Overkruiner Mar17

Maandblad van NG Overkruin - MAART 2017
Demensie
- die groot vrees ...
NG Overkruin Gaan Groen
Verwelkom Ds. Moolman
Ons kinders gee om
Kuier saam
Gemeenteraadsbesluite
Ds. Corné en Zanné word verras
Bybelsondag
Jak de Priester

Demensie - die groot
vrees in veroudering ...
Petrus Moolman. Leraar, Seniorvolwassenebediening NG Overkruin
Baie mense sien reikhalsend uit na hulle aftrede. Hulle
dink nie graag oor die pad van veroudering wat die
meeste mense normaalweg loop nie. Veroudering
is deel van ons menslike ontwikkeling, net soos ons
kinder-, jeug- en middeljare. Dit bring ons by die
onvermydelike eindstreep. Dit hoef egter nie ‘n pad van
vrees en emosionele spanning te wees nie. Selfs al is
die proses van veroudering nie altyd maklik nie kan ons
veroudering betekenisvol beleef.
Die oorgrote persentasie mense word gelukkig,
suksesvol en selfs stylvol ouer. Feit is dat mense
vandag al ouer word en die getal ouer mense almeer.
Gemeet teen die groter prentjie is dit relatief min mense
wat deur gevreesde verouderingstoestande soos
demensie en veral Alzheimer-demensie getref word.
Tog bly dit vir die meeste van ons, jonk en oud, ons
grootste vrees in ons veroudering.
Dit word bereken dat ongeveer ses persent van
persone bo 65 in Suid-Afrika, aan een of ander
vorm van demensie ly. In sommige kringe word baie
prominensie verleen aan die toenemende getal
mense met demensietoestande. In die algemeen
word min aandag geskenk aan die moontlikhede
om demensietoestande te voorkom. Daar word
ook min gedoen om die persoon met demensie se
omstandighede so te help bestuur dat hulle lewe
binne die beperkinge van die siekte se graad steeds
betekenisvol kan verloop.
Veral oor Alzheimer-demensie word voortdurend
navorsing gedoen omdat daar selfs in die 21ste eeu
steeds bitter min van die siekte werklik bekend is.
Dit behoort wel algemene kennis te wees dat enige
persoon deur ‘n paar eenvoudige dinge nogal baie kan
bydra om die meeste verouderingstoestande te help
voorkom. Dan verwys ons maar na die basiese raad
wat vir voorkoming van baie mediese toestande geld:
gesonde lewenswyse, nie rook nie en nie oormatig
drink nie, gereelde oefening en ‘n positiewe ingesteldheid
ten opsigte van die lewe in die algemeen, gereelde
mediese evaluering en ‘n gesonde daaglike dieet.
‘n Baie belangrike aspek van moontlike voorkoming van
slegte verouderingservarings, is ‘n gesonde geestelike
lewe. Dit sluit veral in om die omvang van die begrip
‘lewe’ te verstaan. God gee aan ons één lewe vir net
één doel, en dit is om in sy diens te wees as versoende,
herstelde sondaar. Dit doen ons vanuit ‘n gesonde
verhouding met Jesus Christus. Hy het nie eers oud
geword om ons te verlos nie, maar het die fleur van sy
lewe vir ons kom opoffer. Dit alles sodat ons oorvloedig
kan lewe. Daardie lewe noem Jesus ‘ewige lewe’. Dit
sluit ook in dat ons mooi sal kyk na die één lewe wat ons
het!
Die ‘ewige lewe’ beteken veel meer as hemel toe gaan.
Veral wanneer die verouderingskwale mense begin
tref, begin baie mense hartstogtelik na die hemel en
verlossing van aardse lyding verlang. Dit help om die
ongemak van hulle veroudering te hanteer. Natuurlik
behoort ons almal vanuit ‘n wederkomsverlange elke dag
tegemoet te stap ... maar dan, om ons hier en nou so
bietjie meer na die hemelse te laat lyk – selfs ons ouer
word!
Toewydingsreeks 2017
Tonie Viljoen
Vanjaar se Toewydingsreeks is gelei deur professor Danie Veldsman, hoof van Dogmatiek en Etiek, Fakulteit Teologie,
Universiteit van Pretoria. Sy tema was: Om op reis te gaan 2017 in. Ter aanvang het hy verwys na Januariemaand,
waarvan die naam afgelei is van die Italiaanse god, Janus. Hy was die poortwagter in oorlogstye wat na buite en na
binne kon kyk. Vir ons is Januarie die maand waarin ons terug en vorentoe kyk. Op hierdie geloofsreis die nuwe jaar
in, kan ons staatmaak op God se ronde genade. God se genade is nie plat soos die seevaarders van destyds geglo
het die see plat is en dat die horison die einde van die aarde beteken nie. In Psalm 126 sien ons die werklike lewe: “al
huil hy as hy die saaisak dra, hy kom juigend terug terwyl hy sy gerwe dra”. As ek die lewensreis aanpak, moet ek dit
in afhanklikheid van God doen en met die wete dat God se genade rond is – onbeperk is – in hartseer en in blydskap.
Prof. Veldsman het vervolgens verskillende liggaamsorgane as voorbeelde aangewend om die geloofsreis te
verduidelik. In Spreuke 4:23 word ons vermaan om versigtig te wees met wat in ons hart omgaan, want dit bepaal ons
hele lewe. Die hart is die setel van ons menswees en is terselfdertyd ’n beeld, daarom kan ons sê: my hart is seer,
gebreek. In die verstandelik-gevoelsdimensie van menswees, besit jou hart jou kop. Volgens prof. Danie bestaan daar
nie so iets soos objektiewe denke nie. Jou kop is geneig om “uitmekaar” te haal, terwyl die hart “bymekaar” wil hou.
