Printable PDF

Eisestatistieke Januarie tot Desember 2008
R2.03 miljard
Totale Risikodekkingseise
Januarie tot Desember 2008
Daar is elke dag mense wat polisse opneem by Liberty Life en hulle vertroue in ons
plaas om daar te wees vir hulle indien ’n onbeplande gebeurtenis hulle lewens negatief
beïnvloed. Daarom is dit vir Liberty Life ’n groot eer om ons eisestatistieke aan jou
bekend te maak – ’n tasbare bewys dat ons jou vertroue werd is.
Toe Liberty Life vir die eerste keer ons eisestatistieke gepubliseer het, het ons dit gedoen
met die oortuiging dat ons kliënte die reg het om die syfers te weet, ongeag of dit
goed of swak is. Ons mededingers in die bedryf het onmiddelik die waarde van sulke
openhartigheid en eerlikheid besef, en dieselfde gedoen. Ons bedank hulle dat hulle
ons voorbeeld gevolg het en sodoende bewys dat ons wel eise uitbetaal en omgee vir
ons kliënte.
Want aan die einde van die dag, kan ’n tragiese gebeurtenis in jou lewe óf die
begin van die einde beteken, óf die begin van ’n nuwe lewe. ’n Lewensversekerings
uitbetaling help jou en jou geliefdes om tot verhaal te kom met
’n nuwe realiteit, om die storie van jou lewe voort te sit ten spyte van tragedie.
En dit is waarom die syfers belangrik is, want die mense wie se lewens hulle
aanraak is kosbaar.
1