05.09.2013 Views

BEWAARHEID JOU DROME

BEWAARHEID JOU DROME

BEWAARHEID JOU DROME

SHOW MORE
SHOW LESS

You also want an ePaper? Increase the reach of your titles

YUMPU automatically turns print PDFs into web optimized ePapers that Google loves.

<strong>BEWAARHEID</strong><br />

<strong>JOU</strong> <strong>DROME</strong><br />

2011 Graad 12-leerders:<br />

Hierdie is julle geleentheid om julle drome te bewaarheid<br />

Graad 12 is ‘n uitdagende en veeleisende jaar vir leerders. Jy het bykomende ondersteuning en<br />

goeie raad nodig. Hierdie boekie poog om huidige graad 12-leerders te motiveer en aan te moedig<br />

deurdat hulle die suksesverhale lees van sommige van die leerders wat goed gevaar het in die<br />

Nasionale Senior Sertifikaat-eksamen. Hierdie leerders deel hulle verhale mee deur eers hulle<br />

agtergronde en die strategieë wat hulle gebruik het om goeie uitslae te verseker, te skets, en dan<br />

woorde van bemoediging en motivering te voorsien.<br />

Daar word vertrou dat wanneer huidige graad 12-leerders die verhale van hierdie suksesvolle NSSkandidate<br />

lees, hulle aangemoedig en oortuig sal word dat, ongeag hulle omstandighede en die<br />

uitdagings wat hulle in die gesig staar, hulle sukses kan behaal as hulle harder en slimmer werk.<br />

Leerders wat bygedra het tot hierdie boekie het hulle verhale vertel op maniere wat hulle die beste<br />

gepas het. Elkeen het die taal en skryfstyl van sy of haar keuse gebruik. Al die verhale is in Engels<br />

