03.08.2013 Views

Samlaget hausten 2011 SKJØNNLITTERATUR: Romanar ... - Cision

Samlaget hausten 2011 SKJØNNLITTERATUR: Romanar ... - Cision

Samlaget hausten 2011 SKJØNNLITTERATUR: Romanar ... - Cision

SHOW MORE
SHOW LESS

Create successful ePaper yourself

Turn your PDF publications into a flip-book with our unique Google optimized e-Paper software.

<strong>SKJØNNLITTERATUR</strong>:<br />

<strong>Romanar</strong> og noveller<br />

<strong>Samlaget</strong> <strong>hausten</strong> <strong>2011</strong><br />

HILDE MYKLEBUST: GLØDEPUNKT<br />

Poetisk industrirealisme<br />

Det ligg ei summing over Steinsetbygda. Ei dirrande summing av<br />

røyster og kaos og fektande tankar. Heile bygda gløder mørkt og<br />

sugande, som ein nyuttrekt femtoms spikar, varm og brennheit av<br />

overført energi frå ein tilstand til ein annan.<br />

Guttorm jobbar ved bergverksbedrifta Mineral Vest. Han og kona<br />

Margunn prøver å halde liv i ekteskapet sitt, men det er så mykje<br />

som gneg: Overtida, det altfortærande brotet som trugar<br />

vennskap og barndomsminne, sandstøvet i lungene, barnet dei ikkje får. Når bedrifta får<br />

tidenes største ordre på sand til eit belgisk jarnverk, skyt aktivitetsnivået fart, dagbrotet veks<br />

og arbeidarane vert drivne til brestepunktet. Hjelpa kjem i form av finske leigearbeidarar,<br />

som også er eit kjærkome innslag for unge jenter med lengt bort frå bygda. Ein vert sugd inn<br />

i denne forteljinga, der arbeidet byrjar tidleg om morgonen med ein tørr finger mot ein kald<br />

brytar, slik det alltid har gjort, men endar tragisk og blodraudt.<br />

Forfattaren lar denne vesle bygda med steinbrotet bli eit bilde på korleis storsamfunnet<br />

fungerer. Hilde Myklebust tek med dette steget frå poesien til romanen. Ho har med seg det<br />

presise og fargerike språket sitt inn i ei forteljing som både er sitrande spennande og<br />

rørande.<br />

HILDE MYKLEBUST (f. 1979) er frå Syltedalen, i Vanylven på Sunnmøre. Ho debuterte med<br />

diktsamlinga Berre dagar seinare i 2005 og etablerte seg for alvor blant dei fremste unge<br />

lyrikarane i Noreg med Søkk i 2008. I 2009 gav Myklebust ut biletboka Jon og den lange<br />

julenatta – ei varm, vakker og jordnær forteljing for barn.<br />

ROMAN | Pris ca. kr 329,- | ISBN 9788252179262 | I sal


BRIT BILDØEN: ADAM HIORTHS VEG<br />

Ein syklande Don Quijote i sprek miljøroman!<br />

Den kjende miljøvernaren Jon Utskott legg ut på sin årlege<br />

sykkeltur frå aust til vest, og tek svært motvillig med seg den<br />

unge dokumentarfilmskaparen Adam Hiorth. Som vår tids Don<br />

Quijote og Sancho Panza legg dei ut i teneste for det gode, men<br />

hamnar fort i eit blodig torgslag. På ferda gjennom Noregs indre<br />

ventar mange eventyr: Dei badar i ein forheksa sjø, drikk med<br />

Døden og hans muntre følgje, og allslags folk kjem til dei med<br />

sine historier. Den unge Hiorth har mykje å lære av sin eldre<br />

turkamerat, ikkje minst på damefronten. Jon Utskott på si side har begynt å vakle: Han<br />

grunnar på kva det er han har fått utretta gjennom sin livslange kamp for miljøet. Vegen er<br />

ikkje så bein som han ein gong var. Spørsmåla har ingen enkle svar, og det mørknar i<br />

horisonten. Kor mange motbakkar og kor mykje juling vil dei to klare å takle før ferda endar?<br />

Brit Bildøen: (f. 1962) er forfattar og forlagskonsulent. Ho har i år tjueårsjubileum<br />

som forfattar. Bildøen har gitt ut barnebøker, gjendiktingar, romanar og essay.<br />

Mellom anna romanane Landfastlykke og Alt som er og essaysamlinga Litterær<br />

salong.<br />

ROMAN | Pris ca. kr 359,- | ISBN: 9788252177688 | Utg. september


MARIT EIKEMO: SAMTALE VENTAR<br />

Drivande godt om å falle utanfor<br />

Elisabeth Brenner er eksjournalist på attføring. Gjennom NAV får<br />

ho<br />

ein ny sjanse i arbeidslivet: ho skal samle dialektprøvar på<br />

industristaden Einvik. Hit kjem ho ein mørk kveld i november og<br />

flyttar inn på arbeidarbrakka. Dei som bur i denne vesle byen<br />

er nysgjerrige og ivrige etter å hjelpe, og ho blir snart kjend med<br />

mange. Men arbeidet er verken godt eller effektivt. Brenner<br />

greier ikkje skilje jobb og privatliv, og får stadig større problem<br />

med relasjonane på staden. Folk stiller seg meir og meir tvilande til kven ho<br />

er og kva ho driv med. Brenner fattar interesse for den sære, lokale forfattaren Sveinung Sel,<br />

og oppsøker han først for eit intervju, seinare av grunnar ho ikkje sjølv heilt forstår. Eikemo<br />

fører vidare prosjektet frå dei første to romanane sine, når ho tematiserer einsemd<br />

og lengsle etter - og ambivalens til - ein større fellesskap.<br />

Marit Eikemo (f. 1971) er frå Odda. Ho gav ut sin første roman, Mellom oss sagt, i 2006. Den<br />

kritikarroste oppfølgjaren, Arbeid pågår, kom i 2009. Marit Eikemo har vore informajonssjef,<br />

journalist og redaktør (Syn og Segn). Ho er no leiar for Litteratursymposiet i Odda.<br />

ROMAN | Pris ca. kr 349,- | ISBN: 9788252179088 | Utg. september


JON FOSSE: KORTARE PROSA<br />

Jon Fosse har gjennom åra gjeve ut tre kortprosabøker: To<br />

forteljingar frå 1993, året etter Prosa frå ein oppvekst og i<br />

1998 Eldre kortare prosa. Desse bøkene er no samla og kan<br />

vera ein god<br />

veg inn i Fosses forfattarskap.<br />

Dei to forteljingane No kan hunden komme og Lines hår frå<br />

1993 rommar både galskap og vemod. Hundehistoria handlar<br />

om ein mann som tek livet av ein sambygding etter han har<br />

drepe<br />

hunden hans, noko hundeelskaren Fosse har sagt at han godt<br />

kan forstå.<br />

Prosa frå ein oppvekst står heilt for seg sjølv i forfattarskapen til Fosse, det er ei «lykkeleg<br />

bok» som ikkje liknar på noko anna han har skrive. Fosse skriv frå eigen oppvekst. Det<br />

handlar om fjord og sauer, besteforeldre og raspeballar, danseband og rus. Det handlar om<br />

gleda ved å samla på bussbillettar, men òg å oppdaga at døden finst.<br />

Eldre kortare prosa opnar med ein heilt sentral Fosse-tekst, nemleg novella Han. Fosse<br />

debuterte som forfattar med romanen Raudt, svart i 1983, men sjølv reknar Fosse novella<br />

Han fra 1981<br />

som sin eigentlege skjønnlitterære debut. Novella vart trykt første gong i Studvest i 1981<br />

som vinnarbidrag i ein novellekonkurranse.<br />

Jon Fosse (f. 1959) blir rekna som ein av vår tids viktigaste norske forfattarar. Tekstane hans<br />

er omsette til over 40 språk, og skodespela er sette opp snart 1000 gonger over heile verda.<br />

Fosse har motteke ei rekkje prisar både i inn- og utland, og er av kritikarar blitt omtalt som<br />

det 21.<br />

hundreårets Beckett.<br />

PROSA | Pris ca kr 299,- | ISBN: 9788252179699 | Utg. september


RAGNAR HOVLAND: STILLE NATT<br />

Ny, etterlengta roman frå Ragnar Hovland!<br />

I Ragnar Hovlands nye roman følgjer vi ein forfattar i trøbbel.<br />

Han er ein av til saman fem brør, den eine er advokat og sit i<br />

fengsel etter noko advokatjuks, den andre har det skjedd noko<br />

mystisk med og sit stort sett berre inne i leilegheita si, mens dei<br />

to siste, vel, ingen veit kor det blei av dei. Først og fremst<br />

prøver forfattaren å leve eit så skikkeleg liv som mogleg,<br />

komme seg opp før halv elleve, drikke eit par koppar kaffi med<br />

fløyte før han set seg ved maskina for å arbeide. Men så ein dag<br />

blir han oppringd av Tomas D., som vil at han skal komme heim<br />

til Vik, heimbygda. Og han kastar seg i bilen og køyrer til<br />

Vestlandet. Det er mellom anna her han hentar stoffet til romanane sine, og vi får høyre<br />

mykje kjekt om forfattarlivet. Men snart begynner underlege ting å skje. Tilbake i byen blir<br />

forfattaren etter kvart heimsøkt av sine eigne karakterar, og han blir dratt meir og meir inn i<br />

mysteriet med kva som skjedde broren den gongen.<br />

Ragnar Hovland (f. 1952) er forfattar, humorist, skribent og ukulelespelar. Full av spenstige<br />

innfall, merkverdige karakterar og populærkulturelle referansar har han i snart 30 år gitt ut<br />

meir enn 40 bøker i alle sjangrar.<br />

ROMAN | Pris ca. kr 359,- | ISBN: 9788252176377 | Utg. oktober


METTE KARLSVIK: BLI BJÖRK<br />

Sterk roman om Islands største stjerne<br />

Denne vidunderleg originale romanen om den mest profilerte<br />

familien på Island, startar med far til Björk, som er elektrikarlærling<br />

og seinare fagforeiningsmann. Den strekkjer seg fram til Björks<br />

ungdomstid og hennar internasjonale gjennombrot. Med stor og<br />

begåva innleving skildrar Karlsvik personane og samspelet deira<br />

med naturen og kvarandre. I eit elektrisk, musikalsk og humoristisk<br />

språk får vi oppleve naturen, kulturen og samfunnet på Island på andre halvdel av 1900-<br />

talet. Dei små, daglegdagse hendingane i romanen blir fletta inn i dei store internasjonale, og<br />

teiknar til saman eit fascinerande portrett av eit geografisk isolert men internasjonalt viktig<br />

land. Bli Björk er ein familieroman utanom det vanlege, og i sentrum av alt dette står Björks<br />

veg frå barndom til stordom.<br />

METTE KARLSVIK (f. 1978) debuterte i 2005 med romanen Vindauga i matsalen vender mot<br />

fjorden, som ho fekk Tarjei Vesaas’ debutantpris for. Ho har sidan skrive både for barn og<br />

vaksne. Karlsvik er frå Frei på Nordmøre og bur i Oslo.<br />

ROMAN | Pris ca. kr 349,- | ISBN: 9788252178623 | Utg. oktober


TORE KVÆVEN [DEBUTANT]: HARD ER MITT LANDS LOV<br />

Eventyrleg vikingroman<br />

Det norske skipet Havjerven ligg til hamn i Roma då høvdingen<br />

blir utfordra og drepen i sverdkamp av grønlendingen Ulfr. Ulfr tar<br />

høvdingtittelen på skipet og lokkar mannskapet med seg på ei vill<br />

havferd nedover kysten av Store Serkland (Afrika), vidare opp<br />

Kongo-elva og mot det indre av Afrika. Skildringa av ferda over<br />

havet og innover i jungelen har slektskap med klassiske romanar<br />

som Moby Dick og Heart of Darkness. Det skal visa seg at Ulfr ikkje<br />

er heilt den han har gjeve seg ut for og at mannskapet ikkje anar<br />

målet for reisa før det er for seint.<br />

Debutanten Tore Kvæven har skrive ein forrykande og spennande historisk roman. Inspirert<br />

av islendingssogene og med eit vell av historisk kunnskap tar han lesaren med på<br />

eit uforgløymeleg tokt.<br />

TORE KVÆVEN (f. 1969) bur i Sirdal i Vest-Agder. Hard er mitt lands lov er debutboka hans.<br />

