Ny skildring av planen - Ål kommune

Plankrav
1. All ny utbygging krev reguleringsplan. Dette pga at ein reguleringsplan skal avklare
detaljar i området og kva område som er eigna til utbygging og kva område som må
takast vare på.
2. All fortetting i eksisterande område vil utløyse krav om reguleringsplan.
3. Ved fortetting i eksisterande område er det krav om ei områdeanalyse.
4. Det er krav om ein områdereguleringsplan for området rundt Syningen. Denne planen
skal syne utbyggingsmengde, krav til rekkjefølgje, krav til utbetring av tilkomstvegar
og fylkesvegar. I tillegg må det vurderast felles anlegg for m.a. vatn, avlaup og straum.
Ei tilhøyrande utbyggingsavtale vil syne fordeling av kostnader.
Føresegnene
1. Føresegnene er dei som er naudsynte for denne planen. Føresegn som vert dekkja av
lovverk eller andre planar er teke inn som retningsliner.
2. Det er utarbeidd byggjeføresegn for eksisterande byggjeområde og for eksisterande
spreidd utbygging i LNF-område. Desse føresegna gjeld om der ikkje er eigne
føresegner i regulerings eller bebyggelsesplan.
a. Det er eigne føresegner for fritidshus som ligg i snaufjell og andre
utsette/sårbare område
3. Det er ikkje opning for utbygging av nye vegar til fritidshus i LNF 1 og 2 område.
Samarbeid / krav til felles reguleringsplan
1. Dei framtidige utbyggingsområda for fritidshus som er prioriterte er områda med
etablert grunneigarsamarbeid, jf. Kommuneplan, langsiktig del pkt 3.7, nr 1. Dei er
omfatta av henssynssoner med krav til felles regulering.
Bakgrunnsmateriale
1. Alt bakgrunnsmateriale for planarbeidet skal presenterast og lagrast på ein slik måte at
det kan nyttast ved neste rullering og ved detaljplanlegging av områda.
I tillegg til endringane ligg det for kvart hytteområde ei områdeanalyse som bakgrunn. I
tillegg er det gjort ei KU (konsekvensutgreiing) av kvart innspel/framtidig byggjeområde.
Desse er å finne på Ål kommune sine heimesider under:
http://www.aal.kommune.no/Templates/EPi247Publisering/Pages/Page.aspx?id=8123
- 6 -