April 2009 REDES VIR REELS EN REGULASIES - Oev.co.za

REDES VIR REELS EN REGULASIES
1. Om te verseker dat ‘n hoe standaard van Handeldryf te
alle tye gehandhaaf word.
2. Om aan elke/ alle Entrepreneurs ‘n billike, Redelike en
Regverdige kans te gee om Handel te dryf.
3. Om te voorkom dat staanplekke onnodig leeg staan, terwyl
dit deur ander stalletjiehouers benut kan word.
4. Om te verseker dat daar ‘n verskeidenheid van produkte
beskikbaar is by die stalletjies en sodoende veelvuldige
duplisering van produkte te beperk.
REELS, REGULASIES EN UITSTALPROSEDURES VIR
STALLETJIEHOUERS
1. Stalletjiehouers moet teen 09h00 hul stalletjies beset en nie
later as 10h00 begin Handeldryf nie. Stalletjiehouer moet
tot 17h00 sy stalletjie beman maar nie later as 20h00
waarna skriftelike toestemming verkry moet word. Sondae
en Publieke vakansiedae 10h00 – 15h00. Niemand mag
later as 22:00 op enige dag by enige oord handel dryf nie.
Elke stalletjie perseel moet teen 23:00 totaal ontruim wees
– Geen voorraad, voertuie ens. Elektrisiteitverbruikers sal
na 20:00 daagliks vir ‘n additionele bedrag soos van tyd tot
tyd deur die O.E.V bestuur bepaal verantwoordelik wees.
Indien nie gehoor gegee word aan bogenoemde nie kan
betrokke uitstal ruimte na ‘n ondersoek onmiddelik
gekanselleer word. Die Dagbestuur soos van toepassing
se besluit in die verband sal finaal wees
AANDMARKTE begin om 17h30
Handelsure gedurende die AANDMARKTE sal wees bokant die spoor
tot en met 18h00 die aand en onder die spoor tot 17h00.
Indien enige uitstaller na die bogenoemde tyd steeds op sy stalletjie
teenwoordig is sal aanvaar word dat hy deel is van die Aandmark en
betrokke Aandmark gelde sal onmiddelik aan die O.E.V betaalbaar
word. Weiering om in so geval te betaal sal in ‘n ernstige lig beskou
word.
2. Indien u stalletjie nie teen 09h00 beman is nie kan u
stalletjie aan ‘n ander uitstaller gegee word vir die dag.
(Sondae / Publieke Vakansiedae – 10:00) Die uitstaller
onderneem om by die voorgeskrewe handelsure soos
neergele te hou en om nie sonder rede vroeg op te pak nie.
Niemand word gedwing om in reen of sterk wind handel te
dryf nie. Dit is die uitstaller se uitsluitlike keuse om op
Sondae of Publieke Vakansiedae handel te dryf of nie.
Die O.E.V beampte moet vooraf in kennis gestel word van
dae waarop u nie staan nie.
3. Indien u laat arriveer (na 09h00) en u stalletjie aan iemand
anders gegee is sal ‘n ander stalletjie aan u gegee word,
indien een beskikbaar is.
4. Indien u laat gaan wees, of nie die betrokke dag kan staan
nie, sal dit u verantwoordelikheid wees om die O.E.V
beampte in kennis te stel. Indien u staanplek vir meer as
twee agtereenvolgende dae leeg staan sonder die
medewete van die O.E.V beampte, verbeur u die staanplek
vir die res van die seisoen al het u reeds betaal.
April 2009
5. Aansoekvorms moet die O.E.V bereik voor of op 31
Augustus van ‘n jaar vir die Des/Jan seisoen en 15
Februarie vir die April seisoen. Indien die volle bedrag nie
op die betrokke datum soos deur die O.E.V Bestuur
vasgestel is, betaal is nie, sal die oorspronklike aansoek
kanselleer en uitstalruimte reeds toegeken hertoegeken
word.
