Junior Jaar B – Kwartaal 2 – Les 4 - Transvaal Conference ...

GEMEENSKAP
Kragpunt – Jaar B – Kwt 2 1
Junior Jaar B – Kwartaal 2 – Les 4
Tema vir die Maand: Ons aanvaar verantwoordelikheid.
Titel: Verbrand Jou Skaatse
Kragteks: “Gaan dan na al die nasies toe en maak die mense my dissipels: doop hulle in die Naam
van die Vader en die seun en die Heilige Gees, en leer hulle om alles te onderhou wat Ek julle
beveel het. En onthou: Ek is by julle al die dae tot die voleinding van die wêreld.” (Matthéüs
28:19,20).
Sleutelteks en Verwysings: Matthéüs 28:16-20; Die Koning van die Eeue, bl. 686-702.
Doelstellings
Die studente sal:
Weet dat Jesus hulle gevra het om die evangelie met andere te deel.
Bevoorreg voel om gekies te wees om andere van Jesus te vertel.
Reageer deur die verantwoordelikheid te aanvaar om die goeie nuus van die verlossing
met andere te deel.
Kragpunt: Ons aanvaar die verantwoordelikheid om die goeie nuus met andere te deel.
Die Bybelles in ‘n Oogopslag
Net voor Jesus teruggaan hemel toe, laat Hy instruksies vir al Sy volgelinge. Hulle moet vir andere
regoor die wêreld van Jesus en die goeie nuus van verlossing vertel, en hulle leer om Hom te volg.
Hierdie is ‘n les oor gemeenskap.
Ons het ook die opdrag om die goeie nuus van Jesus met andere rondom ons te deel. Jesus beloof
om altyd by ons te wees terwyl ons doen wat Hy ons vra.
Verryking vir Onderwyser
Die Groot Opdrag wat in Matthéüs 28:19,20 gegee word, bevat die groot handves van die
Christelike kerk. Hulle moes na die eindes van die wêreld gaan en alle nasies leer - beide Jode en
Heidene; daarom word daar ook na verwys as die handves van buitelandse sending.
“Christelikheid was die eerste godsdiens om ‘n ware internasionale karakter aan te neem.
Heidense godsdienste was grootliks ontneem van sendingywer en aktiwiteit. Hulle was
hoofsaaklik nasionaal in karakter en het nie uitgegaan om bekeerlinge van ander nasionale groepe
te maak nie” (The Seventh-day Adventist Bible Commentary, vol. 5, bl. 559).
“Gaan die hele wêreld in en verkondig die evangelie aan die ganse mensdom” (Markus 16:15), is

Christus se bevel aan Sy volgelinge. Nie dat almal geroep is om in die gewone sin van die woord
predikante of sendelinge te wees nie; maar almal kan Sy medewerkers wees om die “blye tyding”
aan hul medemens te verkondig. Aan almal, groot of klein, geleerd of onkundig, oud of jonk, word
die bevel gegee.” (Opvoeding, bl. 264.)
“God het reeds lank gewag dat die gees van diens van die hele kerk besit moet neem sodat elkeen
volgens sy vermoë vir Hom kan werk. Wanneer die lede van Gods kerk hulle aangewese werk in
die behoeftige velde, tuis en in die buiteland, ter vervulling van die evangelie-opdrag doen, sal die
hele wêreld spoedig gewaarsku word en dan sal die Here Jesus met krag en groot heerlikheid na
die aarde terugkeer” (Die Handelinge van die Apostels, bl. 90).
“Iemand moet die opdrag van Christus uitvoer; iemand moet die werk wat Hy op die aarde begin
doen het, voortsit; en aan die kerk is hierdie voorreg gegee. Vir hierdie doel is dit georganiseer.
Waarom dan het kerklede nie die verantwoordelikheid aanvaar nie? ... In die verwaarlosing van
hierdie werk wat in hulle eie grense is, in die weiering om hierdie laste te dra, het die kerk baie
skade gely. As die kerk hierdie werk gedoen het soos hulle dit behoort te gedoen het, sou hulle
die instrument gewees het om baie siele te red” (Testimonies for the Church, Vol. 6, bl. 295).
Wat doen ek om die evangelie-opdrag te vervul? Hoe kan ek ‘n voorbeeld vir my klas wees en hulle
inspireer om hulle deel te doen?
Kragpunt – Jaar B – Kwt 2 2
Programnotas
Lesafdeling Minute Aktiwiteite Materiaal Benodig
Verwelkoming Deurlopend Groet student by die deur.
