De doorgezakte Baank ielegaal edisie - Xs4all

De doorgezakte Baank
ielegaal edisie
Jaorgaank 51 nommer 2 1 miert 2009
Vaan de Hoofredaksie Ach wat waor ut weer sjoen, huure veer de gansen tied. “Dreij supersjoen daog”. Veer wete
neet boe die luij gewees zien, want wie gewoenlik waor ut weer hielemaol niks, nada, kloete etc. Ut weer waor niks,
Beppie waor d’r neet (die laog netuurlik te slaope in häör eige suite), de Prins had op dinsdegaovend nog un stum, de
nachkaffee höbbe ze umgebowd tot restaurant, de Knijp is tow, etc etc.. Zien al die
Mestreechtenere soms blind en douf mèt die daog? En daan hadde veer bijj de hoofredaksie
netuurlik allemaol dreij daog laank de bubbelesenis en sjrik in eus bein, umdat veer via via
gehuurd hadde dat de kans erreg groet waor dat de aw hoofredaktries serjeus vaan plan waor
um hijj weer ins orde op zake te kaome stèlle. Um us zellef e bitteke gerös te stèlle hadde
veer daan aoch mer e paar flesse Sjrobbelèr en Jägermeister in hoes gehaold en daordoor
woort ut allemaol get beter te verdrage mer helaas kinne veer us noe neet mie zoeväöl
rappelere vaan de gaank vaan zake. Geer snap dat veer hijj op goonsdegmörrege oetgeput
mer gelökkig mèt z’n alle bijjein zaote. Ze hadde wel allemaol
unne zonnebrèl op. Neet dat ut opins sjoen weer waor, mer dat
sjijjnt get te make te höbbe mèt die klein fleskes. Zoe klein
fleske zalt geer zègke, wat kin dat noe veur koed? Veer móte
us dat toch ins laote oetlègke door Ron, dee sjijjnt daor ervaring in te höbbe. Veer wèlle
hijj op dees plaots nog wel get zake vaan algemein belang vermelde. Zie höbbe veer bijj
de sleuteeuverdrach móte vernumme dat veer aofsjijjd höbbe móte numme vaan euze
börgemeister. Heer is vervaange door Zjèr d’n Twiede. Dee waor metein tege de
gemeinteraod ingegaange toen die in Mestreech ut motto “Yes We Can” wowwe invoere.
Heer waor bang dat dit bijj die vaan us neet zow wèrreke. Mesjiens wel es ze devaan
zowwe make “Yes Weekend”. Weijer is groets nuijts dat veer vollegend jaor –in
naovolging vaan de drök bezochte buie-radar- gebruuk zalle kinne make vaan un neuj
applikasie, de zoegenaomde optochradar, dee de looker in d’n optoch in kaart geit bringe.
Jeh, en daan kump oongetwiefeld de vraog bijj uuch op wie ut mèt de straotkorrespondent geit. Tot eus groete
verbazing, kaom dee op zaoterdag veur de vastelaovend al fluitendtere op de zaak, unne smail vaan oer tot oer op die
snoets en e gans nuij leedsje neuriejend vaan “wat e leef hekske, wat unne sjat”. En aoch op goonsdeg waor dee in
opperbèste stumming mèt alweer e nuij kreasie “In de kepoenstraot, jao de kepoenstraot, daor bin iech zoe toes”. Dus
of dee get devaan heet mètgekrege is us allemaol neet dudelik gewore. Heer is wel metein achter dat aajd tiepmesjien
gekrope en wat weer aoch perbeerde, heer wow us niks vertèlle, ut leek wel of dee douf waor. En geer wèt dat veer aon
dat mondeling kontrak vaan dee mèt de aw hoofredaktries vastzitte, en daorum, mèt de angs in us hart, geve veer hijj
de res vaan de gezèt mer weer oet han.
Wee kaom (neet)?