6. Aansoekvorms moet, verkieslik per geregistreerde pos
gestuur word aan: Die Sekretaresse, Posbus 784,
Hartenbos, 6520. Aansoekvorms kan ook by die O.E.V
kantoor ingehandig word .O.E.V Kantoor Adres: Voorbaai
Singel no. 9, Voorbaai. Kantoor ure Woensdae vanaf
08h00 - 14h00. Vakansietye (April en Des/Jan) sal die
kantoor gesluit wees en die O.E.V Beampte sal aan diens
wees in die Mobiele O.E.V kantoor. Die sekretaresse sal
ook met reelings in plek by tye in die mobiele kantoor
aanwesig wees.
Indien u aansoekvorm persoonlik aan die Sekretaris van
die O.E.V ,of die O.E.V beampte oorhandig word, moet u ‘n
bewys van ontvangs aanvra.
Aansoekvorms word nie outomaties uitgestuur nie. Die
onus is op ‘n voornemende stalletjiehouer om dit aan te
vra. Aansoekvorms kan ook van die O.E.V webwerf
(www.oev.co.za) verkry word.
7. Geen lid of nie-lid van die O.E.V mag aansoek doen vir ‘n
stalletjie op ‘n ander persoon se naam of adres nie. Die
aansoeker se eie handtekening moet op die aansoekvorm
verskyn. Indien onreelmatighede opgemerk word, sal
streng teen die persoon wat valslik aansoek doen, opgetree
word. Die O.E.V waarborg hoegenaamd nie kwaliteit van
enige staanplek toegeken nie. Die onus berus totaal op die
voornemende stalletjiehouer om homself voor die aanvang
van die seisoen presies te vergewis waar sy stalletjie
toegeken, gelee is. Die O.E.V aanvaar hoegenaamd geen
verantwoordelikheid indien produkte op toegekende
stalletjie ruimte uitgestal, nie verkoop nie.
8. Stalletjiehouers moet enige onreelmatighede of oortreding
van reels, binne 48 uur by die O.E.V Beampte aanmeld. ‘n
Amptelike klagtevorm kan by die O.E.V mobiele kantoor
verkry en ingedien word. Die O.E.V. sal poog om die klagte
binne 36 uur op te volg en op te los.
9. Enige klagtes of onreelmatighede moet skriftelik en binne
48 uur aan die O.E.V Beampte aan diens oorhandig word.
10. Elke uitstaller is vir die higiene en netheid van sy eie
staanplek verantwoordelik. u Uitstalruimte moet elke dag
skoon agtergelaat word.
11. Die uitstaller onderneem om streng by die toegelate spasie
van sy stalletjie te hou. Oorskreiding sal in ‘n ernstige lig
beskou word.
12. Geen troeteldiere word op ‘n staanplek toegelaat nie.
13. Terugbetaalbare Deposito’s moet na die afloop van die
seisoen op ‘n datum soos deur die O.E.V Bestuur vasgestel
by die O.E.V Beampte se Mobiele Kantoor afgehaal word.
Verbeuring van Deposito’s is as volg:
• Vroeer loop as Ooreengekom of Besluit
• Oortree reels en of regulasies
• By gebrek aan enige bedrag aan die O.E.V
of Munisipaliteit verskuldig.

• Beskadiging van stalletjiegebied of O.E.V
Eiendom
• Indien Kontrakbreuk op enige stadium sou
plaasvind
• Daag later op as vasgestelde begindatum.
Die onus berus op elke stalletjiehouer om self aan die
einde van ‘n betrokke seisoen voor hy die mark verlaat by
die O.E.V se Mobiele Kantoor te rapporteer en sy deposito
aan te vra. Die datum waarop deposito’s terugbetaal sal
word, sal by die O.E.V se Mobiele Kantoor vertoon word.
Deposito’s nie sodoende aangevra nie, sal verbeur word.
Geen deposito sal na ‘n betrokke vakansieseisoen gepos of
terugbetaal word nie. Verpligte staantydreelings vir
depositodoeleindes is absoluut van toepassing.
14. STAANPLEK, ADMINISTRASIE FOOIE, LEDEGELD,
TARIEWE-ELEKTRISITEIT
Tariewe word elke seisoen hersien en is aan verandering
onderworpe.
15. Staanplekfooie word van tyd tot tyd deur die Munisipalitiet
van Mosselbaai bepaal.
