Algemene Inligting oor ons Gemeente - Die Gereformeerde Kerk ...

TEITE
GEREFORMEERDE KERK BELLVILLE
ALGEMENE INLIGTING OOR ONS GEMEENTE
BYBELSTUDIEGROEPE
Bybelstudie deur die predikant
Elke Dinsdag (nie tydens skoolvakansies) om 09:30 en 19:00 in die konsistorie deur ds. Coen Very
– kontakbesonderhede 021-991-911-5419 of 082-808-4432 of cca.vrey@telkomsa.net.
Engelse Bybelstudie
Elke Donderdag (nie tydens skoolvakansies) om 19:00 in Rondebosch by br. Simon Jooste. Sy
kontakbesonderhede is 0083-973-5818 of simonjooste@gmail.com.
Bybelstudie vir Mammas
‘n Bybelstudiegroep op Woensdae om 15:00 vir ma’s met (of sonder) babas en kinders, wat nie
omgee om bymekaar te kom en die Here te aanbid terwyl daar so bietjie choas rondom hulle heers
as die kinders speel nie. Ons behandel onderwerpe waaraan daar ‘n behoefte is aan meer wysheid
van die Here af deur Sy Woord. Vir navrae kan sr. Magda Groot gekontak word by 0844506166 of
magda.groot@gmail.com
DANKOFFERS
U maandelikse dankoffers kan per internet, debietorder, aftrekorder of per bydraekoevert afgedra
word. Bespreek gerus die ideale metode vir u met u ouderling. Ons versoek u vriendelik dog
dringend om asseblief u naam, wyk en waarvoor die betaling is, by u inbetaling te meld. Dit
vergemaklik die administrasie en verantwoordbare verrekening van die inkomste.
DIAKENS
Voorsitter: Br. Niel van Hoving (083-444-7392 / nvhoving@gmail.com)
Skriba: Br. Jacobus Venter (072-618-8892 / jdventer@live.com)
DORKAS
GELEENTHEID VIR DIENSWERK IN ONS GEMEENTE! Ons weet dat die Woord ons oproep om
ons medegelowiges in nood te ondersteun en te versorg. Die diens van armesorg laat ons
hoofsaaklik aan die diakens oor, maar die versorging van ons medemens op geestelike, emosionele
en sosiale vlak moet uit elke gelowige se dankbare hart voortvloei. 'n Groep susters (die Dorkasse)
het die taak op hulle geneem om aan lidmate bo 70 jaar 'n pastorale en hulpdiens te voorsien. Daar
word gereeld individuele besoeke afgelê waar hulle 'n stukkie uit die Bybel lees, bid en gesels.
Pragtige bande word gesmee en nuwe vriende word gemaak. Ons het verlede jaar 'n lidmaat vir
drie maande lank weekliks na die hospitaal vervoer vir behandeling - die betrokkenes kon agterna
getuig hoe 'n verrykende ervaring dit vir hulle was! Een suster het gestremde lidmate in 'n tehuis
besoek en Bybelbandjies voorgespeel waarna die hele siekeboeg geluister het!
Omdat daar 'n vertrouensverhouding ontwikkel, kry sommige van die susters ook die geleentheid
om diepgaande geestelike gesprekke te voer. Nog baie meer word stil-stil gedoen en so is daar
geleentheid om susterskap en Christenskap prakties uit te leef. Hier aan die begin van die jaar wil
ons alle susters wie se omstandighede dit toelaat, uitnooi om betrokke te raak - al sien jy net vir een
besoekpunt kans - iemand het jou nodig!
Laat ons mekaar se lewens verryk, mekaar ondersteun in die geloof en en so weet dat Christus in
ons harte leef!
Sameroeper: Sr. Lizette Opperman (082-580-4481 / lizopperman@gmail.com).
1

GEEL BLADSYE
U kan u diens / produkte / besigheid gratis hierin adverteer. Die blaadjie verskyn 1 keer per
kwartaal met Nagmaal-Sondag.
