Krit Maandag 10 April 2010 small

More documents

Recommendations

Info

6 Nuus Krit 10 April 2017 1989/1990: “Dit was ’n kak tyd; dit was ’n kwaai tyd. ’n Kwaai tyd, want in die Afrikaanse musiekwêreld het daar ’n moerse beroering gekom; ’n revolusie in die kleine teen al die onreg en breinspoeling en indoktrinasie en kultuur van middelmatigheid en oppervlakkigheid. Aan die spits van die Voëlvry-beweging was Bernoldus Niemand (James Phillips), Johannes Kerkorrel (Ralph Rabie) en die Gereformeerde Blues Band en André Letoit/Koos Kombuis. Hulle het op toer gegaan en Suid-Afrika op horings geneem.” – Theunis Engelbrecht ‘Mense sê nou nog: Jy het my lewe verander’ Marchelle van Zyl Wat het van die Voëlvrymense geword? Sommige is dood, sommige is amper dood en sommige is blakend gesond en woon hier tussen ons. Hoekom soek ons hulle? Dalk is dit ’n nostalgiese terughunkering na ’n tyd toe Afrikaanse musiek ’n instrument van vernuwing en bewusmaking was. Dalk is dit ’n behoefte om iets te vind wat, soos toe, ook nou ons gatvolheid vir ’n regerende party kan verwoord. Om iets daadwerklik te doen. Om oë oop te maak en verandering te stook. Een van daardie karakters is Jannie Hanepoot van Tonder, oorspronklike lid van die Gereformeerde Blues Band (GBB). Hy was hul trom- en tromboonspeler. Dis laat die aand in Montagu toe Jannie Hanepoot my kom ontmoet. Hy het gewag tot sy huismense slaap om te kom gesels. Hy drink net water, want hy moet nog gaan werk. Hy is ’n programmeerder “om die skuld af te betaal van die 15 jaar wat ek probeer het om voltyds musikant te wees”. Nou is sy passie die Hanepoot Big Band, wat een van die enigste bands is wat net oorspronklike Suid-Afrikaanse jazz speel. Hy kyk intens en stip wanneer ek vra hoe dit gebeur het dat die oorspronklike lede van GBB nou weer by die KKNK herenig het en saam met Karen Zoid optree? Hy gaan haal die antwoord ver. “Die GBB was mos in die laat tagtigerjare gewees. En die assosiasie is altyd met die Voëlvry-toer. Dit was die grootste, mees kontroversiële oomblik gewees. Daar is altyd baie ironie gekoppel aan iets van daai tyd. Byvoorbeeld, ons het daai tyd geen mainstream media(dekking) gehad nie. Ons was hoofsaaklik berug, nie beroemd nie. As ons in die koerante was, dan was dit omdat ons kontroversieel was. Dit was maar net omdat ons verban is van Stellenbosch Universiteit of Bethlehem, waar PW grootgeword het. “Anyway. So. Karen het ons mos genooi om haar chat show by te woon. En toe ons nou daar sit, toe dink ons juis hieraan: dis nou die eerste keer ooit dat ons hierdie mainstream media-oomblik ervaar. En dit is nou 30 jaar later. “Karen was op hoërskool toe ons Eet Kreef opgeneem het. En sy sê altyd hoe ’n invloed dit op haar gehad het. Karen en haar generation is baie beïnvloed deur die musiek. Ralph was ’n amazing songwriter. Ons was baie gelukkig met daardie beweging om 2017: Absa Burgersentrum, Oudtshoorn. Foto: JACO MARAIS mense soos hy en Bernoldus (James Phillips), André Letoit, wat nou Koos Kombuis is. Ek meen, ek dink hulle is almal op super internasionale standaard songwriters en mense wat kon verwoord wat mense gevoel het. “Die land was in ’n krisis, min of meer soos wat dit nou is. En jy het mense nodig. Almal kan nie goed sê op ’n manier wat ander gaan aanspreek nie. En die Afrikaner-jeug het nie mense gehad om hulle te help om oopkop te wees nie. Ons het maar almal so grootgeword met Christelik Nasionale Onderwys. Dit was ’n groot oomblik in ons lewe. “Rock n roll spesifiek was nog altyd ’n medium vir rebellie. En sy keuse om rock te doen in sy songs was baie bewustelik. Hy het sy songs só geskryf omdat dit onmiddellik met daai Chuck Berrygevoel tot jong mense sou spreek. “Ralph is in 2001 oorlede. Karen het min of meer daai tyd op die scene gekom. Wat sy vir my vertel het, is dat sy vir Ralph ’n paar keer