16. Elke stalletjiehouer moet elke dag die volgende kan toon:
• O.E.V Id – kaart (Permanente lede)
• Deposito-strokie van inbetaling
• Dagstaanders – daaglikse kwitansie
• Kosstalletjies – Geskiktheidsertifikaar vir
voedselperseel, LP Gas installasie
sertifikaat asook 2,5kg Brandblusser
(Jaarliks getoets)
17. Onderverhuring van u stalletjie is ontoelaatbaar.
18. Indien u nie meer kan of wil handeldryf nie, gaan die
stalletjie terug na die O.E.V.
19. Indien u die reels verontagsaam mag die O.E.V u reg om
handel te dryf staak, ongeag of u ten volle betaal het.
20. Neem kennis dat u op eie verantwoordelikheid handeldryf.
Die O.E.V kan nie verantwoordelik gehou word vir enige
verliese, swak verkope van u produkte of ongure
weersomstandighede nie. Slegs produkte wat soos per
aansoek of per spesiale toestemming van die O.E.V
goedgekeur is, mag uitgestal of van u stalletjie verkoop of
afgelewer word. Geen ander items/produkte nie
goedgekeur mag verkoop of van u stalletjie aan ander
stalletjiehouers of die publiek afgelewer of verkoop word
nie. Geen bestellings vir produkte nie goedgekeur mag ook
van u stalletjie van enigiemand geneem word nie en die
O.E.V behou die reg voor om enige produk, volgens die
O.E.V se diskresie, waarvoor nie keuring toegestaan is nie,
te verwyder.
21. Geen persoon word verplig om in stormwind of reen handel
te dryf nie. Die weer in die Mosselbaai-gebied is
onvoorspelbaar. Geen terugbetaling van enige gelde sal
a.g.v. weersomstandighede oorweeg word nie.
22. Geen lid van die Vereniging of hul personeel sal ten enige
tyd vuil taal teenoor ‘n medestalletjiehouer of teen enige lid
van die publiek gebruik nie. Dissiplinere aksies sal
onmiddellik toegepas word.
23. Enige geweldpleging bv. Bakleiery, gebruik van wapens of
intimidasie teenoor mede stalletjiehouers of enige lid van
die publiek, is heeltemal ontoelaatbaar. Indien sulke
gevalle voorkom sal u onmiddellik uit die Vereninging
geskors word. Die O.E.V behou die reg voor om ‘n uitstaller
as gevolg van wangedrag of verontagsaming van reels en
regulasies, na verweer van ‘n uitstaller aangehoor is te
skors, in welke geval so ‘n stalletjie onmiddellik sonder
terugbetaling van enige gelde ontruim sal word en die
stalletjie na die O.E.V sal terugval.
24. Geen lid van die O.E.V / Personeel / Dagstaaner mag hom
skuldig maak aan die gebruik van alkoholiese drank by sy
stalletjie nie.
25. Alle strukture / waentjies moet elke aand verwyder word.
Geen uitstaller mag hoegenaamd op sy stalletjie kampeer,
slaap of oornag nie.
26. Die uitstaller of sy/ haar personeel (die uitstaller is
verantwoordelik vir die optrede van sy personeel) mag nie
‘n voertuig of voertuie voor sy stalletjie of voor ‘n ander s’n
te parkeer nie.
27. In geval van ‘n dispuut sal ‘n O.E.V Komitteebesluit of ‘n
besluit van die aangewese dagbestuur finaal wees.
28. Indien ‘n uitstaller ‘n staanplek gekry het en dit na 9
NOVEMBER 2009 kanseleer, terwyl hy alreeds daarvan in
kennis gestel is, sal hy tydens die volgende dieselfde
vakansietydperk dadelik tydens keuring laaste op die
waglys geplaas word.
29. Uitstalling by enige goedgekeurde perseel in die
Mosselbaai Munisipale distrik geskied te enige tyd op eie
risiko en nie die O.E.V of Mosselbaai Munisipaliteit aanvaar
enige verantwoordelikheid vir enige beserings, verlies of
skade nie. Die O.E.V en Mosselbaai Munisipaliteit word van
enige eise van watter aard ookal gevrywaar.