Kyk ook met gevoel. In Markus 6:34 het Jesus, toe Hy die skare sien, hulle innig jammer gekry. Ons moet groei in
onderskeidingsvermoë en ons kinderlike geloof moet verdiep. Kinderlike geloof beteken om vrae te vra soos ’n kind en
om te weet hoe afhanklik jy van God is.
Hoe sien ek die lewe? Die woord religie beteken om
saam te bind aan God. Te midde van die woelinge in
my hart, wil ek groei in onderskeidingsvermoë en in
kinderlike geloof. Om dit te bereik, moet ek die Bybel in
diepte ondersoek, nie om slim te word nie maar om die
Bybel te ervaar as ’n leerskool in nederigheid. God se
heiligheid is so verblindend dat die serafs hulle gesigte
met hulle vlerke verberg. Dis ook waarom ons God se
Naam met eerbied en liefde moet noem. Die sin van die
lewe is baie maal te vind in klein, onbenullige dinge maar
soms met merkwaardige resultate – selfs na jou dood.
Andersyds is die si(e)n van die lewe om ’n verhaal te
“maak”, dit wil sê om vir mekaar te kan gee. Wees dan
gereed om deel te word van God se verhaal.
’n Oor help om die si(e)n van die lewe te verbreed.
Anders gestel: die oor bring die hart in beroering.
Prof. Danie Veldsman aan die woord.
In teenstelling met die bekende spreekwoord, sê prof.
Danie dat die ore mure het. Dit beteken dat jy nie hoor as iemand jou iets vertel nie. Jy kan nie wag dat so ’n persoon
klaar praat nie; jy wil praat. In die verhaal van Bartimeus (Markus 10:46-52) sien ons iets hiervan. Bartimeus, die
blinde, roep na Jesus, maar die omstanders het hom gemaan om stil te bly. Jesus het egter gesê: “Roep hom nader.”
Toe eers het die omstanders gereageer: “Hy roep jou.” Hierna hoor Jesus wat sy behoefte is. Die merkwaardige wat
hier plaasvind, is dat Jesus luister wat sy pyn is. As jou pyn nie “gehoor” word nie, is jy eensaam. Sien dus met jou
ore!
Om die taal van my hart te praat, gebruik ek my tong. Soos te verstane, is Jakobus 3:1-12, beheersing van die tong,
aan ons voorgehou. Die groot mag van die tong word in dié gedeelte beklemtoon. So byvoorbeeld, kan een woord
’n mens se lewe vernietig. Volgens Spreuke 18:21, het die tong mag oor lewe en dood. Ons weerloosheid word
weerspieël in Jesus se gebed: Ons Vader. In die woord “ons” word drie aspekte weergegee, te wete beskeidenheid,
solidariteit en inklusiwiteit (almal word ingesluit).
Ons gebed vir 2017 is: “Maak die nuwe jaar anders, Here.”
’n Lid van die Gideons vertel ...
Ons plaas onlangs Bybels by ’n hospitaal.
Een van die verpleegsters kom na ons; sy is erg ontsteld. “You are a day too late”, sê sy.
“Do you see these scratches on my arms?” Sy begin bitterlik huil.
“Yesterday, one of my patients died. Just before he died he grabbed my arm and screamed: ’Help me! I am searching
for God! I am going to die. Please help me!’
“I could not help him, I ask him to wait while I quickly found someone who could help him. He held me more tightly and
became completely panic-stricken while he implored me to PLEASE help him.
“I plucked my arm from his grip and ran to find someone who could help him. When we returned to his room, we were
too late – he had already passed away.
“I COULD NOT HELP HIM, I WAS NOT READY.”
OVERKRUINER BLADSY 2
OVERKRUINER BLADSY 3

Leerlingleiers word ontvang
Redaksie
Dit is ’n mooi jaarlikse instelling by NG Overkruin om
die leiers van Laerskool Wonderboom en Hoërskool
Overkruin saam met hul ouers by ’n aanddiens te
ontvang en by hierdie geleentheid so aan die begin
van die nuwe skooljaar, aan die Here op te dra. Hierdie
twee skole val binne die grense van die Gemeente en
oor jare is ’n baie mooi samewerkingsband opgebou.
Hierdie jaar het die geleentheid op 15 Januarie 2017
saamgeval met die Toewydingsreeks wat deur prof.
Danie Veldsman gelei is. Sy boodskap die betrokke
aand was uit Spreuke 4:23: “Wees versigtig met wat
die noorde, ’n paar kilometer suid van Warmbad (nou Bela-Bela), en
vanaf die Rust de Winterdam in die ooste tot by Swartbooistad in die
weste. Ongeveer 3 500 km².
Ons besoek elke jaar 41 skole in Hammanskraal, Makapanstad,
Swartbooistad en Soshanguve. Ons oorhandig Bybels aan bykans
12 000 graad 8-leerders in hierdie skole. Die afstande na hierdie
skole wissel tussen 38 en 75 km.
Afgesien van hierdie skole, besoek ons ook die Charis Christian
School; die hoërskole Langenhoven, Overkruin en Montana;
Hillview High School; Iona Convent; Prospectus Novusskool;
Curro Privaatskool; Edendale Independent School; Montana
Poort Secondary School; die militêre basisse Wonderboom,
Boekenhoutkloof en Rooiwal; die Eugène Marais en Montana
hospitale asook die brandweerstasie Wonderboom.
