Norsk Svømming nr 2 - Norges Svømmeforbund

– Hadde vore drøymesituasjon
å få pappa som sjef på landslaget
Marte Løvberg er dotter til
landslagssjef Petter Løvberg
og landets beste
1999-modell, men noko
press om å bli god å
svømme merkar ho ikkje.
SANDER ENGLUND SMØRDAL [TEKST]
ØYVIND THORSEN [FOTO]
Det å ha foreldre som trenarar er ikkje
uvanlig i norsk svømming, i alle fall ikkje
i meir grisgrendte strøk, men at faren din
er landslagssjef er noko litt annleis. For
Marte Løvberg er det ikkje noko ho tenker
på i kvardagen, men ho vedgår at ho
drøymer om å slå seg inn på seniorlandslaget.
– Eg syns berre det er stas at pappa er
landslagssjef, og det ville vore ein drøymesituasjon
for meg å få han som trenar
på landslaget, seier Marte til Norsk
Svømming under ÅM i Fauske.
Persa på alle øvingar
Der var 13-åringen suveren i kampen om
sammenlagtseieren for jenter fødd i
1999. Marte vant alle øvingane så nær
som ein. 200m rygg tapte ho for klubbvenninne
Emma Sofie Augustsson.
Ho sette likevel personlig rekord på alle
øvingar, og avslutta like godt ÅM med ein
årsklasserekord på 200 meter medley -
to hundredelar betre enn Lise Sand Syversens
rekord frå 2009.
Marte Løvberg har allereie markert seg
både i junior-NM og senior-NM-samanheng
og har sett norske rekordar med
Lambertseters stafettjenter. Ho er i tillegg
allereie kvalifisert for europeisk ungdoms-OL
(EYOF) i sommar.
Ingen ville heva mange augebryn om ho
ikkje tok eit Årsklassemesterskap så høgtidelig,
men det var ingen grunn til å tvile
på seriøsiteten til Marte.
– For fleire av våre beste svømmerar er
ikkje ÅM hovudmål og det merkar vi litt
på resultata, men ikkje med Marte. Ho
Marte Løvberg Landslagssjefens dotter var suveren i kampen om sammenlagtseieren
for jenter fødd i 1999.
elskar dette og gjer verkelig sitt ytterste
for å prestere bra, seier trenar i Lambertseter
SK, Beda Leirvaag.
– ÅM er kjempeartig. Det er mange øvingar
eg likar å svømme her, og då blir
stemnet kjekt. I tillegg får eg møte heile
99-kullet igjen, noko eg set stor pris på,
seier Marte.
Svømmefamilien Løvberg
Til dagleg trenar Marte sju svømmeøkter
i veka. Om lag halvparten er med Leirvaags
ungdomsgruppe, medan den andre
halvparten er i hospitering i treningsgruppene
til Thomas Hjers og Joacim Lilleåsen,
som hovudsaklig er for eldre og
meir etablerte utøvarar.
I tillegg trenar Løvberg handball to gongar
i veka. Bror Fredrik Løvberg har valt å
prioritere handball over svømming, og
startar på handball-gymnas til hausten.
Den vegen kjem ikkje Marte til å gå, forsikrar
ho. Marte drøymer om OL, og drar
god nytte av familien sin i den samanhengen.
Mor Merete er masters-svømmar i verdsklasse,
og held framleis nivået til ein stafett
eller to på NM. Søster Line studerer i
USA, men kjem heim til norske meisterskap
og held mykje kontakt heimover.
– Det er noko av det eg syns er mest
moro med svømminga. Å kunne svømme
på lag med dei for eksempel. I tillegg har
vi jo et voldsomt konkurranseinstinkt, så
vi vil jo gjerne slå kvarandre, smiler
yngste blad Løvberg.
Vore med på
fleire landslagsleirar
Eit anna gode med å ha pappa som
landslagssjef er at han får ta med seg familien
på ein av landslaget sine treningsleirar
i året. Det betyr at Marte har vore
med på landslagsleirar sidan ho var veldig
ung, men det er først no ho kan dra
noko nytte av det, trur ho.
Nylig var familien med på landslaget sin
treningsleir i Florida.
– No får eg eit godt utbytte av å vere
med landslaget på leir. Landslagssvømmerane
svømmer sjølvsagt fortare enn
meg, men no klarar eg bedre å halde
følge. Det pushar meg å vere med der!
26 [NORSK SVØMMING 2/2013]