Luister na bly/bekommerd
1. Gereedheidsopsies Tot 10 A. Sendingdagdrome
B. Bybelse Sendeling
C. Skoensoektog
Gebed en Lof* Tot 10 Samesyn
Voorgestelde Liedjies
Gebed
Sending
Offergawe
2. Bybelles Tot 20 Inleiding van Bybelverhaal
Ervaar die Verhaal
Bybelondekking
Papier, potlode,
ensiklopideë,
reisboeke, wêreldatlas
Bybels,
konkordansies,
papier, potlode,
witbord en merker
Bybels, student se
skoene
He Is Our Song
Aardbol of kaart
Tienersending
offergawehouer
Bybels, verhaal OF
groot papier vir
muurprent, verf,
gekleurde penne
Bybels, karate
(opsioneel)

3. Toepassing van Les Tot 15 Scenario’s
4. Deel die Les Tot 15 Die Evangelie in ‘n
Neutedop
*Gebed en Lof kan enige tyd gedurende die program gebruik word.
Kragpunt – Jaar B – Kwt 2 3
Papier, potlode
Verwelkoming
Verwelkom die studente by die deur en wys hulle na hul tafel / klein groepleier. Vra die studente
hoe hulle week was – waaroor is hulle bly/bekommerd. Som laas week se Bybel les met die
studente op. Sê: "Wat was die mees interessante deel van die Bybel Storie? Watter aktiwiteit
het jy die mees nuttig gevind? Watter aktiwiteit was die meeste pret? (Die leier moet weet wat
die studente se aktiwiteite was vir die afgelope week, sodat hy/sy die bespreking kan lei.) laat die
studente met die gereedheid aktiwiteit van jou keuse begin.
1. GEREEDHEIDSAKTIWITEITE
Kies die aktiwiteit of aktiwiteite wat die beste by u situasie pas.
A. Sendingdagdrome
U Benodig:
papier
potlode
ensiklopidieë
reisboeke
wêreldatlas
Sê: Maak asof julle ‘n sendeling in ‘n vreemde land is. Maak ‘n dagboek inskrywing vir julle dag
se aktiwiteite. Sluit die land wat julle kies en hoe dit is om daar te woon, in.
Opsomming
Gee die studente die geleentheid om die gedagtes wat hulle neergeskryf het, te deel. Vra: Het
julle al ooit daaraan gedink om ‘n buitelandse sendeling te wees? Ken julle enigiemand wat ‘n
buitelandse sendeling was of is? Wat dink julle van hulle? Dink julle dat hulle ‘n unieke tipe
persoon moet wees of kan enigiemand dit doen? Moet ‘n mens na ‘n ander land gaan om ‘n
sendeling te wees? Kom ons lees ons kragteks vir vandag, Matthéüs 28:19,20. Vandag wil ons
hê dat God moet wees dat
ONS AANVAAR DIE VERANTWOORDELIKHEID OM DIE GOEIE NUUS MET ANDERE TE DEEL.
B. Bybelse Sendelinge
U Benodig:
Bybels
konkordansies
papier

potlode
witbord en merkers
Vra elke student om ‘n lys te maak van ten minste drie bybelse karakters wat sendelinge was, in
hulle eie gemeenskappe of in vreemde lande.
Opsomming
Laat hulle deel wat hulle gevind het terwyl u ‘n lys op die bord maak. Skryf die name van die
karakter sowel as die aktiwiteit wat hulle beoefen het op die bord (bv. Paulus, preek; Dorkas,
welsyn; Abraham, gasvryheid, ens.) Vra: Het julle al ooit gedink oor wat dit beteken om ‘n
sendeling te wees? Wou julle al ooit ‘n sendeling wees? Moet ‘n persoon na ‘n ander land gaan
om ‘n sendeling te wees? Hierdie Bybelse karakters is goeie voorbeelde daarvan om die
evangelie met andere te deel. Kom ons lees ons kragteks saam, Matthéüs 28:19-20. Vandag wil
ons vir God sê dat
ONS AANVAAR DIE VERANTWOORDELIKHEID OM DIE GOEIE NUUS MET ANDERE TE DEEL.
C. Skoensoektog
U Benodig:
Bybel
studente se skoene
Laat die studente hulle skoene uittrek en dit deurmekaar op ‘n hoop aan die eenkant van die
klaskamer pak. Laat hulle dan spanne maak van drie of meer aan die teenoorgestelde kante van
die klaskamer. Sê vir die studente dat die eerste persoon in elke span die “speurder” is.
