KAMP IS LEKKER Mei 2019 TYDSKRIF

KLIPPE
BEEMERS
DROOGTEHULP
FRASERBURG

INHOUD
MEI 2019
LekkeRLeeS
DROOGTEHULP aan Fraserburg
ELANDSKLOOF FORELPLAAS
KampKIEKIES: As KLIPPE kon praat
Nuwe BEEMERS
LEWENDE SEEP
HET JY AL “STRONT” AANGEJAAG – as jy kamp? – DEEL 2
Die (GROOT) SEEKAMP
KampKIEKIES: As KLIPPE kon praat…
Voorbladfoto:
HENRY JONKER vertel vir ons van sy
ervaring om droogtehulp te gaan help
verleen aan die Fraserburg boere.
ADVERTEER
tydskrif@lekkerkampplekke.co.za
L
EES SAAM
P
RAAT SAAM
K
AMP SAAM

WWW.CGEAR.CO.ZA
Email: sales@cgear.co.za
Cell: 084 581 5787
SANDFREE
MULTIMAT
Designed as a deployable
helimat for the military
Supplied with heavy
duty carry bag
Stainless steel triangle
peg every metre
SAND FALLS THROUGH & CAN’T COME BACK UP AGAIN
Sandlite
Tote Bags
Multimat

Lewende seep is veilig vir die natuur!
Bakterieë is oral. As jy hou van kamp, is jy waarskynlik nie te grillerig om daaraan te dink nie.
Bakterieë is eintlik mos eensellige fabrieke. Hulle gebruik die boustowwe wat hulle in hulle
omgewing vind, om allerhande nuttige samestellings te vervaardig. Ons gebruik reeds
bakterieë om goed soos antibiotika, vitamines, proteïene, inentings en ensieme vir ons te
vervaardig.
Afval word ook baie doeltreffend deur bakterieë afgebreek. Wanneer ’n besoedelde area deur
mikrobes herstel word, word dit bioremediëring genoem. Miskien het jy al gelees van groot
olie-ongelukke soos die Exxon Valdez wat 380 miljoen liter olie in die see gestort het. Omdat
ru-olie ín die natuur voorkom en soms in die see inlek deur die seebodem, is daar reeds
bakterieë in die see wat die koolwaterstowwe in ru-olie kan verteer. Wat opruimwerkers moes
doen, was om hierdie bakterieë se getalle groter te maak deur nog daarvan in die see te spuit.
Dit word biologiese aanvulling genoem.
Hier in Suid-Afrika is daar al meer as ’n dekade gelede besef dat bakterieë wat behoort tot die
bacillus genus, baie nuttig aangewend kan word. Bacillus bakterieë is staafvormige, aerobiese
bakterieë wat spore vorm. Die spore is bestand teen hitte, koue, bestraling en uitdroging asook
ontsmettingsmiddels. Dit beteken hulle is nuttig as aktiewe agente in skoonmaakmiddels.
Beide die beginsels van bioremediëring en biologiese aanvulling word ingespan. Kom ons
dink aan jou kamptafel. Die goeie bacillusbakterieë is klaar teenwoordig op jou kamptafel. Jy
kan dit nie help nie en dit beteken nie jy is vuil nie. Hulle is daar omdat bakterieë oral is en
omdat daar vir hulle kos is. In plaas daarvan om daarteen te stry en jou tafelblad steriel te
probeer kry (onmoontlik want die lug is ook vol bakterieë, onnodig want dis nie skadelik vir
jou nie!), kan jy die beginsel van biologiese aanvulling toepas. Gebruik ’n skoonmaakmiddel
wat die populasie aanvul!
Só werk dit: ’n Hele paar miljoen bacillusspore is in die skoonmaakmiddel wat jy op die
tafelblad spuit. Binne minute kan die spoor begin ontkiem. As die toestande gunstig is, leef
die bakterieë en begin vermeerder. Die eerste ding wat die bakterieë doen, is om reuke te
bestry. Omdat hulle dadelik begin vermeerder, kompeteer hulle vir spasie en woel en wemel
letterlik die skadelike bakterieë uit die pad. Die bakterieë begin ook dadelik ensieme produseer
wat die afval wat op die tafelblad is, afbreek sodat hulle dit kan eet.
Die voordele van hierdie manier van skoonmaak is maklik om raak te sien. Dit boots die natuur
na; dit span die lewe wat daar reeds is, in om vir ons te werk. Dit maak ook dat minder
chemikalieë nodig is. ’n Bietjie surfaktant om die water natter te maak is amper al wat nodig
is – die bakterieë doen die res. Dis ’n intelligente manier van skoonmaak – die bakterieë
ontleed die omgewing en produseer die regte hoeveelheid van die regte ensieme om alles te
verteer.
As jy belangstel in ’n reeks skoonmaakmiddels wat inheemse bacillusspore bevat wat in top
laboratoriums in Pretoria gekweek word, besoek gerus www.mrsmartins.co.za. Kom ons span
lewe in!
Lize van der Merwe