geskryf en deur die Wes-Kaap Onderwysdepartement in Afrikaans vertaal.<br />

11


Nabeelah<br />

Harris<br />

My naam is Nabeelah<br />

Harris. Ek woon in<br />

Crawford, Kaapstad. My<br />

skoolloopbaan het by<br />

Thorntonweg Primêre<br />

Skool naby my huis<br />

begin. Baie van dié<br />

skool se leerders was<br />

inwoners van kinderhuise of het in ander moeilike<br />

omstandighede gewoon.<br />

Omdat ek niemand geken het wat aan ‘n universiteit<br />

studeer het nie, het ek onder die indruk verkeer dat<br />

universiteitstudie ‘n vae droom is wat net bewaarheid<br />

word vir mense wat die “regte” skole bywoon en wie<br />

se ouers “regte” werk doen. Eers na tien jaar in my<br />

skoolloopbaan en twee skole later het ek besef dat dit<br />

nie die geval is nie.<br />

Ek het in 2008 aan die Kaapse Akademie vir<br />

Wiskunde, Wetenskap en Tegnologie begin skoolgaan.<br />

Alhewel ek altyd ‘n toegewyde leerder was, glo ek<br />

dat dit by dié skool is waar ek regtig begin werk het<br />

om die 8 onderskeidings aan die einde van Graad<br />

12 te behaal. Dit was hier waar ek my potensiaal<br />

verwesenlik het. Daarom wil ek almal by die Kaapse<br />

Akademie (CAMST) bedank vir die feit dat hulle altyd<br />

hul beste gelewer het sodat elke leerder kan vorder:<br />

die prinsipaal, onderwysers en die koshuispersoneel.<br />

Hulle het werklik die grondslag vir my prestasies gelê.<br />

My sukses in 2010 is gebaseer op baie dinge, vanaf<br />

toegewyde onderwysers en ouers tot my persoonlike<br />

ambisie om iets groots te bereik. Met dit in gedagte<br />

wil ek elke Graad 12 leerder van 2011 en daarna<br />

aanmoedig om elke geleentheid om aan hul toekoms<br />

te bou, te benut. In Graad 12 is dit net so belangrik<br />

om jou houding te verander as om gereeld te studeer.<br />

As jou ingesteldheid reg is, sal jy die spanningsvolle<br />

tye in matriek kan oorkom.<br />

Graad 12 word tereg die mees uitdagende jaar in<br />

enige een se skoolloopbaan genoem. Dit beteken<br />

egter nie dat dit onmoontlik is om te slaag, en goed<br />

te slaag, nie. Jou matriek “wedstrydplan” behoort<br />

die volgende aspekte in te sluit: bly elke dag vanaf<br />

dag een in elke vak op koers met jou werk; aanvaar<br />

verantwoordelikheid vir jou eie opvoeding; lees<br />

vooruit, studeer en maak seker jy verstaan presies<br />

wat jy moet ken. Moenie vir andere wag om vir jou<br />

te sê wat om te doen nie. Onsekerhede kan uit die<br />

weg geruim word deur die eksamenriglyne te lees en<br />

vorige vraestelle uit te werk – hierdie bronne is op die<br />

internet en by jou onderwysers beskikbaar.<br />

In Graad 12 is daar nie net die uitdaging om die<br />

eksamen te slaag nie. Daar is die verdere uitdaging<br />

om toelating te kry tot die inrigting van jou keuse<br />

12<br />

en om ‘n beurs te kry. Dit is baie belangrik dat jy<br />

vroegtydig aansoek doen. Maak seker jy lê al die<br />

toelatingstoetse af en lewer al die vereiste dokumente<br />

betyds in.<br />

Aan al die graad 12’s van 2011: sterkte met die<br />

eksamen. Wees bereid om opofferings te maak, pak<br />

uitdagings aan en glo in jou vermoë, juis wanneer<br />

jy wil twyfel. Jy moet weet wanneer om te rus en<br />

wanneer nie. Hierdie jaar is jou geleentheid om<br />

rigting aan jou lewe te gee. Gryp dit met passie aan<br />

en jy sal nooit spyt wees nie.<br />

Tyrone van<br />

Balla<br />

Daar word dikwels<br />

gesê dat die lewe met ‘n<br />

interessante reis vergelyk<br />

kan word. Soos ‘n reis<br />

omweë, hoë pieke en<br />

diep valleie kan insluit,<br />

bestaan die lewe ook uit<br />

onvoorsiene gebeure,<br />

geleenthede, hoogtepunte en laagtepunte.<br />

Matriek is dieselfde – die onverwagte gebeur, daar is<br />

baie geleenthede, oomblikke wat jy nooit sal vergeet<br />

nie. Voeg daarby die hope druk en verwagtinge en<br />

Matriek kan ‘n veeleisende reis wees. Maar soos enige<br />

reis hang jou eindbestemming af van die manier<br />

