Transform your PDFs into Flipbooks and boost your revenue!
Leverage SEO-optimized Flipbooks, powerful backlinks, and multimedia content to professionally showcase your products and significantly increase your reach.
HEUNING-EN-SULTANA-BROODPOEDING<br />
750ml volroommelk 60ml botter<br />
160ml heuning 2ml sout<br />
3 ekstra-groot eiers 5ml vanieljegeursel<br />
750ml grof gekrummelde dag oue witbrood (sonder korsies)<br />
125ml sultanas<br />
Voorverhit die oond tot 180C en smeer 'n oondbak van 20 cm x 30 cm goed met botter. Verhit die<br />
melk en voeg die botter, heuning en sout by. Roer tot die botter net gesmelt is. Klits die eiers en<br />
vanieljegeursel en voeg die melk geleidelik by, terwyl aanhoudend geklits word. Meng die<br />
broodkrummels en sultanas en skep in die gesmeerde oondbak. Giet die melkmengsel oor en laat<br />
staan vir 10 minute. Sit die bak in 'n groter oondbak met warm water en bak vir ongeveer 50 minute<br />
tot ferm. Lewer 8 porsies.<br />
FLUWEELPOEDING<br />
Jy kan enige konfyt gebruik — aarbei-, vye- of frambooskonfyt is ewe lekker.<br />
125ml suiker 2ml sout<br />
180ml koekmeelblom 1 liter volroommelk<br />
4 eiers, geskei 60ml botter<br />
5ml vanieljegeursel 45ml louwarm appelkooskonfyt<br />
60ml strooisuiker<br />
Meng die suiker, sout en koekmeelblom. Verhit die melk tot net onder kookpunt. Giet 'n bietjie<br />
daarvan oor die meel-en-suikermengsel en meng goed. Giet terug by die warm melk en verhit<br />
stadig oor lae hitte terwyl geroer word tot verdik. Klits die eiergele en giet die warm melkmengsel<br />
daaroor. Meng goed en voeg die botter en vanieljegeursel by. Giet in die voorbereide oondbak en<br />
bak vir 40 minute teen 160C. Smeer die appelkooskonfyt oor. Klits die eierwitte tot stywe punte<br />
vorm en voeg die strooisuiker lepelsgewys by. Klits tot dik en blink. Skep op die poeding en smeer<br />
met agterkant van 'n lepel tot die hele poeding bedek is. Bak vir 'n verdere 10-15 minute tot die<br />
punte liggoudbruin is. Sit warm voor met dun vla. Genoeg vir 6 mense.<br />
RYK SOUSERIGE SJOKOLADEPOEDING<br />
SOUS<br />
60 ml kakao 125 ml bruinsuiker<br />
300 ml kookwater<br />
BESLAG<br />
45ml botter 100g donker sjokolade, gekap<br />
125ml melk 2 ekstra-groot eiers<br />
160ml strooisuiker 250ml bruismeel<br />
30ml kakao<br />
Voorverhit die oond tot 180C en smeer 'n oondbak van 24 cm x 24 cm goed met botter. Meng die<br />
kakao, bruinsuiker en kookwater vir die sous saam in 'n beker tot die suiker opgelos is. Hou<br />
eenkant. Smelt botter, sjokolade en melk saam tot glad en laat effens afkoel. Klits die eiers en<br />
strooisuiker liggies saam. Voeg die meel en kakao by die eiermengsel en roer dan die gesmelte<br />
sjokolademengsel by. Klits tot gemeng. Skep in oondbak en giet stroop bo-oor. Bak vir ongeveer<br />
30-40 minute of tot ferm. Laat effens afkoel en sit voor met room of roomys. Lewer 6-8 porsies.<br />
10
Change language