DROOGTEHULP
aan
fraserburg
se hele storie

Woorde & Foto’s: HENRY JONKER

“
Nog voor ek my
kalender (my vrou)
kon raadpleeg het ek
laat weet as die
geleentheid nog daar
is sal ek graag wil
saamry.
Middel Maart kry ek ʼn boodskap op een van
my vele WhatsApp groepe van ʼn goeie vriend
Lourens Hugo (boer in die Franschhoek
omgewing) dat hul, Franschhoek
Landbouvereniging betrokke geraak het by ʼn
droogtehulp projek na Fraserburg en dat daar ‘n
sitplek oop is in die vragmotor wat hy gaan
bestuur en of iemand wil saam ry.
Vrydagoggend, 5 April so net na 4:45am vertrek
die konvooi (bestaande uit vragmotors & bakkies)
van die Huguenot Monument in Franschhoek.
Terwyl ons stadig oor die Franschhoek pas, op
pad na Villiersdorp, beweeg kan ek nie ophou
dink hoe hartroerend oom Krige Siebrits se gebed
was met die vertrek van hierdie tog.
Soos ons Villiersdorp nader begin die tweerigting
radio’s lewe kry. Daar is ʼn opwinding in die lug
en mens kry die gevoel dat hierdie ʼn groot
gebeurtenis is vir ieder & elk wat deel is hiervan.
Villiersdorp se liggies is maar vaal en die dorp
slaap nog toe ons by die res van die konvooi
(boere van die Villiersdorp & Caledon omgewing)
aansluit. Hier en daar steek ʼn nuuskierige persoon
sy kop by die deur uit – wonder seker wat is
hierdie geraas en dreuning so vroeg die oggend.
Net buite die dorp kom die konvooi tot stilstand
sodat almal die vragte voer + banddruk kan
nagaan. Party manne maak gebruik van die
geleentheid om die kospakkie wat vroulief in
gepak het te bestudeer en ander staan met ʼn fles
koffie in die hand en aanskou hoe die son sy
oggendstrale oor die Overberg omgewing gooi.
Paar minute later en ons is weer aan die beweeg.
By Worcester word die konvooi net nog langer
soos nog vragmotors by ons aansluit.
Ongelooflike gevoel as jy oor die radio hoor hoe
die manne by die konvooi aansluit en almal hulle
groet en welkom heet.
Ek kan nie ophou dink hoe
hartroerend oom Krige Siebrits
se gebed was met die vertrek van
hierdie tog.

5km buite Touwsrivier kom die hele
konvooi tot stilstand langs die N1 by een van die
vele piekniek plekkies. Die konvooi, wat seker
nou maklik al verdubbel het toe ons die oggend uit
Franschhoek vertrek het is iets om te beleef.
Soos ek deur die twee rye vragmotors & bakkies
beweeg besef ek net weer hoe onselfsugtig hierdie
boere & besigheidsmanne is deur alles net so te
los op hulle plase & besighede om ʼn gemeentskap
wat al +/- 5 jaar se droogte beleef te gaan help.

`n Onselfsugtige
helpende hand aan
boere in groot
nood…
Rye vragmotors
vol kos vir
droogtegetysterde
plaasdiere.
Ek is ʼn mens wat hou van avonture
& om nuwe plekkies & goed te ontdek, maar
hierdie is ʼn belewenis so uniek & nuut vir my dat
ek meer moes uitvind. Die manne stuur my in die
rigting van oom Danie de Waal.
Oom Danie is die voorsitter van die SA Jag en
Wildbewaring Vereniging (Overberg tak) en
hierdie is hul 14de aflewering na Fraserburg (74
boere) en Sutherland (142 boere). +/- 3,800 ton
voer (wat deur boere in die Overberg & omgewing
geskenk is) en baie kos vir die ouetehuise is al
afgelewer.
Toe die nuus breek dat nog so ʼn aflewering gaan
plaasvind het Franschhoek Landbouvereniging hul
hand opgesteek dat hul sal help (in samewerking
met boere van Villiersdorp & Caledon en ʼn klomp
vrywilligers) met die vervoer van die voer.
So net na 11am draai ons links by Leeu Gamka op
die R353 en met die dat die konvooi so bietjie
uitmekaar getrek is soos ʼn konsertina word daar ʼn
laaste keer gestop, so paar km verder naby ʼn paar
doringbome, sodat die konvooi weer agter mekaar
kan wees.
Almal word nader geroep en die laaste reëlings
word bespreek en gefinaliseer. Na ʼn groep foto is
die konvooi vir die laaste keer aan die beweeg.
80km verder en Fraserburg se kerk toring kom in
sig. Ek het intussen by oom Willie in sy bakkie
gespring en ons is die laaste voertuig van die
konvooi. Ek en die oom praat tog te lekker, maar
soos ons die dorp in ry en ons sien ʼn groep
kinders met ʼn welkom / dankie plakkaat raak ons
albei onmiddellik stil. Nie een kan ʼn woord uit kry
nie en dit voel of my emosies my wil oorval.
Skielik verlang ek na my seuns tuis en wens dat
hulle deel hiervan kon wees.
Die konvooi kom vir ʼn laaste keer tot
stilstand. Blad word geskud en elk kry ʼn koue bier
van ons gasvrou Michelle Fourie. Die aflaai is ʼn
proses en ʼn half en onmiddellik word die eerste
paar vragmotors aangepak. Elmar le Roux (wat in
beheer is van Fraserburg se droogtehulp projek)
maak seker dinge bly aan die beweeg en dat die
voer by die regte punte afgelaai word.

Ek en die oom praat tog te lekker, maar soos ons die dorp in ry
en ons sien ʼn groep kinders met ʼn welkom / dankie plakkaat
raak ons albei onmiddellik stil. Nie een kan ʼn woord uit kry nie
en dit voel of my emosies my wil oorval.

