Diggelfjoer 38-1 oktober 2019

Ik bliuw it knap finen en
tink dat net elkenien sa´n
wiis mar yngripend beslút
nimme koe. Mar koene wy
jimme net behâlde foar de
ouwer doarpen? Jimme
hiene yn Itens ek wol in
hûs bouwe kinnen?
´Ja, dat hie kinnen. Mar
mei it each op ús âlde dei
ha we dochs keazen foar
in wat grutter doarp, mei wat mear fasiliteiten. It doarp hat ek mear oan in
húshâlding mei twa lytse bern dan oan ús. Mar wy ha mei de bou fan dit hûs
de middenstân fan de ouwer doarpen noch wol stipe hear! Se binne hjir hast
allegearre west.
Ek noch each foar de ekonomy fan de 4 doarpkes dus. Mar wannear sjogge
wy jimme dan wer werom yn ús doarpkes? Tjeerd: “Ik sil foar it earst noch in
soad yn en troch it doarp komme. Fierder bliuw ik ek gewoan yn it bestjoer
fan de iisklup sitten en mei it kaartspyljen sil ik ek wer fan de partij wêze.”
Anita: “Nooit, denk ik. Ik kan niet kaarten, niet kaatsen en ook niet biljarten
of darten. Dus ik denk dat dit het was.” Jeu de boulles dan? Dat kan
iedereen. “Ja, jeu de boulles. Dat zal het dan worden”.
Wat sille jimme it meast misse oan de ouwer doarpkes? “De bining tusken
de minsken ûnderling. Dat sil hjir grif minder wêze. Sa as it mei-inoar
ferbouwen fan it doarpshús of doe’t ús bern noch op skoalle sieten. Dat wiene
de moaiste tiden. Wy ha altyd mei in protte nocht yn de ouwer doarpen
wenne, al wennen we feitlik yn Easterein, wy fielden ús thús yn de ouwer
doarpen.”
Sa ferlieze wy oan Tjeerd en Anita dochs twa minsken mei in waarm hert foar
de mienskip fan de 4 doarpen. Wy hoopje fansels dat sy it yn Wommels ek
nei de sin ha sille en dat wy harren hjir nochris werom sjogge.
Dan is it tiid wurden om ús petear ôf te rûnjen en om in foto te nimmen.
Lykwols op nij sjitte der dan helptroepen ta. Tjeerd komt mei in usb-stick
oansetten en fertelt my dat der twa foto´s op stean, ien fan it âlde stee en
ien fan it nije hûs. Syn fraach: of ik de beide foto´s oan inoar plakke wol foar
it Diggeloer… “Ja, moai al dy help mar der binnen fansels grinzen.
Jimme ha gewoan gjin nocht om op de foto te gean!” No ja, dat is dan eins ek
wol wat sa. Dus syn fersyk slaan ik yn de wyn en mei wat help fan dochter
Amarins set ik Tjeerd en Anita tegearre, mei buorkerijhûn Bo, dochs noch op
de foto. Bo is mei ferhuze nei Wommels ta, de katten binne efterbleaun.
Jimme krije allegearre de hertlike groetnis fan Tjeerd en Anita
en binne fan herte wolkom foar in bakje koe oan de Ljurk 9 yn Wommels.
8
Watse (en Evert)