ontmoet het voordat hy oorlede is. Hy was baie inspirerend vir haar en sy wou iets saam met hom doen. So, toe hy dood is, was dit vir haar ’n groot persoonlike 1988: Markteater, Johannesburg. songs is so powerful. It cuts ‘‘Die through the crap. En dit is nou weer relevant. Dis ’n fokop dat ons nou weer in daai situasie is. NOU TOE teleurstelling. “Die band het in 1991 opgehou. Ek is oorsee. Ralph is oorsee. In 1995, nadat James Phillips oorlede is, is daar konserte gereël, een in Johannesburg en een in Kaapstad. Sulke huldeblyke aan James. Ons het so drie songs gespeel by die konsert. Toe het ons nie weer gespeel nie. Ralph het nog gelewe, dit was saam met hom.” “Toe, laasjaar, het die Woordfees ons gevra of ons nie iets wil doen nie. Ons het iets gedoen saam met Tonia Möller (Selley), wat Karla Krimpelien was op die Voëlvry-toer. Met haar as sangeres. Dit was eintlik bietjie van ’n eksperiment om te sien of ons dit nog kan doen. Dit was amazing gewees. Dit was regtig ’n positiewe moment vir ons almal. Ek en Gary (Piet Pers Herselman) en Willem (Möller), Tonia, was almal baie goeie vriende met James gewees en ons het vir James en Ralph as jong mense verloor. “So, ons hele verhouding met hierdie musiek is nie net oor al die goeie goed wat dit gedoen het nie, maar ook ons persoonlike tragedie.” Jannie bly stil. Hy sluk. “So, ons het almal ’n emosionele connection met hierdie musiek. Daai konsert wat ons saam gedoen het, was ’n persoonlike vernuwing om . . .” Hy maak moeilik keelskoon. “Om hierdie musiek te kan speel vir onsself. “Ek moet sê: As jy al 30 jaar lank musiek maak met mense en jy het daai goed deurgemaak, die verhouding is so eenvoudig. Dis ’n baie direkte connection. Ons het natuurlik daai tyd baie kak deurgemaak. Oor vroue, dwelmmiddels en . . . Dit was nie ’n maklike tyd nie. Die land was in dieselfde situasie as wat dit nou is. “Ons het op toer gegaan in kombi’s, saam. Met aanhoudende druk en dronkgeit en road blocks met karre vol dagga en al daai kak. Dit was fokken intens gewees. So, ons het al daai goed deurgemaak. Ons hoef nou niks meer deur te maak nie. Ons word nog steeds lekker dronk saam. Maar ons praat net kak. Dis ’n celebration every time. “Dit is ook net – ná Ralph dood is . . . dit was vir ons almal swaar gewees. Ralph was ook nie die maklikste mens in die wêreld gewees nie. Ons het almal met hom baklei. So, met iemand wat selfmoord pleeg, dink jy oor al daai goed wat gebeur het. En jou persoonlike aandeel daarin. Twee of drie jaar gelede, toe speel ek ook by die KKNK in een van daai groot Huisgenoot-shows met David Kramer, Laurika Rauch, so ’n klomp mense. En Karen was ook daar. En André. En Amanda. En toe doen hulle ’n weergawe van “Hillbrow”. Toe vra hulle vir my of ek ’n tromboon vir hulle kan speel, toe sê ek ja. En toe ek moet speel, toe kan ek nie speel nie. “Toe is dit die eerste keer sedert 1989 wat ek daai song moet speel. En daai song . . . ek het altyd ’n shaker gespeel. En ek en Ralph was alleen op die stage. So, dis wat ek onthou van daai song. Daai oomblik. Dis ’n emotional song. En op al daai groot konserte is die mense heeltemal weggevoer.” Jannie se stem bewe. Hy stop eers. “So, ek kon nie speel nie. Ek’t gesê sorry, ek kan dit nie doen nie. “As ons nou die musiek speel, dan voel dit vir ons . . . mense kom na die konserte toe wat daai tyd meegemaak het. Mense geniet dit baie. En dit is amazing songs. Dit is befokte songs. Van al die musiek wat ek al in my lewe gespeel het – Ralph se songs is so powerful. It cuts through the crap. En dit is nou weer relevant. Dis ’n fokop dat ons nou weer in daai situasie is.” So, is dit weer tyd vir ’n Voëlvry-beweging in Afrikaans? “Ek dink nie die Afrikaner se opinie op die oomblik is baie relevant nie. Al wat ons kan doen, is om . . . Daai tyd het ons bygedra om die land te verander. Hulle het oor ons gepraat in die parlement. En die dominees het vir ons gebid. “Ek het gereeld mense wat na my toe kom en sê: ‘Jy het my lewe verander.’ Mense het na ’n Voëlvry-konsert toe gekom en weggegaan en hulle was ander mense gewees. Mense het mense ontmoet by daai konserte waarmee hulle nou nog connections het.” ) Karen Zoid en die Gereformeerde Blues Band. Debuut kontemporêre musiek. Absa Burgersentrum. Vandag om 19:00.