waarop jy die reis aanpak.<br />

My naam is Tyrone van Balla. Ek is 18 jaar oud en is ‘n<br />

eerstejaarstudent in Elektriese Ingenieurswese aan die<br />

Universiteit Kaapstad. Ek het my hoërskoolloopbaan<br />

aan Hoërskool South Peninsula met 8<br />

vakonderskeidings voltooi. Ten spyte van die feit dat<br />

SPHS as ‘n histories benadeelde skool beskou word,<br />

het ek nie vir een oomblik getwyfel aan die soort<br />

onderwys wat ek daar sou ontvang nie. SPHS is oor<br />

die jare bekend daarvoor dat hulle uitstekende uitslae<br />

lewer ten spyte van die skool se omstandighede.<br />

Gedurende my matriekjaar het ek saam met my<br />

ouers, ‘n jonger broer en my ouma gewoon.<br />

My pa, wat sy eie onderneming bedryf, was die<br />

enigste broodwinner van die gesin. Die eienskappe<br />

wat ek vandag het, is reeds van jongs af by my<br />

ingeprent. Niks is ooit aan my gegee nie. Ek is altyd<br />

aangemoedig om hard te werk vir dit wat ek wil<br />

hê. Ek is ook geleer om mense te respekteer en om<br />

behulpsaam en betroubaar te wees.<br />

Ek het nog altyd oor motivering beskik. Die groot<br />

dryfkrag in my lewe was my begeerte om te presteer<br />

en my beste te lewer. Ek het ook geweet dat, gegewe<br />

my huislike omstandighede, ek ‘n beurs sou moet<br />

kry as ek verder wil studeer. Dit het my gedryf om<br />

nog harder te werk. Die ander belangrike faktor in<br />

my motivering was my begeerte om my godgegewe


talente ten volle te gebruik.<br />

Matriek was die beste jaar van my skoolloopbaan.<br />

Daar was baie uitdagings en geleenthede, maar<br />

dit was ook spanningsvol. Ek het hééltyd die druk<br />

gevoel. Een ding wat ek by enige matrikulant kan<br />

aanbeveel, is ‘n goeie ondersteuningstelsel. Vriende<br />

en familie is hierdie jaar van kardinale belang, want<br />

hulle sal jou laat voortgaan as dinge moeilik lyk. Ook<br />

bly hulle in jou glo, selfs al twyfel jy soms.<br />

Aan mense wat vra hoe ek sulke goeie uitslae kon<br />

behaal, gee ek altyd dieselfde antwoord: Deur harde<br />

werk. Daar is net nie ‘n plaasvervanger daarvoor nie.<br />

Dit is belangrik dat jy in matriek van die begin af werk.<br />

Dit sal verseker dat jy deeglik voorbereid is wanneer<br />

die eindeksamen aanbreek.<br />

‘n Ander belangrike rede vir my sukses is die<br />

toegewyde onderwysers wat ek gehad het. Hulle<br />

was altyd bereid om te help en my aan te moedig om<br />

beter te doen. ‘n Mens moet opofferinge maak, maar<br />

dit is maklik as jy besef dat jy dit vir jouself doen en<br />

vir niemand anders nie. Ek het my naweke en baie<br />

vrye tyd opgeoffer om ekstra klasse by te woon, maar<br />

wanneer ek sien wat ek bereik het, weet ek dat ek die<br />

regte keuse gemaak het.<br />

Opoffering soos om minder met jou vriende uit<br />

te hang en minder vermaak is belangrik, maar dit is<br />

amper belangriker om ‘n gebalanseerde leefstyl te hê.<br />

Ek het my matriekjaar geniet omdat ek oral betrokke<br />

was, net om ‘n bietjie te ontspan. Ek het nog steeds<br />

my stokperdjies geniet, maar ek het geweet wanneer<br />

dit tyd was om ernstig te wees.<br />

Om eerlik te wees, matriek is nie moeilik nie. As<br />

jy weet wat jy wil hê en wat dit gaan kos om dit te<br />

bereik, hang dit van jou af om te besluit of jy bereid<br />

is om ekstra moeite te doen. Stel regdeur die jaar<br />

doelwitte vir jouself en bly gefokus. Vra hulp sodra<br />

jy dit nodig het. Omring jou met positiewe mense.<br />

Moenie ophou droom nie, al lyk jou drome hóé<br />

vergesog. Onthou: harde werk word ALTYD beloon.<br />

Alles van die beste en onthou: sukses is die<br />

somtotaal van klein pogings wat elke dag herhaal<br />

word!<br />

Sheryl Rajpaul<br />

MOENIE<br />

PANIEKBEVANGE RAAK<br />

NIE.<br />

Dit is die eerste ding<br />

waaraan ek gedink het<br />

toe ek gevra is om raad<br />

aan die toekomstioge<br />

matrikulante te gee. Daar<br />

