NUUS_T4-Okt 2018

BOODSKAP UIT DIE KANTOOR
Soos wat ek in die oggend skool toe ry, is dit met verwondering oor
die skoonheid van die sonsopkoms, die bloeisels aan die bome en
God se skepping. Dit is ook dan wat ek met groot waardering en
dankbaarheid opnuut besef hoe bevoorreg ons is dat ons omring word deur
die bosveld hier by Roodeplaat. Dit is my gebed dat u elkeen ’n wonderlike
vierde kwartaal sal hê gevul met pragtige “bloeisels” op pad na die einde van
hierdie jaar toe.
’n Woord van dank aan ons laerskoolpersoneel, leerders en ouers wat ons
kaskardag so ’n reuse sukses gemaak het. Ek het die dag terdeë geniet.
Die vele glimlaggende gesiggies en vreugde onder ons ouers, leerders
en opvoeders, was die hoogtepunt vir my. Die fondse met hierdie projek
gegenereer, sal aangewend word vir ‘n pawiljoendak. Die tennis/netbalbane
is gedurende die vakansie oorgedoen en ek hoop dit dien as aansporing en
motivering vir al ons netbal- en tennisspelers in die maande wat kom. Ons het
ook aan die einde van kwartaal twee, Erfenisdag op ‘n unieke wyse gevier en
ons sal in ons beplanning verseker dat ons 2019- feesvieringe nog groter is.
Ek vestig graag u aandag op die volgende belangrike vergadering:
25 Oktober 2018: Sosiale media-inligtingsessie deur Emma Sadleir –
kundige op sosiale mediareg (moenie hierdie belangrike sessie misloop nie)
31 Oktober 2018: Die Curro Roodeplaat-gholfdag moes ongelukkig tot
Februarie 2019 uitgestel word.
OKTOBER 2018
MET TROTS AANGEBIED DEUR SALES-SQUAD.COM 6