NUUS_K3-Aug 2018

KWARTAAL 3
NUUSBRIEF 08/18

INHOUDSOPGAWE
01 BOODSKAP UIT DIE KANTOOR pg 04
02 HOËRSKOOL GEBEURE pg 06
03 HOËRSKOOL SPORT pg 08
04 HOËRSKOOL KULTUUR pg 10
05 HOËRSKOOL AKADEMIE pg 12
06 HOËRSKOOL BELANGRIKE DATUMS pg 14
07 LAERSKOOL TONEEL pg 16
08 LAERSKOOL SPORT pg 18
09 LAERSKOOL KULTUUR pg 20
10 LAERSKOOL AKADEMIE pg 22
11 LAERSKOOL BELANGRIKE DATUMS pg 24
12 CURRO CASTLE pg 26
13 BELANGRIKE DATUMS pg 28
14 CURRO CASTLE GALLERY pg 29
15 KONTAKBESONDERHEDE pg 31

BOODSKAP UIT DIE KANTOOR
Skok, ongeloof, hartseer...sommige van die emosies wat ek met die aanhoor
van me. Veronica Riggs se afsterwe verlede Donderdag, ervaar het. Ek
betuig graag ons skool se diepe meegevoel met Veronica se familie. Sy sal
altyd ’n spesiale plek in ons harte hê. Ek sal altyd met tere herinnering terugdink
aan die saggeaarde, goedhartige Veronica, wat net die beste vir ons kleintjies by
die Castle wou hê. Rus in vrede, Veronica.
Gedurende die afgelope paar weke het ons soveel hoogtepunte op soveel terreine
van ons skoollewe ervaar. Dit sluit die volgende in: uitstekende sokkeruitslae,
twee hoërskoolrugbyspanne wen hul liga en neem deel aan die uitspeelrondes,
ons laerskool tennisspanne vaar uitstekend en wen van ons buur-laerskole vir die
eerste maal, ons o.16- hokkiedogters speel in die Noordvaal-finaal (nog ’n eerste),
’n onderwyser (mnr. Glen Attwil) verwerf provinsiale kleure in landloop en ons junior
en senior krieketspanne begin hul seisoen op ’n hoë noot. Dit alles getuig van harde
werk deur ons onderwysers en leerders. Dankie, aan elkeen van julle. Ons sien uit
na die juniorkoor, hoërskooldrama en hoërskoolkoor se optredes aanstaande week
in die Staatsteater tydens die Tshwane Youth Arts Festival. Ek wens hul graag alles
van die beste toe! Hierdie is ’n wonderlike geleentheid – CARPE DIEM!
Dankie, aan elke familie vir die volgehoue ondersteuning van ons kaskardag
en die gepaardgaande fondsinsameling. Ons waardeer alle pogings van ons
ouers en leerders om fondse vir ons skool te in. Die hoërskool is in die finale
voorbereidingsfase van die eerste pantomime en ons sien almal uit na die optredes
deur ons talentvolle hoërskoolleerders vroeg in September.
September is ons “anti-bullying” veldtogmaand en ons gaan al ons energie in die
stryd werp met hierdie veldtog in ons skole. Ons loods reeds hierdie veldtog teen
die einde van Augustus met plakkate en bewusmaking hiervan in ons skole.
Ons sal binne die volgende paar weke briewe en kennisgewings uitstuur rakende
belangrike vergaderings oor belangrike sake wat ek met u as ouers wil belê. Woon
asseblief hierdie vergaderings by en neem deel aan die gesprek oor ons skool en
die toekoms van ons skool.
Ferdi Niemand
AUGUSTUS 2018
MET TROTS AANGEBIED DEUR SALES-SQUAD.COM 4

“Good friends are hard to find,
harder to leave, and impossible
to forget”
- Anoniem
01
AUGUSTUS 2018
MET TROTS AANGEBIED DEUR SALES-SQUAD.COM 5