word so ‘n bohaai oor die<br />

matriekeindeksamen gemaak dat dit vreesaanjaend<br />

kan wees. Ja, almal werk vir die eindeksamen, maar dit<br />

13<br />

baat nie jy gaan jou oor ‘n mik leer en vergeet om die<br />

laaste skooljaar te geniet nie!<br />

Natuurlik sê ek nie dat jy nie dwarsdeur die jaar<br />

moet werk nie. Ek glo egter balans is belangrik.<br />

Konstante werk sowel as tyd vir oefening, vriende<br />

en familie sal sukses verseker. Hou dít hierdie jaar in<br />

gedagte. Indien wel, sal jy die eindeksamen met baie<br />

meer selfvertroue tegemoetgaan.<br />

Wanneer jy eksamen skryf, is dit belangrik om<br />

‘n studierooster te hê waarby jy kan hou. As jy die<br />

studierooster opstel, moet jy dink aan watter tyd jy<br />

op jou beste leer, wat realisties is en watter vakke<br />

die meeste aandag nodig het. Tweedens moet<br />

jy jou rustye versigtig beplan – as jy dit nie doen<br />

nie, kan die rustye te lank raak en jou hele dag in<br />

beslag neem. Die belangrikste is om te sorg dat jy<br />

doeltreffend studeer. Vakke soos Wiskunde en Fisiese<br />

Wetenskappe leer ‘n mens byvoorbeeld die beste<br />

deur te oefen, terwyl jy in ‘n vak soos Geskiedenis baie<br />

meer memorisering moet doen.<br />

Behalwe dit wat ek so pas gesê het, is daar eintlik<br />

nie ‘n geheime bestanddeel vir sukses nie (In elk geval<br />

nie een waarvan ek weet nie!). Ek was gelukkig om<br />

uit ‘n bevoorregte agtergrond te kom: my gesin en<br />

vriende ondersteun my baie en ek het aan Westerford<br />

Hoërskool skoolgegaan waar ek deur baie talentvolle<br />

en inspirerende onderwysers onderrig is. Dit alleen<br />

was egter nie genoeg om sukses te verseker nie. Ek<br />

moes nog steeds konstant werk en dissipline aan die<br />

dag lê. Glo my, dan kán jy jou drome verwesenlik.<br />

Alles van die beste! Ek hoop die jaar gaan fantasties<br />

wees en dat jy al jou drome sal verwesenlik.<br />

Ruach Pillay<br />

Slayen<br />

Samuel Langhorne<br />

Clemens, beter bekend<br />

as Mark Twain, het<br />

eenkeer gesê: “Ek het<br />

nooit toegelaat dat<br />

skoolgaan met my<br />

opvoeding inmeng nie.”<br />

(Alhoewel hierdie<br />

uitspraak grappig is, bevat dit meer wysheid as wat<br />

‘n mens dink. Lees gerus verder om meer te wete te<br />

kom.)<br />

Die “skoolgaan” waarna Mnr Twain verwys, behels<br />

die onderrig van vakinhoude in die klaskamer.<br />

Hierdie vakinhoude word vinnig getoets en in baie<br />

gevalle ook vinnig vergeet. Gelukkig woon ons in<br />

‘n land waar die sillabus meer op werklike denke en<br />

persoonlike interpretasie fokus as op pappegaai-leer.<br />

Maar in enige stelsel waar leerders geëvalueer word<br />

op vakinhoude wat deur ander mense vasgestel is, sal<br />

die meeste hulle nie aan die werk steur nie en slegs


leer ter wille van hul ouers en onderwysers en nie vir<br />

hulself nie. Dit is nie opvoeding nie.<br />

Die waarheid is dat die waardevolste dinge wat jy in<br />

jou skoolloopbaan kan leer baie min te doen het met<br />

wat in die skool onderrig word. Werklike opvoeding<br />

vind buite die klaskamer plaas: op die sportterrein,<br />

op die redenaarsverhoog, tydens gemeenskapsdiens,<br />

in VRL- vergaderings, deur kommunikasie met jou<br />

maats, by skoolkampe en konferensies en, baie<br />

belangrik, by die huis waar jy alleen met jou boeke<br />

sit. Dit is in hierdie situasies dat jy permanente<br />

lewensvaardighede en werklike kennis opdoen<br />

waarvan die waarde ver buite die perke van die skool<br />

strek.<br />

My raad: moenie hierdie werklike opvoeding<br />

prysgee ter wille van die pappegaai-leer van werk<br />

waarvan jy sukkel om die praktiese waarde te sien nie.<br />

Jou akademiese sillabus vorm slegs ‘n klein deel van<br />

die opvoedkundige waarde wat jy op skool leer. Raak<br />

dus betrokke by soveel moontlik ekstra-kurrikulêre<br />

aktiwiteite. Die harde werklikheid is egter dat jou<br />

sukses in die matriekeindeksamen slegs afhang van<br />

