nyheiter 12 Valdr

More Magazines

Recommendations

Info

nyheiter 12 Valdresbladet fredag 15. juni 2017 Fagernes – vital 160- Etter å ha styrt Fagernes Handelsstand gjennom snart 14 år er Heidi Arnesen framleis like entusiastisk og oppglødd når det blir prat om utviklinga i byen. – Det at me i 2007 fekk bystatus, var faktisk avgjerande for den utviklinga me har sett i tiåret etterpå, seier ho. Og utviklinga har sanneleg vore stor for ein som hugsar korleis det var for ti år sidan. Største forskjellen er at bilkaoset i sentrum no heilt er borte. Etter at den nye traseen med tunnel utanom sentrum endeleg vart ferdig i fjor, er det berre nyttekjøring som er lov i bykjernen. Ja, by og by – mange dreg vel framleis på smilebandet og meiner dette er jåleri, seier Heidi. Men med bystatus vart det midlar å hente til byutvikling. Dette gav oss høve til å snu sentrumsfokuset mot Fagernesparken og gjorde oss til ein ”grøn by”. Det ser ut til at mange utflytte ungdommar finn det meir attraktivt å koma attende med ein slik triveleg by i nærleiken. Ja, mange andre òg, seier Heidi og siktar til den relativt store folketilveksten dei siste tre–fire åra. Dei koselege sentrumsleilegheitene har gitt byen vår eit nytt liv. «Tour de Valdres» Det er særleg som idrettsby og vassby at Fagernes har sett seg på kartet. Det heile starta kanskje med SNUprosjektet som verkeleg fekk valdresfotballen opp i divisjonane, meiner Heidi. – Ja, no skal dei jo møte Rosenborg komande laurdag, og sjansen for ei cupbombe er absolutt der. Kven ville ha spådd det for ti år sidan! Så har me sykkeltouren vår då, «Tour de Valdres». Etter at me fekk ein etappe i «Tour de France» for tre år sidan, kom ideen om eit eige lokalt løp her i Valdres. Her er det terrengsyklistane som får boltre seg. Dette sju etappar lange rittet går på stigar, bygdevegar og stølsvegar i alle valdreskommunane. Med start og innkomst på Fagernes har dette blitt ein stor folkefest. Nettverket av stølsvegar gjer at me kan variere med ulike etappar kvart år – og er det ikkje veg, kvir ikkje desse syklistane seg for å ta terrenget i bruk. No i sumar er det venta mellom 3 000 og 4 000 deltakarar, seier ho oppglødd. Ho er sjølvsagt ein av dei. Ny idrettsgrein. Ei anna populær nyskaping er sykkelskyting. Dette kan samanliknast med skiskyting, men sidan jeger- og fiskeorgani- sasjonane er med som arrangør, er det viltfigurar og leirduer som tener som blinkar. Det er særleg i jegermiljøet denne nyskapinga har slått an. I skibakken i Tveit har det også blitt aktivitet att. I den plastlagde traseen kan det kjørast både sommar og vinter. Stolheisen er populær også for dei meir bedagelege, frå restauranten oppe i Ranheimsbygda er utsikta upåklageleg. Og om ein vil, er det laga ein triveleg stig til spasertur ned att. Triveleg handelssentrum. Men det er fyrst og fremst kombinasjonen av handel, kafear, kontorlokale, leilegheitsbygg og aktivitetane i sentrumsområdet Særleg etter at TV2 tok til å sende rakfisk-avstemminga som eit direkte underhaldningsshow, har interessa for festivalen og ulike rakfiskprodukt teke heilt av. Heidi Arnesen som gjer Fagernes til ein by. I motsetning til dei store handelsbygga på Leira er det mindre, men trivelegare butikkar i Fagernes. Her får du framifrå service, lokalkunnskapen er god, og særpreget gjer byen koseleg og spesiell. Bondens marknad med utsal av lokale produkt har slått bra an, og kvar laurdag strøymer det ekstra mange lokale matprodusentar og handverkarar inn til torget for å selja varene sine. Særleg er matvarer frå dei stadig fleire økologiske gardane ettertrakta. Utvalet av små kafear og restaurantar er godt, og grøne lunger skapar ekstra trivsel. Her kan ein bilfritt vandre gatelangs, og fleire opningar ned mot fjorden innbyr til avslappande kos nede ved Vesleøya og Strøndafjorden. Pålebryggja langs heile strandlina blir mykje brukt. Her blomstrar romantikken i svale sommarkveldar, forsikrar Heidi. Båtlivet blomstrar også, seglbåtane blir fleire og fleire for kvart år. Båtplass ved ei av båtbryggjene langs promenaden er det blitt rift om. Fiskarane får også sitt, langs fjorden er det lagt til rette for fleire fiskeplassar, og båtar kan dessutan leigast for alle slags formål. Sommartid er båtrutene innom dagleg og tek med passasjerar oppover mot Fossheim og Lomen. Trim for alle. Ei spesiell naturløype er det også blitt plass til. Med naturen som hjelpemiddel kan ein få utført ein gamaldags sirkelgymnastikk her. Politikarane og byråkratane i rådhuset nyttar området til ei økt to gonger i veka med rådmannen som leiar. To sandvolleyballbanar er dessutan hyppig i bruk om sommaren. Nedgravne fryseelement gjer at det vinterstid atter er mogleg å gå på skøyter i parken. – Utruleg kva ein kan få ut av den flotte parken no når bilane er borte. Heidi