ROMAN | Pris ca. kr 379,- | ISBN 9788252176063 | Utg. oktober


EDMUND AUSTIGARD: SOLSKINSBUSSEN<br />

Eit oppgjer med tyskarane, himagardar og dårleg samvit<br />

1944. Det er krig. Løytnant Bønarflott og laget hans blir flydd over<br />

Nordsjøen av RAF. Etter 17 år i Chicago svevar han mot<br />

gamlelandet i fallskjerm. Landinga blir mjuk, han borar seg ned i<br />

svartjordmyr. Blir ståande fast som levande blink langt oppe i<br />

ryfylkeheiane. Hans einaste håp er at pøsregnet gjer jordmyra så<br />

laus at ho slepp taket. Samtidig spør han seg sjølv kva som<br />

verkeleg er verdt å daude for? Konge, fedreland, ei fri verd, ære?<br />

Eller er det berre kjærleik?<br />

Solskinsbussen er ein frittståande oppfølgjar til Edmund Austigards kritikarroste<br />

debutroman, Krinsereglane. Aldri før har vi – gjennom ei inngåande skildring av Bønarflåtfamilien<br />

frå Årdal i Ryfylke – fått ei slik innføring i uskrivne reglar for kva som gjeld og ikkje<br />

gjeld i eit bygdesamfunn i endring.<br />

Edmund Austigard: (f. 1964) debuterte i 2005 med romanen Krinsereglane og følgde opp<br />

med Taxi for B.A. Beckström – eller kunsten å danse på furu i 2008. Ved sidan av å skrive<br />

bøker arbeider Austigard i dag som direktør for Den Norske Bokdatabasen. Austigard voks<br />

opp i Årdal i Ryfylke og bur i Oslo.<br />

ROMAN | Pris ca kr. 349,- | ISBN: 9788252179255 | Utg. august


ROLF SAGEN: FAR OG SON (SOGA OM PJAKK)<br />

Dette er forteljinga om ei helsing. Pjakk kjøper ein bubil og legg<br />

ut ei reise, kanskje mest for å overlevere ei helsing til ein dei<br />

kallar Ole Pudder. Men Ole Pudder viser seg vanskeleg å spore<br />

opp. Pjakk blir rundlurt av ei kvinne han møter på vegen. Han<br />

blir arrestert og kasta i fengsel, mistenkt, men han får ikkje vite<br />

for kva.<br />

Ein burlesk roman frå Rolf Sagen, som ikkje står tilbake for det<br />

beste av det han har skrive, i hans særeigne kombinasjon av det<br />

absurde og lyriske.<br />

Rolf Sagen (f. 21. desember 1940) har gitt ut ei lang rekkje romanar, noveller, dikt og<br />

barnebøker. Han har markert seg sterkt i det norske litterære landskapet frå han i debuterte<br />

i 1968. Romanen Mørkets gjerninger, fekk Kritikarprisen i 1976. I 1986 kom den elleville<br />

Springfart ved fjorden, og i 1990 kom Lyden av vatn, som mange reknar som eit høgdepunkt.<br />

ROMAN | Pris ca kr 329,- | ISBN: 9788252179620 | Utg. september


ERLEND FLORNES SKARET [DEBUTANT]: WROCŁAV<br />

Stilsikker og spennande debutroman<br />

Vi følgjer ein omreisande mann i trettiåra gjennom to døgn i<br />

den polske byen Wrocław, der han gradvis blir ført til mentale<br />

utpostar og fysiske avkrokar i den elles vakre byen. Han møter<br />

personar som utfordrar identiteten og grensene hans,<br />

mellom anna nabokvinna på hotellet som på utstudert vis<br />

innlemmar han i eit trekantdrama som skal vise seg å bli<br />

avgjerande for opphaldet hans. Skaret bygger opp romanen<br />

gjennom indre monologar, refleksjonar og minne, mens den ytre handlinga avgrensar seg til<br />

scener frå hotellet og området rundt. Wrocław er ein spennande og stilsikker roman<br />

som fangar lesaren i byen, hotellet og i hovudet til hovudpersonen, og ikkje slepp taket.<br />

Erlend Flornes Skaret (f. 1976) kjem frå Bømlo, og bur no i Oslo, der han arbeider som<br />

sivilingeniør. Han har gått på forfattarstudiet i Bø.<br />

ROMAN | Pris ca. kr 349,- | ISBN: 9788252179286 | Utg. september


SIGRUN SLAPGARD: PARADISHAGEN<br />

Forboden kjærleik og ukjende historier frå krigen<br />

Den norske regissøren Julie Dalgård oppsøkjer Melk kloster i<br />

Austerrike for å lage ein dokumentarfilm. Ein avdød familievenn,<br />

bibliotekaren Kurt Leonard, har avslørt delar av ei historie ho vil<br />

finne ut av. Det viser seg at her er fleire ufortalde historier knytte<br />

til krigen. Det at Leonard har ei fortid som Wehrmacht-soldat, er<br />

berre starten. Dalgård går på jakt i hans og familiens fortid både i<br />

Nord-Noreg og i Austerrike, og nærmar seg etterkvart nye versjonar av livshistorier ho har<br />

kjent sidan barndommen. Med kva rett skal ho skape filmen som vil bli ståande som historia<br />

om Kurt Leonard? Og kva versjon skal ho fortelje? I denne romanen får vi lese om forteiing i<br />

den næraste familie, om kollektiv forteiing og om konsevensane av dette. Vi blir vitne til<br />

korleis kjærleik og død kan slå inn i liv og korleis ulike liv og livshistorier flettar seg inn i<br />

kvarandre.<br />

SIGRUN SLAPGARD (f. 1953) er forfattar og arbeider også i NRKs utanriksredaksjon. Ho blei<br />

nominert til Brageprisen og fekk Melsom-prisen for Krigens penn. Ein biografi om Lise<br />

Lindbæk (2002), og har også skrive biografien om Sigrid Undset (Dikterdronningen, 2007).<br />

Paradishagen er hennar første roman.<br />

ROMAN| Pris ca. kr 349,- | ISBN: 9788252175806 | Utg. september


RUNE TIMBERLID: ST. SVITHUNS GÅTE<br />

Knallsterk krim frå det mektige Vestkapp<br />

Vår mann i vest, Rolf Randen, er på utlån frå lensmannskontoret i<br />

Førde for å patruljere kysten i ein open gummibåt, på jakt etter<br />

islamistiske terroristar som trugar nasjonen. Eit meiningslaust<br />

oppdrag, tenkjer han og vil heller dykke ned til det gamle<br />

hurtigruteskipet Sanct Svithun som blei bomba utanfor Ervika i<br />

1943. Under eit dykk finn Randen ein død mann i sjøen ved ei<br />

sandstrand nær Vestkapp. Samstundes forsvinn ei kvinne og<br />

gamle gullmyntar dukkar opp. Rolf Randen er igjen i sentrum av<br />

eit storslagent drama som har forgreiningar til Stalins Gulagleirar,<br />

andre verdskrig og den spanske armada – og bak ligg den mektige naturen i Selje og<br />

spelar med.<br />

RUNE TIMBERLID (f. 1950) er journalist og kriminalforfattar. Han har, sidan debuten i 1991,<br />

skrive fleire bøker om politibetjent Rolf Randen frå Høyanger, m.a. Deadline (2006) og<br />

Operasjon Siskin (2008). Timberlid er busett i Førde og arbeider som informasjonssjef i<br />

Lotteri- og stiftelsestilsynet.<br />

KRIM | Pris ca kr 349,- | ISBN: 9788252176001 | I sal


OMSETTE ROMANAR:<br />

MARI JUNGSTEDT: DEN MØRKE ENGELEN<br />

Ny krim frå Gotland<br />

Vårvinden hyler over Gotland når Visbys nya kongresshall skal bli<br />

invidd med pomp og prakt og over fem hundre<br />

gjester. Festfiksaren Viktor Algård står bak det bokstavelig tala<br />

glitrande arrangementet. Det skal bli hans siste fest. Dagen derpå<br />

blir han funne myrda i bygningen.<br />

Overbetjent Knutas er på saka og spora fører han mot ei<br />

mishandlingssak i eit hardt tenåringsmiljø. Etterforskinga stiller<br />

han i store dilemma, både som tenåringsfar og politimann.<br />

Den mørke engelen er ein skremmande psykologisk thriller og ei djuplodda skildring av kor<br />

øydeleggjande foreldre kan vere.<br />

”Den mörka ängelen har en raffinert avslutning och uppösing som inte hämtar näring i det<br />

spekulativa utan står stadig i myllan – den gotländska myllan.” GOTLANDS TIDNINGAR<br />

”Det här är perfekt läsning för semestern… ”, SKÅNSKA DAGBLADET<br />

KRIM | Pris ca kr 349,- | ISBN: 9788252177381| Utg. november


PIA TAFDRUP: STJERNE UTAN LAND<br />

”Om kærlighed, passion, kunst, selvstændighed,<br />

afhængighed, glæde, sorg, liv og død”<br />

Pernille Lisborg, litteratursiden.dk<br />

Den middelaldrande Andreas sit tilfeldigvis ved sidan av den<br />

unge Rebecca i flyet til Barcelona. Ho ser han gråte og kjem i<br />

snakk med han. Seinare besøker ho han i København der ho<br />

kjem i snakk med Sophia, naboen hans. Andreas er fotograf og<br />

vil ta bilete av den unge kvinna. Ho liknar den døde kona hans.<br />

Dette blir oppstarten på eit stille drama, eit klaustrofobisk<br />

mareritt som ender i ein tragedie. Andreas begynner å oppføre sig bisart overfor Rebecca, og<br />

Sophia ser at han prøver å få henne til å likne på den første kona si som døde svært ung.<br />

Pia Tafdrup (f. 1952) debuterte i 1981 med Når der går hul på en engel og har gitt ut elleve<br />

diktsamlingar. For Dronningeporten fekk ho Nordisk Råds Litteraturpris i 1999. i 2005 kom<br />

hennar første roman, Å gi seg bort, ut på norsk.<br />

ROMAN | Pris ca kr 349,- | ISBN: 9788252175646 | Utg. oktober


WILLY KYRKLUND: POLYFEM FORVANDLA og<br />

MEISTEREN MA<br />

Svimlande vakker og særprega dobbeltutgiving<br />

Polyfem forvandla er ved sida av Solange og Meisteren<br />

Ma Willy Kyrklunds mest kjende verk. Romanen er ein<br />

montasje av korte prosastykke der både greske mytar,<br />

fablar og folkedikting, hinduistisk tradisjon og<br />

visepastisjar<br />

blir tatt i bruk. Polyfem, som vi møter i bokas første tekst, er kyklopen som hos Homer blir<br />

rundlurt av Odyssevs,<br />

og som no sit og ventar på at Ingen skal komme attende. Alt får plass mellom første og siste<br />

side: Leiken, lengten, mordet og likesæla. Språket er poetisk, sekvensane er både komplekse<br />

og djupt<br />

humoristiske. Dette er ein svimlande roman, ein av nordisk litteraturs vakraste, som ber om<br />

å bli lesen igjen og igjen.<br />

Meisteren Ma er ein kinesisk vismann og tidlegare røvar frå eit fortidig dynasti. Sjølv enda<br />

han sitt liv på jorda då han lét seg slynge ut i retning månen ved hjelp av ei mengd fyrverkeri.<br />

Det som er att, er skriftene hans. Meisterens ytringar blir fortløpande kommenterte av dei to<br />

andre karakterane i boka:<br />

den jordnære kona Yao og den saklege tørrpinnen Li. Dei tre stemmene flettar saman ei heilt<br />

original forteljing.<br />

Omsett og med etterord av Gunstein Bakke.<br />

ROMAN | Pris ca. kr 349,- | ISBN: 9788252177671 | Utg. oktober


ROMAN, POCKET:<br />

NY POCKETSERIE MED GRYTTENS BØKER<br />

Frode Grytten (f. 1960) er frå Odda. Han debuterte i 1983, og har skrive bøker i fleire<br />

sjangrar. Grytten er ein av dei mest markante novelleforfattarane i Noreg. Ein fellesnemnar<br />

for tekstane til hans er at dei skildrar vanlege folks liv med ein uvanleg energi, både<br />

medrivande barndomsskildringar og kompliserte kjærleikshistorier blir fortalde på ein varm<br />

måte som gjer det mogleg å følgje karakterane inn i dei mest hudlause situasjonar. Han fekk<br />