Verduidelik dat die tweede persoon in elke span hulle skoene aan die speurder sal beskryf wat dan
sal hardloop om dit in die hoop skoene te vind en dit terug te bring.
Indien die speurder die verkeerde skoene terugbring, moet daardie persoon meer leidrade kry en
weer gaan soek. Indien die speurder die regte skoene terugbring, trek die eienaar dit aan en word
die speurder. Laat die studente die proses herhaal totdat een span al die skoene gevind het.
Opsomming
Vra: Wat was moeilik aan die speletjie? Hoe was dit om jou skoene aan iemand te beskryf wat
nie geweet het hoe dit lyk nie? Lees 1 Petrus 3:13-17. Vra: Hoe is om jou skoene aan ‘n vriend te
beskryf dieselfde as om die evangelie aan jou vriende te vertel?
Sê: Vandag leer ons van die Groot Opdrag. Kom ons soek ons kragteks, Matthéüs 28:19,20 op en
lees dit saam. Dit is dikwels ‘n uitdaging om die evangelie duidelik en effektief aan te bied, net
soos wat dit ‘n uitdaging was om jou skoene so te beskryf dat iemand anders dit kan vind, maar
omdat God ons gevra het om dit te doen,
AANVAAR ONS DIE VERANTWOORDELIKHEID OM DIE GOEIE NUUS MET ANDERE TE DEEL.
(Aangepas uit First Impressions: Unforgettable Openings for Youth Meetings [Loveland, Colo.:
Group Publishing, 1998], bl. 18, 19).
Kragpunt – Jaar B – Kwt 2 4

Kragpunt – Jaar B – Kwt 2 5
Gebed en Lof*
Samesyn
Vertel van die studente se blydskap en hartseer (bly en bekommerd) soos wat hulle by die deur
aan u vertel het (soos vanpas). Indien hulle vir u toestemming gegee het, deel een of twee
spesiale items uit die studente se Bybelstudie gedurende die week. Meld enige verjaarsdae,
spesiale geleenthede, of prestasies. Groet alle besoekers hartlik.
Voorgestelde Liedjies
“Let’s Talk About Jesus” (He Is Our Song, No. 46)
“Song for the Nations” (He Is Our Song, No. 131)
“Pass It On” (He Is Our Song, No. 130)
Gebed
U Benodig:
aardbol of kaart
Wys die aardbol of kaart en vra studente om ‘n land te kies en daarop te fokus. Gee hulle dan in
die gebed ‘n geleentheid om God se spesiale seëninge te vra op Sy werk in die lande wat hulle
gekies het.
Sending
Gebruik Tienersending, Mission Spotlight, of ander sendingverslag wat u beskikbaar het.
Offergawe
U Benodig:
offergawehouer
U kan voortgaan om die offergawehouer wat drie weke gelede voorgestel is, te gebruik.
Voordat u die kollekte opneem, vra die klas of enigiemand hulle geld vir ‘n spesiale projek spaar.
Wys daarop dat die verhaal wat hulle gedurende die komende week gaan lees, so ‘n situasie
beskryf en dat dit lidmate iets kan gee om aan te dink.
2. BYBELLES
Inleiding van die Bybelverhaal
Vra vier vrywilligers om ‘n rolspel te doen. Gee vir hulle hierdie scenario om te gebruik:
Joe het gewag vir nuus van sy aanvaarding by ‘n privaat skool vir gevorderde sekondêre studies,
met die fokus op waarvan hy regtig hou: rekenaars. Hy sit elke dag op “naalde en spelde”
(angstig en opgewonde) en wag terwyl hy die pos dophou vir sy aanvaardingsbrief. Almal weet
daarvan: sy onderwysers, sy vriende, sy bure, en natuurlik sy familie. Uiteindelik kom die brief.
Dit is dik. Dit moet goeie nuus wees. ‘n Brief om te sê dat hy nie aanvaar word nie, sal slegs een
bladsy wees. Hy maak die brief oop. Hy is in!!!!!!
Nadat die rolspel gedoen is, vra: Hoe het Joe gevoel toe hy sy toelatingsbrief ontvang het? Hoe
het hy gereageer? Het hy dit stilletjies vir homself gehou? Of wou hy hê dat almal moes weet?

Ons Bybelles vandag gaan oor die “Groot Opdrag” wat Jesus vir ons gegee het om die goeie nuus
van Hom met andere te deel.