Terwyl die aflaai van die voer aan die gang
is ry ʼn paar van ons saam met Mariette Hugo &
Michelle om die kos & ander NB goedjies by die
ouetehuis te gaan aflaai. Van hier sal dit dan
tussen die ouetehuis & koshuis versprei word
waar nodig.
Laat middag en ons beweeg na die gastehuis wat
Michelle vir ons gereël het. Om saam met hierdie
vrag manne ʼn huis te deel is wragtigwaar ʼn
avontuur op sy eie en dit benodig sy eie artikel.
Die dag het einde se kant gestaan, maar nie ons
kuier op Fraserburg nie. ʼn Ete / kuier saam met
die boere en mense van die omgewing het nog
voorgelê so hoe kan mens dit nou nie geniet niet.
Hierdie is skaap wêreld so natuurlik word daar
gespit, skaapstertjies, wors … man dit is mos
koningskos.
Ter opsomming – voer wat vervoer was na
Fraserburg:
• 168 bigpacks
• 412 ronde kafbale
• 80 klein kafbale
• 70 ton pit kos
Daar is so baie mense om voor dankie te sê, dus
wil ek niemand uitsonder nie, maar ek wil wel
DANKIE se vir: SA Jag en Wildbewaring
Vereniging (Overberg tak), Franschhoek
Landbouvereniging en dan natuurlik Fraserburg &
sy mense veral Michelle & Riaan Fourie.
Ons dink & bid vir julle Fraserburg. Amen!
Terwyl ek so deur die mense beweeg en sien hoe
almal mekaar se geselskap geniet dink ek terug
aan iets wat Lourens vir my in die vragmotor gesê
het en dit is dat op ʼn mate is boere broers van
mekaar. So as die een swaar kry dan help die
ander waar hy kan.
Terselfdetyd dink ek hoe ironies is dit nie dat jag
en alles wat gepaard gaan daarmee soms in ʼn
swak lig gesien word deur van die publiek en hier
is hierdie einste organisasie aan die stuur om vee
boere in die Karoo te help tydens droogte.
So mooi soos die Karoo kan wees, so wreed kan
hy ook wees. As hy gee is dit die mooiste mooi
wat jy al gesien het, maar as hy neem dan sny dit
diep. Om met boere te gesels en te hoor hoe min
hul reënval oor die laaste 5 jaar was, is
hartsroerend. Wat ek weet van boer of die nodige
hoeveelheid reën wat nodig is om te kan boer in
die Karoo is gevaarlik en op ʼn mate voel mens so
magteloos. Wat my wel opval is dat nie een voel
dat die einde aan sig is, of met hangende skouers
stap nie. Almal het moed, hoop en glo dat dinge
sal draai.
Terug by die gastehuis na ʼn ongelooflike lekker
kuier saam met Fraserburg se mense gaan stap ek
ʼn draai in die stil strate. Die wêreld is stil en al
wat jy hoor is ʼn hond wat in die verte blaf. Ek kyk
op en besef net weer hoe ongelooflik mooi die
sterre in die Karoo is.

Het jy al
‘STRONT’ drooggemaak
as jy kamp?
Maar ek bedoel sommer soos in GÓÉD, aangejaag…
DEEL
Ons kampfotograaf – Pierre – vertel verder van
sy wedervaringe hoe hy dit al reggekry het om `n
perfekte (Spitzkoppe) kamp goed op te voeter...
2
Woorde & Foto’s: PIERRE LABUSCHAGNE

E
k beplan `n jaar lank aan my groot
Namibië-trip! Alles word bespreek
en betaal voor die tyd, en ek “spych”
myself op! Ek kry jitters van
opgewondenheid, want ek gaan vir amper `n
week Etosha-toe, en dan toer ek ry-ry weer
terug af Suide-toe. Via Spitzkoppe… Allesen-alles:
drie weke in Namibië! Hemels…!
Die tyd kom aan, en ek is gepak. `n Vriendin
van my ry saam, want sy wil by
gemeenskaplike vriende van ons gaan kuier
op Outjo. Die plan was om tot by Amanzi
Trails – net oor die Oranjerivier en aan
Namibië se kant, te ry, dan daar oor te slaap,
en vroeg die volgende oggend dou voor dag
weer te vertrek en deur te stoot tot op Outjo.
Dis `n vêr en reguit pad…
Ek sukkel om die nag te slaap, want `n
allermuntige griep pak my beet – onverwags
en totaal ongeleë! Ek is nie gelukkig met
myself nie en toe die wekkertjie sag lui teen
04h30, het ek nog geen slaap ingekry nie.
Die griep kom sit oordentlik in my lyf, en ons
moet klaarmaak om pad te vat Noorde-toe. `n
Warm stort en koffie laat my tydelik beter
voel. Ek deel die pad in vier dele in. Amper so
300km elk. Amanzi tot Keetmans, Keetmans
tot Mariental, Mariental tot Windhoek, en dan
die laaste deel tot op Outjo – sê maar
maklikheidshalwe omtrent 1200 km! Dis vrek
vêr met `n loopneus en `n bors wat wil bars…
maak ek myself klaar om Etosha toe te gaan,
en die griep bedaar. Ek voel reg vir die “bos”!
Dié wat Etosha al beleef het, sal verstaan: dis
`n plek wat onverklaarbaar diép, diép binne
jou kom sit! (en jy kry hom nooít-ooít weer uit
nie). Ek sien alles wat my hart begeer: twee
keer luiperds, wit- en swartrenosters, olifante
in oorvloed, jagluiperds – jy noem dit, en ek
sien alles – behalwe leeus! Aaaitog! Die
leeus fnuik my elke keer, en ek is bitter
teleurgesteld, maar nie moedeloos nie, want
dis soos `n wildtuin werk! Soms is jy gelukkig,
en ander kere nie. “Live-with-it”!
Ek is bevoorreg om sonsondergange te
beleef met goud en geel soos net Afrika kan
gee… Ek neem siloeëtte af van diere wat
Hannes Lochner en Heinrich van den Berg in
trane sal laat uitbars! En ek is gelukkig met `n
lekkerte wat hier baie diep in my binnegoed
kom sit!
Wimpy brêkkie op Keetmans, volmaak, dan
Mariental… AAAhtiesjoe… Kalkrand … Hoeshoes-aaahtiesjoe…
Rehoboth… proesproes…
Windhoek se rante en draaie …
Griep tel op en ek voel goor… aaahtiesjoe,
maar ek hou my ‘pose’… Okahandja – die
son trek water… Otjiwarongo (yay!) en dan
uiteindelik: Outjo! Phewwww! Lang dag!
My eerste twee dae in Outjo was maar sleg,
want ek slaap meeste van die tyd, en die
gasvrou staan in met koffie en beskuit en alle
moontlike medisyne om te troos. Ek kry
darem `n koue Windhoek’ie of twee in my lyf
saam met die gasheer en `n braaivleisvuurtie,
en ten spyte van die goor griep, is dit lekker
om saam met ou vriende op te vang van
aangesig-tot-aangesig, en nie met Whatsapp
nie! Ons kuier lekker! `n Dag of drie later