Arnesen siktar til det nye parkeringsbygget oppe ved FK-senteret. – Med seks etasjar under bakken og tre over blir Fagernes nesten ein bilfri by, smiler ho. Bysyklar og hestedrosjer står til disposisjon for dei som treng ein kjapp eller behageleg byrunde. Neselva trekkplaster. Vidare er vassenteret frå Kvitvellafossen og nedover til fjorden heilt unikt, og mange småbyar misunner oss dette, fortel Heidi. Her har me eit minikraftverk med gjennomsiktige tilførselsrøyr, eit gamalt vasshjul går jamt og trutt, og oppe ved fossen som er sikra ei god minstevassføring, står det to trivelege vindmøller og skøyter på med ekstra kraft. – Godt at Fagernessnoa kan nyttast til noko fornuftig, seier Heidi. Fisking i elva har blitt populært, og frå sidelina, i glastunnelen under bakken, kan publikum følgje med på om fisken bit. Eit stort panoramvindauge er støypt inn ved beste kulpen. Høgskuletilbod. – Etter at politikarane fekk i stand høgskuletilbod innanfor bygdeutvikling og miljø og helse her på Fagernes, har me atter fått studentar i nærmiljøet. Den nye avdelinga til Universitetet Innlandet på Fagernes er også eit godt tilskot både for arbeidsplassar og studentar. Sjølvsagt har hybelelevane frå vidaregåande på Leira alltid vore her, men noko vaksnare studentar skaper eit anna liv, ikkje minst på kveldstid, meiner Arnesen. Rakfiskfestivalen Akkurat no om dagen er Heidi Arnesen faktisk oppteken med planlegging av Rakfiskfestivalen. Sjølv om det nesten ikkje er nødvendig med marknadsføring lenger – folk kjem uansett program – er det mykje tilrettelegging og kvalitetssikring. Særleg etter at TV2 tok til å sende rakfiskavstemminga som eit direkte underhaldningsshow, har interessa for festivalen og ulike rakfiskprodukt teke heilt av. Største utfordringa er å skaffe husvære for alle. – Hadde Fagernes lege ved sjøen, kunne me leigt inn eit stort cruiseskip til gjestene våre, men eit par store sjøfly har blitt populære overnattingsfartøy. Elles nyttar me mobile brakkebyar og store sovetelt. Om det på mange måtar er tragisk med klimaendringane, passar det milde haustvêret rakfiskfestivalen og vår enkle infrastruktur godt. Idrettslaget tener også gode pengar på å vera vaktmannskap. Elles har salet av det «kongelege» rakfiskbestikket vore ein stor suksess. Ari Behn våga seg endeleg frampå att som designar, og det vart endåa ein gong braksal – trass forståsegpåarar som tok fram slaktekniven. Folkehotellet. Alle byar treng eit flott og freistande hotell. Her har Fagernes Hotell stått fram som flaggskipet i alle år. Etter at ekte- paret Ellen og Kjell Arne Berntsen flytta inn med Aktiviteket og også kom inn på driftssida, har hotellet blitt vidareutvikla som ei perle i byen. Her kjenner alle seg heime, både VIP-gjester og bygdafolk. For mange er Fagernes Hotell sjølve helsehotellet, og her har Ellen Berntsen utvikla eit produkt som kombinerer fysisk aktivitet med rett mat og velvære. Alltid på farten: Heidi nyttar gjerne sykkelen i arbeidet sitt.
Valdresbladet fredag 15. juni 2017 åring Trivelege Neselva: Kvitvellafossen og vasssenteret her er med og gjer Fagernes til ein spesiell by, meiner Heidi Arnesen. Mangt kan skje på Rakfiskfestivalen Frå Cuba kjem eit par eksotiske, men likevel attkjennande bilde inn til redaksjonen – Valdresromantikk på Cuba! Det var under fjorårets rakfiskfestival at kjærleiken blomstra for Maria og José frå Cuba. Uavhengig av kvarandre hamna dei båe i Valdres då rakfiskeimen var på sitt likaste. José fekk etter kvart nok av både rakfisk og tilhøyrande drikke. Utpå natta hamna han i Gullsmedvegen idet eit smattande par forlet eit lite husvære der. Han kika inn og syntest så godt om det han såg, at han la seg til å sova i sofakroken. Så skjer det underlege at Maria og venninna hennar Penelope kjem forbi og blir nysgjerrige på dette vesle bygget. Dei kikar inn og ser José som ligg der og søv. Idet dei skal late døra stilt att, blir Maria var eit kjent symbol som José har på aksla. Ho granskar han litt nøyare, og dei kjem fram til at her har dei treft på ein sambygding, i alle fall må han vera cubanar og ut frå symbolet frå same region som dei. For å gjera ei lang historie kort – natta etter var Maria og Jose i lag i kosebua, og då sov ikkje José! Sidan har dei halde i lag, og no blomstrar kjærleiken for fullt på Cuba. Om alt går etter planen blir det bryllaup ved rakfiskfestivaltider! Rakfisk og tilhøyrande akevitt vil bli sendt herifrå! nyheiter 13
Page 1 and 2: Fredag 15. juni 2017 Valdresbladet
Page 3 and 4: Valdresbladet fredag 15. juni 2017
Page 11: Valdresbladet fredag 15. juni 2017

Fredag 15. juni 2017 - Valdres

Transform your PDFs into Flipbooks and boost your revenue!

Fredag 15. juni 2017 - Valdres

Transform your PDFs into Flipbooks and boost your revenue!

Delete template?

Save as template ?