1984-02_compressed

Melocactus ammotrophus Buining et Brederoo spec. nova
(Grieks: ammos = zand t'rephein = groeien = in zand groeiend)
Corpus solitarium atroviride sine cephalio ca 1 1 cm altum ad 18 cm diametitur,
radicibus ramosis; cephalium ca 5 cm altum ad 9 cm diametitur et lana alba saetisque
rubris brevibus instructum est; saetae primo in acumine rariores sunt sed
mox creberrimae quo facto cephalium rubrum esse videtur acumine albo.
Costae 9-10 in parte inferiore 4,5-5 cm latae sunt, in parte superiore cephalio
appropinquantes 2 cm latae et plus minusve 3 cm altae acutiores sunt et inter
areolas acute securiformiter eminent.
Areolae ovales ca 8 mm longae et 6 mm latae sunt, primo albae ad suggriseae,
postremo nudae et griseae; in costa 1,2-1,5 cm inter se distant et aliquo demersae
sunt.
Spinae centrales 3, quarum una ca 25 mm longa et in pede aliquo crassata ad
perpendiculum distat; par unus a dextra et sinistra ca 17 mm longus oblique sursum
in latera directus est; marginales 8 quarum una ca 30 mm longa recte prorsum
directa est, a dextra et sinistra par unus oblique prorsum versus est et ca 23
mm longus est, par unus fere ad libram in latera positus ca 20 mm longus est, par
unus ca 17 mm longus oblique sursum directus est et una spina ca 1 1 mm longa
recte sursum versa est; in acumine saepe duae spinuale adventiciae breviores adsunt;
spinae omnes rectae sunt, crassae, aculeatae, subbrunneae ad cornucoloratae.
Flores tubulosi inter pericarpellum et receptaculum paulo constricti sunt, ca 20
mm longi, aperti 8-9 mm lati, nudi; pericarpellum 4 mm longum et 3 mm latum
est, pars infima in acumen desinit, album; receptaculum ca 1 1 mm longum est
latitudine maxima ca 4 mm, roseo-album, squamulis nonnullis in pariete decurrentibus,
quae squamulae ad 4 mm longae, 1,5 mm latae et subviolaceo-roseae
sunt; caverna seminifera 2,5 mm longa est, 1,5 mm lata, ovalis, ovulis parietalibus
in fasciculis de 2 ad 3 instructa; funiculi nudi sunt; camera nectarea ca 6 mm
longa est et 4 mm lata, in partem superiorem angustata; glandulae nectareae 3
mm longae et parietales in acumen desinunt; folia perianthii transeuntia oblonga
ad lanceolata ca 5,5 mm longa, 1,75 mm lata, carnosa, in acumine tantum tenuissime
dentata, violaceo-rosea in acumen atriora sunt; folia exteriora oblonga
ad lanceolata ca 5,5 mm longa, 1,5 mm lata sunt acumine rotundo vel aliquo
acutiore et fisso et tenuissime-dentato, margine aliquo undato, violaceo-rosea,
pars inferior paulo carnosior superiore est; inferiora lanceolata ad 4 mm longa et
1 mm lata sunt; margine aliquo dentato, acumine tenue dentato, tenuissima,
violaceo-rosea; stamina primaria in corona circum fauces camerae nectarea, in
basi inter se concreta, longitudo omnis 3 mm est, basis 1 mm lata est, in acumen
desinunt, in filamentum tenue transeunt in quo anthera flava 1 mm longa est; secundaria
in 6-7 coronis, infima 2,5 mm longa, suprema 2 mm longa, filiformiter
desinentia, antherae ca 0,7 mm longae flavae sunt; pistillum 12 mm longum et
0,5 mm diametiens album est et desinit in 5 stigmata 1 mm longa, cremeo-alba
et papillosa.
Fructus 17-21 mm longus et 6-7 mm latus est, cuneiformis, in sectione rotundus
ad ovalis, ruber, deorsum clarior; cupula in qua reliquiae floris ca 2 mm diametitur.
Semen galeiforme obsolete nitens 1-1,3 mm longum et 0,8-1 mm latum est;
testa tuberculis irregulariter rotundis ad quadrangularibus, planioribus, in margine
hili magis regulariter quadrangularibus et multo minoribus constructa est; pecten
bene discernitur; hilum irregulariter ovale basale est et ultra marginem testae eminet;
micropyle et umbilicus separatim demersi sunt in caverna irregulariter rotunda;
hili textura subochrea est, embryo ovale est; perispermium deest, cotyledones
difficile discerni possunt.
Habitat ad Grao Mogol, Minas Gerais, Brasilia in altitudine 650 m in saxis fractis
et inter ea ubi et gramina longa et frutices crescunt.
Holotypus in Herbario Rheno-Traiecti, Hollandia, sub nr. H 353.
Beschrijving:
Lichaam enkel, tot 18 cm diameter, tot 1 1 cm hoog zonder cephalium,
donkergroen, met vertakte wortels. Cephalium tot 5 cm hoog en tot 9 cm diameter,
met witte wol en korte rode borstels, in de top eerst vrij schaars,
weldra zeer dicht, waardoor het cephalium het uiterlijk krijgt van rood met
witte top.
34