Vorige bladsy: Silhoeëtte om van te droom… Die diere
kom na-middae watergate toe om te kom suip. As jy op
die regte tyd op die regte plek sit, is jy verseker om olifante
te kry wat water kom drink. Selfs die haartjies op `n slurp
wys duidelik as jy mooi fokus. Die witryertjie aan die
agterkant lyk onderstebo, want dis net sy weerkaatsing in
die water wat nog sigbaar was in die laaste goue lig…
Bo: `n Rooi sonsopkoms met `n boom voor `n wit bal vuur!
Groot bome in Etosha is skaars, en ek moes jaag (wettig
teen 60km/h) om betyds by dié een uit te kom om die son
reg te vang!
Links: Ma en dogter kom soek lafenis na `n lang dag in
die droë Etosha-veld! Hulle silhoeëtte word verewig
vasgevang!
Onder: `n Jagluiperd kom staan reg voor my in die pad in
die vroeë oggend-son! My hart bons in my borskas…

My tyd kom tot `n einde in Ethosa, en ek voel
of my vakansie reeds `n sukses was met
alles wat ek hier beleef het (sonder leeus)!
Alles sover die moeite werd! Ek het nog `n
rapsie minder as twee weke oor in Namibië,
waarvan 4 aande by Spitzkoppe is, en ek het
`n onkeerbare opgewondenheid in my! Die
rede is omdat ek uitsien daarna om by dié
wêreldbekende rotsformasies te kan gaan
sterre afneem! Dis donkermaan, en dis perfek
vir sterre-fotografie – dink ek. Ek sal die
formasies ook afneem, net so vir `n bonus,
dink ek… Maar my fisier is op die sterre by
die boogrots en tussen die formasies! Kan nie
wag nie, en ek hoop so in my stillegheid dis
nie bewolk as ek daar aankom nie! Net voor
Khorixas draai ek af Suide-toe, na Uis se kant
toe, en die grondpad is tops. Ek is egter nie
swaar met my trapvoet nie, want ek vergaap
my aan die altyd-veranderende omgewing
soos ek ry. Namibië is beslis soos geen land
in die wêreld nie! Dis óral mooi waar ek kyk,
en ek het vrede in my lyf!
Spitzkoppe slaan my asem weg, en ek het
hoendervleis van jitters – van voor-af. Alles
wat ek op Google voor-af bykyk het, staan in
sy volle glorie voor my! Ek weet letterlik nie
waar om te kyk, en waar nié.
Ek is lekker vroeg daar, en ek kry `n perfekte
kamp staanplek, voor die na-middag se
verkeer inkom om te kom nesskrop.
Spitzkoppe is `n heelike (en baie populêre)
oorstaanplek vir kampreisigers wat Namibië
verken. Ek stap rond en neem my eerste paar
kiekies. Sonsondergang by die boogrots is
mooi, en ek bank solank my eerste foto’s. Dit
raak donker, maar helaas, die wolke gaan my
pla! Dis té bewolk vir lekker sterre, maar dit
sorg vir mooi sonsondergangsfoto’s met kleur
en tekstuur in die lug. Toemaar, sê ek vir
myself, dit kan tog nie ál vier aande so
bewolk bly nie, en die geluk tref my die
volgende dag toe die wolkies geepad. Ek is
vroeg op voor die son, en ek kry `n klompie
mooi sonsopkoms skote in. Later verdwyn de
laaste een van die wolkies, en die lug is
helder en skoon! Vanaand! – dink ek, en ek
vryf my wyehoeklens solank blink. Sigma 10-
20mm ultra-wyehoek; perfek vir sterre. `n
Nuwe, skoon geheuekaart in die kamera, en
ek is reg vir aksie - `n hoogtepunt van my
Namibë vakansie: Sterre by Spitzkoppe! Dit
kan maar donker word…
Teen agt-uur is dit pikdonker, en daar is nie
`n beduidenis van `n wolkie nie. (ek het deur
die dag reeds my plek en hoek gaan bekyk
waar en hoe ek my eerste foto’s gaan neem,
en my fokuspunte uitgwerk op my lens, en ek
was seker waar die Melkweg gaan oorkom.
Ek was deeglik voorberei, en het presies
geweet waar, wat en hoe my eerste foto gaan
werk!) Verskoon die Engels, maar nou weet
ek nie hoe om dit lekker (of beter) in
Afrikaans te sê nie. Met my eerste
saamgestelde foto het ek beplan om so twee
ure se totale oop sluiter ‘exposure’ te neem,
met seker so 60 foto’s van vier minute elk se
‘exposures’. Vergewe as dit so bietjie tegnies
en ingewikkeld klink, maar dis meer effektief
om `n klomp foto’s te neem, en hulle dan met
sagteware op mekaar te ‘stapel’ om mooi
sterresirkels te maak, erder as een lang
‘exposure’.
By die boogrots se parkeerplekkie, klim ek
uit, en haal my driepoot uit. Ek haal my
kamera uit my kamera-rugsak, en haal die
lens af wat gemonteer was. Ek haal die
blinkgevryfde wyehoeklens uit, en monteer dit
versigtig op die kamera, en ek is
opgewonde… Ek sit nognie die ander lens
terug in die kamerasak nie, want ek wou eers
gou my kamera op die driepoot monteer. Ek
kyk nie wat ek doen nie, en van
oorhaastigheid maak ek nie seker dat die
kamera inge-‘klik’ was op die driepoot nie. Ek
laat val die kamera! Ek hoor die klapgeluid…
My hart sink! My blinkgevryfde ultrawyehoeklens
- spesiaal vir sterre - is in twee
gebreek! In twee stukke… en my hart ook! Ek
raak naar, en spontaan vloek en skel ek
myself in die aller gruwelikste taal denkbaar!
(… Labuschagne, jou ****, flippen ****, kan jy
nie ***** dink (én ****** KYK) wat de ***** jy
****** doen nie!) - spesiaal GESENSOR vir
die sensitiewes - …
Toe die naar uiteindelik sak, en die ergste
gevloek bedaar het, loop haal ek die
‘ductape’ uit my goeters-krat, en ek plak die
twee stukke weer mooi netjies inmekaar
(wetende dit nie gaan werk nie, maar met die

