pdf - 1,6 MB - Nova

Status for dei strategiske instituttprogramma – SIP-ane
SIP I «VELFERDSTJENESTER I ENDRING»
Dette strategiske instituttprogrammet skal vere med å styrkje NOVA sin kompetanse når det gjeld å studere
tenesteyting og tenesteytande organisasjonar i førstelinjetenesta. Programmet er avgrensa til tre område: helseog
sosialsektoren, barnevernet og trygdesystemet. Tema kan samanfattast i tre punkt:
• organisering og innhald i tenestene
• tenesteytarar og brukarar
• velferdstenester i forløpsperspektiv
Desse prosjekta fekk midlar i 2000:
- «Hjemmetjenestene for eldre i nordisk komparativt perspektiv»
- «Integrerte omsorgsformer»
- «Brukerperspektiv på kommersielle tjenester»
- «Velferdstjenester i et moderniseringsperspektiv»
- «Barn som klienter»
- «Arbeidsdeling i endring. Forholdet mellom hjelpepleiere og sykepleiere»
I løpet av året har det vore tilskipa interne faglege seminar med presentasjon av dei einskilde prosjekta. To
inviterte forskarar har hatt eigne seminar.
I tillegg til prosjekta nemnde ovanfor har tre forskarar vore faste medlemer i programgruppa. Forskinga deira
er finansiert frå andre kjelder, men gjennom det tematiske nedslagsfeltet høyrer dei heime i gruppa. Desse
prosjekta er:
- «Saksbehandlers vurderingskriterier ved skjønnsmessige beslutninger om yrkesmessig attføring»
- «Praktikere på kvalitetskurs. Om kvalitetsledelse i hjemmetjenesten»
- «Velferdsstat og velferdskommune. Evaluering av handlingsplan for eldreomsorgen i 1998–2000»
SIP-koordinator: Tor Inge Romøren
SIP II «FORSØRGINGSKILDER I ET LIVSLØPS- OG GENERASJONSPERSPEKTIV»
I dette strategiske instituttprogrammet set ein søkjeljoset på samspelet mellom forsørgingsinstitusjonar i
samfunnet og forsørgingsplikter innan familie og slekt. Programmet byggjer på og fører vidare forsking som
har vore utført ved NOVA tidlegare. Tema kan samanfattast i følgjande tre punkt:
• familien som forsørgingsinstitusjon – med særleg vekt på forsørgingsformer, -ansvar og -normer,
forvalting av formue og overføringar mellom generasjonane
• samspelet mellom private og offentlege forsørgingsinstitusjonar – med særleg vekt på åtferda, haldningane
og normene til private, individuelle aktørar
• fordelingsverknader – med særleg vekt på fordelingsprinsipp og -prosessar og det fordelingsresultatet som
er utgangen av dei tilpassingane folk gjer til dei gjeldande forsørgingsinstitusjonane
Desse prosjekta fekk midlar i 2000:
- «Familien og velferdsstaten – samspillet mellom offentlig og privat forsørging og fordeling»
- «Inntekts- og formuesforhold for fedre som betaler barnebidrag»
- «Familien som forsørgingsinstitusjon»
I 2000 har mykje av tida gått med til å førebu ei landsomfattande datainnsamling som vil verte utført i januar
og februar 2001. Elleser det lagt vekt på å halde kontakt med personar og miljø – både her heime og
internasjonalt – som arbeider med liknande problemstillingar.
I 2001 vil arbeidet med å analysere dei nye data leggje beslag på det meste av tida. Ein planlegg òg å leggje
fram resultat av desse analysane på internasjonale konferansar.
SIP-koordinator: Åsmund Langsether
NOVA Årsmelding 2000 31