n belastingboffin te word.

Belastingseisoen
2012
Alles wat jy moet weet om
‘n belastingboffin te word.
vroeg eerlik

Die belastingseisoen het begin
Wie moet ‘n Inkomstebelastingopgawe
[ITR12] indien?
Nie seker
of jy ‘n
Inkomstebelastingopgawe
(ITR12)
moet
indien nie?
As jy in enige
van die volgende
kategorieë val,
moet jy ‘n
belastingopgawe
indien:
Dit is nou die tyd om jou Inkomstebelastingopgawe (ITR12) te voltooi en by SARS in te dien. Doen dit
vroeg en eerlik en sluit aan by die oorgrote meerderheid belastingbetalers wat ‘n onskatbare bydrae tot die
ontwikkeling van ons land maak. Elke belastingbetaler wat sy of haar belastingverpligtinge en -verantwoordelikhede
nakom, versterk die kultuur van belastingnakoming. Dit maak dit vir SARS makliker om sy hulpbronne
toe te spits waar dit werklik nodig is – op daardie landgenote wat verseg om hulle billike gedeelte belasting te
betaal en alles moontlik doen om nie te betaal wat hulle verskuldig is nie.
Van ons kant af doen ons alles moontlik om jou te help om jou opgawe vinnig en maklik in te dien. Ons wil
jou help om ‘n belastingboffin te word! Hierdie vinnige gids is ‘n goeie begin om te verstaan wat die
belastingproses behels en wat van jou verwag word. Dit is gevul met al die inligting wat jy nodig het om jou
maklik en moeiteloos deur Belastingseisoen 2012 te help.
Sperdatums
As jy jonger as 65 jaar oud is en ‘n inkomste
van meer as R59 750 van een of meer
bronne of meer as R120 000 van een werkgewer
ontvang het in die jaar van aanslag
van 1 Maart 2011 tot 29 Februarie 2012
As jy 65 jaar oud en jonger as 75 jaar is en ‘n
inkomste van meer R93 150 van een of meer
bronne of meer as R120 000 van een werkgewer
ontvang het in die jaar van aanslag van
1 Maart 2011 tot 29 Februarie 2012
As jy ouer as 75 jaar is en meer as R104 261 van
een of meer bronne of meer as R120 000 van
een werkgewer ontvang het in die jaar van
aanslag van 1 Maart 2011 tot 29 Februarie 2012
Indien jy:
Die sperdatum vir alle belastingbetalers wat die papierweergawe van hulle belastingopgawes per hand
indien deur dit te pos of in ‘n SARS-posbus te plaas, is 28 September 2012.
Die sperdatum vir alle belastingbetalers wat hulle opgawes elektronies by ‘n SARS-tak indien,
is 23 November 2012.
• Enige handel* in Suid-Afrika gedryf het
• Enige toelae soos ‘n reis-, verblyf- of
Openbare Ampternaartoelae ontvang het.
Verwys na Artikel 8(1)(a) van die Wet op
Inkomsteblasting as jy onseker is
• Enige fondse of bates ter waarde van meer
as R50 000 buite Suid-Afrika het
• ‘n Plaaslike Kapitaalwins/-verlies van meer as
R20 000 het
• Enige inkomste of Kapitaalwins in
buitelandse valuta ontvang het
• Enige regte in ‘n Buitelands Beheerde
Maatskappy besit
• ‘n Inkomstebelastingopgawe ontvang het of
versoek is om ‘n Inkomstebelastingopgawe
vir die betrokke jaar van aanslag in te dien
*Die begrip “handel” sluit kortweg enige
beroep, ambag, sakeonderneming, roeping,
nering of onderneming in, insluitend die
verhuring van enige eiendom, maar uitgesluit
enige inkomste van ‘n werkgewer.
Nie-voorlopige belastingbetalers wat hulle opgawes via eFiling indien se sperdatum is 23 November 2012.