wêreld se hoop), en ek sit die lens terug op
my kamera – en dié keer versígtig terug op
my driepoot – so al asof ek gedink het ek
gaan nou lekker sterre afneem…) en met die
hoop dat als weer reg is. Jammer, pêl! Ek sit
my kamera aan, en al wat ek sien is:
“ERROR – LENS NOT RECOGNIZED” … En
ek weet… “Aaaaag ******, Labuschagne,
vloek ek weer hardop! (Toemaar, ek is nie `n
vuilbek nie. Ek vloek net as ek stront
droogmaak!)
My vier aande by Spitzkoppe gaan verby, en
ek moes tevrede wees met rotsformasies in
die dag, sonder `n enkelte ster se kiekie! Ek
neem Spitzkoppe toe maar uit alle hoeke af,
en vir die troos kry ek `n paar mooies. Ek het
`n volgende afspraak met Spitzkoppe, dink
ek, want ek moet my sterre gaan afneem by
die rotsboog – ongedane sake en
onafgehandelde afsprake. Dis net `n kwessie
van tyd…
Die res van my Namibië-toer verloop glad,
maar ek sukkel met sterre afneem. My
gemoed is nie lus vir sterre nie en ek kry elke
keer so effense naarigheidjie as ek dink aan
daai klapgeluid toe die lens “snap’. Ek fokus
maar op landskappe, maar die Liewe Heer is
my weer genadig, en kry my weer jammer,
toe Hy my beloon met heerlike landskappe,
en mooi kiekies.
Terug by die huis betaal die versekering my
nuwe lens uit, en ek skaf vir my dieselfde,
splinternuwe Sigma 10-20mm ultrawyehoeklens
aan, net om wéér stront droog
te maak (DEEL 3) met dieselfde (nuwe)
lens… Asof ek nie my les geleer het nie!

Elandskloof Forel Plaas
Woorde: Pieter van der Linde / Foto’s: Van Staden Fotografie & http://www.elandskloof.co.za
E
k is bevriend met die familie sedert 1990 en ek het verskeie kere daar gaan jag en oorgebly in die chalets.
Die rus en vrede wat ek daar ervaar is vir my goed en ek waardeer dit om soms net weg te kom van die
normale gejaag van die lewe. Ontvangs en bespreking is vriendelik en dit is n pragtige familieplaas wat al
vir geslagte in die familie se besit is.
Ek is nie n geesdriftige forelhengelaar nie, maar ek geniet dit om te sien hoe die ander gaste hulleself geniet met die
forelle...
Laatmiddag steek meeste hulle vure aan en ruik jy braaivleis in die kloof en elke ou doen wat hy wil.
Dis heerlik om oor die hoofdam by die kampterrein te sit en mediteer oor die lewe...n groot voorreg om jou kop in
neutraal te sit vir n wyle. As jy skerp kyk, sien jy heelwat wild en die takbokke is my gunsteling .... maar jy moet
wakker wees en mooi kyk, ander mis jy hulle.
Wens ek was nou daar... Ek mis die reuk van varsgebakte brood in Dimpels se kombuis!