Krit 10 April 2017 Nuus 7 DRAMA: KOÖPERASIESTORIES Nostalgie sorg vir wenresep Maryke Roberts Wie kan die dae van vroeë televisie in Suid-Afrika vergeet as jy saans grootoog en langbeen op die mat gesit het en gunstelinge soos Koöperasiestories kon geniet? Genis se manewales en al die kleindorpie-geskinder het vir ure se plesier gesorg. Nou is Koöperasiestories ’n toneelstuk en speel dit op die KKNK. Die rolverdeling sluit Chris van Niekerk, Marion Holm, De Klerk Oelofse en Carel Nel in. PG du Plessis se Koöperasiestories het volksbesit geword toe dit op 27 April 1983 vir die eerste keer op die SAUK se TV1 verskyn het – ’n reeks wat tot 1987 op die kassie was. Kom beleef die wel en wee van Mietie, Veldsman, Genis en hul dorpsgenote in hierdie herontmoeting en verhoogverwerking van dié immer gewilde TV-reeks. Krit het by Margit Meyer-Rödenbeck gaan kuier oor haar rolle in die toneelstuk. Hoekom dink jy is dit nou die geskikte tyd om ’n ou televisieprogram op die verhoog te sit? Margit MeyerRödenbeck sê sy en De Klerk Oelofse ding mee as dit kom by kostuums ruil. Foto: CLIFFORD ROBERTS Ek is verbaas dit word nou eers gedoen. Koöperasiestories is volkbesit en PG du Plessis is ’n woordkunstenaar. Dit was ’n baie groot taak vir Alexa Strachan om die kort essays van die boek uit te brei tot teatermatige tonele. Ons het nie die TV-reeks as basis gebruik nie. Nostalgie en volksbesit en die mooiste “ou” Afrikaans is die bestanddele van hierdie wenresep. Watter rolle speel jy alles in die stuk? Madelein, die dorp se flerrie; Tannie Tinka; Genis se vrou, Johanna; Gesie, een van die Pietersetjiekinders; en die gesondheidsinspektrise. Hoe berei jy jouself voor om soveel verskillende rolle te vertolk? Met moeite. Vir so lank was ek op die verhoog net bedrywig met doen baie goeie stretchoefeninge. ‘‘Ek Dolla dat die vyf rolle ’n heerlike uitdaging was en ek moes diep delf en my onsekerhede lekker konfronteer. Ek doen baie goeie stretch-oefeninge. Buiten die rolle, het ek en De Klerk Oelofse omtrent ’n kompetisie om te sien wie die vinnigste van kostuums kan verander. Gepraat van kostuums ruil: Jy ruil baie kostuums. Is daar ’n hele span wat help regstaan en moue omdraai of hoe doen julle dit alles bedaard en rustig? De Klerk het meer hulp as ek nodig, want hy het broeke en kouse en hemde. Só hy het hulp en ek gooi net oor. Partykeer het ons drie lae klere aan. My stryd is die baie pruike, wat partykeer nog sekondes voor ek moet op wees, windskeef staan. Wie is jou gunstelingkarakter in die toneelstuk? Van my eie rolle: Tannie Tinka. Vir die res is dit Sarah, Stadsklerk Vissertjie se vrou, en Oom Botes. Hoe hou jy jou lag as dinge so erg handuit ruk op die verhoog en jy hoor hoe die gehoor skaterlag? Om die waarheid te sê, op daardie stadium is ons nog so aan die fokus en in the moment, dat ons nie regtig die gehoor hoor lag nie. Watter herinneringe het jy van die televisiereeks en hoe voel dit om in die stuk te speel? Ek het net mooi herinneringe. Dit was een van die TV shows vir die hele gesin waar ons nie by die tafel hoef te gesit en eet het nie, maar op ons skote voor die TV kon eet. Ons wou dit nie mis nie. ) Koöperasiestories. Toneel. Hoërskoolsaal. Vandag om 16:30, Di. om 09:00, Wo. om 13:00; Do. om 16:30; Vr. om 19:30 en Sa. om 09:00. Karen en die GBB ‘se show was awesome’ saam met die atkv by vanjaar se kknk! Môre, 11 April se program: Ruan Louw Foto’s: MARYKE ROBERTS Die Maartgesin Kom kuier saam in die wonderwêreld van boeke! Ons bobaas-boekwinkel is weer in die Rembrandsaal agter die CP Nel Museum. Dié fees van boeke vir boekliefhebbers van alle ouderdomme, sluit ook ’n reeks boek-gesprekke in wat deur Daniel Hugo saamgestel is en daagliks hier aangebied word. 11:00 Na aan my hart – Lina Spies Met Lina Spies en Daniel Hugo (gespreksleier) 14:00 Waarom word so min dramatekste gepubliseer? Met Tertius Kapp (dramaturg en uitgewer), Nicol Stassen (uitgewer) en Marthinus Basson (regisseur) ATKV-Kampvuur (by die ATKV-Neelsie): Haidee Muller en Danie Marais verwelkom elke aand om 18:30 met sonsondergang, feesgangers by hul kampvuur. Onder die Karoosterre kom storievertellers vanuit al die uithoeke van die land bymekaar om te kuier en verhale van heinde en verre te deel. 18:30 Langpadliedjies en ver verhale Met Dana Snyman, Toast Coetzer, Erns Grundling en Les Javan Gillian Nel Maryke Roberts Krit het na afloop van Karen Zoid en die Gereformeerde Blues Band se eerste vertoning in die Burgersentrum met feesgangers oor hul ervaring gesels. Ruan Louw van Kaapstad sê dit was wonderlik. “Ek luister gereeld na Karen Zoid se musiek en dink hierdie show was ongelooflik.” Die Maart-gesin van Worcester beskryf die vertoning as “awesome”. Klein Cughan hou van rockmusiek en het self ’n kitaar en speel dromme. Pa Cedric sê dis hul eerste Karen Zoid-show, maar ma Samantha voeg by dis beslis nie hul Sunelle de Villiers laaste nie. Gillian Nel van Kempton Park sê sy en haar vriende, Chris en Erika, het al die pad van Kempton Park gereis vir die KKNK en is groot Karen Zoid-fans. Die kombinasie van haar show met dié van die Gereformeerde Blues Band was uitstekend en die musiekkwaliteit uitsonderlik. Sunelle de Villiers van Kleinbrak sê die feit dat twee van haar gunstelinge, Karen en die Gereformeerde Blues Band, saam in een vertoning sou wees, het haar aangetrek. Sy het net hiervoor deurgery. ) Debuut Kontemporêre musiek. Absa Burgersentrum. Vandag om 19:00. ATKV-Neelsie (Arbeidsgenot): Arbeidsgenot is die nuwe tuiste vir jong feesgangers (en hulle ouers) waar hulle kortkuns en Uitkampteater-optredes, asook poppeteater en opwindende 3D-kindervertonings, kan beleef. Daar is ook ’n heerlike koffiewinkel vir innerlike versterking. 09:00 DIE PRINSES EN DIE ERTJIE Met Emile Tredoux, Elanza Swart, Almar Müller, Liezel Swartz, Isak van Zyl en Lara Hattingh. 11:00 KLIKKERLAND – POETSE, PLANNE EN PRET Met Marinda Fourie en Carina Beukes. Daagliks: CRAFTY KIDS – Skeppende aktiwiteite # afrikaans FILMVERSE 2 Ons bekroonde digkuns-animasieprojek is te sien in die Prince Vincent-gebou in Baron van Reedestraat. Moenie hierdie besondere digkuns-ervaring misloop nie. Gratis. Daagliks. 40 minute. @ATKVSA UITKAMPTEATER VIR DIE JONGSPAN 14:00 WIT ROSIE, ROOI ROSIE Met Elanza Swart, Almar Müller, Liezel Swartz, Emile Tredoux en Lara Hattingh. Daagliks van 09:30 tot 15:00 In die woud – Nieverbale teater Kattekwaad – Kinderteater Nóg meer Kattekwaad – Kinderteater CINDERSCHOELER: Fisiese teater ATKV-Tienertoneel Ons spog vanjaar met twee van ons 2016-wenproduksies: Hoërskool Durbanville se wenstuk, Fragment, en Hoërskool Jan van Riebeeck, naaswenner, se Die maan val bewusteloos. Griesselsaal: 14 en 15 April Word vandag ’n lid van die ATKV deur “ATKV” na 44733* te SMS. *Standaardtariewe geld. ATKVSA www.atkv.org.za
Page 1 and 2: Krit In samewerking met Die Burger
Page 3 and 4: Krit 10 April 2017 Nuus 3 KONTEMPOR
Page 5: Krit 10 April 2017 Nuus 5 ONDERHOUD
Page 9 and 10: Krit 10 April 2017 Nuus 9 DEBUUTD
Page 11 and 12: Krit 10 April 2017 Nuus 11 DEBUUT:
Page 13 and 14: Krit 10 April 2017 Nuus 13 Deon Mey
Page 15 and 16: Krit 10 April 2017 Nuus 15 KKNK-dag

Krit Maandag 10 April 2010 small

Create successful ePaper yourself

Delete template?

Save as template?