LEWE NA APARTHEID: LIDMATE SE NARRATIEWE VANUIT 'N ...

Hoofstuk 4: Die verhaal oor apartheid – teenswoordige tyd
p251
5. Samevatting
In hierdie hoofstuk is die menings van die mede-navorsers soos uitgedruk in 2012
weergegee. Sommige daarvan is hoopvol, terwyl daar ook ʼn beduidende bekommernis
oor die toekoms van Suid-Afrika is. Volgens die gekose ABDCE-skema is hierdie
hoofstuk gewy aan ʼn verhaal van die klimaks. Hiervolgens moes hierdie hoofstuk die
hoogtepunt van die navorsing gewees het. Of dit wel ʼn klimaks, of dalk ʼn antiklimaks is,
sal die leser maar self moet oordeel.
Die mede-navorsers kom weereens aan die woord oor die temas wat in die vorige
hoofstuk bespreek is. Hulle gee hulle menings oor apartheid as beleid, oor die twee
wêrelde waarin Suid-Afrikaners steeds leef en oor die onvermydelike kwessie van ras
en rassisme. Die vraag oor wit skuld, die rol van die NG Kerk, regstellende aksie en die
uitdagings op die pad vorentoe, word bespreek.
In die laaste hoofstuk, ʼn verhaal van ʼn einde, sal gekyk word na wat die rol en pad van
wit Afrikaanse Christene in hierdie post-apartheid Suid-Afrika sal moet wees om deel te
wees van die toekoms van hierdie land.