Rudie se motorhuis vol Bybels.
in jou hart omgaan, want dit bepaal jou hele lewe.” Die
boodskap het aan hierdie groep leiers ’n waardevolle
geestelike wenk vir die nuwe jaar en toekoms gebied.
Ds. Heinrich Carstens het die verrigtinge rondom
die leiers hanteer en besondere erkenning en dank
aan die onderwysers en die ouers oorgedra vir die
ondersteunende en leidinggewende rol wat hulle vertolk
om leierskapeienskappe te identifiseer en te ontwikkel.
Hy het die leiers daarop gewys dat dit beide ’n voorreg
en ’n verantwoordelikheid is om leierseienskappe te
ontvang. Hulle is ook verseker daarvan dat die Here elke
dag by hulle is, lief is vir hulle en dat hulle die lewe kan
inkleur en saak kan maak deur hierdie leierseienskappe
aan God toe te wy.
Elke leier het by die Nagmaalstafel ’n houtkruisie in ontvangs geneem. Ds. Heinrich het die leiers in besonder maar
ook hul ouers en die onderwyspersoneel, in gebed aan die Here se beskerming en leiding opgedra. Ons bede is dat
hierdie leierskapgeleenthede vir elkeen van hulle ook die weg sal open om deur voorbeeld, gesindheid en daad ’n
verskil in die uitbreiding van die Here se koninkryk te maak en dat hulle oorvloedig geseën sal word met vrugbare
dienslewering in hul skoolloopbaan.
Koop en verkoop van eiendom
asook Verhurings
1/4 page
BEUKES PROPERTIES
Vir professionele diens
kontak gerus vir Tersia Beukes
082 606 0447
Prinsipaal (MIEASA, CEA)
012 543 1309
Die Gideons Internasionaal in Suid Afrika
Rudi van Heerden
Die Gideons is tans aktief in 202 lande.
Bybels word in 101 verskillende tale gedruk.
In Suid-Afrika het die Gideons verlede jaar 1,1 miljoen Bybels
geplaas, in total al meer as 40,5 miljoen.
Wêreldwyd het die Gideons verlede jaar 91,8 miljoen Bybels
geplaas, in totaal al meer as 2 100 miljoen. Dit het die Gideons
93 jaar (van 1908 tot 2001) geneem om die eerste miljard Bybels
te plaas. Deur die genade van God, het dit ons slegs 14 jaar (van
2001 tot 2015) geneem om die tweede miljard Bybels te plaas.
Bybelplasings deur die Wonderboomlaer
Overkruin Gemeente val binne die grense van die
Wonderboomlaer van die Gideons. Dié laer se grense strek
vanaf Boomstraat in die middestad van Pretoria tot by Lehau in
Verspreiding van Bybels by ‘n skool.
Spesialiseer in:
♣ Vrugtebome
♣ Inheemse bome
♣ Palms
♣ Grondbedekkers
“Geskenk van God”
tel: 012 524 3364
cel: 083 326 8626
elanihaitas@yahoo.com
♣ Rose
♣ Binnehuisplante
♣ Kruie
♣ Tuinuitleg
Vedalaan 240, Montanapark
Posbus 14376, Sinoville, 0129
OVERKRUINER BLADSY 4
OVERKRUINER BLADSY 5

Heer, vandag word ek 80 jaar
hoe wonderlik het U my bewaar.
Ek vra egter o Skepper, tot 81 ’n kans
om nog vrolik voor u voete te dans.
Maar dan vra ek ook nederig Heer
dat ek tot 82 nog meer van U leer.
Tot 83 is ook nie so ‘n lang tyd
die stadiger passies ten spyt …
Heer, dis ek, kan ek nog iets vra -
dat U my tot 84 sal dra.
Op 85 is die gedagtes soms kort,
maar dis so ‘n vreugde om die kinders te sien groot word.
Op 86 bid ek Heer, vernuwe my gees,
dat ek nog ‘n jaar u kind kan wees.
Met 87 jare agter die rug en nog so geseën,
vra ek dat U my nog ‘n jaar sal leen.
O Heer, op 88 vernuwe u Woord my gees,
al is die oë al dof om die Bybel te lees.
Vader van Genade, die tyd gaan so gou om,
want 89 het so vinnig gekom.
Soms is al die litte en knieë so styf,
maar op 90 is die gedig nog nie klaar geskryf.
Al wink die hemele met glansende prag,
vra ek op 92 dat U nog ‘n rukkie sal wag.
Al wil die ore op 95 nie altyd meer hoor,
val woorde uit die verlede nog sag op die oor.
Heer, op 100 is my aardse lewe gedaan
My Vader, ek verlang om na U toe te gaan …
Kersdagdiens 2016
Redaksie
Teen hierdie tyd van die nuwe jaar en teen die spoed waarteen elkeen van ons moet beweeg, is die laaste Kersfees
en die geskenke dalk alreeds net ’n vae herinnering. Miskien moet die vraag gevra word: Hoe was jou Kersfees? Vir
die tuisblyers bied die Kersdagdiens in NG Overkruin tog altyd iets besonders.
Kersfeestyd is eie aan gemengde emosies en herinneringe, soos vreugde, hartseer en verlange. Veral vir baie
gesinne in Suid Afrika. Die realiteit van kinders in die buiteland wat hier kon wees of nie kon wees nie, raak baie. Tog
is dit ’n dag vol vreugde as gesinne in dié gejaagde tyd weer ’n dag saam kon kerk toe gaan en ’n rustige dag saam
kon deurbring.
