17 Februarie 2013 - cachetstudente.co.za

BLADSY 2
DOPPER CHOPPER
Die Jode het die Ou Testament die Skrifte genoem. Dikwels word daar in die Nuwe
Testament na die Skrifte verwys wat getuig van die koms en werk van Jesus as die
Christus. In die teksgedeelte lees ons juis hoedat Paulus die Jode vanuit die Skrifte
geleer het dat Jesus die Christus is en hoedat hulle die Skrifte ook ondersoek het. In
hierdie benaming, die Skrifte, sit daar meer as wat ons dalk dink. Dis die Woord van
God wat neergeskryf is. God wou sy Woord laat neerskryf. Trouens, Hy was die
eerste Een wat sy Woord neergeskryf het. Die Nuwe Testament het natuurlik ook
deel geword van die Skrifte en tesame vorm dit die Bybel, wat boeke beteken.
Weereens, die besondere openbaring van God is in boekvorm vir ons gegee. Daarom
noem ons die Bybel ook die Heilige Skrif. Die feit dat die Woord van God
neergeskryf wys vir ons Wie God is, hoe sy verbond met ons werk en wat ons
verantwoordelikhede binne hierdie verbond is. In die prediking vanaand, wil ons
ondersoek doen oor waarom God sy Woord vir ons laat neerskryf het.
KOLLEKTE:
Spesiale kollekte gaan vandag vir die GKSA Sustentasie en onder die diens vir die
Diakonale kas.
LIEF EN LEED
Ons dink vandag in ons gebede aan Kenneth. Hy het die afgelope week
longontsteking gehad, maar is darem nou al beter. Klein Abigail is ook siek.
ONTHOU:
Tannie Elsa Venter, wat in ons kantoor werk verjaar more. Baie geluk Tannie en baie
dankie vir al jou vriendelikheid, dierbaarheid en harde werk.
DATUMS
24 Februarie die Breë Kerkraad vergader na die aanddiens - dus volgende Son.
17 Maart is dit Nagmaal tydens die aanddiens
TEE SKINK
Baie dankie aan Wag-n-Bietjie en Filadelfia wat verlede Sondagaand tee geskink het.
Vanaand is dit Heide se beurt en volgende Sondag Karlien.
VLEI MY
Daar by die Vlei, daar het ons lekker gekuier gekry! Baie dankie aan almal wat op
getrek het vlei toe om ons Filadelfia, Roos en Ridder aand te ondersteun. Carla Roets
was die meesterbrein agter die aand en almal op die bestuur het met groot vreugde
hulle kant gebring. Baie dankie.
SUSTERSAAMTREK: 9 MAART 2013
Vandag is die laaste kans wat jy het om te antwoord op die uitnodiging na die
sustersaamtrek van 9 Maart 2013 by die Bult gemeente. Die koste is R90