Sameroeper: Diak. Koos Myburgh (084-228-0395 / jgmyburgh1000@gmail.com)
KALENDER
Ons gemeente-kalender is in die kerkkantoor beskikbaar. Elke gesin ontvang 1 gratis en alle
belangrike datums en vergaderings is daarop aangebring.
KATKISASIE
Elke Sondagoggend na die erediens (buiten langnaweke en skoolvakansies) is daar katkisasie vir
alle kinders (graad R tot graad 11). Ons het jaarliks ‘n kamp waar die jong broeders en susters wat
belydenis van hulle geloof wil aflê, finale afronding in die kategese ontvang.
KERKRAAD
Voorsitter: Ds. Coen Vrey (021-911-5419 / 082-808-4432 / cca.vrey@telkomsa.net)
Skriba: Br. Adriaan Louw (082-787-7116 / adriaanl@paracon.co.za)
KIERIEKLUB
Dit is ons gemeente se stapklub (vir almal, nie net vir diè met kieries nie!). Vir elke eerste Saterdag
van die maand is daar ‘n staptog beplan en “sitters” is baie welkom om die piekniekplek op te pas!
Sameroeper: Br. Willem de Haan (021-913-2511 / dehaan1942@gmail.com)
KLIPPIES (Laerskoolkinders: graad 1 – graad 7)
Die hoofdoel van die byeenkomste is vir kinders in ons kerkverband om mekaar beter te leer ken en
om meer van die Bybel te leer. Die byeenkomste is elke tweede Vrydag van 6 – 8 nm. Tydens die 2
ure speel die kinders saam, word ‘n les uit die Bybel aangebied en ‘n ligte maaltyd word vir die
kinders voorberei. Klippie-ouers kry diensbeurte om te help met maaltye, die kinders voor en na ‘n
les te vermaak asook om toe te sien na die kinders se algemene veiligheid. In elke kwartaal is daar
twee sosiale geleenthede en dis tipies ‘n speletjies aand, pizza aand, safari-ete of en piekniek op
die strand. Daar is ook een uitstappie per jaar. Hierdie is lekker ontspanne bymekaarkom tye vir die
kinders en die ouers kry die geleentheid om mekaar beter te leer ken.
Sameroeper: Sr. Yolande Bartlett (021-976-6177 / ybartlett@webonline.co.za)
LEWENDE STENE (Hoërskooljeug: graad 8 – graad 12)
Die Lewende Stene is ons gemeente se dinamiese jongklomp tussen 14 en 18 jaar. Wat doen ons?
Ons kuier gereeld saam en het interessante projekte wat ons vir die jaar beplan. Waaroor gaan dit?
Om ons vriendekring in die gemeente uit te brei en so saam die Here te dien en Sy Koninkryk op
aarde uit te brei. Kom wees deel van Lewende Stene!
Sameroepers: Br. Koos (084-228-0395) en sr. Bianca Myburgh (084-710-5741)
NUWE LIDMATE
Baie welkom in ons gemeente! Meld asseblief by die predikant, skriba of kerkkantoor aan sodat
ons u besonderhede kan kry, u in ‘n wyk ingedeel kan word en huisbesoek kan ontvang.
PREKE
Preke is vooraf beskikbaar per epos of skriftelik, laasgenoemde teen R30 per maand.
Psalms in grootdruk uitgedruk is gratis beskikbaar vir swaksiendes.
Bybelstudie is ook vooraf beskikbaar per epos of uitgedruk, laasgenoemde teen 50c per bladsy.
Preke op klank beskikbaar op CD (1 preek) teen R10 elk of DVD (baie preke) teen R45 elk.