HOËRSKOOL GEBEURE
Met die derde kwartaal sterk op
dreef, is ons besig om hard
aan ons mikpunte te werk. U
mag uself die vraag afvra: “Hoe het ons
die mikpunte bepaal?”
Die eerste dag van die kwartaal het die
personeel in graadverband, die hele
skool se vakke per vak, bestudeer. Die
proses het tot 21:00 geduur. Ons het
gekyk na leerders wat met een of twee
vakke sukkel en die betrokke ouers is
na die oueraand uitgenooi. Die leerders
wat probleme met meer as twee vakke
ondervind, is na ʼn paneelbespreking in
die daaropvolgende weke genooi. Die
besprekings is deur al die vakpersoneel
bygewoon, buiten die personeel wat
weens sportwedstryde ongelukkig nie
die vergadering kon bywoon nie. Die
paneelbespreking moet geensins gesien
word as ondervraging om die skuldige uit
te wys of om vingers te wys nie. Dit moet
eerder gesien word as ʼn manier om ʼn
oplossing te vind en nuwe mikpunte daar
te stel. Al die inligting ingewin tydens die
oueraand en die paneelbesprekings, is
gebruik om ʼn spesifieke ingrypingsplan
deur elke personeellid saam te stel. Dit
word onmiddellik in werking gestel.
Die kern van ons besigheid, bly steeds
akademie. Daarom doen ons ʼn beroep
op u om ons te ondersteun. Die aantal
leerders wat deur die loop van die
skooldag deur ouers uitgeteken word, is
ʼn groot bekommernis. Neem asseblief
kennis dat indien ʼn leerder voor 09:00
soggens uitgeteken word, die leerder
as afwesig gesien word. Die intensie is
noemenswaardig, maar om slegs een en
ʼn halwe periode by te woon, kan nie as
aanwesig gesien word nie. Die wêreld
daar buite is nie so vergewensgesind nie.
Kwartaal 3 se punte bestaan uit toetse
en opdragte en kan daarom gesien
word as ‘n kwartaal waarin maklik punte
behaal kan word. Ons vind egter dat
leerders, weens swak tydsbeplanning,
hulself in ʼn hoek vaskeer en dan van
die verskoning gebruik maak dat twee
opdragte in een week ingehandig
moet word. Ons het spesifiek vir die
doel assesseringprogramme reeds in
die vorige kwartaal uitgestuur. Groot
opdragte is reeds vroegtydig aan
AUGUSTUS 2018
MET TROTS AANGEBIED DEUR SALES-SQUAD.COM 6

leerders gekommunikeer en kleiner
opdragte word ʼn week voor die tyd aan
leerders gegee. Ek wil nie veralgemeen
nie, maar sommige leerders dink dat
om afwesig te wees die dag wanneer
‘n opdrag ingehandig moet word, die
oplossing is. Die 10% wat afgetrek word
per dag, vir elke dag wat die opdrag
laat is, kan daarom gesien word as ‘n
verspilde geleentheid.
Ons is geseën met ons vertoning tydens
die Oppie Tong Af Redenaarsfees. Ek
kan duidelik die positiewe invloed van die
redenaarskompetisies, asook die ATKV
en die Toastmasters, op ons leerders
sien in die wyse wat ons voornemende
prefekte hulle voorleggings gedoen het.
Om ‘n suksesvolle spreker te wees, baan
die pad na sukses. Dis met groot afwagting
wat ons uitsien na die openingsaand
van ons pantomime – die plakkate is
reeds op. Verder neem ons koor en ons
dramagroep, met Breyten en Blake,
deel aan die Tshwane Jeugkunstefees.
Ons het ook ʼn baie suksesvolle dwelm
bewusmaking week agter die blad met
verskeie gas sprekers wat ons leerlinge
gewys het op die gevare.
Verlede Saterdag het ons o/16-
hokkiedogters ons ongelooflik trots
gemaak as die eerste span in Curro
Roodeplaat-geskiedenis wat deurgedring
het tot die finaal van die Noordvaalkompetisie.
Alhoewel Curro met die
louere weggestap het, het ons dogters
as naaswenners uit die stryd getree. Ons
dogters het 0-1 teen Curro Heuwelkruin
verloor. Daar moet egter genoem word
dat ons verlede jaar 9-0 teen hulle verloor
het. BAIE GELUK MEISIES. Beide ons
o/15- sowel as ons 0/17-rugbyseuns het
ongelukkig verloor in die ronde van 16.
Marselle Cronje is verkies tot die Noord-
Gauteng Aksiekrieket se o/23-span. Ons
wens hom alle sterkte toe. Landloop,
krieket, gholf en sokker is nou aan die
orde van die dag en na ‘n suksesvolle
sokkerkamp, word daar groot dinge van
ons seuns verwag.
Ons wens al die graad 12-leerders
en ouers alle sterkte toe met die
voorbereiding vir die rekordeksamen.
Mag God u en u familie ryklik seën.
Hou aan vra HOEKOM?
02
Pieter van Wyk
Hoof: Hoërskool
AUGUSTUS 2018
MET TROTS AANGEBIED DEUR SALES-SQUAD.COM 7