Wees voorbereid
Kamp is Lekker
Gaan orals
RSI SMARTKITCHEN ROOF MOUNTED TABLE RSI SMARTRACK
011 974 0370 SALES @ SMARTCANOPY.CO.ZA

as die
KLIPPE
kon praat

“
Vandat ek my verstand gekry het, en so vroeg as wat ek
maar kan onthou, het ek `n liefde vir klippe en rotsformasies
gehad. Ek kan `n mooi klip nie uitlos nie, wat nog te meer as
daar iets interessant gebeur… soos in hierdie foto!
Die (Namibiese) Richtersveld is vir my `n bekende stukkie aarde. Ek kom gereeld
hier, en ek is verlief op die plek. As ek hier deurry lig ek my trapvoet en ek kruiekruie
– amper luierspoed op díe paaie – met my oë oop! Die gevolg is dat ek heel
dikwels gelukkig is om iets besonders raak te sien wat ek nie normaalweg sal
sien as ek vinnig ry, of onoplettend deurjaag dat jy net stof en klippe sien spat,
nie. Hierdie klipspringer-ooitjie op haar uitkykklip is `n bevestiging dat jy dikwels
iets sal sien as jy geduldig en oplettend is, en nie jaag op hierdie paaie nie.
Woorde & Foto’s: PIERRE LABUSCHAGNE

`n Teken van lewe: Groen blaartjies tussen wit gebleikte takkies,
en swart, songebrande skurwe rotse in net `n paar millimeter grondjies.
Tussen die klippe: Soms verstom ek my vir die krag – en lewenswil – van `n boom!

Maanlandskap! Mooi…

Eeue se vloed- en stormwater skeur `n pad oop deur die rotsbodem om
uiteindelik `n canyon te vorm. Soos die skeur tydsaam dieper raak, word die
verkillende rotslae blootgelê, en ek staan net in doodse stilte myself en
verwonder aan die natuur… Vertel my julle storie, staan ek en dink…
`n “Woudreus” in `n rotstuin – een van my gunsteling
kokerbome en plekke in die hele Namibiese Richtersveld.
Waar? Dis my geheim…!

Hoekom rond?
Tussen al die ander hoekige rotse en klippe, lê hierdie ronde, gladgevormde granietbal. Ek
wonder hoekom net hy, en hoe kom dit daar? As die klip maar net met my kon praat…?

`n Skildenaar se doek:
Sanmense van (na bewering en volgens
kundiges) omtrent 800 – 1000 jaar gelede se
rotskuns. Dit word ‘Petrogliewe’ genoem:
tekeninge wat geduldig en met moeite op die
rotse uitgekap word met `n harder stukkie rots.
Hier kan ons `n renoster en `n kameelperd sien
– soos weergegee deur die kunstenaar. Soms
kry mens ander vorme en patrone soos die
spiraalsirkels hier langsaan. Ek wens die klippe
kon vir my hulle storie vertel van die kunstenaar
wat sy kuns hier verewig het…

Laaste rusplek…
Die geraamte van `n kokerboom wat eens trots en vier sy
plek vol gestaan het. Nou net wit en stukkende reste.
`n Mensgemaakte muurtjie?
Nee, nooit nie. Perfek gepak deur `n Groter Skepperhand!

Nou wie sou die hopies klippe so stapel? Ek wens hulle kon my sê…
Nuwe lewe!
Groen, vars en nuut… na goeie reën in `n dorre droë landskap, tussen die warm klippe.
Na die reën: Klam grond, en afgekoelde klippe in `n andersins bar, genadelose warm landskap!

Verduidelik jy maar vir jouself hierdie formasies,
want vir my het dit geswyg…
As die klippe maar net kon praat…!

Gear to make tracks in a
ISUZU D-MAX
MY12 05/12 on
It doesn’t matter how you make tracks, Tough Dog has the right gear to suit your Isuzu D-Max. Up front, Tough Dog
offer offer both the award winning Foam Cell Strut, as well as the 9 stage Adjustable version. Either option is coupled
with springs to suit your accessories. Tough Dog also offer complete assembly front struts for fast and easy fitment
of the front suspension assembly.
In the rear, we’ve got every possible application covered. You’ve got the choice of three shock options as well as
three separate leaf packs, depending on your application. Some earlier model D-Max variants require a handbrake
bracket relocation kit, available as a Tough Dog Part. Check with your dealer for your specific vehicle.
Replacement
Strut Tops
Handbrake Relocation Bracket Kit
(Required for up to MY15.5 vehicles)
SHOCK ABSORBERS
FC404200 2 40mm Foam Cell Strut
BM404200 2 40mm 9 Stage Adjustable Strut
COIL SPRINGS
TDC270 2 Petrol/Diesel/Up to Alloy Bar
TDC974 2 Petrol/Diesel/Bar
TDC974H 2 Petrol/Diesel/Bar/Winch
COMPLETE STRUT ASSEMBLY
HOL-001 2 Complete unit with adjustable strut suit alloy bar.
HOL-002 2 Complete unit with adjustable strut suit bar.
HOL-005 2 Complete unit with adjustable strut suit bar & winch.
HOL-003 2 Complete unit with adjustable strut suit alloy bar.
HOL-004 2 Complete unit with foam cell strut suit bar.
HOL-006 2 Complete unit with foam cell strut suit bar & winch.
REPLACEMENT STRUT TOP
TOY-1081 2 Strut Top
41mm Foam Cell &
40mm 9 Stage Adjustable Struts
(Available as complete assembled units)
X5K Coil Springs
(Multiple rates available)
Want more info?
www.toughdog.com.au
MY12 05/12 on

Rear Shocks Available:
35mm Nitro Gas
41mm Foam Cell
40mm 9 Stage Adjustable
SHOCK ABSORBERS
BD1382T 2 35mm Nitrogen Gas Shock
FC41382 2 41mm Foam Cell Shock
BM401382 2 40mm 9 Stage Adjustable
LEAF SPRINGS
FS214C 2 0-300kg Load
FS214L 2 CONSTANT 300Kg Load
FS214LL 2 CONSTANT 500Kg Load
COMPONENTS
TDUK-071 1 Urethane Shackle Bushing Kit
TDUB-016 2 U-Bolt Kit
TDGS-391 1 Greasable Shackle Kit
TDGP-668 1 Greasable Pin Kit
TDSK-021 1 Handbrake Relocation Bracket Kit
0-300kg
Urethane Bushing Kits
Greaseable Pin Kits
Greaseable Shackle Kits
Leaf Spring packs
Available in three separate designs
to suit your application & needs
Constant 300kg
Constant 500kg
Want more info?
www.toughdog.com.au
MY12 05/12 on
Distributed By:

