.
PROF A M FAURE
POLITIEKE WETENSKAPPE

18
12. PERMANENTE DOSERENDE PERSONEEL
STAATSLEER
PROFESSOR: A M Faure MAdmin, DAdmin (Unisa)
P A H Labuschagne MA, DPhil (UVS)
LLB, LLM (Unisa)
MEDE-PROFESSOR
D J Kotzé MA (Stellenbosch),
MA (UP),
PhD (Witwatersrand)
SENIOR
LEKTRISE: S Botha MAdmin (UP),
DLitt et Phil (Unisa)
LEKTRISE: S L Kant MA (Unisa)
UNISA