hoe goed jy opgelet het na die akademiese sillabus,<br />

en van niks anders nie.<br />

Die oplossing: Balans. Raak betrokke by alles<br />

waarin jy betrokke kan raak. Jy sal ontdek dat as jy<br />

krities en opreg by verskillende aktiwiteite betrokke<br />

is, sal dieselfde fokus en kritiese betrokkenheid van<br />

nature na jou skoolwerk oorspoel.<br />

Deur betrokkenheid by bogenoemde aktiwiteite<br />

en ‘n gabalanseerde lewe het ek daarin geslaag om<br />

‘n opvoeding in die ware sin van die woord te verkry<br />

– en ook die matriekuitslae waarvoor ek gehoop het.<br />

Ek was gelukkig om ‘n stabiele en ondersteunende<br />

familie, uitstekende onderwysers en toegang tot alle<br />

fasiliteite te hê wat ek nodig gehad het om my doel<br />

te bereik. Dit is ‘n voorreg wat die meeste leerders<br />

in ons land nie beskore is nie. Maar ongeag jou<br />

omstandighede bly die formule vir sukses dieselfde.<br />

Raak betrokke en maak gebruik van elke geleentheid<br />

wat aan jou gebied word. En onthou, balans is<br />

belangrik. Moet egter nie jou akademiese prestasie in<br />

gedrang laat kom nie, want alhoewel jou buitemuurse<br />

betrokkenheid jou lewensvaardighede kan leer, is dit<br />

die simbool op jou matrieksertifikaat wat sal bepaal<br />

watter opsies jy vir die res van jou lewe sal hê.<br />

14<br />

Nicole Lester<br />

My naam is Nicole<br />

Lester. Ek het in 2010, na<br />

‘n opwindende jaar van<br />

harde werk, uitdagings<br />

en baie pret aan Herschel<br />

Hoër Meisieskool in<br />

Claremont gematrikuleer.<br />

Die matriekjaar was<br />

dol en ‘n mens kon baie<br />

maklik oorweldig word<br />

deur die druk en verwagtinge om in die eindeksamen<br />

goed te vaar. My raad aan voornemende<br />

matrikulante is om deur te druk en regdeur die jaar<br />

optimisties en gemotiveerd te bly. Die enigste manier<br />

om sukses te behaal is om hard te werk en deur te<br />

druk, al kom die versoeking om uit te stel of om tou<br />

op te gooi. As jy jou volle potensiaal wil verwesenlik,<br />

is dit baie belangrik om regdeur die jaar doelgerig en<br />

toegewyd te werk.<br />

Wees ernstig oor elke toets, taak, werkvel en<br />

tutoriaal. Doen dit deeglik en sorgvuldig, na die beste<br />

van jou vermoë. Al lyk dit na meer werk, sal hierdie<br />

deeglikheid die las en stres van die eindeksamen<br />

verlig. Dit is meer effektief om vir ‘n hele jaar deeglik<br />

te leer as om vir drie weke uitsonderlik te leer.<br />

Dit is egter baie belangrik om ‘n gesonde balans<br />

tussen sport, leierskap en sosiale verpligtinge te<br />

handhaaf. Dit is jou laaste skooljaar en jy moet elke<br />

geleentheid met jou vriende en familie geniet. In<br />

my matriekjaar was ek bevoorreg om fantastiese<br />

ervarings met my vriende te deel; ervarings wat<br />

lewenslange vriendskappe gesmee het. Ek hoop dat<br />

julle ook sulke ervarings al hê.<br />

Matriek was die jaar waarin ek uiteindelik geleer het<br />

om te hou van skoolgaan en die omgewing wat dit<br />

verskaf. Jou onderwysers en vriende is daar om jou te<br />

ondersteun. Aanvaar hierdie ondersteuningstrukture<br />

en jy sal jou drome makliker bereik.<br />

‘n Ander belangrike faktor om goeie uitslae in<br />

matriek te behaal, is om doelwitte vir jouself te stel.<br />

Selfmotivering is die belangrikste manier om jouself<br />

te verbeter. Mik elke keer hoër en jou uitslae sal jou<br />

stoutste verwagtinge oortref. Dit is hoe ek gevoel<br />

het toe ek my uitslae ontvang het: die selftrots wat ‘n<br />

mens ervaar nadat jy jou doelwitte bereik het, maak al<br />

die harde werk en opoffering die moeite werd.<br />

Ek glo van harte dat elkeen die potensiaal het<br />

om hul doelwitte te bereik en deur harde werk,<br />

toewyding, ‘n positiewe ingesteldheid en ‘n bietjie<br />

geluk die jaar suksesvol af te sluit. Geniet dus die jaar<br />

en werk hard. Die beloning sal beslis die moeite werd<br />

wees!