HOËRSKOOL SPORT
03
AUGUSTUS 2018 MET TROTS AANGEBIED DEUR SALES-SQUAD.COM 8

DOGTERSHOKKIE
Ons hokkieseisoen vir die dogters het amptelik tot ‘n einde gekom nadat ons o/16
span betrokke was in die Noordvaal uitspele. Ons kan met trots sê dat 2018 ‘n
geskiedkundige jaar was vir ons dogters.
Die dogters het hul harte uitgespeel in die seisoen en gevolglik die eerste span
geword wat in die finaal van die Noordvaal kompetisie gespeel het. Op pad na die
finaal het ons dogters in die kwartfinaal met 4-1 geseevier en daarna in die semifinaal
met 8-0 gewen. Ons het teen Curro Heuwelkruin te staan gekom in die finaal
wat plaasgevind het by Vanderbijl Park. Ongelukkig het ons dogters 1 – 0 verloor,
maar het dwarsdeur die wedstryd uitstekende veggees getoon.
Ons is ongelooflik trots op elke liewe speler sowel as die afrigters wat 2018 ‘n
uitstekende seisoen gemaak het.
SOKKER
Sokker het ook volstoom afgeskop by die hoërskool met ons eerste wedstryd vir
die kwartaal wat plaasgevind het teen Crawford College. Ons o.15 span het 0 – 0
gelykop gespeel en die 1ste span het ongelukkig 3 – 1 verloor.
Die o/15 en 1ste span het egter die bordjies verhang in hul volgende wedstryd teen
Curro Academy Pretoria wat by Curro Roodeplaat plaasgevind het. Ons o/15 span
het 1-1 gelykop gespeel en die 1ste span seuns het hul wedstryd gemaklik met 3
– 1 gewen.
GHOLF
Ons het in ons eerste ligawedstryd te staan gekom teen Die Wilgers met ons eerste
span. Ons kon nie vir ‘n beter begin gevrae het nie nadat ons seuns die wedstryd
gemaklik beklink het.
Ons volgende wedstryd was teen Pretoria Boys High by Waterkloof gholfbaan. Ons
het net-net uitgemis op ‘n tweede oorwinning, maar op die einde van die dag het
Pretoria Boys High as wenners uit die stryd getree.
AUGUSTUS 2018
MET TROTS AANGEBIED DEUR SALES-SQUAD.COM 9

OPPIE TONG AF REDENAARS:
Op 24, 26 en 27 Augustus het 55 van
ons leerders aan die Oppie Tong Af
Redenaarsfees te Curro Hazeldean
deelgeneem. Leerders het in
groepsverband en individueel aan
onderskeie kategorieë soos voorbereide
spanredenaars, onvoorbereide
spanredenaars, motiveringstoesprake,
vermaaklikheidstoesprake en
onvoorbereide individuele toesprake
deelgeneem.
TSHWANE JEUGKUNSTEFEES:
Op 23 Augustus en 25 Augustus neem
die koor en die dramagroep aan die
Tshwane Jeugkunstefees in die Pretoria
Staatsteater deel. Dit is voorwaar ‘n
voorreg om vir die fees gekies te word
aangesien elke skool eers ‘n oudisie
moet aflê.
Ondersteun gerus die leerders op die
bogenoemde datums.
Dit is die grootste getal leerders nog
deur Curro Roodeplaat ingeskryf en
ons is ongelooflik trots op die brawe
leerders wat die skool se naam met
trots verteenwoordig het.
Baie geluk aan ieder en elke leerder!
JUNIOR STADSRAAD VAN PRETORIA
ALGEMENE KENNIS VASVRAE:
Die jaarlikse JSR se algemene kennis
Vasvrae het op 7 Augustus te Hatfield
Christian Church plaasgevind. Curro
Roodeplaat het 8 spanne, bestaande
uit 4 leerders elk, ingeskryf.
HOËRSKOOL
KULTUUR
04
Baie geluk aan Robbie Visagie, Berno
van der Westhuizen, Abel Kurien en
Richardt Aust wat elkeen ‘n selfoon
gewen het!
PANTOMIME:
Hou die spasie en ons sosiale media
dop vir verdere inligting.
AUGUSTUS 2018
MET TROTS AANGEBIED DEUR SALES-SQUAD.COM 10