Wie bekind zitte de kinder van
roond de 16 in unnen (hopelik
tijelikke) dip, mer Pim wis in eeder
geval te melde dat heer ut volste
vetrowwe d’r in had dat Simoon dit
op termijjn ech neet wèlt misse. Jol
en Gem móste helaas verstek laote
goon. Veer hoorte dat Willy door
Ans mèt kèttele waor vasgeboonde
dus aoch dee waor d’r neet. En
weijer waor eederein d’r. Sjappoo
luij. Zeker veur Inge, de neuj deilnumster
aon de citotes, die zie
netuurlik zwoer oondersjat had. Dat
kump vollegend jaor good, heet zie
belaof. Dit kier waor ut weer
awwerwèts drök in Mestreech. Dat
kaom veurnaomelik umdat gans
Nazareth en Lummel in de binnestad
roondleep. En wiet geer wèt
höbbe die allemaol in de
Liebeekstraot gewoend en weure
dus es femilie vaan Irma, Paul en
Maud besjowd. Veer zien
oondertösse zoe wiet dat die us
allemaol vraoge of veer aoch
femilie zien. Veural es de diech
veurdeis es aonnnummer, daan
zitste good! Wel móte veer
vermelde dat unne achterneef ziech
zoe misdroog beij Du Chene, tot ut
nog mer de vraog is of Maud dao
volgend jaor nog terech kin. Mer
umdat noe de Minckeleers neet mie
es lètste station gebruuk kin weure,

dingk zie d’r toch al euver um get
mie in ut centrum te goon zitte. En
De Jurie vaan de vrije opdrach waor
aoch daor en heet ziech us allemaol
ins good
beloerd.
Veurwat
Pé die
noe zoe
puunde?
Jos en
Marijj
waore
d’r netuurlik en Jacqueline waor d’r
op dinsdeg aoch weer bijj. Die
vetste ’s mörreges
naor Oeteldonk
um häöre maan de
sleutels vaan de
wage te geve (de
kinder laoge in de
kofferbak), vloog
mèt d’n trein naor
Mestreech, goejde
ziech dedoor en
sjäörde goonsdeg weer trök naor
hoes um ’s aoves op wintersport te
goon. Aoch hijj pas unnen echte
Sjappoo!
De cito-tes
Veer mochte alleijn op zoondeg
tösse nege en half tien zeivere euver
de tes. Daor heelt ziech netuurlik
niemes aon. Mer oondaanks alles
had de kommendeuze veur eederen
deilnummer un sjoen orde gemaak.
Zellef woort zie door Maud
gedecoreerd veur al häör geweldig
werrek. Op maondag kaom zie
zellef met ut leste neuje oet
psychologische hook: Ut
Zeurbendsje. En dat woort zoonder
ei momint vaan aarzeling aon Pé
oetgereik.
Geer zeet,
dat ut dus
zin heet um
te zeure!
Euver de tes
vaan ut
vollegend
jaor is lang
en breid
gepraot. Neet alleijn euver d’n
opzat, mer aoch wee dat geit
organizere. Maud en Pé wowwe
wel, Danielle mós d’r nog eve euver
d®inke, mer dat idee is gaw
verzope. Mart wow wel
Citoteskommandeur zien, meh daan
same mèt iemes aanders. Paul wow
aoch wel, meh daan mer 10 vraoge
en eederein mót binne 10 min
antwoorde. D’n oetkoms is dat de
luij ziech kinne veurbereije op unne
zwoere veldslaag, want Pé geit ut
doen. Höb geer allemaol good
opgelèt boe dee allemaol fotoos
vaan gemaak heet?
Paul voont eigelik dat d’r iers un
kemissie mót kaome die un
profielsjets geit make. En daonao,
mós mèt werrekgever en achterban
euverlègk gepleeg weure. Pe wow
dit daan wel gere in zien takepakket
vastgelag zien.
Irma sjijjnt beij de Citotes höllep
gekrege te höbbe vaan unne neet
nader te numme persoen, zoetot zie
bove Paul zow eindige. Benkelike
óntwikkeling!
Pekskes
De kleure vaan ut jaor waore
dudelik blow en raos. En aoch hiel
verkierde combinasies daovaan.
Maud had väöl meujte móte doen
um dat petroen vaan die geel kreasie
trök te vinde, en heet daor e
prachtig blow pekske vaan gemaak.
Ingrid heet de ganse femilie in
disco-outfit gestoke. Toen ze die
allemaol eindelik had aongekleijd
en gesjmink op zoondeg, zoate die
allemaol al in d’n oto te toete toen
dat errem keend ziech zellef nog
mós aontuttele. Vaan ermooj heet
ze toen de raos wimpers weer vaan
de ouge getrokke en de sjier in de
pruuk gezat. Marcel jong, wienie
liers diech diech ins te gedrage?
