You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
opgewonde daaroor dat ons <strong>sekerheid</strong> daarin lê dat ons glo in Jesus Christus.<br />
En dié geloof is nie maar net ’n teorie nie. O nee, dit word sigbaar in die<br />
liefde. Dit is ons liefhê vir mekaar wat God se bedoeling vir sy wêreld sigbaar<br />
maak. Jesus het soos ons kom word voor sy Vader sodat ons soos Hy kon<br />
word voor ons Vader!<br />
1 Johannes gee beide uitsig en insig. Die uitsig bestaan daarin dat ons<br />
terugkyk en die leë graf sien, en vorentoe kyk en die berg Sion sien waar die<br />
144 000 die Lied van die Lam sing. Dit gee ook aan ons daaglikse insig om<br />
met groter, dieper en absolute liefde te leef. Wanneer ons geleer het om só lief<br />
te hê, kom ons baie naby aan God. Deur geloof vat ons aan Hom.<br />
Die eerste Johannesbrief wil ons laat leef wat ons in Jesus Christus geword<br />
het. En dan leef ons in blydskap omdat daar vir ons niks groter is as die<br />
saamwees met Christus, die Gasheer, in die 1 Johannes-huis nie.<br />
Het ons hier te doen met ’n brief of ’n preek?<br />
Indien ’n mens weet met watter soort geskrif ons in 1 Johannes te doen het,<br />
is dit ook makliker om te bepaal hoe ons dit moet lees. ’n Mens lees tog ’n<br />
klein advertensie anders as ’n doodsberig in ’n koerant, of ’n gedig anders as<br />
’n berig oor ’n noodlanding van ’n vliegtuig.<br />
Alhoewel 1 Johannes besonder persoonlike trekke vertoon, is dit nie ’n tipiese<br />
brief volgens die Griekse en Romeinse skryfstyl nie. ’n Briefaanhef met<br />
die ge bruik like naam van die afsender, ontvanger(-s) en groet ontbreek. Dit<br />
het ook nie die tipiese afsluiting nie. En tog maak 1 Johannes in die Griekse<br />
grondteks dertien keer mel ding van “skryf” en 22 keer van “aan julle”<br />
wanneer hy met die ontvangers kommunikeer.<br />
Dit laat ons besluit dat 1 Johannes tog ’n persoonlike en intieme trant het.<br />
Om soos sommige aan 1 Johannes te dink as ’n algemene, universele godsdienstige<br />
referaat (Windisch), laat nie reg geskied aan die persoonlike aard<br />
daarvan nie. Daar is eerder sprake van ’n besondere situasie waarin die lesers<br />
hulle bevind (1 Joh. 2:19), met ’n skeuring wat plaasgevind het na aanleiding<br />
van wat hulle geglo en bely het. Ander het weer aan 1 Johannes gedink as<br />
’n algemene, letterkundige epistel of redevoering wat gerig is aan ’n groep<br />
gemeentes (Gaugler), net soos die brief aan die Efesiërs. ’n Mens kry egter<br />
die indruk uit 1 Johannes self dat die skrywer en eerste lesers in ’n besondere<br />
verhouding met mekaar staan. Dit is die intimiteit wat die lees van 1 Johannes<br />
meer as ’n fees maak.<br />
JAN DU RAND 11
Change language