AUGUSTUS 2018
MET TROTS AANGEBIED DEUR SALES-SQUAD.COM 11

HOËRSKOOL
AKADEMIE
05
AUGUSTUS 2018
MET TROTS AANGEBIED DEUR SALES-SQUAD.COM 12

Baie geluk aan ons studente met hul uitstekende uitslae!
Akademiese Top 5: Graad 10 - 12
“If you steal from one book, you are condemned as a plagiarist. If you steal
from ten books you are considered a scholar and if you steal from thirty
books, a distinguished scholar.”
- Amos Oz, A tale of Love and Darkness
Ek wil graag ons onderskeie skoliere gelukwens met hul uitstekende akademiese
prestasie hierdie afgelope kwartaal. Gedurende die eerste week van kwartaal 3 het
ons, ons Akademiese Top 5 aangekondig vir elke graad. Hulle het hard gewerk om
hierdie gesogte prestasie te ontvang. Sterkte aan elkeen van hulle vir die kwartaal
wat voorlê.
Dit gee my groot genoeë om aan te kondig dat ons top wiskunde- en
wetenskapstudente in graad 10 en 11 uitgenooi is na die ‘Aerospace Defence
Career Expo’ in September. Dit sal die 9de uitgawe van die AAD wees en vind
plaas by Waterkloof Lugmagbasis.
Hou aan met die goeie uitslae.
AUGUSTUS 2018
MET TROTS AANGEBIED DEUR SALES-SQUAD.COM 13

HOËRSKOOL BELANGRIKE DATUMS
AUGUSTUS 2018
04
MET TROTS AANGEBIED DEUR SALES-SQUAD.COM 14

AUGUSTUS
WOENS 15/08 Landloop (Sutherland): 14:00 - 17:00
DOND 16/08 Krieketwedstryd o/15 teen Lyttelton Mannor (Weg)
VRY 17/08 Aankondiging van 2019 Leerlingraad (Saal)
MAAN 20/08 Krieketwedstryd 1ste teen Erasmus (Weg)
DOND 23/08 Krieketwedstryd o/15 teen Soshanguve (Tuis)
SAT 25/08 Sokker toernooi te Curro Thatchfield (seuns en dogters)
AUGUSTUS 2018
06
MET TROTS AANGEBIED DEUR SALES-SQUAD.COM 15

LAERSKOOL TONEEL
Ons staan amper
aan die einde
van Augustus –
ongelooflik hoe vinnig
die tyd verby snel. As
skool het ons reeds talle
hoogtepunte in hierdie
afgelope maand bereik…
Ons is baie trots op ons
leerders wat besonders
presteer in kultuur en op
sportgebied. Dit sluit in
landloop, tennis, hokkie
en mini-hokkie, krieket,
ruitersport, eisteddfods en
die opkomende Tshwane
Youth Arts Festival. Lees
gerus meer hieroor in die
onderskeie artikels.
Die akademie is volstoom
aan die gang met
klasprojekte en sommige
termyntoetse wat alreeds
afgehandel is. Neem
asseblief kennis dat graad
R tot graad 7- leerders
alle klasse moet bywoon
tot aan die einde van hul
onderskeie skooldag. Ons
versoek vriendelik dat
doktersafsprake sover
moontlik vir die middag
geskeduleer word.
Ek herinner u daaraan
dat die “drop-off zone”
slegs voorsiening maak
vir voertuie om te stop,
leerders af te laai en dan
weer te vertrek. Geen
parkering word dus daar
toegelaat nie. Neem
asseblief die reëls in ag
om die vloei van verkeer
vir almal te vergemaklik.
Borgvorms vir die jaarlikse
kaskarderby is reeds aan
u kind uitgedeel. Baie
dankie vir die fondse
wat alreeds inbetaal is.
Die kompetisie tussen
die klasse loop hoog en
leerders sien uit na die
weeklikse aankondiging
van die voorlopers!
Trots Curro Roodeplaat.
Alta Theunissen
AUGUSTUS 2018
MET TROTS AANGEBIED DEUR SALES-SQUAD.COM 16