Cécile zaog d’r aoch prachtig raos
oet en eederein waor ut d’r euver
ins dat Mattie en El vollegend jaor
ech mèt get nuijts móte kaome.
Mattie had wel e sjoen oerbölke bijj
ziech mer is dat helaas verlore. Iers
d’n eine, toen d’n
aandere
Paul waor in gezelsjap vaan Bibi en
kreeg daor e heerlik kuntsje vaan.
Mer nao e tiedsje kreeg Bibi las
vaan unne slappe nek is en daonao
in de ziekeboeg gebleve.
Zjus wie Bibi kaome die sjoen jasse
van Cas en Pim aoch oet de Roej
Neus. Irma had vaan te veure häör
pekske gans gerenoveerd en heet
eederein beziebelt veur
slievenhierebieste asseswares: twie
hiere oet Tilburg waore haos hunne
jas kwiet, meh
zie regelde tot
d'r volgend jaor
e "rokske" vaan
utzelfde stof
kump Ze kraog
vaan un leef
mevrow zoemer
e
slievenhiererögk
zekske en zie
heet geprobeert häör penties te ruile
veur zwarte mèt roej stippe, meh die
mevrow wow neet umtot zie zjus al
häöre beha had geruild. Paul
vertèlde nog dat Irma häöre
kokosneutbeha aoch bijj ziech had,
mer helaas sjiijnt dee neet mie (?) te
passe..

Groet-Meerse
De aofdeiling Meerse breid ziech
óngemèrrek oet. Veer begóste mèt
El, mer noe is Arjen daan aoch
geïdentificeerd es eine vaan daor, al
kaome zien awwers daan vaan
Mestreech. En de Ma vaan Paul en
Maud is inmiddels geëmigreerd
naor ut bejaardetehoes in Meerse.
Wat un historie, vaan Lummel naor
Nazareth naor Meerse. Mattie en El
móste netuurlik aoch weer unne
middeg denao tow, aoch al deech
Mattie nog zien bès um te doen esof
heer weer las vaan ziene straank
had.
Wie lang
De echte pinhawwers vierden ut
gewoen veer daog. Maud sjikde wie
gewoenlik Kees, Nils en Zjuul op
zoondeg
weer naor
hoes. Liny
heel ut nao
zoondeg al
weer veur
gezeen. Cas
maak d’r un
tradisie vaan
um op dinsdeg heen en weer naor
Utrech te vetse, eve college laope
en daar weer trök. Malon kaom zjus
oet bèd toen dee streber al weer trök
kaom. Heer trok ziech zie pekske
metein aon en daor ging heer weer.
Wat un opvoeding dames en hiere.
Sjappoo, daor kinne veer e
veurbeeld aon numme.
Malon heet trowwens nog get oet te
lègke euver die twie jonges die häör
naor hoes brachte maondegaovend.
Eine dat begriepe veer nog, zeker es
heer Zjuul hèt. Mer twie? Of móte
veer hijj aoch unne Sjappoo veur
oetdeile?
Benkelik
D’r zien helaas aoch get minder
leuke dinger gebäörd. Zoe meijnde
e paar Mestreechtenere dat zie beter
waore es hollenders. Die kinne
vollegend jaor beter oppasse, want
vaan us vrun bleifste aof! Paul had e
tiedsje unne twiede twieling
(Tom&Tom) mer die höbbe ze
häöm oet d’n oto geklajd. Zoe moch
heer nog 2 oor langer vaan us sjoen
Mestreech genete, mer daan noe op
’t peliesieburo.
Wat huurde en zaoge veer?
Ach luij, te väöl um allemaol op te
sjrieve. Mattie had a gans verhaol
euver e good book dat heer geleze
had euver iemes dee douf aon ut
weure waor. Heer vertèlde daat mèt
smaak aon de straotkorrespondent,
dee wiet geer wel wèt neet alles mie
good op un rijj heet en zeker neet
zien oere. Ach ut waor toch zoe
leuk verhaol. Veural toen iemes
opperde dat daor daan mer ins e
luusterbook vaan gemaak mós
weure.
Ron waor volges Ingrid "mèt unne
naate vinger verleijd". Kinnelik un
oetdrukking die alleijn beij de
femilie Moonen veurkump, want e
deepgaond oonderzeuk vaan Marcel
wees oet dat die ganse femilie dat
kin, mer weijer niemes in
Mestreech. Veer zien ech benuijd
naor de oetlègk hijjvaan.