Kontakpersoon: Sr. Margo Nijeboer (083-263-4523 of gkbellville@mwebbiz.co.za)
2

ROTSE (Naskoolse Jongmense)
Die "Rotse" is die naskoolse jongklomp wat hoofsaaklik ons studente en jong werkende lidmate
insluit .....of kom ons noem dit eerder boeties en sussies in die geloof wie se hoofdoel voor oë is om
die Here te dien en Sy Koninkryk op aarde uit te brei deur die gemeenskap onder die jongmense in
ons gemeente te bevorder. Deur middel van verskeie aksies gedurende die jaar, soos onder
andere fliekaande, koffie drink sessies, kamp- en staptogte leer hulle mekaar ken en vorm die Rotse
'n omgee groep wat na mekaar se behoeftes omsien. Die Rotse is ook betrokke by 'n
jong-mens-Bybelstudiegroep wat elke week vergader en baie noukeurig die Woord van
God bestudeer.
Sameroeper: Br. Roald Botha (084-493-1755 / roaldbotha@gmail.com
SENIORS
Hierdie komitee reël funksies, uitstappies en etes vir die seniors (dis nou alle persone bo 60 jaar).
Verder besoek ons ook die seniors bo 70 jaar op hulle verjaardae met ‘n geskenkie van die Susters.
Maar om al hierdie dinge te doen, het ons mense nodig wat kan help. Ons vra enig-iemand (ook
mans) wat ons hiermee kan bystaan om die sameroeper (sr. Geertje Groenewald) te kontak
(021-930-4149 / 083-709-6698 / geertje@telkomsa.net) of sr. Elly den Haan (021-930-3644 /
082-355-4308 / pdenhaan@vodamail.co.za). Hierdie is ook ‘n geleentheid om die onderlinge band
tussen gelowiges te versterk, en ook om meer gemeentelede te leer ken. Baie dankie vir u
bereidwilligheid om ons hierin te help!
SKIEREILAND VIR CHRISTUS
Dit is ons evangelisasie-uitreik na minder-bevoorregte kinders van die Laerskool de Waveren in
Ruyterwacht. Ons ontvang hierdie groep kinders 1 keer per maand hier by die kerk waar ons hulle
voorsien van kos en kleding. Hulle ontvang Bybels, asook Bybelonderrig en doen ook een of ander
vorm van handwerk. Dinsdagmiddae word by die skool Bybelstudie deur ds. Coen gedoen.
Kontakpersone: Ds. Coen Vrey (021-911-5419 / 082-808-4432 / cca.vrey@telkomsa.net)
Sr. Annamarie Bester (021-948-2952), sr. Sanet van Hoving (083-642-0611)
SUSTERS
Doel
Die hoofdoel van die Susters in ons gemeente is om, buiten die opdrag soos verwoord in Mattheus
22:26-40, ook die amp van gelowige in die gemeente uit te oefen ooreenkomstig elke suster se aard
en roeping. Alle susters en ander belangstellendes se betrokkenheid by die susters-aksies word
waardeer en bied ook geleentheid vir die bevordering van die gemeente-eenheid.
Praktiese Funksionering
Die susters lewer ‘n hulp- en liefdesdiens binne die gemeente in samewerking en onder toesig van
die Kerkraad en Diakonie. Die Bybelse beginsel waaronder alle barmhartigheidswerk val
(‘Galasiërs 6:16 ..doen goed aan almal, maar veral/meeste aan die huisgenote van die geloof’) geld
ook vir dit wat die Sustersorganisasie onderneem. In geval van hulp/uitreike na buite die gemeente,
moet dit eerstens geskied met die verkondiging van die Woord. Dit is ons primêre taak as
gelowiges om die Woord te versprei voordat aandag aan die nood verleen word.
Lidmaatskap
Die sustersorganisasie is NIE ‘n diensorganisasie waaroor jy self kan besluit of jy daarvan ‘n lid wil
wees of nie. Alle belydende susters is outomaties lid van die plaaslike susters-organisasie en kan
daarom ook nie self na willekeur besluit om jou lidmaatskap te onttrek nie. Die enigste uitsondering
is wanneer Gemeenskap met die Gereformeerde Kerk verbreek word. U deelname/betrokkenheid
aan aksies is wel u eie besluit en verantwoordelikheid.
