NUUS_MEI 2017

AKADEMIE
Ons begin met ons Junieeksamen
oor minder as
‘n week. Die leerders het
hulle eksamenroosters aan
die begin van die kwartaal
ontvang en ons vra u, as
ouer, om asseblief daarvan
kennis te neem. Ek moedig
u as ouers ook aan om u
kind aan te moedig om vir
hulself doelwitte te stel met
die oog op die komende
eksamen. Vergewis
u van hulle doelwitte
en bemoedig hulle om
dié doelwitte te bereik.
Ek wil dit ook graag onder u aandag
bring, dat hoewel ons sekere vakke
voor die aanvang van die formele
eksamen skryf, die eksamen eers
amptelik op Vrydag, 9 Junie begin.
Leerders kan by die huis
studeer op die dae wat
hulle nie skryf nie. Hulle
kan ook direk na afloop van
hul eksamen huis toe gaan.
Die eerste sessie begin
om 08:00 en leerders
moet reeds om 07:40
by die betrokke lokale
aanmeld. Daar
word busse gereël
vir die leerders wat
van busvervoer
gebruikmaak.
Die busse sal
om 11:30 van die
skool vertrek. ‘n
Verpligte
studieklas sal ook
beskikbaar wees vir
die leerders wat vir
die bus wag of vir die
leerders wat graag
by die skool wil studeer.
Die normale bustye word
behou vir leerders wat
die tweede sessie skryf.
Neem asseblief kennis
van die brief rakende
die eksamenregulasies
wat op 25 Mei na u
kind se elektroniese
toestel gestuur sal word.
Laastens herinner ons, ons graad
12-ouers aan die verpligte winterskool
gedurende die vakansie. Die rooster
vir die winterskool is ook na leerders
se elektroniese toestelle gestuur.
Dit is ook op die skool se webtuiste
beskikbaar.
Alles van die beste en
sterkte met die eksamen.
QUICK LINKS
GR 12
WINTERSKOOL ROOSTER
HOËRSKOOL
EKSAMENROOSTER
DEEL JOU FOTO’S MET
ONS!
KWARTAAL 2 Designed by sales-squad.co.za
6