Paul heet in naovolging vaan de
Tribunal discussie, dit kier de Bèlsj
discussie geopend. Heer is neet
kontent (Oonkontent) met de käös
vaan de meziek daor. Sinds die vaan
eigeneer veranderd zien?
Bijj de Crèpe Merie woort neet
alleijn mèt eijer en pannekeuk
gegoejd, met de kós d’r aoch vaan
ete en Maud en Irma höbbe ziech
dat good laote smake.
Janneke heet totaal gei geveul veur
riechting. Um vaan de Bèlsj naar de
Kepoenstraot te goon, waor zie
veurig jaor mer via ut Vriethof
gelaope. En aoch dit jaor mós Pé ut
häör wel dreijj kier oetlègke en heet
zie ut op die 300 meter nog aon
twie veurbijjgengers gevraog. Zow
die wel naor hoes höbbe gewèld?
Liny vroog bijj de Steine Brok:
Hier komt de optocht toch ook
voorbij hè? Die heukskes lieke aoch
zoevaol op elkaar.
D’r leep eine mèt voetbalpleetsjes,
mer daan wel hiel biezundere. Heer
had Willy Brokamp, Jo Bonfrère,
mer helaas geine Pummy Bergholts,
Jo Tonnaer of Jan Hoenen. Pim heet
trowwens get mèt voetbalpleetsjes
en mèt Ajax. Heer heet ut
voetbalkommentaar (oet jaor ?? ut
waor al laat op dinsdagaovend) op e
bendsje en dao luustert heer eeder

week nao. Heer kin de teks letterlik
vaan boete. Volleges Maud weurt ut
tied tot dee weer aon un vrow
kump.
Veer zaoge de doewanes door de
stad sleipe mèt unne complete
slaagbaom, mer de hoors ze al väöl
ieder door die feiselike fluitsjes.
Danielle puunde de prins vaan
veurig jaor, boe op Irma reep vaan
“Aoh geit dat hijj zoe?”, mer zie
dörrefde dee vaan dit jaor neet bijj
ziene jas te vatte. Sinds wienie die
verlege is?
Op zoondegmiddeg ginge de dames
eve plasse in dat sjoen appartemint
vaan Paul en Irma op de Wal en
óntdèkte daor dat hun keender hiel
netsjes op tied naor bèd waore
gegaange.
Dit jaor kóste
veer de bendsjes
en kreasies vaan
Marlies Dekkers
in 3 kleure
bewóndere. Toen
Pé ziech dat ins
allemaol stoont te
bekieke raojde
Marcel häöm aon
um ins in
Amsterdam op de
walle te goon loere, boe op Paul
wow wete wie heer dat zoe good
wis.
Paul en Pé höbbe óntdèk dat “Veer
geve gaas” mèt de vastelaovend
aoch un gans aander beteikenis heet.
Kump dat noe vaan ut zoer vleis of
vaan ut beer?
Irma wow ins
gere vaan de
straotkorrespon
dent wete wat
dee toch
bedoelde mèt
“Dee Vale”.
Dat weurt
naomelik
dèkser gebruuk es de gezèt ut euver
dee vent vaan häör heet. En zie
meinde mer dat dat d’r euver ging
dat dee badjas neet good gewasse
waor. Nein keend, dee badjas is
zuuver, daor twiefele veer neet aon.
Veer zaoge Ziesjoem gelökkig weer
optreije bijj ut Pothuiske. Mesjiens
had de gemeinte veurig jaor toch
geliek, want ut waor wel benkelik
drök. Veer zaoge hun aoch al op
zaoterdagmiddeg oppe vriethof en
dinsdegaovend oppe Vriethof. Waor
Beppie kraank? D’r waor trowwens
op mie plaotse nowweliks door te
kaome, zoe es in de Koojstraot, de
Wollefstraot en de Stokstraot.
Pim huurt mer steeds vaan eederein
(zeet heer) tot heer op Joe Sumner
liekent (zoon vaan Sting) mer Ing
zaog toch ech Bono in häöm.
Beij de Lure kóste mèt zinge mèt de
teks debeij, geprojekteerd op de
moer en d’n daag deveur hadde ze
daor laif-moneka-meziek.
Maud en Irma kaome nog unne
bjoetiepetik tege. Örreges in de
gezèt vint geer e deil vaan de
prieslies.