30. Elektrisiteitsvoorsiening – Elektrisiteit beskikbaar is beperk
en word nie outomaties beskikbaar gestel nie. Gebruik van
kragopwekkers is verbode. Onderverhuring van elektrisiteit
word nie toegelaat nie. Tariewe vir elektrisiteitgebruik is van
toepassing soos van tyd tot tyd deur die O.E.V Bestuur
bepaal. Die volle daaglikse tarief is van die begin tot die
einde van u staantydperk betaalbaar indien
elektrisiteitvoorsiening verlang word. Krediet sal nie vir dae
tussenin waartydens elektrisiteit nie gebruik word nie,
toegestaan word nie.
31. Geen stalletjiehouer mag buite die grense van sy stalletjie
aan hom toegeken van sy goedgekeurde produkte
verhandel nie. Niemand mag mense (personeel) uitstuur
om rond te loop om hul produkte te verhandel nie. Alle
handeldryf mag net van ‘n goedgekeurde stalletjieperseel
geskied.
32. Niemand mag ‘n voertuig op sy stalletjie (koswaentjies) of
sy stalletjie vir ‘n lang tydperk sonder toesig laat sonder dat
die O.E.V beampte nie daarvan in kennis gestel is en hy/sy
dit goedgekeur het nie. Die O.E.V beampte kan beslis
wanneer ‘n stalletjie nie gebruik word nie of in onbruik
verval het. In so geval kan die O.E.V beampte die stalletjie
terugneem en dit aan ‘n ander goedgekeurde
belangstellende verhuur.
33. Elkeen moet te alle tye op sy goedgekeurde stalletjieruimte
bly. Niemand mag sonder toestemming van die O.E.V
beampte na ‘n ander stalletjie skuif of stalletjieruimte met ‘n
ander stalletjiehouer ruil nie.
34. Die O.E.V beampte in plek vir ‘n sekere tydperk is die
O.E.V se Bestuurder vir die tydperk. Hy bestuur die mark.
Sy opdragte moet uitgevoer en gerespekteur word.
35. Kosstalletjies (roomys ens.) moet verseker dat al die
nodige geldige sertifikate, brandblusser ens. in plek is
anders mag ‘n stalletjie nie beset word nie.
36. Slegs die goedgekeurde aansoeker / stalletjiehouer en / of
sy personeel mag ‘n stalletjie beset.
37. Buite seisoen: Stalletjieruimte beskikbaar word deur
Mosselbaai Munisipaliteit se Verteenwoordiger toegeken,
hanteer, gekontrolleer en bestuur. Alle reelings behalwe
elektrisiteitvoorsiening moet met Mosselbaai Munisipaliteit
getref word. Besluite deur die Munisipaliteit is finaal.
Elektrisiteitvoorsiening indien van toepassing word deur die
O.E.V bestuur.

Aansluitend en addisioneel tot bogenoemde Reels en
Regulasies – Veral ten opsigte van alle tipe
kosstalletjies, roomysverkooppunte ens.
GESONDHEIDS EN BRANDWEERREGULASIES ASOOK
HIGIENE
1. Die voorbereider, voedselhanteerder moet poog om
oorklere, ‘n hoofbedekking en handskoene te dra.
Aangesien dit nie altyd prakties is nie, sal skoon klere
aanvaar word.
2. ‘n Waskom of emmer met skoon seperige water moet altyd
byderhand en op hande wees.
3. ‘n Houer vir die wegdoen van vuil water is noodsaaklik (bv.
25 liter olie kan). Moet beskikbaar wees.
4. Wegdoenbare handdoeke of skoon vadoeke moet gebruik
word.
5. Vullishouers moet gebruik word. Swart sakke is altyd by die
O.E.V. mobiele kantoor beskikbaar.
6. Verkoeling vir bederfbare voedsel (cool box) moet
beskikbaar wees.
7. Stofdigtehouers vir voedsel moet beskikbaar wees.
8. ‘n Ondeurdringbare werksoppervlakte, bv. vlekvrye staal
moet beskikbaar wees.