Voorlopige belastingbetalers wat hulle opgawes deur eFiling indien, se sperdatum is 31 Januarie 2013.

Hoe om jou Inkomstebelastingopgawe
[ITR12] in te dien
Daar is ‘n verskeie maniere om jou opgawe te voltooi en in te dien.
Wees dié Belastingseisoen ’n belastingboffin deur die opsie te kies wat jou die beste pas:
- eFiling: Die gerieflikste en vinnigste manier om dit in te dien
- Dien elektronies in by ‘n tak waar ons vriendelike personeel jou sal help
- Voltooi die papierweergawe van jou opgawe en pos dit aan SARS of plaas dit in ‘n SARS-posbus
eFiling
1
2
3
4
5
Registreer by sarsefiling.co.za as jy dit nog nie
gedoen het nie! Sluit aan by die meer as 2.3
miljoen mense wat reeds die spoed, gerief en
gemak van SARS eFiling geniet. As jy al vir eFiling
geregistreer het, teken net aan met jou eFiling
gebruikersnaam en wagwoord.
Sodra jy suksesvol geregistreer of aangeteken
het, kry jy jou Inkomstebelastingopgawe (ITR12)
waarop al jou persoonlike inligting reeds ingevul
is as jou werkgewer jou IRP5-inligting deurgegee
het. As dit nie die geval is nie, kan jy later weer
probeer en dan op “Refresh IRP5 Data” kliek.
Vul dan ‘n vraelys op die eerste bladsy van die
ITR12 in sodat al die velde wat jy op die opgawe
moet invul, geskep kan word.
Die tweede bladsy bevat al jou persoonlike besonderhede.
Maak seker dat die voorafingevulde inligting
korrek is en maak veranderinge waar nodig. Maak
seker dat jy al die verpligte en toepaslike velde invul of
verifieer. Een hiervan is die veld vir bankbesonderhede.
SARS kan nie ‘n terugbetaling (indien van
toepassing) uitbetaal sonder die korrekte bankbesonderhede
nie.
Die derde bladsy bevat inligting oor jou salaris en
belastingaftrekkings.
6
7
8
9
10
Elektroniese indiening by ‘n SARS-tak
Ons vriendelike personeel by SARS se takke staan reg om belastingbetalers te help wat verkies om hulle opgawes by hulle
naaste SARS-tak in te dien. Bring net die volgende stawende dokumente saam en ons doen alles vir jou:
- Jou oorspronklike ID of paspoort, asook ‘n gewaarmerkte afskrif, of, in die afwesigheid van ‘n ID/paspoort, ‘n beëdigde verklaring en ‘n
tydelike ID/paspoort
- Oorspronklike bankstaat met ‘n bankstempel wat nie ouer as drie maande is nie
- Oorspronklike bewys van woonadres wat nie ouer as drie maande is nie en waarop jou naam en woonadres verskyn
(bv. ‘n munisipale rekening)
- Mediese skema fondssertifikate en kwitansies/Uitreeannuïteitsertifikate
- Jou IRP5/IT3(a)-sertifikaat(e) wat jy van jou werkgewer ontvang het
- Ritboek (indien jy ‘n reisteolae ontvang)
- Belastingsertifikate wat jy ontvang het met betrekking tot beleggingsinkomste [IT3(b)]
- Voltooide bevestiging van diagnose van ongeskiktheid (ITR-DD) indien van toepassing
- Inligting met betrekking tot kapitaalwinmediesestransaksies (indien van toepassing)
- Jou goedgekeurde Vrywillige Blootleggingsprogram-ooreenkoms (VBP) met SARS vir die jare voor 17 Februarie 2010 (waar van toepassing)
- Finansiële state (indien van toepassing, bv. besigheidsinkomste)
- Enige ander dokumente met betrekking tot inkomste wat jy ontvang het of aftrekkings wat jy wil eis
Enige veranderinge aan bankbesonderhede sal geverifieer word voordat jou bankprofiel hersien sal word. Enige terugbetalings aan jou verskuldig
(indien van toepassing) sal net verwerk word nadat jou bankbesonderhede geverifieer is.