Brageprisen for Bikubesong i 1999 og blei for same bok nominert til Nordisk Råds<br />

litteraturpris. Han blei tildelt Rivertonprisen for kriminalromanen Flytande bjørn i 2005, og<br />

for Rom ved havet, rom i byen fekk han Melsomprisen i 2008. Teaterversjonen av<br />

Bikubesong mottok strålande kritikk og trakk fulle hus både i Oslo og Bergen.<br />

FRODE GRYTTEN: BIKUBESONG<br />

Eitt år i Murboligen, ein arbeidarbustad i Odda.<br />

”Noko nytt begynte no. Han kunne gå i kva retning han ville, kva veg<br />

han sjølv ville. Han følte seg heilt fin, heilt finfin, som om han<br />

endelig va r seg sjølv, som om han hadde vo re ein annan person og<br />

no hadde komme til seg sjølv igjen. Han skulle gå langs vegen som<br />

ein vanlig mann. Det var eigentlig alt han ønskte. Å gå langs vegen<br />

som ein vanlig mann.”<br />

Bikubesong er ein kollektivroman om det mytologiske Odda, varmt og utleverande skildra,<br />

men også med eit skarpt innsyn i det norske sosialdemokratiet anno 1999.<br />

POCKET | Pris ca. kr 129,- | ISBN: 9788252179972 | Utg. september


FRODE GRYTTEN: FLYTANDE BJØRN<br />

Mørk roman bada i norsk sommarlys<br />

Hovudpersonen i Flytande bjørn er journalist på eit stille<br />

lokalkontor i ein stille småby. Ei juninatt blir ein gut pressa på elva.<br />

Alle trur dei veit kven som står bak.<br />

”Lukta av sveitt småby. Stanken frå Volvoen min. Det var vittig. No<br />

som Odda endelig var kvitt utsleppa frå verket, kjørte eg rundt i ein<br />

bil som lukta død og pine. Eg rulla ned vindauget og svinga inn på<br />

vegen ved Shell. Det varme rattet var klissete av blod.”<br />

Flytande bjørn er ein mørk roman bada i norsk sommarlys.<br />

POCKET | Pris ca. kr 129,- | ISBN: 9788252179989 | Utg. september<br />

FRODE GRYTTEN: MEIR ENN REGN<br />

Meir enn regn er sterke og intense noveller om vanlege folks<br />

kjærleiksliv, kvardagsliv, ungdomsliv. Noveller som skildrar<br />

avstanden mellom dei menneska som burde vere nærast.<br />

”Sjøflyet heng over det kvite landskapet. Morgonsola har nettopp<br />

komme opp på ein stålblank himmel. Alt er is og snø. Det er som om<br />

frosten held alt oppe. Eg tenker at når regnet kjem, så vil heile verda<br />

smelte og rase saman.”<br />

POCKET | Pris ca. kr 129,- | ISBN: 9788252179996 | Utg. september<br />

FRODE GRYTTEN: 80º AUST FOR BIRDLAND<br />

80 º aust for Birdland har ein stor himmel over seg, vêr og vind og<br />

den blå jazzen, blanda saman med livet i ein norsk småby.<br />

”Monk spelte ein fantastisk konsert. Men det store, det store<br />

skjedde først då han gikk av scena. For tonane slutta ikkje å<br />

strømme ut av klave ret. Skjønner de kva eg seier? Monk gikk av<br />

scena, bukka og gikk av scena. Men musikken bare kom fossande.<br />

Tonane strømte ut av klaveret i fem–ti minutt etter at han gikk av<br />

scena. Skjønner de? Det var magi. Rein magi.”<br />

POCKET | Pris ca. kr 129,- | ISBN: 9788252180008 | Utg. september


LYRIKK OG DRAMA:<br />

HELGE TORVUND OG MARIA BØRJA (RED.): DIKTKAMMERET<br />

Gjennom ti år har Diktkammeret vore ein klekkje- og boltreplass<br />

for ny poesi på nettet. Kvar månad blir det posta 6000 nye dikt på<br />

Diktkammeret, og heilt sidan starten har det blitt kåra<br />

«Månadens dikt». Helge Torvund har vore med og valt ut desse,<br />

og gitt dei entusiastiske og innsiktsfulle kommentarane sine. Både<br />

dikta og kommentarane er samla i denne boka.<br />

Helge Torvund har vore med sidan starten og skrive leksjonar i<br />

diktskriving. Desse er òg samla her, og utgjer ein eigen bolk om diktarkunsten. Boka inneheld<br />

også nye intervju med nokre av dei mest aktive forfattarane på Diktkammeret.<br />

HELGE TORVUND (f. 1951) er lyrikar, kritikar og psykolog. Han debuterte med Hendene i<br />

byen i 1977 og har seinare gitt ut ei lang rekkje diktbøker. Torvund er diktlærar på<br />

nettstaden Diktkammeret og var i mange år hovudmeldar av lyrikk i Dagbladet. Han bur på<br />

Ogna i Rogaland.<br />

MARIA BØRJA (f. 1977) er journalist og forfattar. Ho debuterte med novellesamlinga<br />

Voksenting i 2010. Børja har vore med i og redaktør for ei rekkje antologiar, og jobba i ti år<br />

med Dagbladets litteratursatsing på nettet. Ho bur i Oslo.<br />

LYRIKK | Pris ca. kr 349,- | ISBN: 9788252179552 | Utg. oktober


HILDEGUNN DALE: ARMANE MINE HANDLINGAR<br />

Ei reise i grenselandet mellom den indre og ytre verda<br />

I denne diktboka blir vi mellom anna tekne med til eit<br />

bølgjekraftverk som er øydelagt av ei bølgje og lagt ope for<br />

menneskeleg innsyn. Naturen er i ferd med å ta tilbake det<br />

menneskeskapte. Kampen mellom språk og natur, mellom tid og<br />

minne står sentralt. Gjennom tekst og fotografi gjer Hildegunn<br />

Dale forskyvingar i tid, minne og geografi. Stadene tek farge av<br />

sinnet, og ein stad lyser sterkare enn dei andre.<br />

Industristaden Ågotnes: Enorme stålmaster veks og forsvinn. Eit helikopter bryt gjennom<br />

tåka. Ein mur mot havet. Eit flyfoto i svart-kvitt skjelv. Skrape litt i overflata. Nye konturar trer<br />

fram. Ein by med høghus, hukommelsestap, trappegang. Eg lyfter blikket over rattet, mister<br />

sinnbildet av ein enno ikkje ferdig utgraven stad. Det sklir tilbake til kroppen. Ei hand av sand,<br />

den skubbar jord over bilde.<br />

Hildegunn Dale (f. 1974) Dale var i fleire år ein markant diktar i Bergens poetiske undergrunn<br />

før den etterlengta debuten i 2003. Dale er frå Modalen og bur på Sotra utanfor Bergen. Ho<br />

har hovudfag i litteraturvitskap frå Universitetet i Bergen og har gått på<br />

Skrivekunstakademiet i Hordaland<br />

LYRIKK | Pris ca. kr 249,- | ISBN: 9788252174113 | Utg. september


DANIEL DANIS: TRE STYKKE<br />

Stor samtidsdramatikk for første gong på norsk<br />

Stykka til Daniel Danis er forteljande og lesbare, men òg<br />

underlege med eit draumeprega, brutalt og fantasirikt språk.<br />

Danis dreg vekslar på den psykologiske dramatradisjonen så vel<br />

som eldre forteljartradisjonar med tydelege spor av kanadisk<br />

natur og<br />

urfolktradisjon. Dramatikken hans har mellom anna fått<br />

merkelappen minneteater. Danis skildrar ofte karakterar plaga<br />

av kaos og minne frå tragiske hendingar som prøver å forsone<br />

seg med ei samtidig verd som har mista sine symbolske<br />

landemerke.<br />

Dette er første gongen denne unike dramatikken blir presentert i bokform på norsk, og<br />

omsetjar Margunn Vikingstad har samla tre av dei viktigaste stykka til Danis: Tungekyssa til<br />

steinhundar, Seie-seiarens song og Oske av stein.<br />

Daniel Danis (f. 1962, Canada) har sidan debuten i 1993 stått fram som ein av dei mest<br />

særeigne dramatikarrøystene i verda. Stykka hans er mykje spelt og er blitt utmerka med<br />

fleire prisar.<br />

DRAMATIKK | Pris ca kr 249,- | ISBN: 9788252176148 | I sal


KRISTINA LEGANGER IVERSEN [DEBUTANT]:<br />

HJARTEMEKANIKK<br />

Sterke dikt om tap frå debutant<br />

I den eine augeblinken er dei på veg til stranda for å bade, i<br />

neste augeblink blir dei påkøyrde av ein bil. I denne<br />

diktboka flyttar vi oss mellom fire tidsplan: Starten på ein<br />

sambuarskap, ulykkesdagen, sjukehusopphaldet og tida<br />

etterpå. I varierte tekstar, frå poetiske sekvensar til små<br />

forteljingar og dialogar blir vi kasta att og fram mellom<br />

kjærleik og sorg, glede og sakn. Hjartemekanikk er ei bok om det som kunne ha vore, og<br />

om å vere den som blir åleine med minna.<br />

telefonsvarar, det hender<br />

eg ringer deg<br />

det sprakar<br />

håra reiser seg<br />

mot trommehinna<br />

når du løftar av røyret<br />

hallo<br />

Kristina Leganger Iversen (f. 1989) er frå Åsane, men bur no i Oslo. Ho studerer<br />

litteraturvitskap ved UiO, er redaktør av litteraturtidsskriftet Lasso og sit i bladstyret til<br />

Mål og Makt. Hjartemekanikk er den første boka hennar.<br />

LYRIKK | Pris ca. kr 259,- | ISBN: 9788252178050 | Utg. september


Far. Det var ei bølgje.<br />

Far. Eg mista båten.<br />

Eg seilte flyet<br />

med vinden opp i treet.<br />

Eg stod på eplestolen.<br />

Eg såg den svake stjerna.<br />

Uhørleg som eit fotografi.<br />

Bad nokon si sol<br />

bli ved. Sol. Eg ser<br />

einsfarga ut<br />

når eg er stille.<br />

Det er min hestestyrke.<br />

JULIANE RUI: DEN HESTEN ER AV SNØ<br />

Overbevisande lyrikkdebutant<br />

Denne strålande diktboka gir lesaren ei unik kjensle av å vere<br />

med inn i det umiddelberre, til ei verd der erfaringar, minne,<br />

observasjonar og opplevingar blir sett ord på. Juliane Rui skriv<br />

fram ein levande lyrikk, som prøver seg fram, nøler, lyttar, og<br />

går vidare, i eit rom som utvidar seg for kvar lesing. For dei<br />

flotte, overraskande formuleringane og dei slåande bilda vil<br />

garantert få lesaren til å vende tilbake til boka og til å gle seg<br />

til resten av denne spennande forfattarskapen.<br />

Juliane Rui (f. 1982) kjem frå Vestfold og Telemark, og bur for tida i Bergen. Den<br />

hesten er av snø er den første boka hennar.<br />

LYRIKK | Pris ca. kr 259,- | ISBN: 9788252178081 | Utg. september


FINN ØGLÆND: LIRUM LARUM<br />

Utgangspunktet for den nye samlinga til Finn Øglænd er at<br />

poeten opplever å runde 50. Vissa om at han no definitivt<br />

oppheld seg i middelalderen, medverkar til å kaste både sollys<br />

og skugge over diktarens rørsler på jorda. Ei ny og sterk<br />

livsbejaing slåst om plassen med gammalmannsfilosofiane. Og<br />

som vanleg held diktaren dommedag over seg sjølv, med ironi<br />

og sjølvkritikk. Dette er ei ganske typisk Øglænd-samling, med<br />

andre ord. Ei plate med mørk kokesjokolade – rute for rute med bittersøte dikt om alt<br />