Ds. Corné Randall wat die Kersdagdiens gelei het, het hierdie werklikhede op Kersdag ondervang en geskenkies
uitgedeel aan die oudste, die jongste en die grootste familiegroep en die verste oorsese besoekers.
Ds. Corné se Woordbediening uit Joh. 1:1-18 het ons opnuut daaraan herinner dat die grootste geskenk wat die
mensdom ooit kon ontvang, is God se koms na hierdie gebroke wêreld deur middel van Jesus Christus. Deur Jesus
Christus, is ’n stuk werklikheid van God se bestaan gedemonstreer. Siekes word gesond gemaak, randfigure en
sondiges word verlos en aanvaar, en deur die Heilige Gees, het God by ons kom woon.
Soos altyd, was dit goed om ’n Kersdag so saam met medegelowiges met ’n Kersdagdiens af te skop en die vreugdes
van gesinsamesyn te ervaar.
Overkruin dra by tot ons groen erfenis
Redaksie
NG Overkruin is haastig aan die werk om ’n eko-projek op die been te bring. Ons lees en hoor baie van die
noodsaaklikheid om gestruktureerde herwinning in Suid-Afrika maar ook wêreldwyd te bevorder. Dit gaan primêr oor
kosbare hulpbronne en die beskerming van die lewensduur van ons planeet Aarde en die kwaliteit van lewe daarop.
Anél Conradie dra die stokkie om hierdie projek in ons eie geledere lewenskragtigheid te gee. Onderhandelinge is
met Wastegroup aangeknoop om leiding te kry van hoe ons kerkgemeenskap ’n konstruktiewe bydrae kan maak.
Die huidige gedagte
is om aanvanklik
met ses verskillende
herwinningshouers vir
bepaalde herwinbare
produkte weg te trek.
Wastegroup verskaf die
sakke en sakstaanders,
verwyder die produkte en
voorsien weer leë sakke.
‘n Geskikte plek op die
kerkterrein is
reeds geїdentifiseer.
Verdere
kommunikasie sal volg.
TEL: 012 543 0615/25
FAKS: 012 543 1324
JAN BOOYSENSTRAAT, Annlin
Maansag - Vrydag: 08:00 - 19:00
Saterdae: 08:00 - 13:00
Sondae: 09:00 - 12:00
Tel 012 548 1150
OVERKRUINER BLADSY 6
OVERKRUINER BLADSY 7

Oujaarsdiens 2016
Niks kom by ’n Oujaarsdiens om jou in die regte
gemoedstemming vir die uitdagings van ’n nuwe jaar
te plaas nie. As mense sukkel ons soms om die donker
oomblikke van ’n pas afgelope jaar opsy te skuif en
positief nuut te fokus op die jaar wat voorlê. Die aanbreek
van ’n nuwe jaar is meermale ’n realiteitskok wat vinnig
op ’n voorafgaande feesgety volg.
Hierdie jaar was dit ds. Corné Randall se beurt om die
Oujaarsdiens te lei. Sy boodskap uit Jos.1:1-9 het die
onsekerheid verdryf oor die toekoms wat maar altyd neig
om te pla en ’n werklikheid is.
Daar is inderdaad grondige rede om sekerheid oor die
toekoms te hê. Hierdie sekerheid vind ons as gelowiges
in God se teenwoordigheid, soos Hy ook vir Josua
Alama-Jeane’s Fashions
• Trourokke
• Ma van die Bruid
• Ouma van die Bruid
• Coctail & Matriekafskeid
• Handsakkies
• Juwele
• Nou ook verskaffers van ENZOANI trou
en matriekafskeid rokke
FIN FORUM SENTRUM (Banke-sentrum oorkant Kolonnade), H/v Zambesi & Dr vd
Merwe Rylaan, Montana
Marie Eloff: 083 272 7474 Tel: 012 548 0078 Alma JeannesFashions
E-pos: marie@bridalcorner.co.za
Redaksie
bemoedig het. Soos God in die vorige jaar en in die verlede teenwoordig was, so sal Hy ook in 2017 wees. God vra
ook van ons om die Wet te onderhou, en om nie links of regs af te wyk nie. Verder, dat ons in teenstelling met die
goddelose lewenswyses wat ons teëkom, anders sal lewe en getuies van God se liefde sal wees. Dit is bemoedigend
om te weet God is nie tydsgebonde nie, altyd teenwoordig en betyds.
Die erediens is in kerslig in die binneplaas met die gesamentlike aflegging van die Geloofsbelydenis afgesluit.
’n Feestelikheid met roomys en waatlemoen deur Joey Schutte en helpers voorberei en ’n gesellige samesyn in die
saal, het gevolg.
Alma - Jeane’s Fashions
& Bridal Boutique
OVERKRUINER BLADSY 8
Program vir die kwartaal
Vrydag 24 Maart 2017
18:00 Stoepstories deur Fanus Hansen
Maandag 27 Maart 2017
19:00 Bestuursraad
Vrydag 31 April 2017
Skole sluit
10 April – 12 April 2017
18:30 Groot Lydensweek
Donderdag 13 April 2017
18:30 Nagmaal
Bybelverkope - Petroport
Sondag 16 April 2017
09:00 Paassondag.