9. ‘n Sambreel Gazebo om son weg te hou moet beskikbaar
wees.
10. Moet naby publieke/privaat toiletgeriewe wees.
11. Handel mag net gedryf word op spesifieke terreine wat
deur die Munisipaliteit van Mosselbaai goedgekeur en
geindentifiseer is. Alle sypaadjies in die sentrale sakesone
is uitgesluit.
12. Terrein - verkieslik geplavei, geteer op grasoppervlakte.
Daar kan partykeer net grond of ‘n gruisoppervlakte wees.
Daar moet dan sorgvuldige maatreels teen stof geneem
word. As daar olie gemors word, moet die gebied so gou as
moontlik behoorlik skoongemaak word.
13. Bakteriologiese standaarde van nie meer as 100 000 org
vir voedsel moet gehandhaaf word.
14. Werksoppervlakte 100 per cm2.
15. Geen beskadigde hande (Snye), werksoppervlakte of
voedsel mag van toepassing wees nie. Siek persone
(Hoes/Nies/Neusloop ens.) mag nie voedsel voorberei of in
‘n kosstalletjie (Roomys ens.) aanwesig wees nie.
16. Lisensie sal onvoorwaardelik ingetrek word by die tweede
agtereenvolgende monsters wat nie aan die genoemde
standaarde voldoen nie.
17. Soveel voorbereiding moontlik moet by die stalletjieperseel
onderneem word. Dit kan ook by 'n privaatwoning
plaasvind.
18. Souse moet in toe houers wees.
19. Hoogs bederfbare produkte soos room is nie sonder
koelkasfasiliteite op hande toelaatbaar nie.
20. Geen oop vure van enige aard word by enige
goedgekeurde handelsgebied toegelaat nie. Geen
uitsonderings.
21. Bereiding van voedsel op gastoestelle bv. braaiskottels, is
nie buite die koswaentjie toelaatbaar nie. Geen kos mag in
‘n gazebo gaargemaak word nie.
22. Geen troeteldiere word in koswaentjies of waar kos
voorberei word, toegelaat nie.
23. 'n Geldige lisensie om besigheid te bedryf moet te alle tye
op die stalletjieperseel byderhand wees. Hierdie lisensie
moet vir die Mosselbaai Munisipale gebied geld.
24. Die Gesondheidsdepartement en Brandweer kan te enige
tyd ‘n onverwagte inspeksie uitvoer.
25. Daar sal aan die begin van elke vakansietydperk 'n
inspeksie deur die Brandweer en Gesondheidsdepartement
gedoen word.
26. Brandblussers. Minstens 'n 2,5kg koolsuurgas of 'n droe
chemikalie-tipe moet te alle tye op die stalletjie byderhand
wees. Die Brandweer beveel ‘n koolsuurgas brandblusser
aan maar aanvaar enige van die twee tipes.
27. Alle gasbottels moet na donker buite sig gebêre word. Een
by 19 kg. of twee 9 kg gasbottels word toegelaat.
28. Geen kragopwekkers van enige aard word by enige
handelsgebied toegelaat nie.
29. Elke stalletjiehouer moet reuke van sy stalletjie afkomstig
onder beheer hou. Dit mag nie steurend vir bure wees nie.
30. Vuil skottelgoed mag onder geen omstandighede in ATKV
badkamers gewas word nie. Water mag ook nie by hulle
badkamers gehaal word nie. Daar moet verantwoordelik
van vuil water ontslae geraak word.
31. Kos mag nie buite die goedgekeurde handelsgebied
voorberei word nie.
32. Koswaentjies (Roomys ingesluit) met alle toebehore daarin
(ook werkoppervlaktes) moet gereeld ontsmet en
skoongemaak word. In belang van die ondersteunende
publiek kan enige kosstalletjiie (roomys ens.) deur die
Gesondheidsdepartement vir besigheid gesluit word: indien
onhigieniese toestande teenwoordig is.
33. Die gebied om u stalletjie of waentjie moet na elke
handelsdag skoon agtergelaat word. Enige gemorsde kos,
papiere, blikke, sigaretstompies, ens. moet opgetel en
weggegooi word.