2019 BMW
R 1250 GS
en
Adventure
is hier

We broke the mould.
Battery to battery charging technology has been around for some time now. There are a number of
products available that compare favourably, some good some not so good. Our goal from the outset
was to design something better than the garden variety ouerings so we created, what we believe to
be, the most innovative in-vehicle battery charging system to ever hit the market.
Introducing the interVOLT DCC Pro:
The best in-class performance for a charger of this size
The DCC Pro is a true 25 Amp charger, that is, 25 Amps
at 50°C all day, every day. In addition the DCC Pro will
continue charging at reduced output right up to 85°C!
Remote monitoring from the comfort of the driving seat
The DCC Pro is kitted with a market first, in-cabin display
for remote monitoring of the auxiliary charging status
from both main and solar power charging sources.
Solar ready – no need for a separate regulator or relay
The DCC Pro is a complete MPPT solar charge controller
capable of handling 250 Watts of power with up to 30%
greater eflciency than a standard PWM regulator.
Under bonnet charging device is dust and water proof
The DCC Pro is sealed to IP67 standard and is designed
to be mounted in the engine bay or on the chassis itself.
The DCC Pro can handle temporary submersion!
Capable of monitoring two chargers on a single display
The DCC Pro Remote Display can accept and monitor two
Individual Charging Devices at once! No need to purchase
a second display when two auxiliary batteries are used.

DCC Pro
In-Vehicle DC-DC
Battery Charger
Part Numbers
DCC1225ACK-RP
DCC1225ACD*
DCC0001ARD*
DCC3000CTR*
DCC6000CTR
DCC9000CTR
DCC Pro automotive charging kit includes * items
Automotive Charging Device 12 Volts DC 25 Amps
Automotive Remote Display complete with bracket
Data cable 3 metres charging device to remote display
Data cable 6 metres charging device to remote display
Data cable 9 metres charging device to remote display
Specifications
Input Voltage
Solar Power
Continuous Rating 25 Amps @ 50°C
Current Draw
Boost Voltage
Float Voltage
Electrical
Protection
Environmental
Protection
Operating Temperature
Main: 9 – 17 VDC
Solar: 27 VOC max. (open circuit – no load)
250 Watts nominal (300 Watts peak)
Charging Device: Including LED indicator

Die
Swartvleistorie
Woorde & Foto’s: DIE VOORTREKKERS
Swartvlei Seekamp word in 2019
vir die 27ste keer aangebied deur
die Voortrekkers Transvaal. Die
kamp word reeds sedert 1993
aangebied in Sedgefield, by die
Swartvlei kampterrein vir
laerskool Voortrekkers van
Gauteng, Noord-Wes,
Mpumalanga,
Limpopo, Vrystaat
en Wes Kaap
provinsies.
Verskeie Voortrekkers van veral
die binneland kry hier die
geleentheid om meer te leer oor die
see en alles rondom die see en strand.
Kentekens soos, Seepret vir Graad 1
kinders, Seekennis vir graad 4’s, staptogte
en riviermondings vir graad 6’e asook
strandbewustheid vir graad 7 leerders word aangebied
tydens die kamp.
Die eerste Swartvlei Seekamp het gedurende die Julie
skoolvakansie van 1993 plaasgevind met ‘n totaal van 114
kampers. In 1995 het ons Gebiedskamp status gekry en die
getal kampers het gestyg tot 350. Ons grootste getal
kampers, 900, was met die 10de verjaarsdag , en die getalle
het daarna gestabiliseer op 550.
Dit is en sal altyd vir almal wat daar kamp ‘n ongelooflike
ervaring wees want ons beleef tydens elke kamp die
nabyheid van ons Hemelse Vader en Sy Skepping. Dit is
ook vir die bestuur ‘n voorreg om deel te kan wees in die
vorming en ontwikkeling van ons jeug.
Waar is die Swartvlei Seekamp?
Ons kamp elke jaar langs die Swartvlei-meer by Sedgefield
tussen Knysna en George aan die Weskus. Die Swartvlei is
een van verskeie vleie in Suid-Afrika waarvan almal onder
bedreiging staan van moderne en informele ontwikkeling.
Kortliks, vleilande is die watersuiwerings stelsels van die
natuur en groot getalle watervoëls broei slegs in vleilande.
Die kamp is slegs ‘n hanetree van die strand af, maar
beskerm van die meeste wind. Die strand self is
ongerepte natuurskoon en ‘n beskermde
broeiplek vir bedreigde strandvoëls. Die
strand strek tot by Gericke's punt waar die
kinders in die laagwaterpoele die
seelewe kan bewonder.
Hoe op aarde kry ons
dit reg?
Dit is uit die aard van die saak nie
die maklikste ding om te doen nie,
maar met jare en jare se ondervinding
kan die bestuur van Swartvlei Seekamp
dit al baie goed doen. Beplanning begin al
vroeg in Januarie en daarna is daar geen rus
vir die kampraad nie. Gereeld word daar vergader
en selfs na die kamp kom die offisiere weer bymekaar
om die kamp te bespreek. Vervoer word al lank voor die tyd
bespreek sodat die beste pryse vasgestel kan word om die
totale koste van die kamp so laag as moontlik te hou.
'n Week of meer voor die kamp vertrek die "voorspan" en
die vragmotor van Pretoria af Sedgefield toe om die kamp te
begin opslaan sodat alles reg is teen die tyd wat die
bemanning (penkoppe en drawwertjies) opdaag. Die
Logistiek span is lank voor die kamp begin reeds op die
kampterrein om alles in orde te kry vir die Swartvleiers en
hou gedurende die kamp alles instant. Die kamp word
opgeslaan in die vorm van 'n tentdorp met strate en selfs
www.swartvlei.co.za of besoek gerus Die Voortrekkers se webwerf by www.voortrekkers.co.za