Woensdag 18 April 2017
Skole begin
Vrydag 21 April 2017
10:00 Kuierhoekie
Maandag 24 April 2017
15:00 Aksiegroep Uitreik
19:00 Aksiegroepe vergader
Maandag 8 Mei 2017
19:00 Bestuursraad
Sondag 14 Mei 2017
Moedersdag
Vrydag 19 Mei 2017
10:00 Kuierhoekie
Saterdag 20 Mei 2017
High Tea
Maandag 22 Mei 2017
19:00 Gemeenteraad
Donderdag 25 Mei 2017
Hemelvaart
18:30 Hemelvaartdiens
Maandag 29 Mei – Woensdag 31 Mei 2017
18:30 Pinksterreeks
Sondag 18 Junie 2017
Vadersdag
Vrydag 23 Junie 2017
18:00 Overkruin Kuieraand
Vrydag 30 Junie 2017
Skole sluit
Ons Overkruiner kry ‘n nuwe baaidjie...
Hiermee ons eerste volkleur-gedrukte Overkruiner, met ‘n druklaag
van 500. Ons beplan om die hoeveelhede oor ‘n tydperk sistematies te
verhoog ten einde ons uitreik uit te brei, asook te vergroot.
Ons toekomstige adverteerspasie, gaan vir u gerief beskikbaar wees in
die volgende groottes:
Volblad, halfblad, derdeblad en kwartblad.
U is welkom om vir Lara van der Linde by die kerkkantoor te kontak
vir navrae ten opsigte van reklamespasies beskikbaar, vir toekomstige
uitgawes.
Tel: 012 567 2177 Faks: 086 762 0918
OVERKRUINER BLADSY 9

Manne-ontbyt
Die agste Carpe Diem Manne-ontbyt op Saterdagoggend 28 Januarie
2017 is deur 160 manne bygewoon. Die inspirerende boodskap deur die
gasspreker en heerlike ontbyt het die vroeg opstaan weereens die moeite
werd gemaak.
Ds. Frans du Plessis van Brits was aan die woord. Hierdie jong leraar wat
sy kindervormingsjare in Kathu in die Kalahari deurgebring en aan Tukkies
afgestudeer het, het ook blootstelling in die buiteland gehad.
Ds. Du Plessis het die aanwesiges op ’n diepdenke-reis geneem en
lewenswenke vir die toekoms gegee. Sy onderwerp was Kultuur, geloof,
kerk en vloeibare moderniteit.
Hy het gesê die wêreld bevind sigself in ’n post-moderne fase, met selfs
inslag in kerkkringe. Suid-Afrika het egter ’n agterstand van twintig jaar, en is
dus nog in ’n moderne tydfase; die land kan gevolglik uit die foute van ander
leer. Met die beste bedoelinge van kultuurbegrip, vind daar ongelukkige
misverstande plaas. Daar is etiek aanwesig wat die dinge definieer waaraan
ons onlosmaaklik wil vashou. Ons uitdaging is om duidelik te verstaan wat
dit is wat ons wil hê, moet voortleef. As Suid-Afrikaners sukkel ons met
aanpasbaarheid.
Ter illustrasie, het ds. Du Plessis ’n kort video vertoon waarin die
mikstertbyevanger ’n familie meerkatte op ’n slinkse, innoverende wyse
uitoorlê om kos by hulle af te neem. Net soos die meerkatte, sien ons ook
nie al die gevare raak nie, die media verwar en krap ons om – en ons
verloor rasionele perspektiewe. Dit kan ons gesinne omkrap. Geloof moet
altyd bo ons kultuur voorrang geniet. Ons moet versigtig wees om nie ons
geloof goedkoop te maak nie.
Die vloeibare moderniteit dwing ons om tussen verandering en aanpassing,
’n standvastige dog vloeibare posisie te vind. Die Evangelie is goeie nuus
wat in ons eie lewenstories, talle voorbeelde bied waar God ons lewe
positief geraak het. Dit is ’n anker. Ons moet uitleef wat ons bely en eerlik
wees met ons kerkwees, waarlik volgelinge van Jesus Christus wees, in sy
skaduwee beweeg en versigtig wees om agter mense aan te loop.
Redaksie
Ds. Petrus het vir sy arbeidsveld ’n bepaalde leuse opgestel, naamlik
”Lewe betekenisvol tot die einde”. Aldus ds. Moolman, is dit alleen
moontlik wanneer ek self – lank voor my aftrede – begin om die
verouderingsproses te erken, daarop voorbereid te wees en elke
faset van my lewe met die oog daarop te bestuur.
Seniorvolwassenebediening plaas die fokus op vier groeperings:
• Persone tien jaar voor aftrede, gewoonlik 55 jaar en ouer;
• Afgetree en steeds ekonomies aktief;
• Afgetree en sosiaal aktief; en
• Persone bed- of huisgebonde as gevolg van veroudering.
Ons wens ds. Moolman ’n geseënde en vrugbare bediening toe.
Gemeentelede word uitgenooi om in groot getal aan te meld en by
die aktiwiteite van hierdie groeperings aan te sluit.
Kuierhoekienuus
Hetta Dippenaar
Die eerste byeenkoms op Vrydag 17 Februarie van 2017 was ’n lekker kuier. Dit was goed om ook weer nuwe vriende
te ontmoet. Dit beloof om ’n jaar vol opwinding, nuwe ervaringe en heerlike kuiers te word. Henriette Beneke en haar
toegewyde komitee gaan uit hul pad om hierdie byeenkomste ’n spesiale en onmisbare geleentheid te maak.
