Komposten nr. 1 2008 - Stavanger kommune

18
Vennskapsbysamarbeidet med Houston og Galveston
Etablert på 1980-talet som ”Houston/Galveston-Stavanger Sister City Society”. Bakgrunn: Auka kontakt og forretningsmessig samarbeid mellom oljehovudstadene Houston og
Stavanger. Formål: Ungdomsutveksling med sikte på etablering av vennskapsrelasjonar og auka innsikt i amerikansk/norsk kultur og samfunn. Om lag 100 ungdommar frå idretten
og kulturlivet i Stavanger reiser kvart fjerde år til Houston og Galveston, der dei bur hos vertsfamiliar, trenar/øver, opptrer og deltar i fellesaktivitetar for norske og amerikanske
ungdommar. To år etterpå kjem om lag hundre ungdommar frå Houston og Galveston på visitt til Stavanger – neste gong i 2010. Samarbeidet har så langt omfatta om lag 1400
norske og amerikanske ungdommar. Vennskapsbysamarbeidet er for Stavanger sin del i hovudsak finansiert med kommunale midlar og betydelege sponsorbidrag.
Stavanger Days in Texas 2008
Howdy! Stavangerungdommar i Junaiten
Frå kyrkjekonsertar til rodeo-show, frå trafikkaos til cowboyhattar og real big burgers – vellykka og
minnerik ungdomsutveksling med Houston og Galveston i mars.
Tekst:
Trond Lie
Frå 7.-15. mars var ein delegasjon med om lag 100 ungdommar og
25 leiarar, føresette og representantar for Stavanger kommune, med
ordførar Leif Johan Sevland og leiar for vennskapsbysamarbeidet med
Houston og Galveston, Per Olav Hanssen i spissen, i Texas for å delta
under Stavanger Days in Texas 2008. Ungdommane var denne gongen
valt ut frå fire speidargrupper, Domkirkens Ungdomskantori, symjarar
frå Team Stavanger og SSC (Stavanger Svømme Club), Stavanger Dance
Center sitt show team og fotballspelarar frå åtte jentelag i Stavanger.
I tillegg var det med to kokkar frå Gastronomisk Institutt og to frå
Radisson SAS Atlantic Hotel. Desse arbeidde saman med kollegaer
på hotell i Houston og Galveston, og diska opp med fantastisk god
mat, blant annet basert på norske råvarer, både under opninga og på
ordførar Sevland sin ”farewell dinner”.
Ungdommane trena og spelte kampar, deltok i konkurransar, øvde og
heldt konsertar og danseshow samt deltok i speidaraktivitetar saman
med amerikanske ungdommar. I tillegg var det lagt opp fellesaktivitetar
som besøk til Houston Livestock and Rodeo, besøk til NASA og utflukt
til speidarcamp med aktivitetar. Det mest minnerike for den enkelte var
nok likevel opphaldet hos vertsfamilien – å få eit innblikk i amerikanske
skikkar, levesett og tenkjemåtar.
Kommunens representantar, representanten for hovudsponsoren
ConocoPhillips med flere var til stades på flest mogleg av arrangementa
der ungdommane deltok. I tillegg blei det halde ei rekkje møte med
representantar for lokale styresmakter og Det norske generalkonsulatet
i Houston samt med andre samarbeidspartnarar. Eit høgdepunkt i så
måte var ordførar Sevland sin middag mot slutten av opphaldet, der om
lag 350 gjester deltok, inkludert alle ungdommane med vertsfamiliar.
"– å få eit innblikk
i amerikanske skikkar,
levesett og tenkjemåtar"
Stavanger kommune si styringsgruppe er i gang med evalueringa av
årets tur og program – og har starta førebuingsarbeidet til dei komande
Texas-dagar i Stavanger 2010.
Team Stavanger