Uthmaan<br />

Solomon<br />

2010. Vir baie Suid-<br />

Afrikaners ‘n jaar om te<br />

onthou ... Wêreldbeker,<br />

onderwyserstaking.<br />

Dit het alles omvat.<br />

My fokus was op<br />

matriek. Druk,<br />

verwagtinge – al die<br />

faktore wat gewoonlik met matriek geassosieer<br />

word – is verskerp. Dit was dus my plig om al hierdie<br />

uitdagings te trotseer.<br />

My naam is Uthmaan Solomon. Ek is 18 jaar oud en<br />

was bevoorreg om ‘n 2010 matrikulant aan Hoërskool<br />

Livingstone te wees. Ek is die enigste seun in ‘n gesin<br />

van vier kinders. Twee van my susters wat ook hulle<br />

matriek by dieselfde skool voltooi het, het uitstekende<br />

uitslae behaal. Vanuit die staanspoor het ek dus die<br />

druk gevoel om nie slegs hul uitslae te ewenaar nie,<br />

maar om dit te oortref.<br />

Ek sal eerlik wees: matriek kan woes raak.<br />

Om alles met ‘n mens se akademiese lewe te<br />

balanseer, was uitdagend. Familie, kulturele en<br />

leierskapverantwoordelikhede het ‘n groot deel van<br />

my tyd in beslag geneem en ek moes versigtig wees<br />

om nie tred met my akademiese doelwitte te verloor<br />

nie. Ek was bevoorreg om my ouers en onderwysers<br />

as onderskraging te hê as ek by tye ongemotiveerd<br />

was. Hulle het verseker dat ek gefokus en op koers<br />

bly.<br />

Om aan die verwagtinge van mense te voldoen,<br />

mag soos ‘n strawwe opdrag voorkom. Selfs die<br />

verwagtinge wat jy van jouself koester, mag by tye<br />

onmoontlik blyk te wees, maar jy sal mettertyd besef<br />

dat dit juis daardie druk is wat veroorsaak dat jy<br />

harder werk. Dit is daardie ekstra inspanning wat die<br />

verskil tussen slaag en druip is. So, wanneer jy hierdie<br />

jaar erge druk ervaar, onthou dat diamante slegs<br />

onder druk gevorm kan word.<br />

Ek is dankbaar teenoor die Almagtige dat ek<br />

verlede jaar nie deur ontberings geknou is nie.<br />

Ek is geïnspireer deur vriende wat ondanks hulle<br />

struikelblokke geseëvier het. Hoe kon ek nie probeer<br />

om my beste te wees nie – gegewe my bevoorregte<br />

posisie? Ek het dus ‘n eed afgelê om elke oomblik wat<br />

ek het ten volle te benut, en dis presies wat ek gedoen<br />

het. As ek in die klas was, het ek my beste gelewer. As<br />

ek met my vriende gesosialiseer het, het ek dit terdeë<br />

geniet. En natuurlik, as ek gestudeer het, het ek<br />

heeltemal gefokus. Harde werk en toewyding tesame<br />

met ‘n gebalanseerde lewenstyl het ‘n suksesvolle<br />

matriekjaar verseker.<br />

Ons is almal verskillend. My studiemetode mag nie<br />

noodwendig vir ‘n ander persoon gepas wees nie. Ek<br />

15<br />

stel voor dat verskeie studiemetodes soos breinkaarte,<br />

opsommings, die herskryf van notas en die vorming<br />

van studiegroepe getoets moet word. Pas dán die<br />

metode toe wat die beste vir jou sal werk.<br />

Finale raad aan alle matrikulante? Eenvoudig –<br />

ALLE clichés werk: luister na onderwysers, vra vir<br />

huiswerk, volhard, glo in jouself, bly positief, studeer<br />

flink en werk konsekwent. Jy het dit seker al ‘n<br />

honderd keer gehoor, maar daar’s ‘n rede waarom dit<br />

so dikwels herhaal word. Indien korrek uitgevoer,<br />

vind wonderwerke plaas. Om ‘n visie vir jouself te hê,<br />

is ook belangrik; so stel vroeg in die jaar doelwitte.<br />

Op hierdie manier het jy ‘n vertrekpunt wat jou<br />

dryfkrag moet wees om groter dinge te bereik. As<br />

jy weet waarna jy mik, sal jy minder tyd spandeer<br />

om paniekbevange te raak. Doelwitbereiking is<br />

iets wat niemand van jou kan wegneem nie en met<br />

volharding, harde werk en opoffering kan enige<br />

teenspoed oorkom word.<br />

Laastens, geniet matriek! Myne was definitief die<br />

prettigste, stresvolste, mees selfvervullende, dog<br />

lonendste ervaring van my lewe. Jy kry slegs EEN<br />

kans om dit te ervaar (as alles volgens plan verloop).<br />

Koester elke oomblik, want voor jy jou kom kry, is dit<br />

verby.<br />

Tasneem Amra<br />

My naam is Tasneem Amra<br />

en ek het in 2010 aan Hoër<br />

Meisieskool Rustenburg in<br />

Kaapstad gematrikuleer. Ek<br />

studeer tans medisyne aan<br />

die Universiteit van Kaapstad<br />

en is dankbaar dat ek<br />

danksy my uitslae vir hierdie<br />

kompeterende studieveld<br />

aanvaar is.<br />

Aan die begin van jou matriekjaar is dit goed om te<br />

weet wat jou aspirasies vir jou studies in die volgende<br />

jaar is. Jy het dus ‘n doel waartoe jy werk en dra kennis<br />

van die toelatingsvereistes vir studie aan jou gekose<br />

tersiêre inrigting.<br />

Alhoewel dit soos ‘n cliché mag klink, is die<br />

sleutel tot sukses definitief balans, organisering<br />

en vooruitbeplanning. Ek het matriek “as net nog<br />

‘n ander skooljaar“ beskou. Deur nie ekstra druk<br />

op myself te plaas nie, was ek in staat om kalm en<br />

gefokus te bly. Hierdie benadering mag nie vir almal<br />