Die gasspreker was Henk Joubert wat tans by Pretoria FM, ’n Christelike Afrikaanse radiostasie, betrokke is. Henk
het ’n venster van inligting oor die radio-uitsendingwêreld kom oopmaak. Opnuut is kennis geneem van hoe belangrik
hierdie radiostasie is om in mense se lewens ’n verskil te maak deur eensaamheid te verdryf, hoop te gee en boweal,
deur inligting oor te dra wat die waarheid verteenwoordig. Die bakens waar dié God waarin ons glo, te midde van
groot uitdagings deure oopgemaak het, is legio. Hierdie
bakens bewys dat God altyd in beheer is en dat ons as
mense almal rolspelers is in dié Almagtige se raadsplan
wat nie aan ons tydskale gekoppel kan word nie.
By hierdie geleentheid is ds. Petrus Moolman wat
verantwoordelik is vir Seniorvolwassenebediening
in die NG Gemeente Overkruin, formeel verwelkom.
Kuierhoekie se vriende sien uit daarna om met hom saam
te werk en ook sy energie en visie te deel om te help om
’n sterk, lewenskragtige baanbrekersbediening tot stand
te bring.
Die volgende byeenkoms is op Vrydag 17 Maart 2017.
Ds. Heinrich Carstens is die gasspreker
– met ’n verrassing. Kom kuier vir seker saam.
Ds. Petrus aan die woord.
Ons Voorsitter, Henriëtte Beneke saam met Henk
Joubert van Pretoria FM.
Ds. Petrus Moolman word verwelkom
Redaksie
Ds. Petrus Moolman is op 22 Januarie 2017 deur ds. Corné Randall as medeleraar, met opdrag
Seniorvolwassenebediening, verwelkom.
Ná die emeritaat van ds. Johan van Zittert, is in die Gemeente ’n behoefte geїdentifiseer om adissionele
bedieningshulp tot die geledere van ons twee voltydse leraars (di. Heinrich Carstens en Corné Randall) toe te voeg.
In Memoriam
Annette Steyn
28.05.1941 – 05.02.2017
Ds. Moolman is nie ’n onbekende in die Gemeente nie. As emeritusleraar is sy sigbare energievlakke indrukwekkend;
die woord stilsit ken hy nie. Sy hulp is ingeroep – en die Seniorvolwassenebediening het as inisiatief van die
Gemeente Overkruin beslag gekry om ’n bepaalde behoefte te ondervang.
OVERKRUINER BLADSY 10
OVERKRUINER BLADSY 11

Kuierhoekienuus Gr 8’s en
Voortrekkers word ontvang
Redaksie
Die aanddiens op 22 Januarie 2017 is ingerig met ’n besondere fokus op Hoërskool Overkruin se graadagt-leerlinge
en die lede van die Voor-die-Berg Voortrekkerkommando. Ofskoon dit al ’n jaarlikse instelling aan die begin van die
jaar is, bly hierdie geleentheid vir ouers, onderwysers, Voortrekkerleiers en kinders ’n spesiale geleentheid.
Ds. Heinrich Carstens wat die erediens gelei het, het die volgende persone in besonder verwelkom: die hoof
van Hoërskool Overkruin mnr. Cobus Nel en sy eggenote Ria, ander onderwysers, die graad 8-Ovies, asook die
Kommandant van die Voortrekkers, mnr. Danie Erasmus en die leiers en lede van die Kommando.
Ds. Heinrich se boodskap was uit Ps. 62, en die tema: Vertroue laat
die lewe vloei. Vertroue is een van die ses waardes wat NG Overkruin
geїdentifiseer het om in die gemeente as daaglikse gebruikswaardes te
vestig en uit te leef.
Vertroue is die lewensaar en die fundamentele basis van enige verhouding
waarop alles in die lewe gebou word. Ongelukkig kan een enkele voorval
’n verhouding in duie laat stort. Ds. Heinrich het statistiek rondom vertroue
aangehaal wat soms skok. So het 82 persent van Afrika se inwoners hul
uitgespreek dat hulle nie kan vertrou nie. In Amerika is die vertroue in die
media, die polisie en die regering in elke geval onder 25 persent. In die
Skandinawiese lande lyk die syfers beter, met 68 persent.
In Ps 62:1 lees ons: ”Net by God vind ek rus, van Hom kom my
redding.” En in vers 12: “dat net God mag het en ’n mens net op U,
Here kan vertrou”.
Waar ons in ’n onbetroubare wêreld leef, is dit gerusstellend dat ons
God ten volle kan vertrou.
Daar is waardevolle toetse vir betroubaarheid. Maak eers seker
jy is self betroubaar; let op eerlikheid en integriteit; op intensie; op
vaardigheid; op geskiedenis en op resultaat.
Kruisies is aan die kinders uitgedeel. Daar is daarop gewys dat, soos
elke kruisie ’n stukkie uniekheid bevat, is God se liefde vir hulle elkeen
ook uniek.
Hoërskool Overkruin se Gr 8’s.
Voortrekkers woon ons Jeugdiens by.
160g Dros Bief Burger bedien
met aartappelskyfies.
DONDERDAG-MALLIGHEID
DROS KALAMARI-PAN AANBOD!
DONDERDAG-MALLIGHEID
DONDERDAG-MALLIGHEID!
Kalamari-Pan
VIR SLEGS
34 95
*NIE VIR DEEL
300g Kalamari-Pan, bedien met aartappelskyfies/rys.
“Kinders eet
GRATIS op Sondae!”
*Jou keuse van enige Kindermaaltyd.