“Give more than you expect to
receive, love others unconditionally,
look for ways to add value to others,
and bring joy to the relationships you
hold dear ”
– John Maxwell
07
AUGUSTUS 2018
MET TROTS AANGEBIED DEUR SALES-SQUAD.COM 17

LAERSKOOL SPORT
KRIEKET
Ons liga het af geskop vroeg in die kwartaal teen Eduplex.
Vir ons tweede wedstryd het ons drie spanne gehad wat gespeel het teen Southdowns
College, naamlik die o.9, o.11 en o.13 spanne. Ongelukkig het ons al drie die wedstryde
verloor.
Ons volgende ligawedstryde was teen Curro Thatchfield. Die o.13 span het ‘n baie
goeie wedstryd gehad waarin hule ‘n oorwinning van 157 lopies behaal het.
Ons is opgewonde om te sien hoe ons seuns die res van die seisoen gaan vaar en
wens hul alle sterkte toe.
HOKKIE
Die hokkieseisoen het uiteindelik afgeskop en die leerders het volstoom begin met
oefening. Wedstryde het in 2018 verskuif na skole se velde en ons leerders kry
gevolglik die geleentheid om hul wedstryde op die hoërskool se ASTRO bane te speel.
Ons eerste wedstryd was teen Laerskool Riveria waar ons o.11 en o.13 dogters
gespeel het. Die seuns se eerste wedstryd van die seisoen was teen Christian Brothers’
College wat plaasgevind het op die ASTRO. Ongelukkig het ons o.11 en o.13 spanne
hul onderskeie wedstryde verloor.
SOKKER
Sokker het ookvolstoom afgeskop by die laerskool met ons eerste wedstryd vir die
kwartaal wat plaasgevind het by Deutsche Schule Pretoria. Ons o.11 het ongelukkig
2 – 0 verloor en die o.13 span het 2 – 1 verloor.
Die o.13 span het egter die bordjies verhang in hul volgende wedstryd teen Max Stibbe
wat by Curro Roodeplaat plaasgevind het. Ons seuns het die wedstryd gemaklik met
11 – 0 gewen.
TENNIS
Ons tennisliga het op ‘n hoë noot afgeskop. Die onder 13 seuns het hul eerste wedstryd
teen Laerskool Stephanus Roos gespeel en 29-26 gewen. ‘n Eerste vir Roodeplaat.
Hulle het ook baie goed gespeel teen Totiusdal en 39-17 gewen. Baie geluk seuns!
Ons is vreeslik trots op julle. Hou aan met die harde werk.
RUITERSPORT
Baie geluk aan Haylee Duarte en Kingsdale wat deelgeneem het aan die Gauteng
finaal. Sy behaal ‘n derde, vyfde, twaalfde en twee dertiende plekke. Sy verwerf
Gauteng kleure en sal dan ook aan die nasionale kompetisie deelneem wat gedurende
die September skoolvakansie plaasvind. Baie sterkte, Haylee!
AUGUSTUS 2018
MET TROTS AANGEBIED DEUR SALES-SQUAD.COM 18