forfattaren hatar å elske.<br />

I dag klypte eg nokre grå hårstrå vekk<br />

frå tinningen. Ansiktet mitt<br />

er ikkje lenger ungt.<br />

Men dei grøne trea gir både skugge og ly.<br />

Eg likar å sjå mi kjære vatne blomane eg ikkje veit namnet på.<br />

Håret mitt er ennå ikkje kvitt.<br />

I eplehagane skal frukt falle ned til <strong>hausten</strong>,<br />

og under utelampane skal myggen virre rundt som i ein rus.<br />

Finn Øglænd (f. 1957) er frå Stavanger. Han debuterte med diktsamlinga Det opplyste<br />

landskapet i 1983 og har gitt ut bøker innafor ei rekkje sjangrar. Øglænd er òg aktiv som<br />

kritikar og essayist.<br />

LYRIKK | Pris ca. kr 259,- | ISBN: 9788252179279 | Utg. oktober


TIL ERINDRING<br />

Omrisset av eit klungerblad teikna<br />

På eine sida av eit lite papir<br />

Som har eit klungerblad berre skravert<br />

På den andre sida.<br />

Omrisset tynt og tydeleg.<br />

Skraveringa flat og utflytande.<br />

Ein ser ikkje begge samtidig,<br />

Men skjønar det må ha vore<br />

Den same som stod bak begge. Same<br />

Kva som er fram- eller bakside.<br />

Kanskje er det difor ein hugsar<br />

Begge som vakre.<br />

Klungeren og amatøren.<br />

EINAR ØKLAND: SMIL UTAN SMILAR<br />

Ny diktbok frå Einar Økland!<br />

Smil utan smilar er ei mangfaldig og overraskande bok, til<br />

ettertanke og til å smile av. Geografien i boka strekkjer seg frå<br />

Glomma til Sahara, og vi får lese om alt frå alderdom og<br />

kjærleik til kamelar og ørkengudar. Bli med gjennom nålauget,<br />

til Einar Øklands oasar!<br />

Einar Økland (f. 1940) er ein av dei mest allsidige og originale forfattarane i norsk litteratur.<br />

Han har sidan debuten i 1963 gitt ut nærmare 80 bøker innafor dei fleste sjangrar og<br />

motteke ei lang rekkje prisar, m.a. Doblougprisen i 2000 og Gyldendalprisen i 2006.<br />

LYRIKK | Pris ca. kr 269,- | ISBN: 9788252179361 | Utg. september


BØKER FOR BARN OG UNGDOM:<br />

Biletbøker 2 – 6 ÅR:<br />

BJÖRK BJARKADOTTIR: KOM, LA OSS LAGE FEST!<br />

Engasjerande for dei minste<br />

Dyra i Solskinskogen liker å lage fest, og er veldig flinke til å<br />

hjelpe kvarandre. Men den dagen dei skal ha vårfest, er det<br />

mykje som ikkje går etter planen. Lesaren må rett og slett<br />

hjelpe til om det skal bli nokon fest i det heile!<br />

Barnet må vekkje dyra som forsøv seg, blåse på snabelen når<br />

elefanten slår seg med hammaren, og på rumpa til sebraen som har brent seg på bålet. Til<br />

slutt kan frosken spele opp til fest, og barnet får syngje.<br />

Dette er ei bok som både aktiviserer og engasjerer, med praktfulle fargesterke illustrasjonar<br />

og mange rare og fine dyr. Enkel og kommuniserande tekst i reglestil – ei bok med<br />

umiddelbar appell!<br />

Björk Bjarkadottir (f. 1971) er frå Island, og bur no i Oslo. Ho har tidlegare gitt ut ei rekkje<br />

biletbøker på norsk.<br />

BILETBOK | Pris ca. kr 199,- | ISBN: 9788252178678 | Utg. september


CAMILLA LUNDSTEN: VESLEFANTENS REKNEBOK<br />

Rekne- og teljebok for dei yngste<br />

Peikebøkene om Veslefanten har blitt svært populære, og<br />

no følgjer Camilla Lundsten opp med ei teljebok for dei<br />

yngste, midt i blinken for aldersgruppa 2‒5 år.<br />

Dette er ei bok som inspirerer til å drive kvardagsrekning<br />

saman med barnet, og gjere talforståing og utforsking til ein<br />

leik. Alt som finst i dei nære omgivnadene til barn, kan i prinsippet teljast, målast og<br />

samanliknast, og ungar elskar å få oppgåver dei kan løyse!<br />

I tillegg til tal og enkel rekning vil dei lære seg om omgrep som størst og minst, ting som er<br />

like, ting med same storleik osv.<br />

Camilla Lundsten (f. 1972) er illustratør og designar. Nyleg vann ho det svenske designrådets<br />

pris for ny design på Brios klassiske leiketøy.<br />

BILETBOK | Pris ca. kr 159,- | ISBN: 9788252179583 | Utg. september


ANNA R. FOLKESTAD: HENRIK AND<br />

Humoristisk om å finne seg sjølv<br />

Henrik And er ei and. Ei heilt vanleg and, med ein heilt vanleg<br />

draum. Han vil vere noko anna. For om han var noko anna, ville<br />

han kunne gjere heilt andre ting, og alt ville vore annleis. Men<br />

han må tenkje seg nøye om, kva han vil vere … Kanskje ein<br />

katt? Eller ein sjiraff?<br />

Henrik And har ein enkel tekst med regleelement og gjentakingar, slik ungar elskar. Dei vil òg<br />

fryde seg over alle dei merkelege dyra i boka, alle saman har nemleg hovudet til Henrik And.<br />

Enkle, fargesterke illustrasjonar i collageteknikk.<br />

Anna R. Folkestad (f. 1983) er frå Stord. Dette er den første boka hennar.<br />

BILETBOK | Pris ca. kr 229,- | ISBN: 9788252179576 | Utg. september<br />

RUTH LILLEGRAVEN OG INGER LANDSEM (ILL.): MARI OG<br />

MAGNUS FLYTTAR INN<br />

Ny småbarnserie!<br />

Første boka i serien om Mari og Magnus, ein ny småbarnsserie<br />

for aldersgruppa 3‒6 år. Dette er enkle historier med<br />

gjenkjennelege tema og illustrasjonar, eit sjarmerande nynorsk<br />

alternativ til seriar som Karsten og Petra.<br />

Mari og Magnus er sysken. Mari er fem år, og Magnus er<br />

nesten fire. I den første boka har dei nettopp flytta inn i eit nytt hus. Det står kassar overalt,<br />

og ingen finn sakene sine. Kor har for eksempel bamsen til Magnus blitt av? Mens dei leitar,<br />

kjem ein ny flyttebil til køyrande. Det er dei som skal bu i den andre halvdelen av huset, som<br />

har stått tom. Kanskje Mari og Magnus får nokon å leike med?<br />

Dei to neste bøkene i serien kjem i 2012.<br />

Ruth Lillegraven (f. 1978) debuterte med den kritikarroste diktsamlinga Store stygge dikt i<br />

2005. Bøkene om Mari og Magnus er dei første barnebøkene hennar. Ruth Lillegraven er frå<br />

Hardanger og bur no i Bærum.<br />

Inger Landsem (f. 1950) har illustrert ei lang rekkje barnebøker og skulebøker. Ho jobbar òg<br />

som biletkunstnar og har mange utstillingar bak seg.<br />

BILETBOK | Pris ca. kr 159,- | ISBN: 9788252179811 | Utg. november


ELISABETH BAGULEY OG MARION LINDSEY (ILL.):<br />

KLAR, FERDIG, SPØK!<br />

Skummelsøt spøkelseshistorie for dei minste<br />

Børre er berre eit bittelite spøkelse. Han vil så gjerne spøke<br />

like bra som dei store, men er redd for skumle skogar og<br />

skremmande slott. Om han berre kunne finne eit hyggeleg<br />

lite hus å spøke i! Børre drar ut for å leite, og på vegen må<br />

han gøyme seg for ein ulande ulv, ein kvesande slange og<br />

ein brølande drake. Det blir litt huttetu-skrekk-og-gru skummelt, men går heldigvis bra. Og<br />

til slutt finn han eit bittelite slott som treng eit bittelite, kongeleg spøkelse. ”Skumle-meg,<br />

skrem-meg”, seier Børre, no treng han aldri kjenne seg for liten meir!<br />

Ei søt og rygg-sitrande godnatt-historie om å overvinne frykt og finne ein stad å kjenne seg<br />

trygg.<br />

Frå engelsk ved Ragnar Hovland og Erle Stokke<br />

Elizabeth Baguley er lærar og forfattar med ei rekkje populære småbarnsbøker bak seg.<br />

Marion Lindsay er utdanna barnebokillustratør frå Cambridge School of Art og har fått<br />

mellom anna fått prisen Egmont Best New Talent. Begge bur i Storbritannia.<br />

BILETBOK | Pris ca kr 159,- | ISBN: 9788252179743 | I sal


BARNEBØKER 6 – 9 ÅR:<br />

TERESA GRØTAN: KLARA KAN – MYKJE RART OM KLEDE!<br />

Sjarmerande og lærerik serie om alt Klara kan<br />

Visste du at silke er laga av ormespytt og fleece av resirkulert<br />

plast? Eller kor mange sauer ein treng for å få ull nok til eit<br />

sofapledd? I denne boka får du vite mykje rart om noko så<br />

kvardagsleg som kva klede er laga av. Og det gjer du fordi Klara er<br />

ei jente som lurer på mykje rart!<br />

Men når Klara fortel om alt det rare klede kan vere lagd av, er det ingen på skulen som trur<br />

henne. Då er det godt å ha ei storesøster som hjelper Klara i jakta på bevis …<br />

Boka er den første i ein planlagt serie som på ein levande og morosam måte formidlar<br />

spennande kunnskap om ting som omgir barn i kvardagen.<br />

Boka er gjennomillustrert av Ella Okstad, og eignar seg både for høgtlesing og å lese sjølv.<br />

Teresa Grøtan (f. 1974) er journalist og har tidlegare gitt ut Globaliseringsboka. Ho er frå<br />

Stokmarknes i Vesterålen og bur i Bergen.<br />

6-9 ÅR | Pris ca. kr 198,- | ISBN: 9788252178449 | Utg. august


LARS MÆHLE: HARRY OG IVARS DETEKTIVBYRÅ<br />

Ny, eksplosiv bok om heltane Harry og Ivar<br />

Harry og Ivar er to karar i sin beste alder, og no har dei starta<br />

detektivbyrå. Når skrinet med Leonardo da Vincis store løyndom<br />

blir stole frå bymuseet, får dei ei utfordring dei ikkje kan seie nei<br />

til.<br />

Godt nytt: Museumsdirektøren har lova finnarlønn til det<br />

detektiv-laget som løyser saka. Og Ivar får hjelp av oppfinnaren Toni Invento og dottera Siv.<br />

Dårleg nytt: Laget til Harry, HARRYS GRANDIOSA DEKTEKTYVBYRÅ, går for ei anna sak. Dei vil<br />

finne travhesten Halte-Blessen, som er kidnappa frå Lady Rosalind Pettersen.<br />

Berre éin ting er sikkert: Her er det ugler i termosen!<br />

Dette er den fjerde boka i serien om Harry og Ivar, og er illustrert av Per Dybvig.<br />

Lars Mæhle (f. 1971) kjem frå Sunndalsøra på Nordmøre. Han har skrive fleire bøker for barn<br />

og unge, og fekk sitt store gjennombrot med fantasyromanen Landet under isen i 2009.<br />

Ungdomsboka Keeperen til Tunisia blei filmatisert med stor suksess i 2010 (Keeperen til<br />

Liverpool).<br />

6–9 ÅR | Pris ca. kr 199,- | ISBN: 9788252179828 | Utg. november


TONE NØRVÅG, ODD HENNING SKYLLINGSTAD (ILL.):<br />

POLITIHUNDEN FALK TIL TENESTE!<br />

Sjarmerande etterforskarpar i ny politiserie<br />

Ei lettlesen og spennande bok om politihunden Falk, som bur<br />

saman med politidama si, Hanne, og familien hennar. Etter lang<br />

tid med opplæring skal Falk endeleg ha sin aller første dag på<br />

jobb, og han får bruk for alt han kan!<br />

Dette er den første boka i ein planlagd serie som skal formidle politiets arbeid gjennom<br />

etterforskarparet Falk og Hanne og ulike oppdrag dei får. Denne gongen har det vore<br />

hærverk på skulen, og nokon har velta gravsteinar på kyrkjegarden. Kven står bak?<br />