*NIE GELDIG MET ENIGE ANDER AANBIEDINGE.
DROS BIEF BURGER AANBOD!
MAANDAG-MALLIGHEID
MAANDAG-MALLIGHEID
MAANDAG-MALLIGHEID!
Bief Burger
Aanbod
29 95
VIR SLEGS
*NIE VIR DEEL
TERWYL VOORRAAD HOU I NIE VIR DEEL I NIE VIR WEGNEEM
Alle visuele materiaal is slegs vir vertoondoeleindes en mag
verskil van die werklike produk.
“When someone you love becomes a Memory,
the Memory becomes a Treasure...”
MONTANA TAK NOU OOP
Lize 083 244 1653 / 012 755 5530
250 Visvanger straat, Montana
lize@ssfg.co.za
www.sonjasmith-funerals.co.za
Terme en Voorwaardes geld. 1 Gratis Kindermaaltyd bestel vanaf die Kinderspyskaart indien ‘n Hoofmaaltyd
bestel word, uitsluitend Ligte maaltye en Nageregte. Nie beskikbaar vir wegneem. Hierdie aanbod is slegs
geldig op Sondae en vir kinders 12 jaar en onder. Indien meer as 1 kind ‘n volwasse kliënt, wat ‘n
Hoofmaaltyd bestel het vergesel, sal u vir die duurste Kindermaaltyd gehef word.
DROS MONTANA | Tel: 012 548 1150
Cnr Zambesi Road and Dr Swanepoel Road.
PRYS KAN VERSKIL. Terwyl voorraad hou. Slegs by deelnemende Dros-Restaurante. NIE VIR WEGNEEM. NIE VIR DEEL. Nie geldig met
enige ander aanbiedinge.*Voorwaardes en bepalings geld.
Vir Franchise-navrae, kontak Rene Jordaan by +27 (0)82 532 3368, +27 (0)12 803 5969 of e-pos: rene@dros.co.za
Besoek www.dros.co.za en volg ons op DrosRestaurant
OVERKRUINER BLADSY 12
OVERKRUINER BLADSY 13

’n Kuier saam
met
Jak de Priester
Die Junior Kategese se semesterafsluiting in Junie
was ’n prettige geleentheid. Lank voor die tyd het ds.
Corné Randall hulle belowe dat dit ’n geleentheid sou
wees waar hulle van hulle energie ontslae kon raak.
Aanvullend tot hul program, het die kleinspan onder
Redaksie leiding van ds. Corné Randall ’n verskeidenheid
prettige groepspeletjies in die saal gespeel.
Vroeg Saterdagoggend 18 Februarie 2017 staan
die gehoor al by die deure om ’n goeie sitplek in die
kerkgebou te kry. Jak de Priester tree op. Daar is lank na
hierdie geleentheid uitgesien. Waarlik, dit was nou die
moeite werd. Jak het sommer baie aanhangers bygekry.
Ds. Heinrich Carstens het die gaskunstenaar voorgestel, hartlik by NG Overkruin verwelkom en agtergrond gegee
oor Jak se musiekloopbaan oor 15 jaar en sy pas vrygestelde 13de album. Jy wonder onmiddellik hoe kry Jak alles
onder die knie en straal steeds soveel energie uit. Ons ken hom as die vriendelike, innemende gesig op Kyknet wat
die gewilde program Reis na gister aanbied. Gou kom jy agter hier is ’n heel mens wat alles met passie, vreugde en
belangrike taak.
positiwiteit aanpak. Wat jy op TV sien, sien jy op die verhoog. Wanneer hy met sy sprankelende persoonlikheid die
mense ná die vertoning ontmoet en CD’s onderteken, behandel hy kind en grootmens, deur die bank as spesiaal.
Jak se vertellings en sangstukke, met uitstekende begeleiding deur Altus Muller, het onmiddellik die gehoor aan sy
lippe gehad. Al vertellend, beskryf hy hoe ontmoetings met mense, hul stories en ervarings hom elke keer geïnspireer
het om ’n bepaalde liedjie te komponeer. Daar is onder andere, sy moeder, sy drie kinders, en reise na gister saam
met Leon van Nierop, Toks van der Linde en Johan Stemmet. Gou kom jy agter dat mense vir Jac buitengewoon
belangrik is en ’n sielsinspirasie is om kreatief te komponeer.
Die tydjie saam met Jak het net te gou verby gesnel, maar ’n stukkie mooi lewenservaring vir elkeen bygevoeg. Wie
sal die woorde vergeet “Vir elkeen word die dice gegooi” en “Dankbaar dat ‘n boervrou my grootgemaak het” as hy met
soveel dankbaarheid, erkenning en liefde oor sy moeder sing?
’n Spesiale groep besoekers het die vertoning met ongelooflike passie en meelewing geniet. NG Overkruin het 14
kaartjies aan Uitkoms Versorgingsentrum geskenk. Die omhelsings wat Jak ná die tyd van hulle ontvang het, was
aandoenlik. R P van Wyk het namens Uitkoms Versorgingsentrum hul hartlike dank en waardering aan NG Overkruin
oorgedra vir hierdie groot voorreg.
Groot dank is aan Anél Conradie en die wenspan helpers verskuldig vir die deursettingsvermoë en deeglikheid
waarmee hierdie projek aangepak en deurgevoer is.
Dis pret om kind te wees
Die Junior Kategese se semesterafsluiting in Junie
Die Junior Kategese se semesterafsluiting in Junie
was ’n prettige geleentheid. Lank voor die tyd het ds.
was ’n prettige geleentheid. Lank voor die tyd het ds.