Bjoetiepetik d’n
Heite Brik
Geziechsmaske: faeces facials.
Allein mer netuurleke ingrediente.
‘t Ruuk wel e bittekeke. € 77,88
Noe! Eur Crisis-Veurdeil: ‘t
Arrangemint ‘Zjer Beinsjeer’
Veur de manslui: aerodynamisch
gladde bein
Veur de vrowluij: beinhaor en
okselhaor-extensions € 22,22
Bespaor ouch op eur stookkoste
Geziechsbehandeling MMMD
(Mèt-Mestreechter-Maos-Drek)
Veur e glad velke € 66,99
Zoer Aromatherapie. Veer make
gebruuk vaan netuurlik zoer gaas .
€ 1,22
Zwaffel Massaasj Veer höbbe ‘nen
Adonis in deens dee twie maan
tegeliek kin bewèrke € 211,99
Ougsbraoj-lif Met ‘t oplifte vaan
eur ougsbraoje maskere veer eur
trökloupende haorgrens €111,99
BM-negel
Dieter of Beppie op eur negel?
Vraog eus nagelspecialiste € 55,11
Vraog naor eus special
arrangeminte
Ellen kaom häör buurvrow tege en
op de ein of aander meneer woort
dat via e sjoenzuster weer
gekoppeld aon de buurvrow vaan
Henk, ut broor vaan Maud en Paul,
dee verantwoordelik waor veur de
drökte in de Wollefstraot wie
besjreve in ut vollegend artikel.
Kortom de wereld is klein.
Meziek (bijjdrage oet A’dam)
Neve al die sjoen mominte vaan
dizze vastelaovend stoon nog dreij
muzikale herinneringe miech op ut
trommelvlies. Alledreij e woonder
vaan meziek. In d’n optoch kaome
de Ingelkes vaan Mestreech langs
met u leuk leedsje: “veer höbbe
vleugelkes op de rök en straole vaan
gelök”, zoe is dat. Dinsdag waor ut
raak in de Wolfstraot tussen de
Kommedie en de Bobbel. Zoe es
eeder jaor un Festival der Liebe dat
zien weerga neet kin. ‘T is
oongeluifelik dat veer al die Duitse
slagers nog veers in de herinnering
höbbe. Wienie höbbe veer die daan
gehuurd? Roy Bleck, Heino, Peter
Maffay, Nana Mouskouri, Mireille
Mattieu, Vicky Leandros, Udo
Jurgens, ze waore allemaol present
op de Mestreechse Vastelaovend en
veer höbbe met volle teuge genote.
Pa en Ma waore d’r hielemaol gek
vaan, en terech. Weure veer aait,
sentimenteel, nostalgisch? D’r is
zoeväöl sjoens um op terug te kieke
en daan te wete tot veer zoe nog
jaore door kinne es God beleef.
Genete vaan ut leve, de klaank en
de zaank. De aovend deveur höb
iech miech auch begaojd aon de
hieringe vaan Baltusse netuurlik,
mer veural aon de Belsje Bend, die
get mèt Chiq hèdde en naovenant
späölde. Mieljaar, zoe getrommel,
zoe getrompöt, iech wow tot iech
mien bend auch zoewiet kós kriege.
Toes gekaome höb iech metein de
sjuiftrompöt oet ‘t koffer gepak.
Iech höb dat wel dèkser, de zuus
get, ‘t liekent u
fluitsje vaan unne
cent: dat mót iech
aoch kinne. Mer
blozentere kaom
d’r weer alleijn
mer ein noet oet,
wie iech auch
sjuifde: ein noet.
Wie doen die luij
dat? Enfin, éder zie vak. Nog nachte
späölt de meziek miech door de
kop, zingentere naor mien werrek:
“wat heb jij?” Iech höb ut weer, en
ut deit gaaroet gein pijn. Hawwe
zoe.
Ete en drinke
Cécile perbeerde ziech gans netsjes
te gedrage dit jaor en heel dus op
häöre (raoze) palmtop bijj wieväöl
zie noe droonk. Veural de stand “0
Jägermeister” waor e belangriek
punt. Toch heet ut häör neet gered
um aoch d’n dinsdeg aon te dörreve.