Tone Nørvåg jobbar som politi på Sunnmøre og kjenner stoffet sitt godt. Ho skildrar både<br />

politiarbeidet og livet med hund med innsikt og humor, og det er tydeleg at ho elskar begge<br />

delar.<br />

Boka er gjennomillustrert av teikneserieskapar og illustratør Odd Henning Skyllingstad, og<br />

midt i blinken for både gutar og jenter i alderen 8‒10 år.<br />

9–13 ÅR | Pris ca. kr 179,- | ISBN: 9788252178432 | Utg. september<br />

SIGNE OLAUG PEDERSEN, MONA BREKKE (ILL.):<br />

MYSTERIET MED TRENINGSNARKOMANEN<br />

Ei lettlesen spenningsbok<br />

Herman og Simen tykkjer det å sjå på jentene i garderoben og å<br />

stele pærer er mykje meir spennande enn å gjere lekser. Men når<br />

Herman blir kjend med Anna, som eig pæretreet, byrjar ting å<br />

skje. Nede i kjellaren til Anna driv soneson hennar med mystiske<br />

ting. Og ein dag dukkar også Stina frå klassen opp hos Anna. Saman må Stina og Simen finne<br />

ut kva som skjer i kjellaren til Anna, og kven det er som bankar henne opp.<br />

SIGNE OLAUG PEDERSEN (f. 1959) er frå Aurland. Ho debuterte som barnebokforfattar i 2010<br />

med Sprett i håret – sug i magen.<br />

10-12 år | Pris ca. kr 179,- | ISBN: 9788252179644 | Utg. oktober


MARIA PARR: VAFFELHJARTE (DOBBELTOPPSLAG PÅ DENNE)<br />

MED FOTO FRÅ FILMEN, nrk SUPER LOGO OG FOTO AV MARIA –<br />

EG SENDER<br />

Boka som varmar alle små vaffelhjarte!<br />

Vaffelhjarte har blitt ein klassikar, og i haust kjem forteljinga<br />

om Trille og Lena som tv-serie på NRK BarneTV.<br />

«Lena er den beste vennen min, sjølv om ho er jente. Eg har aldri<br />

sagt det til henne. Det tør eg ikkje, for eg veit ikkje om eg er beste vennen hennar. Av og til<br />

trur eg det, og av og til trur eg det ikkje.»<br />

Trille og Lena er to svært oppfinnsame niåringar. Lena er tøff og nesten ikkje redd for nokon<br />

ting. Men ho er ikkje spesielt sterk heller, alle slår henne i handbak, og det kan hende at<br />

Trille må redde livet hennar. Trille er glad i Lena og ønskjer seg at ho skal seie at han er<br />

bestevennen hennar. Men Lena gjer det aldri, og av og til lurer Trille på om ho kanskje har<br />

eit hjarte av stein. Det kan iallfall verke slik.<br />

I Vaffelhjarte følgjer vi dei to gjennom liv og vaffelrøre i eit heilt år.<br />

Morosamt og lett skriv Maria Parr om glede og alvor, venskap og sorg og om lengten etter å<br />

vite heilt sikkert at den du er glad i er like glad i deg. Hjartevarmande!<br />

Illustrert av Bo Gaustad.<br />

Maria Parr (f. 1981) er norsk barnelitteraturs nye superstjerne! Ho debuterte med<br />

Vaffelhjarte i 2005, og fekk sitt store gjennombrot med Tonje Glimmerdal i 2009, som ho blei<br />

tildelt både Brageprisen, Teskjekjerringprisen og Kritikarprisen for.<br />

Bøkene til Parr er omsette til ei rekkje språk, og trass sin unge alder har ho alt vunne fleire<br />

litterære prisar enn dei fleste andre forfattarar gjer i løpet av eit heilt liv. Ho har blitt<br />

samanlikna med både Johanna Spyris (Heidi) og Astrid Lindgren.<br />

Parr er frå Fiskå i Vanylven. Ho har mastergrad i nordisk litteratur frå Universitetet i Bergen<br />

og studerer no ved Høgskulen i Volda.<br />

6-9 ÅR | Pris ca. kr 179,- | ISBN: 9788252179774 | Utg. september


KOMET:<br />

SIGRID MERETE HANSSEN:<br />

DETEKTIV SMARTBART OG SABOTASJEN PÅ BADET<br />

Ein vakker sommardag blir dei tre søskena Korneliussen vekt av<br />

eit stort brøl. Faren deira, Kyrre Korneliussen, eller Oberst<br />

Dobørst<br />

som ungane gjerne kallar han, har sett seg lei på alt rotet som har<br />

samla seg i huset. No er det nok! Mens Obersten dreg på<br />

kjøpesenter<br />

for å handle, skal barna få huset blåst. Alle må hjelpe til, også<br />

vesle<br />

Hagbart, som alltid søler knekkebrødsmular i sofaen og er redd for<br />

støvsugaren.<br />

Ikkje alt går som planlagt. Nokon prøver å sabotere Operasjon Husvask, og alle spor peikar i<br />

retning av Hagbart. Dette er heilt klart ei sak for Detektiv Smartbart.<br />

Ei lettlesen og fantasifull bok som dei fleste barn lett kan kjenne seg igjen i.<br />

Sigrid Merethe Hanssen (f. 1966) debuterte i 2007 med novellesamlinga Sprang, ei bok ho<br />

fekk Blixprisen for. Etter å ha gitt ut Ingen heime i 2009, fekk ho Sigmund Skard-stipendet for<br />

«starten på ein original, solid og spennande forfattarskap». Med historia om den hemmelege<br />

Detektiv Smartbart debuterer Hanssen no også som barnebokforfattar. Hanssen bur på<br />

Finnsnes.<br />

KOMET BARN| Pris ca. kr 199,- | ISBN: 9788252179651 | Utg. oktober


GRØN KOMET:<br />

ATLE BERGE OG HENNING LYSTAD (ILL.):<br />

BARCELONAGJENGEN<br />

Ny fotballserie!<br />

Barcelona-gjengen er ein lettlesen fotballserie som tek<br />

fotball på alvor og set spelet i sentrum. Det handlar om<br />

gutar som satsar, om sleivspark, magiske pasningar og trenarar som vil vinne for kvar pris.<br />

9-åringane på Komet I.L. speler alltid kamp med Barcelonadrakter under dei kvite Komettrøyene.<br />

Og det er det spanske topplaget som er heltane deira, ikkje<br />

femtedivisjonsspelarane på Komet sitt A-lag.<br />

Atle Berge (f. 1986) er frå Hjelmtveit i Nordhordland. Han debuterte med romanen<br />

Muntergang i 2010. Bøkene om Barcelonagjengen er dei første barnebøkene hans.<br />

BIRK OG BARCELONAGJENGEN<br />

I den første boka i serien er Birk ny i byen og på leit etter nokon å<br />

spele fotball med. Etter å ha bede helten Messi om hjelp møter han<br />

Barcelonagjengen, seks gutar som er minst like glade i fotball og<br />

Barcelona som han sjølv. Men har dei plass til ein ny spelar på laget?<br />

Birk må verkeleg vise kva han er god for!<br />

KOMET | Pris ca. kr 149,- | ISBN: 9788252178531 | Utg. september<br />

ALLE MANN I FORSVAR<br />

Barcelonagjengen skal spele mot Storebø, det einaste laget i byen dei<br />

aldri har vunne mot. Men når trenarane bestemmer at dei skal spele<br />

alle mann i forsvar, må Leo gjere opprør. Trenarane er nemleg<br />

foreldra hans, og han må få dei til å forstå at Barcelonagjengen hatar<br />

å spele feigt.<br />

KOMET | Pris ca. kr 149,- | ISBN: 9788252178548 | Utg. september


OPPTRYKK, BARN:<br />

RAGNAR HOVLAND OG PETER SHCÖSSOW (ILL.):<br />

BJØRNEN ALFRED OG HUNDEN SAMUEL<br />

Ein moderne klassikar!<br />

Bjørnen Alfred og hunden Samuel vaknar ein morgon og finn seg<br />

sjølve attgløymde i ein pappkartong. Dei hugsar Før i Tida, då<br />

Ole-Martin tok dei med i senga og ein som heitte Gerhardsen<br />

styrte landet. Men kor er dei no? Dei to tøydyra må ut i verda for<br />

å leite …<br />

Ragnar Hovlands prislønte bok om dei to tøydyra som dreg ut i<br />

verda, er ein moderne klassikar. No kjem denne flotte<br />

fargeillustrerte utgåva endeleg i nytt opplag, etter å vore utseld ei tid.<br />

Ragnar Hovland (f. 1952) er ein av våre mest prislønte og produktive forfattarar. Han har<br />

skrive 14 bøker for barn og ungdom, og Bjørnen Alfred og hunden Samuel vann Nynorsk<br />

barnebokpris 1994. Den illustrerte utgåva var nominert til Deutscher Jugendbuchpreis i<br />

1997.<br />

BILETBOK | Pris kr 169,- | ISBN: 9788252160529 | I sal


BARBRO LINDGREN: DEN STORE BOKA OM DEN VILLE UNGEN<br />

Populær samlebok til glede for nye ville unger!<br />

Fan-klubben vil juble, og alle andre har uante lykkestunder i<br />

vente når historiene om Den ville ungen kjem på nytt! Dei tre<br />

bøkene om den ville ungen gjekk rett til hjartet på store og<br />

små biletbok-elskarar då dei kom på norsk på 1980-talet.<br />

I Den store boka om den Ville ungen har vi samla historiene<br />

Mamma og den ville ungen, Den ville ungen reiser og Den ville<br />

ungen får hund.<br />

Barbro Lindgrens sprelske tekst på rim og Eva Erikssons skildringar av ungen i dei villaste<br />

situasjonar, er no for klassikarar å rekne. Det er på høg tid at ein ny generasjon barn,<br />

foreldre og besteforeldre får del i desse bokgledene!<br />

Barbro Lindgren (f. 1937) er svensk forfattar kjend for sine populære barne- og<br />

ungdomsbøker, mellom anna bøkene om Benny og om den ville ungen.<br />

BILETBOK | Pris ca. kr 229,- | ISBN: 9788252163001 | I sal


UNGDOM:<br />

SUNNIVA RELLING BERG [DEBUTANT]: UTFOR<br />

Mørk og medrivande roman<br />

Saman med foreldra flyttar Lea frå byen til ei lita øy i havgapet, i eit<br />

hus for seg sjølv på det høgste punktet på øya.<br />

Ho møter naboguten Jonas, og dei utviklar ein vennskap. Men det er<br />

noko som ikkje stemmer på den vesle øya. Dei andre ungdommane<br />

vil ikkje ha noko med Jonas å gjere, og Lea blir dregen inn i ein<br />

konflikt som ho ikkje forstår noko av. Ho må ta eit val. Og ho må finne ut kva det er alle på<br />

øya går og teier om.<br />

Ei ungdomsbok om ei jente som er flink i matematikk, men dårleg på vennskap, ei bok om å<br />

bli tvinga til å ta vanskelege val, om korleis det kjennest å falle utfor eit stup.<br />

SUNNIVA RELLING BERG (f. 1988) kjem frå Ålesund og bur i Bergen. Utfor er den første boka<br />

hennar.<br />

UNGDOM | Pris ca. kr 249,- | ISBN: 9788252179026 | Utg. oktober


MAGNHILD BRUHEIM: BLOD PÅ HENDENE<br />

Brennaktuell og spennande krim for ungdom<br />

Kari Marie Eiker (Kami, blant venner) er med i ei aktivistgruppe som<br />

nattetid tek seg inn på pelsdyrfarmar, for å avsløre industrien.<br />

Kampen mot pelsdyroppdrett får stadig breiare støtte etter kvart<br />

som media viser bilete av dyr som lir. Like etter ein aksjon blir Kami<br />

kontakta av ein ukjend mann som følgjer godt med på alt ho gjer.<br />

For henne blir situasjonen etter kvart meir truande.<br />

Samtidig får ei jente frå ein av farmane anonyme meldingar der det står: Du har også blod på<br />

hendene!<br />

Blod på hendene er den fjerde boka i den populære serien om Kami og Bente. Ei krimbok for<br />

ungdom, med spenning frå første til siste side, og med aktuelle tema som kamp mot<br />

pelsindustrien og mobbing.<br />

MAGNHILD BRUHEIM (f. 1951) debuterte med kriminalromanen Varselet i 1997 og har sidan<br />

skrive fleire bøker både for vaksne og ungdom. Bøkene Ny melding (2003), Venneringen<br />