08
AUGUSTUS 2018 MET TROTS AANGEBIED DEUR SALES-SQUAD.COM 19

AUGUSTUS 2018
MET TROTS AANGEBIED DEUR SALES-SQUAD.COM 20

LAERSKOOL KULTUUR
Hierdie kwartaal is ‘n opwindende
kwartaal vir kultuur. Daar is verskeie
kultuuraktiwiteite wat plaasvind. Hou
asseblief die volgende datums in
gedagte:
1. 20 – 23 Augustus: Interne kultuurweek
2. 28 Augustus: Kultuur gala-aand
3. 3 – 7 September: Boekweek
4. 3 September: Mad Hatter’s
teepartytjie
5. 8 September: Moeder-en-dogtertee
(Kaartjies te koop by ontvangs)
Ons moedig alle leerders aan om aan
die verskeie aktiwiteite deel te neem.
Dankie vir u deurlopende ondersteuning
van kultuur by Curro Roodeplaat.
DIRK VAN DER WESTHUIZEN KUIER
BY CURRO ROODEPLAAT
Dirk van der Westhuizen, die bekende
sanger, het een van ons klasse verras
met ‘n blitsbesoek nadat hy verneem
het hulle is van sy grootste aanhangers.
Hy het vir hul elkeen ‘n CD gebring
en hulle het op hul beurt vir hom
gewys dat hulle elke beweging van die
danspassies van sy nuutste treffer “Die
tennis tune” ken. Hierdie was verseker
‘n dag wat hul altyd sal onthou!
HULLE KAN BESLIS DANS
Larissa Botha en Mieke Greyling was
gekies om Saterdag 28 Julie saam met
Arno Jordaan te dans by “Afrikaans
gaan klein” wat by Weiveld in Pretoria
gehou was. Beide dans al vir 6 jaar
lank en dit was ‘n ongelooflike geleentheid
wat hul te beurt geval het. Daar
was twee vertonings en albei was
uitverkoop, so meer as 2000 mense het
die vertoning gaan kyk.
Arno Jordaan was die gasheer en open
elke jaar die vertoning. Daar was slegs
5 dansers gekies om saam met hom
die opening te doen – beslis ‘n groot
oomblik vir ons eie Larissa en Mieke!
09
AUGUSTUS 2018 MET TROTS AANGEBIED DEUR SALES-SQUAD.COM 21

LAERSKOOL AKADEMIE
Baie geluk aan on Top 5 Akademiese presteerders vir kwartaal 2!
GRAAD 4
1. Anke Nel
2. Nika Rakesh
3. Jorja Jacob
4. Kristen Barry
5. Julia Boshoff
GRAAD 5
1. Anton Biehler
2. Mark Fourie
3. Leaveill Ceylon
4. Dane Mouton
5. Nadia Grobbelaar
GRAAD 6
1. Ria Sookraj
2. Haylee Duarte
3. Amogelang Tshoagong
4. Inacio Marques
5. Teagan Dean
GRAAD 7
1. Myralene Fourie
2. Anton Biehler
3. Cara Theron
4. Dirk Van Der Hoff
5. Kristen Van Drimmelen
AUGUSTUS 2018
MET TROTS AANGEBIED DEUR SALES-SQUAD.COM 22

10
AUGUSTUS 2018 MET TROTS AANGEBIED DEUR SALES-SQUAD.COM 23

BELANGRIKE DATUMS
AUGUSTUS
18 Augustus Landloopkampioenskappe
Hokkie: Laerskool Skuilkrans (Hoërskool Garsfontein)
Mini-hokkie: Eduplex
20 Augustus Tennis: Laerskool Pierneef (tuis)
21 Augustus TYAF: Junior koor
22 Augustus Sokker: Curro Academy Pretoria
Hokkie: o.11& o.13 meisies (Christian Brothers College)
23 Augustus Hokkie: o.11 & o.13 seuns (Laerskool Theresapark)
25 Augustus Eduplex
27 Augustus Tennis: Laerskool Villeria (tuis)
28 Augustus o.13 Krieket: Laerskool Die Krans (tuis)
Hokkie: o.11 & o.13 seuns (Laerskool Pretoria–Oos)
Kultuur: Gala-aand (18:00)
29 Augustus Sokker: Curro Mamelodi
o.9 Krieket: Laerskool Die Krans (tuis)
30 Augustus o.11 Krieket: Laerskool Die Krans (tuis)
Hokkie: o.11 & o.13 meisies (Laerskool Rayton)
AUGUSTUS 2018
MET TROTS AANGEBIED DEUR SALES-SQUAD.COM 24

