notule van 'n spesiale vergadering van boland wedvlugduiwe ...

NOTULE VAN ‘N SPESIALE VERGADERING VAN BOLAND
WEDVLUGDUIWE VERVOER TRUST WAT GEHOU IS OP SATERDAG 08
DESEMBER 2012 TE UITVLUGT GASTEHUIS WORCESTER OM 09H00.
1. Verwelkoming
Die voorsitter, Paul de Wet heet almal welkom op die vergadering en
Andrè Theron open met gebed.
2. Verskonings en register
Geen verskonings. Elke unie is verteenwoordig deur 2 stemgeregtigdes nl.
NBHU – Erik van Zyl en Albert Lingenvelder
OPU - Danie Gilliomee en Andre Steenkamp
WBU - Andrè Theron en Gerhard Steenkamp.
Wynland – Willem Rossouw en Frans Viljoen.
Die ander lede teenwoordig is ook toegelaat om insette te lewer.
3. Byvoegings
a) Finansies
b) Kilometers na loslaatpunte
c) Dopesertifikate
4. Goedkeuring van vorige notules
Beide die laaste twee notules word goedgekeur en geteken.
Voorgestel Albert Lingenvelder en sekondeer Willem Rossouw.
5. Sake uit die notule
a) Toets van duiwe:(Antwoord op Byvoegings punt 3 ) Die voorsitter stel dit
weereens duidelik dat elke unie op die vervoertrust verplig is om ten minste
een lid se duiwe te laat toets per seisoen; soos deur die SANPO grondwet
bepaal; en’n afskrif van die sertifikaat moet dan die trok vergesel op elke
wedvlug.
6+7. Begeleier en wedvlugsekretaris verslag
Ronnie Esterhuisen word gevra om die Begeleier se verslag te behandel.
# Volgens oom Dana is die Strydenburg loslaatpunt baie moeilik en daar sal
gekyk moet word na’n meer geskikte plek.
# Volgens oom Dana is daar genoeg water op die trok vir die volle duur van die
toer.( Antwoord op WBU se punt 12 )
# Ronnie bedank ook vir Willem Rossouw vir die mielies wat hy by die trok
besorg.
# Oom Dana vra dat die boonste “levers“ op die trok verleng moet word
aangesien hulle sukkel om daar by te kom.
# Verder berig hy dat hulle bykans geen probleme met pogings om duiwe te steel
gehad het nie.
# Oom Dana bedank die bestuur en veral Ronnie Esterhuisen vir die goeie
kommunikasie deur die seisoen.

# Die aparte loslatings skep blykbaar probleme aangesien die duiwe baie vladder
in die mandjies as ander losgelaat word.
# Die loslatingsverslae wat die voorsitter ontvang het is oor die algemeen baie
gunstig en bykans geen duiwe gaan gedurende die loslatings grond toe nie.
# Die sms- stelsel het ook goed gewerk en vanaf die 2013 seisoen gaan daar geen
telefoon diens deur Ronnie Esterhuisen wees nie.
8. 8.1)Loslaat van duiwe (levers)
Allie Kotze van Noord Boland trek diè punt terug.
8.2) Herstelwerk
Johannes sal die sleepwaens deurgaan en klein herstelwerkies doen. Daar is
blykbaar heelwat krake in die raamwerk.
Een band vir die spaarwiel moet aangekoop word.
8.3 Kontrakteur se verslag
# Op navraag deel die kontrakteur die vergadering mee dat hy hulpvaardig is met
die versorging van die duiwe en die oopknip van die mandjies.
# Hy ry ook self elke naweek met die duiwe na die loslaatpunte.
# Hy gee ook die vergadering die versekering dat alle loslatings sonder probleme
verloop het.
# Hulle laat ook vanjaar die “Katwalks“ langs die kante van die trok sak.
# Hy voel ook dat ons op Strydenburg ’n ander loslaatpunt kry.
Victoria Wes en Bloemhof se loslatingspunte gee ook tot’n mindere mate
probleme. Die bestuur sal dit opvolg.
# Johannes deel die vergadering mee dat daar geen kosteverskil sal wees as ons
net die een wa sleep nie.
# Hy het ’n logboek met elke wedvlugpunt se presiese padkilometers.
(Antwoord op Byvoegings Punt 3 )
# Hy vra ook toestemming om nog’n slaapplek agter die watertenk te maak,
aangesien die spasie te min is vir twee mense om in die kop te slaap. Dit word
so goedgekeur.
# Johannes sal ook die wa se bande toemaak vir die son.
# Hy sal ook probeer om borge te kry om die onderste gate met deure toe te maak.
# Daar moet gekyk word na kettings op die mandjies wat te lank is, dit skep
probleme. Stickers moet weer in die toekoms op die mandjies geplak word wat
probleme gee.
# Op navraag deel Johannes die vergadering mee dat hy vir ons teen die selfde
tarief op die N7 sal ry as op die N1/N12 roete.
9. OBU aandele kwessie
Dit sal in diepte op die jaarvergadering bespreek word. Op diè staduim bly dit
soos dit is ,veral aangesien daar gerugte die rondte doen dat van hulle klubs weer
van ons vervoer gebruik wil maak.