(2007), På flukt (2010) og Blod på hendene (<strong>2011</strong>) utgjer ein populær serie for ungdom, om<br />

Bente og Kami som hamnar i farlege situasjonar. Bruheim er frå Skjåk i Gudbrandsdalen og<br />

er busett på Lillehammer.<br />

UNGDOM | Pris ca. kr 249,- | ISBN 9788252179613 | I sal


SIGRI SANDBERG MELØY: KLIMABOKA<br />

For alle som vil bli nærare kjende med framtida<br />

Veit vi det ikkje no? At Nordpolen smeltar, at vêret blir villare og<br />

våtare. At fleire millionar menneske treng snorkel når landet<br />

deira forsvinn under vatn. Samstundes ser ein i media at det er<br />

mindre forureining enn ein hadde trudd. Forskarar finn feil i FNs<br />

klimarapportar. Og så kjem ein iskald vinter, og vi står her, som<br />

forvirra spørsmålsteikn. For kva er det som skjer?<br />

Sigri Sandberg Meløy har skrive ei subjektiv debattbok. Ho tek oss<br />

bokstavleg talt med på klimacruise, til nordområda, der klimaspørsmåla spissar seg til. Ho<br />

styrer innom alle dei brennaktuelle problemstillingane, og sneiar borti både isbjørn,<br />

klimamodellar, satellittar, kinesarar, drivhuseffekten, ny forsking og forhatte journalistar.<br />

Skrivinga hennar er både frekk, audmjuk og ærleg. Målet er å bli litt klokare – utan å bli<br />

klimadeppa.<br />

Og heilt til slutt får mellom anna statsminister Jens Stoltenberg, miljø- og utviklingsminister<br />

Erik Solheim, FrP-leiar Siv Jensen og ungdomar i Longyearbyen svare på kva som bør gjerast.<br />

Sigri Sandberg Meløy er forfattar og journalist. Ho debuterte som barnebokforfattar i 2009<br />

med den eksplosive og fabulerande biletboka Ballongmamma. I 2006 gav ho ut intervjuboka<br />

Kjærleikar, der ho lèt 20 vanlege og unike menneske fortelje om draumar, forventningar og<br />

erfaringar. Same året kom polfarardokumentaren Cecilie Skog og de tre polene. Meløy bur i<br />

Longyearbyen på Svalbard.<br />

UNGDOM | Pris ca kr. 179,- | ISBN 9788252178142 |Utg. august


ROBERT MUCHAMORE: DRAPET<br />

Denne serien MÅ lesast!<br />

I tre tiår har Leon vore ein småkjeltring som ikkje har stukke seg ut,<br />

men plutseleg begynner han å strø om seg med pengar, og politiet<br />

lurer veldig på kor dei kjem frå. Dei tilkallar CHERUB, den<br />

hemmelege organisasjonen som har ein heilt spesiell fordel: Heller<br />

ikkje garva forbrytarar får mistanke om at barn og ungdommar<br />

spionerer på dei.<br />

Det siste oppdraget til James kan verke rutinemessig: Han skal bli<br />

venn med barna til Leon, infiltrere heimen hans og finne nokre leietrådar. Men det James<br />

begynner å nyste opp, er noko heilt uventa. Og det verkar som om den einaste som kanskje<br />

veit sanninga, er ein einsam atten år gammal gut.<br />

Det er berre eitt problem. Guten fall ned frå eit hustak og døydde for eit drygt år sidan.<br />

«MI5 for barn i brutal og tøff ny serie *…+ Den har et driv og ungdommelig humor som gjør at<br />

unge lesere fort vil komme inn i handlingen, og glemme sine eventuelle motforestillinger<br />

mot nynorsk.»<br />

CATHRINE KRØGER, Dagbladet<br />

ROBERT MUCHAMORE (f. 1972) er engelsk forfattar. Han arbeidde i tretten år som<br />

privatdetektiv før han skreiv bøkene i CHERUB-serien, som omfattar 12 bøker.<br />

Omsett til norsk av Øystein Rosse.<br />

UNGDOM| Pris ca. kr 179,- | ISBN: 9788252175448 | I sal


ASBJØRN RYDLAND: MED ELD I HJARTET. DRAKEGUTEN 2<br />

Dramatisk oppfølgjar om Drakeguten<br />

I den første boka i fantasyserien Drakeguten blei Koll feira som ein<br />

helt. Han nedkjempa den fredlause Olvar Reveskinn og sikra<br />

landsbyen tilgang til skatten i drakehola. Men berre Koll sjølv veit<br />

den vonde sanninga om kva som skjedde i Søyleskogen, då han<br />

drap ein mann, og førte fleire i døden.<br />

I den andre boka i serien tek Koll den lange vegen til Vilkafjord for<br />

å motta dusøren for Reveskinnet. Her møter han 13 år gamle<br />

Eilyn som prøver å finne ut kven som stod bak drapet på bestefar hennar, ein viktig mann i<br />

Vilkafjords råd. Koll blir vikla inn i ein maktkamp på liv og død, og opplever på nytt korleis<br />

drakeelden han har i seg, fører ulykke med seg. Med ein rasande mobb og ein kaldblodig<br />

leigemordar i hælane har han snart ingen annan utveg enn å la flammane blusse opp igjen.<br />

Men lèt elden i hjartet seg styre?<br />

Asbjørn Rydland (f. 1976) er frå Seim i Hordaland og bur i Oslo.<br />

UNGDOM | Pris ca. kr 279,- | ISBN: 9788252178555 | Utg. oktober


TERJE TORKILDSEN: DYSTOPIA III<br />

Ny actionfylt bok i Dystopia-serien<br />

I den tredje boka i Dystopia-serien har 17-åringane Scott, Victor,<br />

Kristine og Deepika komme til Belgia. Utmatta etter vandringa<br />

gjennom det katastroferamma landskapet, finn dei til slutt ly i<br />

slottet til markien av Moulindam. Men ikkje før dei har komme seg<br />

i hus, begynner dramatiske ting å skje: Kokka blir funnen drepen,<br />

og det er uråd å få tak i hjelp ettersom telefonen ikkje verkar.<br />

Det blir opptakten til eit klaustrofobisk drama i rein cluedostil, der den eine etter den andre<br />

blir mistenkt, og fleire liv går tapt på vegen. Og midt i det hele skjønar Kristine at ho er<br />

gravid, og den elles så tøffe jenta balanserer på grensa til kva ho kan tole.<br />

Dystopia-serien er ein actionfylt spennande serie for utolmodige lesarar frå ca. 14 år og<br />

oppover.<br />

Terje Torkildsen (f. 1971) debuterte i 2008 med ungdomsromanen Marki Marco. I 2009 kom<br />

den første boka i spenningsserien DYSTOPIA.<br />

UNGDOM | Pris ca. kr 229,- | ISBN: 9788252175561 | I sal


POCKET UNGDOM:<br />

livsfarleg, og Marco må gå i dekning.<br />

TERJE TORKILDSEN: MARKI MARCO<br />

Uprisvinnaren frå 2009, no i pocketutgåve!<br />

Frå ungdomsjuryens grunngiving til Uprisen 2009:<br />

Kjærleik og action er viktige ingrediensar i denne eventyrlege<br />

thrilleren om 16-åringen Marco frå byen Moulindam. Ein morgon<br />

då han snik seg inn i slottsparken for å studere fuglelivet, oppdagar<br />

han ei naken kvinne som står og røykjer. Denne oppdaginga blir<br />

starten på den beste og verste sommaren i Marcos liv. Mafiaen,<br />

ein galen skogvaktar og Marcos næraste familie gjer situasjonen<br />

«Det vi ungdom ser etter i en god bok er spenning, godt språk, innlevelse, uforutsigbare<br />

hendelser, gode spenningskurver, originalitet og at boka omhandler ungdom. Vinnerboka<br />

inneholdt alle disse punktene.»<br />

«Debut i særklasse»<br />

Petra Helgesen, Bergens Tidende<br />

Terje Torkildsen (f. 1971) er frå Stavanger. Han debuterte i 2008 med ungdomsromanen<br />

Marki Marco. I 2009 kom den første boka i spenningsserien DYSTOPIA, den tredje boka i<br />

serien kjem i haust.<br />

POCKET | Pris kr 129,- | ISBN: 9788252179385 | I sal


ASBJØRN RYDLAND: DRAKEGUTEN<br />

Ny norsk fantasy - no i pocket!<br />

Stallguten Koll drøymer om å bli ein stor krigar og kunne gjere<br />

som han sjølv vil. Han må velje kven han skal stole på: den<br />

krigarske læraren sin, den gode faren, det griske landsbyrådet<br />

eller den underlege stemma han høyrer i nordavinden. Kan ein<br />

velje å ta det gode sitt parti, etter å ha vore med på å lage<br />

vondskap?<br />

Dette er den første boka serien om Drakeguten. Bok nummer 2 kjem ut i haust.<br />

«Rydland gjør to løfterike ting i sitt debutarbeid som umiddelbart forteller denne<br />

anmelderen at han har noe å fare med. For det første fremviser han en sterk litterær evne;<br />

mannen kan skrive. For det andre klarer han å gi det poetiske språket en relevans for oss<br />

som leser her og nå.»<br />

Marius Fossøy Mohaugen, barnebokkritikk.no<br />

Asbjørn Rydland (f. 1976) er frå Seim i Hordaland og bur i Oslo.<br />

POCKET | Pris ca. kr 179,- | ISBN: | Utg. oktober


SAKPROSA:<br />

Historie<br />

IDAR LIND: KVINNENE I RINNANBANDEN<br />

Ei ukjend kvinnehistorie<br />

Sydama Ragnhild Strøm var den første kvinna som vart verva av<br />

Henry Rinnan til tysk teneste. Heilt frå Rinnanbanden vart etablert<br />

på nyåret 1942, spelte kvinnene ei sentral rolle. Nesten ein<br />

fjerdedel av dei drygt 70 medlemmene var kvinner. Fleire av<br />

kvinnene som gjekk inn i arbeidet for Rinnan, trudde dei gjorde ein<br />

heiderleg innsats for motstandsrørsla. Andre sympatiserte ope med<br />

fienden. Idar Lind fortel historia om kvinnene i banden av angivarar, torturistar og<br />

drapsmenn, ei historie som ikkje er fortald før.<br />

Idar Lind (f. 1954) debuterte som romanforfattar med Stengde dører i 1983. Sidan den<br />

gongen har han skrive ungdomsbøker, kriminalromanar, historiske romanar, dramatikk og<br />

sakprosa, mellom anna Norrøn mytologi. Frå a til å. Lind er busett i Trondheim.<br />

HISTORIE | Pris ca. kr 349,- | ISBN: 9788252175158 | Utg. september


KRISTIN HATLEDAL: KVINNEKAMP. HISTORIA OM NORSKE<br />

MOTSTANDSKVINNER<br />

Ein livsfarleg kamp<br />

Historikaren Kristin Hatledal syner at norsk motstandskamp<br />

under krigen også var kvinnene sin kamp. 26 norske kvinner<br />

miste livet på grunn av motstandsverksemd, og alt frå husmora<br />

med 14 ungar til ungjenta på 15 år kasta seg inn i kampen mot<br />

okkupantane. Kristin Hatledal gir oss det breie biletet av norske<br />

kvinner sin innsats, samstundes som ho portretterer sentrale motstandskvinner som Anne<br />

Marie Breien, Dagmar Lahlum, Ingeborg Refling Hagen og systrene Helga og Aasta Stene.<br />

Kristin Hatledal (f. 1983) har mastergrad i historie frå Universitetet i Oslo. Masteroppgåva<br />

handla om Dagmar Lahlum. Hatledal kjem frå Stryn, men er busett på Lillestrøm.<br />