Struktuur
3

‘n Bestuurskomitee word jaarliks by die Augustus susters-maandvergadering verkies uit susters wat
genomineer was. Hierdie komitee koördineer dan die susters aksies, vergaderings, ens. Vir elke
wyk is daar ook ‘n wyksuster wat saam met die ouderling en diaken omsien na die lidmate in die
betrokke wyk. Die wyksuster behoort ook met die Bestuurskomitee te skakel in gevalle waar die
susters moontlik hulp kan verleen.
Die susters se vergaderings vind maandeliks plaas in die konsistorie op die tweede Woensdag van
die maand.
Kommunikasie
Kennisgewings aan die susters en ander relevante inligting word weekliks in Die Loot aangedui en
op die kennisgewingbord in die konsistorie aangebring. Onderlinge kommunikasie tussen die
susters vind plaas deur persoonlike kontak, te-lefoon/selfoon oproepe, e-pos, vergadering notules
en –omsendbriewe, deelname aan vergaderings, Sustershandleiding, ens.
Teken in op die Gereformeerde Vroueblad waarin waardevolle opbouende inligting verkry kan word.
Bywoning van die jaarlikse Bolandse Sustersaamtrek. Kontak word daar gemaak met mede-susters
in die Klassis Boland.
By watter aksies kan u as suster betrokke raak?
Die onderstaande is nie ‘n volledige lys nie, maar gee ‘n goeie weergawe van waar u moontlik u
talente kan aanwend en insette kan gee: Skiereiland vir Christus, Russiese Federasie
Evangelisasie, Seniors, Dorkasse
Verversings
Die susters beplan en verskaf verversings by Kerkraad- en ander -vergaderings, Sondagoggende
na die erediens, begrafnisse, spesiale geleenthede en gemeent funksies. Die skinkbeurte vind op ‘n
rotasielys plaas. ‘n Afskrif is op die kennisgewingbord en by die wyksuster.
Persoonlikse betrokkenheid
In geval van lief en leed onder die lidmate, word persoonlike betrokkenheid deur die susters van die
gemeente aangemoedig. Siekebesoek, hospitaalbesoek, vrywillige hulpverleding waar daar ‘n krisis
in ‘n gesin ontstaan, is enkele voorbeelde waar daar groot behoefte aan susters-deelname is.
Kerkkombuis
Die susters is verantwoordelik vir die instandhouding van die kerkkombuis. Vrywilligers word gevra
vir o.a. die was van gebruikte vadoeke, tafeldoeke, ens. Kontak die voorsitster in die verband.
Ander uitreikaksies buite die Gemeente
Daar word probeer om jaarliks ook hiervoor ‘n projek aan te pak. Inligting word vroegtydig
gesirkuleer en hulp sal uiteraard meer as welkom wees.
Samevatting
Ons het almal baie genadegawes en middele ontvang en wat ons as Susters aanpak, doen ons uit
dankbaarheid en tot eer van die Here en tot uitbreiding van sy Koninkryk. Susters, kom neem deel
en geniet die saamwees en die leer ken mekaar as susters van die G.K. Bellville. Daar is ‘n plek/
rol vir elke suster in die gemeente.
Voorsitster: Sr. Elly Den Haan (021-930-3644 / 082-355-4308 / pdenhaan@vodamail.co.za)
Sekretaresse: Sr. Delène Very (021-911-5419 / 084-602-1382 / dvrey@webmobile.co.za)
TEGNOLOGIESE HULPMIDDELS
Gehoorapparate is Sondae voor in die kerk aan die regterkant beskikbaar.
Eredienste word via die internet in-tyd “uitgesaai” – die internet adres (of URL) is
http://audioserver.nl/stream/?id=1217%22
WYKE
Alle lidmate is ingedeel in wyke. Vir elke wyk is daar ‘n ouderling, diaken en wyksuster toegewys
deur die kerkraad. Wykslyste is in die konsistorie aangebring vir u kennisname.
4