werk nie. So dis belangrik om te identifiseer waarmee<br />

jy gemaklik voel en daarby te bly. ‘n Mens moet ook<br />

in die klas aandag skenk en op datum met huiswerk<br />

wees. – dit sal jou toelaat om deur die loop van die<br />

jaar op hoogte van dinge te wees.<br />

Dit is belangrik om vlytig in jou studies te wees en<br />

nie net die vakke waarvan jy hou te studeer nie. (Ek


moet erken dat ek nogal hiermee gesukkel het). Jy<br />

sal uitvind dat deur konsekwent te wees soos jy vir<br />

klastoetse, die Junie-eksamen, die voorbereidende<br />

eksamen en die finale eksamen studeer, jy meer<br />

vertroud met inhoude raak en hersiening word dus<br />

baie makliker.<br />

Dis uiters belangrik om ‘n sterk<br />

ondersteuningstruktuur vir hierdie jaar te hê. Jou<br />

vriende ervaar gewoonlik dieselfde angs as jy, so<br />

praat met hulle daaroor en jy sal besef dat jy “nie<br />

alleen is nie”. Maak gebruik van die ekstra lesse<br />

wat die skool aanbied en vra onderwysers vir hulp<br />

betreffende enige probleemareas. – hulle het<br />

duidelik ‘n magdom kennis. ‘n Ondersteunende<br />

gesin is van onskatbare waarde en dit is waar ek<br />

my ouers vir hulle aanmoediging, motivering en<br />

onvoorwaardelike liefde moet bedank. As jy gelowig<br />

is, is dit gerusstellend om te weet dat jy jou geloof en<br />

die Almagtige het om jou heen te wend, ongeag die<br />

situasie.<br />

Ek het ook voldoende tyd benut om my verskeie<br />

leierskaps- en kulturele rolle op skool te vervul,<br />

gemeenskapswerk te doen, gereeld met vriende te<br />

sosialiseer, vakansies met my gesin te hou en die<br />

belangrikste – die 2010 Sokkerwêreldbekertoernooi<br />

op tuisgrond te geniet! Dit het my toegelaat om ‘n<br />

afgeronde en genotvolle jaar te ervaar.<br />

Laastens, matriek is jou jaar van herinneringe en<br />

ek kan met alle oortuiging sê dat dit my beste jaar<br />

op skool was. Vanaf die begin, tot die genot van<br />

gedeelde ervaringe met klasmaats en vriende – wat<br />

die matriekafskeid ingesluit het – tot ‘n betraande<br />

afskeidsgeleentheid en oplaas die toesighouer wat<br />

sê: “Sit asseblief julle penne neer” tydens die skryf<br />

van die finale eksamen. Dit is die herinneringe wat<br />

jy vir ewig sal koester. Moenie bang wees om hard<br />

te werk nie, gedy op die uitdaging saam met alle<br />

matrikulante, laat elke dag tel, en laastens: sterkte met<br />

die vervulling van jou grootste drome.<br />

Die enigste simpel<br />

vraag is ‘n vraag<br />

wat jy nie vra nie.<br />

(Paul MacCready,<br />

vertaal)<br />

16<br />

Asavela Rawe<br />

Niks in die lewe word<br />

maklik bereik nie. In die<br />

meeste gevalle sal jy<br />

ontdek dat niemand vir<br />

jou sal sê iets is maklik<br />

nie, behalwe as hulle nie<br />

wil hë jy moet sukses<br />

behaal nie. Ek het dit iin<br />

my matriekjaar besef.<br />

Ek het eers gedink dat die jaar soos ‘n egaligvloeiende<br />

stroom gaan wees, aangesien ek vanaf<br />

Graad 10 die topleerder in ons skool was. Glo my,<br />

ouens, niks het gevloei nie. Die werk was te veel en<br />

die enigste manier waarop ek kop bo water kon hou,<br />

was deur te beplan en deur geen werk tot later te laat<br />

oorstaan nie.<br />

Harde werk was nie al wat ek nodig gehad het nie.<br />

Ek het ook die samewerking van mede-leerders nodig<br />

gehad. Ek het my vrye tyd gebruik om hulle te help<br />

wanneer my onderwysers my gevra het. Ek het dit<br />

gedoen, want selfs al kan jy iets perfek doen, sal jy<br />

soms iemand anders se hulp nodig kry. Daarom het<br />

ek ander mense in die skool gerespekteer alhoewel ek<br />

die toppresteerder was.<br />

Die enigste manier waarop ek kon hersien, was<br />

om my klasmaats in November met die werk te help.<br />

Daarom is dit belangrik om ander te respekteer,<br />

selfs al vaar jy beter as hulle. Ek het onderskeidings<br />

in al sewe my vakke behaal. Dit was moeilik. Die<br />

moeilikste was nie die vakinhoude nie, maar die<br />

besluite wat ek moes neem. Daarvoor moet nie net<br />

ek nie, maar ook my skool, Masibambisane Sekondêr,<br />

alle krediet kry.<br />

Ek het Wiskunde Vraestel 2 geskryf terwyl ek siek<br />

was, maar het nog steeds 97% behaal. As ek dit kon<br />

regkry terwyl ek siek was, beteken dit niks jou kan<br />

verhoed om selfs beter te vaar nie. Ek het 97% behaal<br />

in Fisiese Wetenskappe, Lewenswetenskappe en<br />

Wiskunde, 93% vir Geografie, 80% vir Engels, 82%<br />

vir isiXhosa en 87% vir Lewensoriëntering. Geeneen<br />

van hierdie uitslae is moontlik as jy nie ernstig oor jou<br />

studies is nie.<br />

As jy gaan probeer om my prestasie te oortref, kan<br />

jy seker wees dat jy goeie uitslae sal behaal. Onthou<br />

net die formule y = mx+c wat beteken dat y afhanklik<br />

is van x. Hoe groter x, die opoffering, is, hoe groter<br />

sal y, die prestasie, wees.<br />

Alles van die beste.