HISTORIE | Pris ca. kr 329,- | ISBN: 9788252179040 | Utg. september


SAMTID OG DEBATT:<br />

MARCEL ROSENBACH & HOLGER STARK:<br />

STATSFIENDE WIKILEAKS. KORLEIS EI GRUPPE HACKARAR<br />

UTFORDRAR VERDAS MEKTIGASTE NASJONAR<br />

Korleis kunne ei handfull nettaktivistar klare å ramme supermakta<br />

USA og<br />

andre så hardt?<br />

Etter lekkasjar av hemmelege rapportar frå amerikanske<br />

ambassadar og dokument om krigen i Afghanistan og Irak har den amerikanske regjeringa<br />

erklært WikiLeaks som statsfiende.<br />

Under den omstridde frontfiguren Julian Assange har gruppa utfordra USAs sikkerheit og<br />

omdøme på det sterkaste. No blir dei forfølgde med alle midlar.<br />

Korleis kunne ei handfull nettaktivistar klare å ramme supermakta USA og andre så hardt?<br />

Boka tar for seg personen Julian Assange, og kva som har drive han. Forfattarane Holger<br />

Stark og Marcel Rosenbach har følgt Assange og andre nettaktivistar i årevis, og også vore<br />

sentrale i Der Spiegel med WikiLeaks-avsløringane. Dei gir oss eit første overblikk over<br />

fenomenet og utviklinga av WikiLeaks, eit eksklusivt innsyn i hackerverda, og forklarer kvifor<br />

statsløyndomar aldri meir er trygge.<br />

Boka legg premissane for debatten om det nye ”mediedemokratiet”: Har folk flest rett til å<br />

vite statsløyndomar? Er WikiLeaks framtidas undersøkjande journalistikk, eller den farlegaste<br />

sida på Internett?<br />

Frå tysk ved Guro Sandnes.<br />

Marcel Rosenbach(1972) og Holger Stark(1970) er skrivande redaktørar i Spiegel, og har<br />

lang røynsle med journalistikk om media, datahacking og hemmeleg tenester. Dei har også<br />

jobba med WikiLeaks-avsløringar i Spiegel.<br />

DOKUMENTAR | Pris ca. kr 299,- | ISBN: 9788252179767 | Utg. oktober


SYLFEST LOMHEIM: TALE ER GULL<br />

Uventa utspel frå markant språkpolitikar<br />

Talen er for oss menneske vår avgjerande reiskap og det mest<br />

verdfulle vi har ‒ i privatlivet, i samfunnslivet og i yrkeslivet.<br />

Mennesket har plassert seg i eit triangel som består av tale, tekst<br />

og teknologi. Teknologibasert kommunikasjon er på frammarsj<br />

med stormsteg.<br />

Talen ‒ den fysiske, ansikt til ansikt ‒ blir gradvis meir marginalisert. Er vi laga for ei slik<br />

utvikling? Toler vi konsekvensane av det som skjer med oss og rundt oss? Aldri før har<br />

mennesket stått i ein slik situasjon ‒ mellom langsam biologi og eksplosiv teknologi.<br />

Sylfest Lomheim (f. 1945), professor i norsk og omsetjing ved Universitetet i Agder.<br />

I sju år gav han Språkrådet eit ansikt og ei røyst som uredd, humørfylt og markant direktør<br />

og debattant. Har gitt ut fleire bøker, m.a. Språkteigen, Skrifta på skjermen og Språkreisa.<br />

DEBATT | Pris ca. kr 299,- | ISBN: 9788252166491 | Utg. september<br />

BÅRD VEGAR SOLHJELL: SOLIDARITET PÅ NY<br />

Kva bekymrar deg mest for dine eigne barn i framtida?<br />

Om dei skal få nok pengar? Eller om dei skal ha vener,<br />

god helse og bli lukkelege som vaksne? I følgje SSB skal<br />

Noreg bli 2-3 gonger så rike dei neste 50 åra. Vår<br />

generasjons store utfordring er ikkje lenger å sikre at vi<br />

blir så rike som mogeleg. Vi må setje oss andre mål. I<br />

staden for at vi skal få meir, må vi sjå kva som kan gjere at vi får det betre.<br />

Dette er ei personleg farga historie om venstresidas og det raudgrøne prosjektet si framtid<br />

og grunngjeving. SV-nestleiaren skriv ærleg og innsiktsfullt om korleis tvil og dilemma kan og<br />

bør prege strategi og avgjerder i store og små saker.<br />

Ei modig og perspektivrik debattbok frå ein folkeleg sosialist. Ope og fordomsfritt kjem vi på<br />

innsida av det raudgrøne prosjektet; Ikkje i form av sladder, men refleksjonar kring det å<br />

regjere. Solhjell peikar ut sin visjon og retning for dette politiske kompromiss-<br />

eksperimentet, men også for sitt eige parti SV.<br />

Bård Vegar Solhjell (f 1971) frå Sunnfjord, Sogn og Fjordane, er utdanna statsvitar. Han har<br />

vore nestleiar i SV sidan 2007. Kunnskapsminister 2007-2009, sidan det parlamentarisk leiar<br />

for SV. Han er gift, har tre born og bur i Son i Akershus.<br />

DEBATT | Pris ca. kr 299,- | ISBN: 9788252178722 | Utg. november


ESSAY:<br />

JON FOSSE: ESSAY<br />

Fosse om teater og litteratur<br />

I 1989 gav Jon Fosse ut essaysamlinga Frå telling via showing til<br />

writing. Ti år seinare kom Gnostiske essay. Fosse sine essay har<br />

det lenge ikkje vore mogleg å få tak i. No er dei alle samla i éi<br />

bok, ei rik kjelde for den som vil bli kjend med Fosse sitt syn på<br />

mellom anna teater og litteratur, men òg med Fosse sjølv.<br />

I forordet til Gnostiske essay skriv Fosse: Eg gir ut mi andre<br />

samling essay, og sit og tenkjer at det i framtida nok ikkje burde<br />

koma så mykje essayistisk skrift frå meg, det vesle eg veit kan<br />

seiast betre i andre språk. Etter to essaysamlingar tok Fosse farvel med teorien. Han valde<br />

diktinga, men det hender han skriv noko meir teoretisk. Til slutt i denne boka finn du<br />

Skrivingas gnosis, eit Fosse-essay som ikkje tidlegare har vore publisert på norsk.<br />

Jon Fosse (f. 1959) blir rekna som ein av dei viktigaste norske forfattarane i vår tid. Tekstane<br />

hans er omsette til over 40 språk, og skodespela er sette opp snart 1000 gonger i heile verda.<br />

Fosse har<br />

motteke ei rekkje prisar i både inn- og utland, og er av kritikarar blitt omtalt som det 21.<br />

hundreårets<br />

Beckett.<br />

ESSAY | Pris ca. kr 299,- | ISBN: 9788252179705 | Utg. september


GEIR HJORTHOL:<br />

TILBAKETREKNINGA. LITTERATURENS POLITIKK I DAG<br />

SOLSTADS FORFATTARSKAP<br />

Korleis skal vi forstå forholdet mellom litteratur og politikk – i<br />

dag? Med analysar av bøker frå tre ulike tiår i Dag Solstads<br />

særeigne forfattarskap, undersøkjer Hjorthol korleis<br />

romanane hans, også etter samanbrotet i den revolusjonære<br />

utopien, er ein stad der det politiske kan dukke opp som nye<br />

måtar å sjå og skildre røynda på. Boka gjer synleg eit makt- og<br />

fridomsproblem som går som ein raud tråd gjennom heile forfattarskapen. Samtidig viser<br />

Hjorthol kor tett samanvoven den litterære forma er med den politiske og eksistensielle<br />

tematikken hos Solstad.<br />

Innleiing ved Tom Egil Hverven.<br />

Geir Hjorthol (f. 1952). Førsteamanuensis i nordisk litteratur ved Høgskulen i Volda. Dr.<br />

philos. <strong>2011</strong> ved NTNU på Dag Solstads forfattarskap. Tidlegare utgivingar: Populærlitteratur:<br />

Ideologi og forteljing (1995) og Forfattaren i eksil. Kjartan Fløgstad og biografien (1996).<br />

ESSAY | Pris ca. kr 329,-| ISBN: 9788252179880 | Utg. oktober


MARTA NORHEIM: FRIKSJONAR. ESSAY FRÅ KULTURELLE<br />

GRENSEOMRÅDE<br />

Om kritikk, kunst og litteratur<br />

Kritikaren Marta Norheim utforskar dei uklare sonene som<br />

dannar seg i skjeringspunkta<br />

mellom kunst og samfunn, mellom natur og kultur. Dette fører<br />

fram til spørsmal som: Kvifor er det såmange vampyrar i<br />

populærkulturen og så mange personlege historier i<br />

skjønnlitteraturen? Er den som likar dårlege bøker eit dårleg<br />

menneske, eller er det dei som tenkjer slik som er dei dårlege?<br />

Kva har skjedd når deltakaren oppfører seg som ein tilskodar, og korleis kan eg vite at ei bok<br />

er god? Blir vi overflatiske av å storforbruke sosiale medier eller blir vi berre meir sosiale?<br />

Kva er forresten gale med overflata? Og kva er i gjære når det misbrukte ordet natur tek til å<br />

dukke opp i samfunnsdebatten?<br />

Alle essaya er nyskrivne.<br />

Marta Norheim (f. 1955) er journalist og litteraturkritikar. Ho har arbeidd med ulike<br />

litteraturprogram i NRK radio, mellom anna Boktilsynet og Kulturnytt. I 2007 gav ho ut<br />

essaysamlinga Røff guide til samtidslitteraturen.<br />

ESSAY | Pris ca. kr 349,- | ISBN: 9788252179736 | Utg. oktober


GURI OG SIGRID SØRUMGÅRD BOTHEIM, KJERSTI OG INGRID<br />

ROGNES SOLBU (RED.): SØSKEN<br />

Ærlege og kjærlege tekstar om søsken<br />

Søskenforhold er eit grunnmotiv i litteratur og kunst, eit motiv<br />

som er nært knytt til store tema som kjærleik, sjalusi, tilhøyring<br />

og identitet. Boka Søsken undersøkjer søskenskapet frå ulike<br />

perspektiv: personleg, etymologisk, naturvitskapleg,<br />

skjønnlitterært og visuelt.<br />

Boka er eit samarbeid mellom <strong>Samlaget</strong> og tidsskriftet Ratatosk.<br />

Med bidrag frå: Gunnhild og Olav Øyehaug, Svein og Egil Nyhus, Vemund og Øyvind Solheim<br />

Ådland, Marte og Kirsti Huke, Anja og Mari Ulset, Kjersti Rorgemoen, Tomas Espedal, Juliane<br />

Rui, Henning Bergsvåg, Selma Lønning Aarø, Marita Liabø, Ero Karlsen, Vera Kvaal, Frode<br />

Grytten, Nina Goga, Hans Sande, Tor Eystein Øverås og mange fleire.<br />

Guri (f. 1978) og Sigrid (f. 1985) Sørumgård Botheim kjem frå Lesja og gav i 2009 ut<br />

romanen Rammstein pensionat. Dei bur i Trondheim og Oslo. Kjersti Rognes Solbu (f. 1979)<br />

bur i Bergen, er lærar og dagleg leiar i Landslaget for norskundervisning. Ingrid Rognes Solbu<br />