Corné Randall hulle belowe dat dit ’n geleentheid sou
Corné Randall hulle belowe dat dit ’n geleentheid sou
wees waar hulle van hulle energie ontslae kon raak.
wees waar hulle van hulle energie ontslae kon raak.
Aanvullend tot hul program, het die kleinspan onder
Aanvullend tot hul program, het die kleinspan onder
leiding van ds. Corné Randall ’n verskeidenheid
leiding van ds. Corné Randall ’n verskeidenheid
prettige groepspeletjies in die saal gespeel.
prettige groepspeletjies in die saal gespeel.
Dit is verblydend om te sien dat daar nog soveel
Dit is verblydend om te sien dat daar nog soveel
jong kinders in NG Overkruin is en dat die Junior
jong kinders in NG Overkruin is en dat die Junior
Kategeseprogram wat vir hulle aangebied word,
Kategeseprogram wat vir hulle aangebied word,
so ywerig en getrou bygewoon word. Ouers kan die
so ywerig en getrou bygewoon word. Ouers kan die
gemoedsrus hê dat die span kategete aan wie hulle
gemoedsrus hê dat die span kategete aan wie hulle
kinders toevertrou word, werklik toegewy is aan hierdie
kinders toevertrou word, werklik toegewy is aan hierdie
belangrike taak.
belangrike taak.
Dit is ook goed dat ons kinders leer dat dit pret is om
Dit is ook goed dat ons kinders leer dat dit pret is om
as ’n Christengelowige te lewe en dat speel en leer
as ’n Christengelowige te lewe en dat speel en leer
karperde in hul opvoeding is. In ’n tyd waar tydverdryf
karperde in hul opvoeding is. In ’n tyd waar tydverdryf
so sterk gekoppel is aan passiewe TV-kyk, is dit goed
so sterk gekoppel is aan passiewe TV-kyk, is dit goed
dat kinders kan leer dat konstruktiewe speletjies
dat kinders kan leer dat konstruktiewe speletjies
met beide fisiese en sintuiglike uitdagings, kosbare
met beide fisiese en sintuiglike uitdagings, kosbare
lewensvaardighede aanvul. Ons is baie dank verskuldig
lewensvaardighede aanvul. Ons is baie dank verskuldig
aan ons kategete vir hierdie aanvulling.
aan ons kategete vir hierdie aanvulling.
Die span was sommer lekker moeg na hierdie
Die span was sommer lekker moeg na hierdie
saamspeelgeleentheid.
saamspeelgeleentheid.
Dit is verblydend om te sien dat daar nog soveel
jong kinders in NG Overkruin is en dat die Junior
Kategeseprogram wat vir hulle aangebied word,
so ywerig en getrou bygewoon word. Ouers kan die
gemoedsrus hê dat die span kategete aan wie hulle
kinders toevertrou word, werklik toegewy is aan hierdie
Dit is ook goed dat ons kinders leer dat dit pret is om
as ’n Christengelowige te lewe en dat speel en leer
karperde in hul opvoeding is. In ’n tyd waar tydverdryf
so sterk gekoppel is aan passiewe TV-kyk, is dit goed
dat kinders kan leer dat konstruktiewe speletjies
met beide fisiese en sintuiglike uitdagings, kosbare
lewensvaardighede aanvul. Ons is baie dank verskuldig
aan ons kategete vir hierdie aanvulling.
Die span was sommer lekker moeg na hierdie
saamspeelgeleentheid.
Redaksie
TANDARTS
TANDARTS
DR. MARIO REINERS
DR.
MARIO
MARIO
REINERS
REINERS
PChD (Pret) PPD (Stel) •Pr. N0. 5449332
PChD
PChD (Pret) (Pret)
PPD PPD
(Stel) •Pr. ● (Stel) N0. •Pr.
No. N0. 5449332
OVERKRUINER BLADSY 14
Dienste sluit in:
Dienste
Dienste
sluit
sluit
in:
in:
Full make-overs
• Full make-overs
Inplantologie
• Inplantologie
Kroon en Brugwerk
• Kroon en Brugwerk
Ortodonsie
• Ortodonsie
Algemene Tandheelkunde
• Algemene Tandheelkunde
• Full make-overs
• Inplantologie
• Kroon en Brugwerk
• Ortodonsie
• Algemene Tandheelkunde
Spreek
Spreek
kamers:
kamers:
Wonderboom:
Wonderboom:
Tel: 012 543 0594
Tel: 012 543 0594
Spreek kamers:
Wonderboom:
Tel: 012 543 0594
Brooklyn:
Brooklyn:
Tel: 012 346 0456
Tel: 012 346 0456
Brooklyn:
NOODPASIËNTE: Tel: 083 012 500 346 0456
2488
SATERDAG-EN NA-URE DIENS BESKIKBAAR
SATERDAG-EN NA-URE DIENS BESKIKBAAR
NOODPASIËNTE: 083 500 2488
OVERKRUINER BLADSY 15

MEAT WORLD WONDERBOOM
Groot - en kleinhandel slaghuis
direk aan die publiek
H/v Braam Pretorius &
Lavender-Wes
Annlin
Tel: 012 543 0109
Maandag - Vrydag: 08:00 - 18:00
Saterdae: 08:00 - 16:00
Sondae: 08:00 - 13:00
Publieke vakansiedae: 08:00 - 14:00
Designed & Printed by Corporate BrandhouseOVERKRUINER