Download - CHC Homework
Download - CHC Homework
Download - CHC Homework
You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
NASIONALE SENIORSERTIFIKAAT: AFRIKAANS EERSTE ADDISIONELE TAAL: VRAESTEL I Bladsy 4 van 16<br />
VRAAG 2<br />
Lees die onderstaande artikel en beantwoord dan die vrae wat volg.<br />
IEB Copyright © 2010<br />
MILA DIE REDDER<br />
1 Toe Yang Yun in 'n akwarium krampe kry en sink, het 'n walvis soos blits haar lewe gered.<br />
2 Hierdie verstommende daad het mense wêreldwyd aan die hart gegryp – en met rede, want<br />
dis nie aldag dat 'n mens sien hoe 'n walvis 'n duiker se lewe red nie.<br />
3 Sedert dié heldedaad is die naam van Mila, 'n witwalvis in 'n akwarium in Harbin, China, op<br />
almal se lippe. Orals op die Internet is daar foto's wat wys hoe dié witwalvis met die duiker<br />
swem om haar van verdrinking te red.<br />
4 Die drama het begin net nadat 'n vryduik-kompetisie in die akwarium in die temapark in<br />
Harbin Polar Land begin het. Yang Yun, 'n 26-jarige duiker, het ook deelgeneem in die<br />
hoop om 'n werk by die akwarium te kry om walvisse op te lei.<br />
5 Die opdrag was eenvoudig: Die sewe deelnemers moes sonder 'n duiklong so diep<br />
moontlik in die tenk van 6 meter duik terwyl walvisse onder hulle rondswem. Die persoon<br />
wat die diepste duik en die langste onder die water kon bly, sou die wenner wees.<br />
6 Toe dit Yang se beurt was, het alles goed verloop totdat sy 4 meter onder die oppervlak<br />
was. Op dié diepte het sy skielik besef sy is in die moeilikheid. Die ysige water het krampe<br />
in haar bene veroorsaak, maar toe sy wou omdraai en terugswem boontoe, wou haar bene<br />
nie meer saamspeel nie. En teen dié tyd was haar asemnood baie hoog.<br />
7 Yang het begin stik en nog laer in die tenk afgesak. "Ek het gedink dis verby. Tot ek 'n<br />
ongelooflike krag onder my gevoel het wat my na die oppervlak geneem het," vertel sy. Dié<br />
'krag' was Mila, een van die akwarium se witwalvisse. Mila het besef Yun het hulp nodig,<br />
toe neem sy die duiker se been in haar bek en swem met haar na die oppervlak waar sy<br />
lug kon kry. Dié soort walvis het gelukkig klein tandjies en Yang is dus nie beseer nie.<br />
8 Later, toe Yang heeltemal herstel het, het sy weer in die tenk geduik as 'n gebaar van<br />
dankbaarheid teenoor die gehoor vir hul steun en veral teenoor Mila.<br />
[Verkort uit: Huisgenoot, 27 Augustus 2009]