SEPTEMBER
3 September Boekweek begin
4 September o.13 Krieket: Laerskool Bergsig (Laerskool Bergsig)
5 September Toetsreeks begin (5-14 Sept)
o.9 Krieket: Laerskool Bergsig (tuis)
6 September o.11 Krieket: Laerskool Bergsig (tuis)
8 September Moeder-en-dogter lentetee
Hokkie: o.11 & o.13 seuns (Hatfield Christian School)
Mini-hokkie: Laerskool Hennopspark (slegs seuns)
11 September o.13 Krieket: Maragon Olympus (tuis)
12 September o.9 Krieket: Maragon Olympus (Maragon)
13 September Hokkie: o.13 seuns (Laerskool Rooihuiskraal)
o.11 & o.13 meisies (Laerskool Meyerspark)
o.11 Krieket: Maragon Olympus (Maragon)
15 September Mini-hokkie: Curro Roodeplaat
20 September Kaskar
21 September Skool sluit (10:00)
11
AUGUSTUS 2018 MET TROTS AANGEBIED DEUR SALES-SQUAD.COM 25

“A bedroom without
a teddy is like a face
without a smile”
- Gil Davies
AUGUSTUS 2018
MET TROTS AANGEBIED DEUR SALES-SQUAD.COM 26

CURRO CASTLE
Ons het ons Eksodus-besoek afgelaai. Ouers kan na die rugbyveld toe
baie geniet. Die herinnering van beweeg en stoele, piekniekkomberse en
hoeveel plae daar was en hoe eetgoedjies in klasverband uitpak.
die Israelite gered en deur die see gelei
is, het net weer bevestig hoe groot God is. Die optog van die atlete begin stiptelik om
Dankie, vir ’n heerlike fietsie-dag. Dit was 08:45. Die opening sal dan deur twee van
’n reuse sukses. Ons spog ook graag dat ons groep 5 leerlinge behartig word. Mnr.
ons kleutertjies bus kan bestuur, sonder Ferdi sal almal verwelkom en dan sal die
om eers die petrol te trap.
eerste skoot klap vir die 20m Uiltjieklas
item. Ons vra mooi dat net die klas wat
Ons atletiekdag is om die draai en ons hardloop se ouers by die wenpaal sal
hoop almal het al verlof ingesit om die dag wag. Ons het ook twee waterglybane vir
saam met ons te kom geniet. Elke kleuter die oggend. Na afloop van alle items kan
hardloop net vir hulle mamma of pappa, ons kleuters gly, asook die hindernisbaan
ouma of oupa, dus hoop ons om julle almal ontdek en bemeester. Ons sal om 10:30
daar te sien. Ons klasverteenwoordigers met ons verrigtinge klaar wees waarna
sal met hulle klasse reël vir Gazebo’s julle julle kleuters saam huis toe mag
vir beskerming teen ons lente-son. Julle neem.
kan piekniekmandjies pak waaraan al
ons atlete saam julle kan smul na al die
rekords gespat het.
Vriendelike groete,
Castle personeel
12
Die program lyk soos volg:
Kleuters word gewone tyd by hulle klasse
AUGUSTUS 2018 MET TROTS AANGEBIED DEUR SALES-SQUAD.COM 27

BELANGRIKE DATUMS
17 Augustus: Polisie-besoek
Snoepie
24 Augustus: Bak-en-brou
31 Augustus: Snoepie
7 September: Atletiekdag
14 September: Poppekas
Bak-en-brou
21 September: Skool sluit @ 10:00
09 Oktober: Skool begin
AUGUSTUS 2018
13
MET TROTS AANGEBIED DEUR SALES-SQUAD.COM 28

CURRO CASTLE GALLERY
AUGUSTUS 2018
14
MET TROTS AANGEBIED DEUR SALES-SQUAD.COM 29

AUGUSTUS 2018
MET TROTS AANGEBIED DEUR SALES-SQUAD.COM 30

KONTAKBESONDERHEDE
Algemene Ontvangs:
087 287 2586
adminr@curro.co.za
Castle Ontvangs:
087 287 2586
adminr@curro.co.za
Laerskool Ontvangs:
087 287 2586
Charmaine.r1@curro.co.za
Hoërskool Ontvangs:
087 086 4544
Joelene.p01@curro.co.za
Sport:
Jacques van der Merwe
jacques.v1@curro.co.za
Bemarking:
087 287 2586
Rose.m6@curro.co.za
15
AUGUSTUS 2018
MET TROTS AANGEBIED DEUR SALES-SQUAD.COM 31