OF
Nooi iemand wat op ‘n kort-termyn sendingreis gedien het om na die klas te kom en in ‘n kort
aanbieding met hulle te gesels oor die opwindende aspekte van so ‘n ondervinding.
Sê: Ons Bybelles vandag gaan oor die “Groot Opdrag” wat Jesus vir ons gegee het om die goeie
nuus van Hom met andere te deel.
Ervaar die Verhaal
U Benodig:
Bybels
verhaal
Laat die studente Matthéüs 28:16-20 lees deur beurte te maak. Kies dan drie vrywilligers om die
gedeeltes van die verhaal “Beeswagter van Soedan” te lees. Hierdie verhaal sal hulle help om te
verstaan wat dit beteken om ‘n sendeling te wees.
Beeswagter van Soedan
Josef het baie kort swart hare en ‘n pragtige blink swart vel. Josef behoort aan die Dinka stam in
suidelike Soedan. Hierdie stam trek van plek tot plek om weiding vir hulle beeste te vind. Beeste
is hulle waardevolste besittings.
Sewe Jaar Oud
Toe Josef 7 jaar oud was, het hy in ‘n klein dorpie in Suid Soedan gewoon nie ver van die Wit
Nylrivier nie. [Kry dit op die kaart.] Dit is ‘n gebied waar daar met beeste geboer word, omdat dit
wye, groen grasvlaktes, hoë bosse, en koel, skaduagtige plantasies het.
Vandat Josef kan onthou, het hy elke oggend voor sonop opgestaan, sy broek en hemp aangetrek
en na buite gegaan. Josef het gehou van die vroeg oggend reuke en geluide. Die lug het na rook
van brandende hout geruik en ontbyt wat in die klein kookskerm gekook word. Hane het gekraai,
en die beeste het sagte geluide gemaak terwyl hulle wakker geword het.
Josef se huis wat ‘n tukul [TOO-kul], genoem was, was ‘n hut wat van pale wat met modder bedek
was en met ‘n grasdak. Die vloer was harde grond. Hy en sy familie het op geweefde matte wat
op die vloer gelê het, geslaap.
Josef se pa het ‘n groot trop beeste gehad - meer as ‘n duisend. Net nadat hy ‘n stukkie brood
geëet en ‘n warm drankie gedrink het, het hy gehardloop om die ander seuns te ontmoet wat die
koeie uitgeneem het om te gaan wei.
Josef se broers en nefies het gehelp om die beeste na die vars groen gras te lei om te gaan wei.
Twee jaar later, toe Josef 9 was, het hy begin skoolgaan en geleer om te lees en te skryf. Hy het
Kragpunt – Jaar B – Kwt 2 6

net deeltyds skool toe gegaan en deeltyds die beeste opgepas.
Veertien Jaar Oud
Toe Josef 14 was, het die oorlog in Soedan na sy gebied versprei. Die dorpskool is gesluit en Josef
was gestuur om die beeste voltyds op te pas. Omdat hy die oudste van sy neefs en broers was,
was hy in beheer van al die beeste en al die ander beeswagters.
Josef het die beeste na ‘n weiveld gelei en ‘n plek gekies waar daar baie gras vir die trop beeste
was. Daarna het hy en die ander seuns rondom die trop beeste uitgesprei sodat hulle nie kon
wegdwaal waar daar gevaar was nie. Hulle het hulle oë oopgehou vir wilde diere; leeus, hiënas, en
luiperds.
Om homself en die beeste te beskerm, het Josef ‘n knopkierie en ‘n spies, wat ‘n kokap, genoem
was, gedra. Josef het die spies gebruik om vis in die rivier of meer dood te maak. As ‘n wilde dier
hom aangeval het, kon hy dit ook gebruik om die dier dood te maak.
Josef het nie vir hom middagete na die weiveld saamgeneem nie. In plaas daarvan het die seuns
enigiets wat hulle kon vind of vang, geëet. Soms het hulle vis gevang met hulle spiese en dit oor ‘n
vuur gebraai. Soms het hulle in ‘n klapperboom geklim en van die vrugte gepluk en geëet. Josef
het geweet watter wortels hulle kon eet. Een wortel wat hy geniet het, was kai genoem. Dit het
amper soos ‘n wortel geproe. Nog ‘n wortel wat die seuns uitgegrawe het, was alos. Hulle het
hierdie vars groente geëet terwyl hulle gewerk het.