Verdere inligting oor hoe om bankbesonderhede te verander, is beskikbaar op SARS se webtuiste sars.gov.za.
Die volgende stap is om jou belegginsinkomste
te verklaar. As jy enige plaaslike of buitelandse
belasbare winste gemaak of verliese gely het,
voltooi die belasbare kapitaalwins wat jy gemaak
het. Verklaar enige ander inkomste wat jy verdien
het. As jy besigheids- of professionele inkomste
of huurinkomste verdien het, moet jy die
gedeelte vir “Local business, trade and professional
income” invul.
Teken jou jaarlikse mediese uitgawes aan as jy jou
eie mediese skemabydraes uit jou bankrekening
betaal het en/of enige ander mediese uitgawes
wat jy nie van ‘n mediese skema verhaal het nie.
Verklaar jou uittreeannuïteits- en inkomstebeskermingsbydraes.
Eis jou werkverwante reisuitgawes
teen jou reistoelae.
Sodra jy die belastingopgawe voltooi het, kliek
“Save online” en gebruik dan ons aanlynbelastingrekenaar
om ‘n aanduiding van jou aanslag te kry.
Sodra jy reg is om die aanslag by SARS in te dien,
kliek “File”. As enigiets verkeerd of onvolledig is,
sal eFiling jou vra om dit reg te stel. ‘n Gids,
eFiling step-by-step guide to your ITR12, is op
SARS se webtuiste by sars.gov.za beskikbaar om
jou te help om jou belastingopgawe te voltooi
en in te dien.
As jou opgawe korrek en eerlik voltooi is, sal jy
die kennisgewing van jou aanslag (ITA34
Notice of Assessment) binne 48-uur op jou
eFiling profiel ontvang. Die kennisgewing sal
aandui wat jy SARS skuld of wat SARS jou
skuld in die vorm van ‘n terugbetaling.
Pos of plaas in ‘n SARS-posbus by ‘n SARS-tak
Indien jy verkies om ‘n papierweergawe van jou opgawe in te dien, skakel SARS se Kontaksentrum by 0800 00 SARS [7277] of besoek
‘n SARS-tak om jou Inkomstebelastingopgawe (ITR12) aan te vra. Dit sal dan aan jou gepos word.

Binnekort beskikbaar...
Nuwe maniere om ‘n belastingboffin te word
Help-You-eFile
eFiling, die gratis, maklike en veilige manier om aanlyn met SARS te kommunikeer, beloof om self nog makliker te word wanneer
Help-You-eFile bekendgestel word. Net nog ‘n rede om vir eFiling te registreer as jy nog nie ‘n eFiler is nie.
Geen lang toue, parkering soek of kantoorure meer om toegang tot ons personeel se hulp en raad te kry nie. Help-You-eFile gee
jou toegang tot ons agente terwyl jy aanlyn besig is! Maak die regte keuse en registreer hierdie belastingseisoen vir eFiling!
Help-You-eFile sal dit makliker maak om jou individuele Inkomstebelastingopgawe (ITR12) in te vul aangesien dit een van ons
spesiaal opgeleide agente sal toelaat om jou te help terwyl jy op jou eFiling profiel besig is. Jy “deel” jou internet-leserskerm
met ons agent wat die proses stap-vir-stap sal verduidelik, en jou sal help met enige probleme wat jy met die invul van jou opgawe
ondervind.
MobiSite
Besige mense wat verkies om met hulle selfone toegang tot die Internet te kry, sal binnekort kan kies om hulle individuele Inkomstebelastingopgawes
op ons mobiele webwerf in te dien. Al wat jy nodig het, is ‘n selfoon met toegang tot die Internet omdat jy aan
die Internet verbind moet wees. Sodra jy na sarsefiling.co.za gaan, sal jou selfoon herken word en sal jy outomaties na ons
mobiele webwerf gestuur word.
eFilingApp
Belastingbetalers wat glad nie sonder hulle selfone kan klaarkom nie, kan binnekort ook hulle individuele Inkomstebelasting-opgawes
met behulp van ‘n nuwe SARS eFilingApp indien.