straatname en elke divisie kry 'n divisietent. Die Voorkasteel
(groot "marquee" tent) word deur 'n professionele besigheid
opgeslaan waarin die aand programme gehou word. Vir die
administrasie en finansies word daar 'n Skeepskantoor
ingerig om alle belange op datum te hou. 'n
Kombuis word ingerig met stowe en
yskaste en tydens 'n inspeksie die
Departement van Openbare
Gesondheid en Veiligheid het die
beamptes die Skeepskombuis ten
volle goedgekeur. Die Siekeboeg
met gekwalifiseerde personeel
staan reg vir enige kwaal of
besering en terloops die beamptes
van die regering was hier ook
hoogs beïndruk. Die bestaande
galjoene (badkamers) op die
kampterrein is op standaard en
word 2 tot 3 maal per dag skoon
gemaak. Laastens maar seker die
belangrikste vir die bemanning is die
Kantien (snoepwinkel). Sakgeld wat die
ouers saam stuur word deur die divisies
opgeneem en word uitgedeel per dag soos die
bemanning dit nodig het. Gereeld word voorraad
geneem en die nodige aangekoop sodat almal iets lekker kan
kry oppad strand toe of wanneer hulle moeg gespeel van die
strand af terug keer.
Die offisiere van die dag of baie beter bekend as die
"Varkies" handhaaf die orde en dissipline op die kamp. Die
Varkies is ook die gees van die kamp met hulle humor en
pienk varkie pakkies. Die bemanning raak gou lief vir die
Varkies en later is daar 'n streep kleintjies ooral
agter hulle aan. Die Varkies reël ook die
aand program en kom elke jaar met
oorspronklike idees om die bemanning
te amuseer.
Dit is slegs deur die toewyding van
al die offisiere wat dit moontlik is
om die Transvaalse Voortrekkers
(ander gebiede is ook welkom)
op die lekkerste vakansie,
gebiedskamp te neem van hul
penkop en drawwertjie loopbaan.

OUR NEW
DRIVING LIGHT
WITH DIY
INSTALLATION
KIT.
Lightforce is excited to announce its revolutionary Australian designed,
engineered and manufactured Striker ® LED Driving Lights.
Their stylish rectangular form factor delivers a cool look on any 4X4, SUV or utility,
and they pack a punch with great all-round performance of 1 lux at 750 metres.
Striker ® LEDs will be available in May 2018 as a pair with a complete DIY Installation Kit,
the first kit of its kind.
Each Striker ® LED twin pack will include a DIY Installation Kit with a
complete wiring harness, plug-and-play adaptors for your headlight’s high
beam, a dashboard switch and all the consumables you need. For the first
time on a driving harness, all wires are individually labelled.
The Striker ® LED includes all the iconic features common to other
Lightforce LED Driving Lights including a solid IP69k rating and
reduced radio interference technology.
1 LUX @ 750m
PHOTOMETRIC BEAM DATA
A pair of Striker LEDs with Spot Filter.
Beam Distance 1 LUX at 754m.
0
55yd
0 200m / 219yd 500m / 547yd 754m / 825yd
50m
Photometric data is for one pair of lights. National Association
of Testing Authorities Accredited, Australia 2018. Photometric
testing performed by Photometric Solutions International Pty Ltd.
Accessories include a range of modular filters for various driving conditions,
mounting brackets and security bolts. Also available in a single pack.

Kontak: 072 125 9343

Riehette Opperman
is die WENNER van die
wegbreek naweek vir
2 persone by
WESKUS QUARY
Lambertsbaai
S p e e l s a a m

Our Seatcovers are made using a synthetic fabric which is incredibly tough,
100% waterproof and extremely comfortable to sit on. A range of colours is
available to suit most modern design trends.
www.takla.co.za

Your ultimate portable
outdoor cooling system
take it everywhere you go
www.portamistsa.co.za
info@portamistsa.co.za

Top 10
Travel & Holiday
Guides

LIKBEKER KOFFIE
kom uit die hartjie van Montagu, wat met
'n innoverende lug-rooster metode en top
gehalte Arabica bone ‘n suiwer geurige
Bkoffie produseer met ‘n heerlike aroma.
KOOP

Adverteer.
jou besigheid hier.
Stuur n epos aan: rikus@lekkerkampplekke.co.za
Rikus Truter
Kamp Paklys
C u s t o m e r s
P a g e V i e w s
4 6 5 1 2 V i e w s
2 0 7 2 0 0
1 8 , 2 0 0
3 , 1 8 4 , 3 8 5 o o r
f o l l o w e r s
L i k e s
( 6 4 7 7 1 )
1 2 m d e t y d p e r k
a a n l y n
D o w n l o a d s
W e b b l a d
t y d s k r i f
g e b r u i k e r s
A p r i l 2 0 1 9
5 1 2 , 6 5 3
9 1 % v a n o n s g e b r u i k e r s e n L e d e w o o n i n S u i d - A f r k a
Gegrond op statistiek en databasis van 300 000 plus lede
Jy is welkom om met ons kontak te maak om jou
kampverwante besigheid te adverteer.