Josef het die son dopgehou soos wat dit deur die blou lug beweeg het, en wanneer die naby die
horison gekom het, het hy die seuns geroep en het hulle die beeste teruggeneem na die dorpie en
hulle vir die nag in die stalle gejaag. Dikwels terwyl hulle vir aandete gewag het, het die seuns
adier gespeel, ‘n speletjie wat amper soos sokker of hokkie is. Hulle het in twee spanne verdeel en
probeer om doele by die ander span se doelpale aan te teken. Hulle het nie ‘n sokkerbal gehad
nie, en het sommer met ‘n houtbal gespeel. Die bal was hard en kon regtig seermaak wanneer dit
een van die seuns getref het.
Na die speletjie, het die seuns huis toe gegaan vir ‘n aandete van mieliepap en melk.
Josef Word Groot
As gevolg van die oorlog moes baie mense uit hulle dorpies trek na ander gebiede waar dit veilig
was. Baie van hulle het na Khartoum, die groot stad in die noordelike deel van die land gegaan.
Josef het sy klein dorpie verlaat en ver van die huis weggegaan om veilig te wees van die oorlog.
Hy het na Ethiopië gevlug. [Vind op die kaart.] Terwyl hy in Ethiopië was, het Josef van Jesus
geleer. Hy het ontdek dat Jesus hom so lief gehad het dat Hy vir hom gesterf het. Hy het geleer
dat Jesus binnekort gaan terugkom om almal wat Hom liefhet te kom haal om saam met Hom in
die hemel te gaan woon, waar daar nie meer oorlog en vlugtelinge sal wees nie!
Toe die kerk vir vrywilligers gevra het om die boodskap van Jesus se liefde na dorpies te neem
waar mense nog nooit van Jesus gehoor het nie, het Josef ingewillig om te gaan. Vandag is hy ‘n
werker vir Jesus in ‘n gebied wat die New Cush genoem word. Hy was gewoond daaraan om sy
vader se beeste op te pas, maar vandag pas hy God se skape en lammertjies op, om te sien dat
Kragpunt – Jaar B – Kwt 2 7

hulle veilig is teen Satan.
(Herduk uit Kindersending, Vierde Kwartaal, 15 November 1997)
Opsomming
Sê: Hierdie verhaal wys vir ons dat mense nog steeds die uitdaging aanvaar om die goeie nuus te
deel. Net soos Josef,
AANVAAR ONS DIE VERANTWOORDELIKHEID OM DIE GOEIE NUUS MET ANDERE TE DEEL.
OF
U Benodig:
Bybels
groot papier vir muurprent
verf
gekleurde penne
Lees Matthéüs 28:16-20. Sê: Hierdie gedeelte gaan oor Jesus wat “Die Groot Opdrag” gee. Wat
dink julle beteken “Die Groot Opdrag”? (“Opdrag” beteken ‘n bevel om op ‘n spesifieke manier
op te tree om spesifieke dinge te doen.) Hoe sal julle dit illustreer?
Sê: Ek wil hê dat julle by die andere moet aansluit om ‘n muurprent te maak wat hierdie versie
uitbeeld en hoe dit gedoen kan word. Julle wil dit dalk bespreek en met ‘n meesterplan
vorendag kom. Som op wanneer die studente klaar is, of die bepaalde tyd verstreke is.
Opsomming
Vra: Wat is die oorhoofse gevoel van die muurprent? Watter simbole of beelde was gebruik om
die groot opdrag te illustreer? Wat beteken hulle? Word dit vandag gedoen? Wie doen dit?
Wie behoort dit te doen? Lyk dit soos iets waarby julle betrokke wil raak? Vandag wil ons graag
vir Jesus sê dat
ONS AANVAAR DIE VERANTWOORDELIKHEID OM DIE GOEIE NUUS MET ANDERE TE DEEL.
Bybelontdekking
U Benodig:
Bybels
kaarte (opsioneel)
Laat die studente Markus 16:15 opsoek en lees. Sê: Dit kan dalk ‘n bietjie oorweldigend lyk dat
ons verantwoordelik is om die goeie nuus na almal in ons eie krag te neem. Hoe kan ons hierdie
“opdrag” ‘n bietjie makliker maak? Kom ons soek Handelinge 1:8 op en lees dit. Lees die versie
hardop saam. Vra: Eerstens, waar gaan ons die krag kry om ons “opdrag” uit te voer? (Ons sal
krag van die Heilige Gees ontvang.) En wat is ons presiese opdrag? (Om getuienisse te wees van
wat Jesus vir ons gedoen het en vir andere wil doen.) En wat sê hierdie versie vir ons om ons te
help om ons verantwoordelikheid makliker te maak as “aan alle nasies”? (Dit sê gaan na
Jerusalem, Judea, Samaria en na die eindes van die aarde.) Wat beteken dit? (Jerusalem is ‘n
Kragpunt – Jaar B – Kwt 2 8

stad, Judea kan vergelyk word met ons provinsie, Samaria kan die land beteken, en die eindes van
die aarde is self-verduidelikend. Daar word van ons gevra om te begin waar ons is en dan verder
te gaan soos wat God ons lei.) Waar ons ookal is
AANVAAR ONS DIE VERANTWOORDELIKHEID OM DIE GOEIE NUUS MET ANDERE TE DEEL.
