NUUS_MEI 2017

BOODSKAP UIT
Die Kantoor
“Laughter is the sun that
drives winter from the human
face.”
- Victor Hugo*
Ons het oor die afgelope
paar weke soveel keer die
voorreg ervaar waar ons
leerders ons laat glimlag het.
Ek is opreg dankbaar vir elke
leerder, ouer en onderwyser
wat die Curro Roodeplaatreis
so onvergeetlik
maak. Gedurende Meimaand
het ons verskeie
bemarkingsaksies geloods,
soos die Kolonnadeuitstalling
asook die opedag
by die skool, om so verhoogde
sigbaarheid van ons skool
te bewerkstellig. Ek bedank
ook graag elke ouer wat
deelgeneem het aan die “Jou
Stem”-opname. Ek gee graag
terugvoer hieroor gedurende
Junie 2017.
Met die eksamens om die
draai, bedank ek graag
elke leerder en onderwyser
wat betrokke was by ons
wintersporte. Ek is dankbaar
vir die toewyding en moeite
om ons sport na die volgende
vlak te neem. Sommige van
ons spanne gaan betrokke
wees in uitspeelwedstryde en
ons wens hul graag alles van die
beste toe. Boipelo Moloisane
(graad 8) is met haar insluiting in
die Gauteng o/14-hokkiespan,
ook die eerste leerder van ons
hoërskool wat in ‘n spansport,
provinsiale kleure verwerf het –
ek wens haar én haar afrigter,
me. Stroebel, baie geluk.
Ruben Koekemoer het verlede
week in sy 50ste wedstryd vir
die eerste rugbyspan uitgedraf.
Dis ‘n ongelooflike prestasie
as mens in ag neem dat hy
reeds vanaf graad 9 vir die
eerstespan gespeel het. Ons
leerders wat aan die Pretoria
Eisteddfod deelneem, doen
besonders goed! Ek was
bevoorreg om sertifikate tydens
die onderskeie saalopeninge
te oorhandig en kon so getuie
wees van ons wonderlike
prestasies.
Die Umalusi Raad stel en
kontroleer standaarde vir
algemene en verdere onderwys
en opleiding in Suid-Afrika.
Dit word in ooreenstemming
met die Nasionale
Kwalifikasieraamwerk, Wet
Nr. 67 van 2008, sowel as
die Algemene en Verdere
Onderwys en Opleidings
Kwaliteitsbeheer, Wet Nr.
58 van 2001, gedoen. Alle
skole in Suid-Afrika moet by
Umalusi geakkrediteer word
ten einde as eksamensentrum
vir die gr. 12-eindeksamen
geregistreer te mag word. Met
die opening van ons hoërskool
het ons voorlopige akkreditasie
van Umalusi ontvang en is
ons deur ‘n lang en intense
administratiewe proses, sowel
as besoeke deur Umalusi
waarvan die laaste een in
Maart 2017 was. Ek is baie
dankbaar om aan te kondig dat
ons met ingang 1 Junie 2017,
permanente akkreditasie van
Umalusi ontvang het. Ek is baie
trots hierop en wens ook al ons
gr. 12–onderwysers geluk met
hul aanstellings as nasieners
van die IEB Nasionale Senior
Sertifikaat Novembereksamen.
Me. Alet Bissett is aangestel
as IEB-nasiener van die
MATCH gestandaardiseerde
toetse en me. Maria May is
aangestel as nasiener van die
Lewensoriëntering afdeling
B-eksamen. Ons hooffokus is
en sal altyd die akademiese
vordering van ons leerders
wees en die onderwysers hierbo
gemeld, dra by tot ons visie
van ‘n skool van akademiese
uitnemendheid.
Ek wens graag al ons leerders
baie sterkte toe met die
komende eksamen.
Vriendelike groete
Ferdi Niemand
* Franse skrywer en digter
OMSENDBRIEF 5/2017
info@salessquad.co.za
3