Die ondervermelde leerders het almal die<br />

Telematiese programme bygewoon en<br />

onderhoude is na die bekendmaking van die<br />

uitslae met hulle gevoer.<br />

Lukhanyo<br />

Rintsana EN<br />

Bulumko Xoli<br />

By Sekondêre Skool<br />

Manzomthombo in<br />

Mfuleni, het twee<br />

leerders, Lukhanyo<br />

Rintsana en Bulumko<br />

Xoli A-simbole vir<br />

Lewensoriëntering<br />

en Lewenswetenskappe behaal. Lukhanyo het ook<br />

A-simbole vir onderskeidelik Wiskunde en Fisiese<br />

Wetenskappe behaal. Die Lewenswetenskappeonderwyser<br />

het hulle aangemoedig om “hulle passie<br />

te vind, om skoolgaan te geniet en in hulsef te glo.”<br />

Lukhanyo gaan by UWK in die Aptekerswese<br />

studeer en beoog om vetsug in sy gemeenskap uit te<br />

skakel, terwyl Bulumko Rekenaarstudies aan UK gaan<br />

studeer.<br />

Hulle het al die Telematiese klasse bygewoon en het<br />

dit as “verfrissend” ervaar aangesien hulle agteroor<br />

kon sit, ontspan en alles absorbeer. Sondae moes<br />

hulle van die kerk na die Telematiese klasse haas en<br />

het leerders van ander skole aangemoedig om hulle<br />

te vergesel. Hierdie twee vriende het dit geniet om te<br />

kompeteer en was beskikbaar om hulle portuurgroep<br />

by te staan. Beter toegeruste wetenskaplaboratoria<br />

is wat hulle in die toekoms vir ander leerders wil<br />

voorsien.<br />

Hulle wenke vir Graad 12:<br />

Bly gemotiveerd.<br />

Bestuur jou tyd effektief aangesien Graad 12 nie<br />

moeilik is nie. Die volume werk is net baie.<br />

Deeglike voorbereiding verhoed swak prestasie.<br />

Hierdie leerders, soos so baie ander in die Wes-Kaap,<br />

is regtig passievol oor opvoeding. Hulle hou van leer<br />

en het onberispelike bywoningsrekords.<br />

Iets lyk altyd<br />

onmoontlik…<br />

totdat dit gedoen<br />

is. (Nelson<br />

Mandela, vertaal)<br />

17<br />

Wade Rosant<br />

en Mon-Cheri<br />

Baatjies<br />

Wade Rosant en<br />

Mon-Cheri Baatjies<br />

van Sekondêre Skool<br />

Elsiesrivier het elk vier<br />

A-simbole behaal.<br />

Ongeag die feit dat<br />

Wade weens ‘n gebrek aan persoonlike ruimte nie in<br />

staat was om tuis te studeer nie, skryf hy sy A-simbole<br />

in Fisiese Wetenskappe, Wiskunde en Afrikaans<br />

Huistaal grootliks toe aan die Telematiese programme,<br />

die motivering van onderwysers en die kerk. Hy<br />

hou vol dat “die lewe baie moeilik is, maar deur<br />

harde werk, vroegtydige voorbereiding en deeglike<br />

beplanning kan meer leerlinge sukses behaal’.<br />

Hy sê dat die Telematiese lesse hom nie slegs<br />

gehelp het om vir die eksamen voor te berei nie,<br />

maar dat hy ook die verduidelikings deur die<br />

aanbieders in sy geheue opgeroep het, terwyl hy die<br />

Rekeningkunde en Wiskunde-eksamens geskryf het.<br />

Mon-Cheri het die meeste van die Telematiese<br />

uitsendings bygewoon wat na-ure en op<br />

Sondagmiddae by 120 skole in die Wes-Kaap uitgesaai<br />

is. Sy het A-simbole in drie van die vier vakke behaal<br />

waarvan sy die uitsendings bygewoon het, naamlik<br />

Lewenswetenskappe, Afrikaans Huistaal en Engels<br />

Eerste Addisionele Taal,. Sy skryf haar sukses aan ‘n<br />

liefdevolle ma, die onderwysers en die prinsipaal toe.<br />

Hulle wenke vir matrieks:<br />

Berei vanaf dag 1 voor. Werk konsekwent –<br />

verposings is vir NA die finale eksamen.<br />

Moet nooit jou omstandighede die skuld gee<br />

vir swak uitslae nie.<br />

Harde werk is die enigste sleutel tot sukses en<br />

reik uit na hulp ... dis ALTYD beskikbaar.<br />

Doen altyd jou beste aangesien slegs jou<br />

beste goed genoeg is. Moet nooit met<br />

middelmatigheid tevrede wees nie.<br />

BESTE WENSE AAN ALLE<br />

MATRIEKLEERDERS!

Hooray! Your file is uploaded and ready to be published.

Saved successfully!

Ooh no, something went wrong!