YouTube
Jy kan in ‘n belastingboffin ontpop – besoek ons YouTube bladsy om uit te vind hoe.
eFiling het Riaan, ‘n doodgewone outjie in ‘n doodgewone kantoor, se lewe heeltemal verander. Die oomblik toe hy belasting onder
die knie kry, het hy in ‘n belastingboffin ontpop. Om uit te vind hoe eFiling jou lewe ook kan verander, gaan kyk na ons YouTube
videos op youtube.com/sarstax.
Slaan die gedaanteverwisseling in Riaan gade in die videos terwyl ons jou wys hoe om blitsvinnig vir eFiling te registreer, hoe om
jou Inkomstebelastingopgawe (ITR12) in te dien, en hoe maklik dit is om stawende dokumente te skandeer as ons jou versoek
om dit in te dien.
Nou kan almal belastingsboffins wees.
Belangrik
Uitfasering van Standaard Inkomstebelasting op Werknemers [SIBW]
Die uitfasering van Standaard Inkomstebelasting op Werknemers (SIBW) het op 1 Maart 2011 begin. SIBWbelastingbetalers
wat meer as een Werknemersinkomstebelastingsertifikaat [IRP5/IT3(a)] ontvang wat ‘n gesamentlike
inkomste hoër as die belastingdrempel vir die betrokke belastingjaar tot gevolg het, sal nou ‘n Inkomstebelastingopgawe
(ITR12) vir die 2012 jaar van aanslag en jaarliks daarna moet indien. Vir nadere inligting skakel SARS se Kontaksentrum
by 0800 00 SARS [7277] of besoek jou naaste SARS-tak of sars.gov.za
Verander jou bankbesonderhede by SARS
As jy ‘n SARS-tak besoek om ‘n papierweergawe van jou Inkomstebelastingopgawe in te dien wat veranderinge aan
jou bankbesonderhede insluit, moet jy ook stawende dokumente voorlê. SARS kan jou ook versoek om ‘n SARS-tak
te besoek om veranderinge aan jou bankbesonderhede wat via eFiling gedoen is, te verifieer. SARS sal só ‘n versoek
in ‘n amptelike brief aan jou pos. Let asseblief daarop dat SARS, om jou teen enige moontlike bedrieglike of misdadige
optrede te beskerm, nooit jou bankbesonderhede telefonies, per pos, per faks of per e-pos sal aanvra nie.
‘n Lys van die stawende dokumente wat SARS as bewys van ‘n fisiese adres sal aanvaar, is beskikbaar op die Belastingseisoen
2012-bladsy op sars.gov.za of skakel die SARS-kontaksentrum by 0800 00 SARS [7277].
Vir meer inligting
Skakel die SARS-kontaksentrum by 0800 00 SARS [7277]
Kantoorure: Maandae, Dinsdae, Donderdae en Vrydae: 08:00 tot 17:00
Woensdae: 09:00 tot 17:00 (Naweke en openbare vakansiedae uitgesluit)
Besoek jou naaste SARS-tak of verwys na die Belastingseisoen 2012-bladsy op sars.gov.za
Kwytskelding
Die inligting wat in hierdie brosjure vervat is, is bedoel as ‘n gids en word nie beskou as ‘n regsverwysing nie, en ook nie as ‘n bindende beslissing nie. Die inligting vervang nie wetgewing nie en lesers wat
onseker is oor enige aspek van die inligting wat in hierdie brosjure vervat is, behoort die tersaaklike wetgewing te raadpleeg, of ‘n formele mening van ‘n toepaslik gekwalifiseerde ipersoon in te win.