10. Koste van oefen mandjies
Die beskikbaarheid van oefenmandjies sal onderhewig wees aan die beskikbare
gate op die trok nadat die wedvlugmandjiegetalle bekend is. Die prys sal
R1000.00 per mandjie wees.
11. Beskadiging van mandjies
Op versoek van Gerhard Steenkamp van WBU sal die bestuur meer klem lê op die
oorlaai en hantering van mandjies.
12. Genoeg water
Op versoek van WBU – Klaar behandel.
Die voorsitter bedank Mnr.Giel van Scalkwyk wat elke week sorg dat die
watertenk volgemaak word.
Gerhard Steenkamp vra ook dat die tenk voor die seisoen ontsmet moet word.
Die wedvlugsekretaris sal aandag gee daaraan.
13. Subsidies / Fondsinsameling
Daar is verskeie voorstelle en opinies oor moontlike fondsinsamelings projekte.
Op voorstel van Erik van Zyl moet die oefenmandjies se inkomste afgetrek word
van die totale begroting(subvervoer ingesluit). Diè bedrag moet dan deur die
totale hoeveelheid wedvlugmandjies op die trok gedeel word, sodat alle unies
dieselfde betaal. Die voorstel word eenparig aanvaar.
Daar word ook besluit om ’n vaste bedrag per kilometer vir alle subtransport te
betaal, aangesien die prys per kilometer tussen die kontrakteurs heelwat verskil.
As die subvervoer kwotasie dan meer is as die subsidie is moet die betrokke unie
self die verskil opbetaal.
12 Finansies
Die tessourier, Bennie Wiggins, word aan die woord gestel om die finansies te
bespreek. (sien aanhangsel A )
Oor die algemeen lyk die finansies baie goed .Daar word besluit om vir John
Falck opdrag te gee om’n driepoot vir die videokamera te koop, sodat al die
loslatings op You Tube beskikbaar sal wees.
Bennie Wiggins vra ook dat unies hulle subvervoer rekeninge self hanteer en as’n
eenmalige eis indien. Op hierdie staduim kry hy aparte rekeninge vanaf klubs wat
soms verwarrend is.

15 Wedvlugprogram
a) Ander invalshoek (N7) JA of NEE
NBHU 2 stemme JA
WBU 2 stemme JA
OPU 2 stemme JA
Wynland 2 stemme NEE
Die voorstel om ook sekere vlugte op die Weskus roete te vlieg word
AANVAAR.
b) Hoeveelheid vlugte op N7
Daar word op 3 vlugte besluit nl. Van Ryhnsdorp, Springbok en Steinkoff.
c) Wedvlugprogram
( Sien aanhangsel B )
Unies kan self besluit op watter vlugte hulle wil dubbelvlugte vlieg. Die
voorsitter vra net dat daar so ver moontlik gepoog moet word om die jongduiwe
van die onderskeie unies saam te los.
Die JO duiwe sal eerste gelos word en’n halfuur later die ope duiwe.
Danie Gilliomee van OPU vra of hulle’n vergunning in die verband kan kry op
die langer vlugte. Dit word toegestaan.
Daar word ook eenparig besluit dat diè wedvlugprogram slegs vir die 2013
seisoen van krag sal wees.
Die bestuur sal op’n later stadium deurgee watter kleure elke loslating se
mandjies geverf moet word.
16 Sampo terugvoering
Die voorsitter gee terugvoering van die belangrikste punte wat op die afgelope
SANPO vergadering bespreek is.( Sien aanhangsel C )
Unies moet asb.voor einde Januarie voorstelle indien vir ’n SANPO
verteenwoordiger en 2 Sekundes. Voorstelle kan aan die vervoertrust sekretaris
gerig word.
17 Algemeen
Daar word eenparig besluit om Johannes se vervoerkwotasie vir die nuwe seisoen
voorkeur te gee, aangesien daar’n behoefte bestaan vir’n langtermyn kontrak.
Die feit dat Oom Dana oud is en die drywer hom help met die versorging v.d.
duiwe tel ook in sy guns.
18 Datum van jaarvergadering
Die datum vir die Algemene Jaarvergadering word vasgestel op Saterdag 16
Maart 2013. Unies word gevra om die datum vroegtydig deur te gee tot op
klubvlak, sodat lede hul program rondom dit kan reël.
19 Vergadering verdaag