(f. 1985) bur i Trondheim og er produsent ved Teaterhuset Avant Garden.<br />

ESSAY | Pris ca. kr 299,- | ISBN: 9788252179637 | Utg. september


HUMOR:<br />

JON HJØRNEVIK: FLUKTA FRÅ REKKEHUSET<br />

Heldigvis er det alltid ein utveg på ting. Heldigvis har også den<br />

ofte nokså fengslande kvardagen tusenvis av utvegar. Du kan<br />

berre gå frå alt utan å gi beskjed, du kan stikke til fjells, til skogs ,<br />

eller til havs, du kan rømme inn i ei bok på tusenvis av sider , du<br />

kan flukte ned i ei flaske med noko sterkt, du kan forsvinne i ein<br />

fotballkamp, du kan drøyme deg vekk i ein pornofilm, du kan<br />

ringe til ein gamal slektning og sei at du kjem og blir nokre veker,<br />

du kan stele ein bil, du kan forlate verden i eit dikt, du kan gjere<br />

noko kriminelt og få politiet til å hente deg, du kan kjøpe deg eit tau, bli sjølvmordsbombar,<br />

du kan kle deg ut som julenisse, du kan hoppe av bussen, på eit busstopp eller i fart, du kan<br />

reisepå ferie og ikkje komme tilbake, du kan hoppa av karusellen, du kan hoppe av flyet ditt<br />

om det mellomlandar i Romania eller gifte deg vekk i Afrika utan å legge att så mykje som ein<br />

post-it lapp til næraste familie.<br />

Det er eigentleg enkelt å flukte, men ikkje for alle. Jon Hjørnevik har prøvd å flukte frå det<br />

meste her i livet, mellom anna overbetalte kjedelege jobbar, fjerne slektningar som vert for<br />

nære, snille kjærestar som vert for snille, alt for kåte hundar, illsinte tyskarar og godt isolerte<br />

rekkehus. Alt med blanda hell. Det har som regel enda med at han har flukta til eit nytt<br />

problem, og dette problemet gjentek seg. No har Jon Hjørnevik for femte gong rota seg vekk<br />

i ei diktsamling.<br />

JON HJØRNEVIK (f.1970) er frå Voss. Han er komikar og står bak fleire humoristiske diktbøker<br />

på <strong>Samlaget</strong>.<br />

HUMOR | Pris ca kr 229,- | ISBN: 9788252177343 | Utg. oktober


BIOGRAFI:<br />

ARNHILD SKRE: HULDA GARBORG – NASJONAL STRATEG<br />

«Hva ved de om mig alle disse som tror sig berettiget til at holde<br />

Tale for mig fordi jeg har danset lidt med nogen Ungdommer og<br />

især fordi jeg er Garborgs Kone? Ingenting.»<br />

Hulda Garborg (1862‒1934) tok oss på kornet i dagboka si. I<br />

denne rikt illustrerte biografien fortel historikar og journalist<br />

Arnhild Skre også om alt det andre Hulda Garborg var: Populær<br />

dramatikar og ein produktiv omsetjar med stor eigen forfattarskap og omfattande<br />

journalistisk produksjon. Ho var ungdomsidol og kosthalds- og livsstilsreformator. Dessutan<br />

husflidsgründer, grunnleggjar av Det Norske Teatret og ein av dei mest vidreiste og<br />

samtidsorienterte kulturarbeidarane landet har sett. Ikkje minst var ho ein utrøytteleg<br />

opposisjonell som kunne skjelva for småting i unge år, men som i vaksen alder tolte den<br />

beinharde norskdomskampen best av alle. Kanskje hadde ho for lite sjølvkritikk, og kanskje<br />

var ho litt for glad i sterke menn?<br />

Nært og usminka om Huldas krevjande samliv med Arne Garborg, ein av Noregs mest<br />

framståande forfattarar.<br />

Arnhild Skre (f. 1952) har solid og mangslungen røynsle som kulturjournalist i fleire år i NRK,<br />

Dag og Tid og Aftenposten. Ho er historikar av utdanning, har skrive fleire bøker, sist den<br />

kritikarroste biografien om Ragnhild Jølsen. Samtidig som ho har nylese alt Hulda har skrive,<br />

har ho reist i fotefara til Hulda, så vel i Noreg som i Tyskland, USA, Frankrike, Italia og på<br />

Færøyane.<br />

BIOGRAFI | Pris ca. kr 399,- | ISBN: 9788252173918 | Utg. september


KULTURHISTORIE:<br />

OLAV H. HAUGE: DAGBOK I UTVAL 1924-1994<br />

Verdslitteratur og fruktdyrking i Hardanger<br />

Frå han var 15 år og fram til veka før han døydde, førte Olav H.<br />

Hauge<br />

(1908-94) dagbok. Med nær 4000 boksider av høgste litterære<br />

kvalitet<br />

er denne dagboka eineståande i sin sjanger, og ho har vore eit<br />

kult- og<br />

referanseverk sidan utgivinga i 2000. Det er refleksjonar om<br />

litteratur frå heile verda, iblanda tankar og hendingar frå<br />

kvardagen og fruktdyrkinga i Ulvik. Her er eit vell av fyndord,<br />

ordtak og originale aforismar. Hauge tek også med dei mørkaste stundene – som åra då han<br />

var innlagd på sinnsjukehus, samtidig som ein får innsyn i kva som er bakgrunnen for mange<br />

av dikta hans.<br />

Redigert av Sverre Tusvik.<br />

Olav H. Hauge (1908 -1994). Gartnaren frå Ulvik kalla seg gjerne sjølv «ein vanleg<br />

arbeidsmann». I tillegg til eigne dikt gav han ut fleire samlingar med gjendiktingar av engelsk,<br />

fransk og tysk lyrikk. Olav H. Hauge var både klassisist og modernist; han kjende og brukte<br />

mange strofeformer og poetiske verkemiddel. Dikta hans har ein eineståande appell på tvers<br />

av generasjonane og han er omsett til 25 språk.<br />

DAGBOK | Pris ca. kr 299,- | ISBN: 9788252178692 | Utg. september


ERLING LÆGREID: NÆRGÅANDE SKISSER<br />

Varmt utleverande om spennande personar<br />

Den mildt sarkastiske og slagferdige NRK-medarbeidaren leverer<br />

usminka og nærgåande miniportrett av 40 personar i norsk<br />

kultur- og samfunnsliv. Med varme og sympati syner desse<br />

minneglimta delvis ukjende episodar og sider ved personar som<br />

har vore med og prega den nære fortida vår, som Jens<br />

Bjørneboe, Karl Evang, Agnar Mykle, Tarjei Vesaas, Olav H.<br />

Hauge, Halldis Moren Vesaas, Jakob Sande, Geirr Tveitt, Hartvig<br />

Kiran, Einar Gerhardsen, Torolv Elster, Kåre Fostervoll, Harald<br />

Sæverud, Marie Takvam, Inger Hagerup, Aslaug Vaa, Ola Raknes, Mosse Jørgensen, Per<br />

Aabel, Arnljot Eggen, Erik Bye, Guttorm Hansen, Arthur Klæboe og Einar Førde.<br />

Alle er døde, men i sin uvørdne, egosentriske, direkte og særeigne stil evnar Lægreid å vise<br />

kor levande dei var.<br />

ERLING LÆGREID (f. 1939) er forfattar og journalist og jobba i NRK frå 1970 til 2009. Han<br />

arbeidde i Barne- og Ungdomsavdelinga og var programleiar i «Ungdommens Radioavis»,<br />

Flimra<br />

og Søndagsavisa. Han var også med på å etablere radiomagasinene Ekko og Dagsnytt 18 og<br />

har vore<br />

ansvarleg for ei rekkje kulturprogram i P1 og P2.<br />

PORTRETT | Pris ca. kr 299,- | ISBN: 9788252179835| I sal


HOBBY, MAT OG DRIKKE:<br />

KARIN HOLMBERG: STILIGE STING<br />

Broderi er ein av dei eldste tradisjonane i Norden,<br />

samstundes har det å brodere aldri vore så trendy og<br />

moderne som det er no. Stilige sting inneheld kring 40<br />

moderne mønster inspirerte av svenske landskapsbroderi, alt<br />

frå broderte hettejakker til dukar. Karin Holmberg lyftar fram<br />

mange av dei tradisjonelle svenske broderisaumane og bruker<br />

dei i nye og uventa kombinasjonar. Her finn du broderitips til<br />

både klede og innreiing. Det einaste du treng, er nål og tråd!<br />

Karin Holmberg (f. 1981) er utdanna på Handarbets Vänners Skola i Stockholm. Ho fekk stor<br />

merksemd med eksamensutstillinga der ho hadde bordert landskapsbroderi på ferdige klede<br />

frå H&M.<br />

HOBBY | Pris ca. kr 379,- | ISBN: 9788252178883 | I sal<br />

GUNDA DJUPVIK: SMALHANS<br />

God mat på lågbudsjett<br />

Det er viktig å ete god mat i tronge tider ‒ då treng ein det<br />

mest! Her finn du oppskrifter på sunn og rask mat som ikkje<br />

kostar så mykje, både tradisjonsrike norske retter og eksotisk<br />

mat som er lett å lage sjølv. Du finn sunne og næringsrike<br />

supper, smakfulle middagar for kvardag og fest, gode<br />

småretter, søte og herlege dessertar, og sjølvsagt kaker til<br />

store og små. Fingermat og smakfulle dippar høyrer òg med.<br />

Boka inspirerer til å gå i gang på kjøkkenet med lyst og glede. Her får du også gode råd om<br />

korleis handle inn smart og økonomisk, korleis oppbevare maten lengst mogleg og kva du til<br />

kvar tid bør ha i skap og skuffer.<br />

God appetitt!<br />

Gunda Djupvik (f. 1966) er ivrig heimekokk, har fast matspalte i Sunnmørsposten og skriv om<br />

mat, parfyme og kjærleik i den populære bloggen altgodt.no. Gunda er frå Leikong på<br />

Sunnmøre, er utdanna jurist og bur og arbeider no i Oslo.<br />

KOKEBOK | Pris ca. kr 299,- | ISBN: 9788252179668 | Utg. august


MARTIN JOHANSSON: SURDEIGSBRØD<br />

Oppskrifter og tips frå ein heimebakar<br />

Eg elskar brød. I fleire år har eg bakt alt brødet vårt sjølv. Oftast<br />

med surdeig. Eg bakar klassiske rugbrød, men også lyse brød.<br />

Mange trur at surdeigsbrød alltid er mørke, harde og beiske. Slik<br />

er det ikkje. Nokre av dei beste brøda mine er høge, luftige brød<br />

som eg bakar på surdeig av kveitemjøl.<br />

Martin Johansson har skapt bakefeber med denne boka i Sverige, og har også gitt ut boka<br />

Enklare brød, om kna- og eltefrie brød.<br />

Å bake med surdeig er så enkelt som berre det – og samstundes eit mysterium. Surdeigsbrød<br />

er ei funksjonell og praktisk kokebok for deg som vil bake ditt eige surdeigsbrød. Ho tek for<br />

seg ulike omgrep kring surdeig, oppskrifter på fleire typar deigar, ho viser korleis ein startar<br />

og matar ein surdeig, og gir råd om korleis ein bakar for å få best resultat.<br />

Her får du gjennomprøvde oppskrifter, underhaldande tekstar og tips, og til slutt ei ordliste<br />

over viktige baketermar.<br />

KOKEBOK | Pris ca. kr 299 | ISBN: 9788252179675 | I sal<br />

RUTH HEGE HOLST: I HULDAS KJØKKEN<br />

Den allsidige kokken Ruth Hege Holst har late seg inspirere av<br />

Hulda<br />

Garborg. Forfattaren og kulturformidlaren Hulda Garborg (1862-<br />

1934)<br />

gav i 1898 ut kokeboka Heimestell. Holst har tatt utgangspunkt i<br />

dei beste rettane frå Heimestell og modernisert og tilrettelagt dei<br />

for dagens kjøkken. Dessutan har ho sjølv skapt nye rettar og<br />

smakskombinasjonar. Holst gjer som Hulda, ho kombinerer det beste<br />

frå det tradisjonelle og det moderne kjøkenet. Her finn du oppskrifter på<br />

flatbrød med spennande dippar, steikt makrell med sennep, gratinerte pannekaker,<br />

salatdressingar, suppekraft, baccalao og mykje, mykje meir.<br />

Boka er gjennomillustrert av fotograf Tove Kristin Breistein.<br />

Ruth Hege Holst er ein allsidig kokk med lang og brei erfaring, mellom anna som dagleg leiar<br />

ved Gastronomisk Institutt. No er ho leiar av Norges Kokkemesteres Landsforening (NKL).<br />

KOKEBOK | Pris kr 399,- | ISBN: 9788252179354 | Utg. august


DET LYSER I STILLE GRENDER<br />

Dei kjære julesongane<br />

Dette er boka for dei som ikkje kjenner seg heilt støe på alle versa i<br />

julesongane. Med denne boka i handa kan du syngja meir enn første<br />

verset når du går rundt juletreet eller er samla med familien til<br />

juleselskap. Boka inneheld 30 julesongar og salmar, fleire av dei trykte<br />

i begge målformer.<br />

SONGBOK | Pris ca kr 149,- | ISBN: 9788252179682 | Utg. oktober

Hooray! Your file is uploaded and ready to be published.

Saved successfully!

Ooh no, something went wrong!