Scenario
3. TOEPASSING VAN DIE LES
Lees die volgende scenario hardop vir u studente: Jasmin ontmoet vir Jerrod deur ‘n
gemeenskaplike vriend. Hulle hou van mekaar en begin lekker gesels en sien mekaar net
wanneer hulle kan. Toe Jerrod uitvind dat sy ‘n Christen is, vra hy haar ‘n direkte vraag: “Ek het
altyd gehoor dat mense van die “goeie nuus van die evangelie” praat. Wat is dit? As dit sulke
goeie nuus is, wil ek dit hoor. Waarom is mense so ontwykend en beskermend daaroor? Jasmin
het nie eintlik geweet wat om te sê nie. “Ek dink dat Jesus gesterf het en weer opgestaan het,”
het sy gesê sonder om te weet wat om regtig te sê. “Wat is goed aan daardie nuus? Wat het dit
met my te doen?” het Jerrod geantwoord. “Ek, um ... ek weet nie,” het Jasmin gesê en vinnig
die onderwerp verander, ‘n bietjie in die verleentheid. Jerrod het tevrede gevoel met sy mening
dat Christelikheid niks vir hom gehad het nie.
Opsomming
Vra: Was Jerrod reg? Hoe kon Jasmin die goeie nuus van die evangelie verduidelik het? Hoekom
dink julle het sy nie geweet nie? Wat sou julle gedoen het as julle julleself in so ‘n situasie
bevind het? Hoe kan julle beter voorberei wees om iemand se vrae te beantwoord?
Sê: Indien
ONS DIE VERANTWOORDELIKHEID AANVAAR OM DIE GOEIE NUUS MET ANDERE TE DEEL,
aanvaar ons ook die verantwoordelikheid om te weet wat die goeie nuus is en hoe dit ons
lewens beïnvloed het.
Die Evangelie in ‘n Neutedop
U Benodig:
papier
potlode
4. DEEL DIE LES
Vra: Het julle al ooit na ‘n advertensie gekyk of geluister? Verduidelik dat in ‘n advertensie jy die
hele konsep en inligting oor die produk moet neem - die belangrikheid daarvan - en dit in meer as
vyf van die belangrikste kwaliteite, karaktertrekke, of verkoopspunte van daardie produk moet
verdeel. Alles hiervan moet dan in 30-60 sekondes van advertensietyd inpas.
Verdeel die studente in groepe van vyf of ses. Vra hulle om ‘n advertensie te maak vir die goeie
nuus van die evangelie, deur dieselfde tegnieke te gebruik. Herinner hulle om aan die
“verkoopspunt” te dink, die ding wat sal maak dat die mense die idee sal “koop.” Wanneer hulle
Kragpunt – Jaar B – Kwt 2 9

gereed is, vra vir vrywilligers om hulle advertensies te deel.
Opsomming
Vra: Wat is die “verkoopspunt” van die advertensies? Wat is die sleutelpunte? Waarom sal
iemand opgewonde wees hieroor? Hoe kan u hierdie inligting gebruik om jou vreugde oor die
goeie nuus met jou vriende te deel? Jou klasmaats? Jou onderwysers? Jou familie? Wat kan
julle hierdie week doen om julle vreugde te deel? Kom ons sê ons kragpunt saam:
ONS AANVAAR DIE VERANTWOORDELIKHEID OM DIE GOEIE NUUS MET ANDERE TE DEEL.
Afsluiting
Sê: Vader, ons aanvaar die verantwoordelikheid om die goeie nuus met andere te deel. Help
ons om die moed te hê om ons vreugde met andere wat U nodig het, te deel. Dankie dat U
hierdie verantwoordelikheid aan ons toevertrou het. Amen.
Kragpunt – Jaar B – Kwt 2 10