Zie wow liever goon stoon mòkke
in de supermerret in Baarn bijj de
blommeaofdeiling. Zow ze toch get
vergete höbbe op te sjrieve? Arjen,
Arjen, jong. Aoch al kumste daan
oet Meerse, dat mót toch aanders
kinne. Num ins ketak op mèt Irma,
die kin diech nog hiel get vertèlle
wieste aoch in us leef Mestreech
Hollandse blömkes kins vinde.
Marcel en Ingrid dachte dat zie op
d’n dinsdeg wel zoonder ete kóste.
Ze höbbe dat later nog geperbeerd
rech te zètte mèt get doeje vès, mer
of dat noe väöl gehollepe heet? Ut
veel in eeder geval op dat Marcel
opins väöl beter Mestreechs begós
te praote.
Die sjoen Brand glaazer mèt e
gouwe rendsje zien toch neet
gemekelik te vinde. ‘Aoh, daan
gaon iech hijj wel eve loere’, zag
Maud en leep unne Heineke Kaffee
binne. Nein ut is ech woer, Ellen
heet ontdèk dat d’r mer 12 Brand
Kaffees in Mestreech zowwe zien.
Bijj d’n Awwe Stiene kinste wel ete
este wèts wieste via un geheim deur
naor bove kins kaome. Mer de kins
d’r geine Thee kriege (Thee? zègk
geer, jeh veer snappe ut aoch neet).
Ze hadde wel koffie, mer dee waor
daan aoch allein mer werrem, daor
is ech alles mèt gezag. Bijj de
Minckeleers kin trowwens heerlik
gegete weure, al waor de mevrow
daor d’r neet euver te spreke dat zie
ziech neet moch verkleije vaan
häöre baas.
Tot slot
Leef luij, iech weit neet wie ut
kump, mer die stökskes sjijne eeder
jaor langer te weure. Iech bin daan
aoch erreg blijj mèt d’n inbring
vaan Mattie en Maud. Die kriege
hijjbijj unne dreijdubbele Sjappoo.
Iech hoop dat geer devaan genote
höb. Ut is in eeder geval weer veur
ut naogeslach vasgelag. Iech weet
zeker dat eederein vaan uuch net
zoe genote heet wie iech. Die
straolende geziechte, die stoon
miech op ut netvlies gebrand. Res
us nog un hommaasj en e sjoen
gediech, allebijj aongelieverd door
euze korrespondent oet Amsterdam.
D’n echte meister.
Ut sjoenste leedsje
( naogekaome inzending vaan Mattie veur de vrijje opdrach vaan de citotes 2009.
Posthuum beoordeild mèt 111 punt)
Ut sjoenste leedsje is nog neet versjene. Elk jaor weurt ut weer beter.
Ut sjoenste leedsje heet gein wäörd, want alle wäörd sjete tekort.
Ut sjoenste leedsje klingk veur geine meter
Want ut is ‘t geluid es Mestreech ziech op de vastelaovend stort
De sjoenste meziek ónsteit gehiel naor eige smaak
Este de keel smeers en ‘t oer oet volle boors weurt getart
Ut sjoenste leedsje is noch gecomponeerd noch bewös gemaak
De sjoenste klaank kump immers rech oet ‘t mestreechse hart

Hoomaasj (um ins lekker te jenke, vaan Mattie)
Wat höbbe veer weer genote.
Leefde en plezeer in sjoen pekskes gegote.
Ut bleijf elk jaor us verbaze.
Wie prachtig, wie sjoen, klinke veer die glaze.
De vastelaovend bleif ziech zellef
Oonder u gries mer toch straolend gewellef.
Woerachtige kwaliteit: Sjoen leedjes, geine rotzooi, prachtige pekses.
Sjoen blow en raoze, straolend flanerend op 's werelds sjoenste plekses.
De dageliksen umgaank weurt ellek jaor compacter,
Veer lègke us tow op de essentie, steeds exakter
tot ut pure same genete vaan ut leve vol wermte
Supersjoen, te zien gebore oonder dat supergooi gesternte.
Luij geer waord weer opperbès
en noe mer weer wachte op de vollegende tes.
Leef Luij, dit waor ut veur dit jaor. Vollegend jaor goon veer gewoen weer opnuij. Sjrief dus noe alvas in eure
agenda (en dat beteikent dus zaoterdag tot en mèt dinsdag, Cécile, Arjen, Danielle etc!):
Vastelaovend 2010
Zoondag 14 tot en mèt Dinsdag 16 Fibberewari 2010.
Eure straotkorrespondent en twiedoezendtiencitoteskommendeur